مش تباركوا لبدرية

[processor]

الف مبروك يا بدرية لأختك وعقبالك ان شاء الله

متشكرين لنائبة قسم المناسبات الباشمهندسة هبه على الخبر السعيد ده وعقبالك ان شاء الله

نفرح بيكوا كلكوا امين

[النجم الثاقب]

ألف ألف مليار مبرووووووووووووووووك لأختك يا بدرية ... و ربنا يسعدها و يهنيها هى و عريسها

و عقبالك إنتى و هبة و كل الآنسات و الشباب كمان .. و أنا أولهم :unsure:

ربنا يديم الأفراح

[shahd]

مبروووووووووووووك يابدورة لأختك الأمورة

[capitshino]

100000000000000 مبرووووووووووووووووووووووووووووووووووووووووووووووووووووووووووووووووووووووووووووو

ووك

[النيل حبيبي]

الف الف مبروك ياكابتن بدوررة وعقبالك ان شاء الله وكمان نفرح بالكابتن/هبه وكل الاخوات

[Alshiekh]

معلش التهنئة متأخرة شوية

لكن لينا حق نزعل لان بدرية طنشتنا وكان المفروض زى مابتعمل دعاية وزفة للاعضاء كان عملت حاجة علشان اختها برضه هنا فى المحاورات وكانت بلغتنا يعنى ، مش نعرف من معرفة هبة بالصدفة من موضوع الكورولا.

لكن برضه الف مبروك لأختك يابدرية ، وعقبالك وعقبال هبة بتاعة المحاورات وعقبال هبة بنتى وعقبال كل آنسات المحاورات ، تفرحوا وتتهنوا ونبارك لكوا عن قريب.

[Handasah]

الف مبروك لاختنا العزيزة وعقبال اختنا بدرية انشاء الله :blink:

[محمد عبدالعزيز]

ألف مبروك لأختك يا بدرية وعقبالك إن شاء الله :blink:

[galaxy]

الف الف مبروك يا بدور ...........وعقبالك ان شاء الله ............ :blink: :rolleyes:

بارك الله لهما وبارك عليهما وجمع بينهما في الخير ان شاء الله :rolleyes:

[ابتسامة رضا]

السلام علينا وعلي عباد الله الصالحين

بقالي مدة مقابلتكمش وأول حاجة قرأتها خبر جميل

يارب دايما كدة علي طول

الف الف مليون مبروك لأخت أختنا بدرية

وده كورال الزغاريت جي يهني وعقبال كل البنات

[ابو محمود]

ياباش مهندسة طب كنتى قولى ألو على العموم بدرية دى غالية علينا ولازم نبارك لها على زفاف أختها

ويارب بالرفاء والبنين وعقبالكم كدة وعقبال كل بنات المسلمين وكل بنات مصر يارب آمين

[مصري جدا]

:lol: انت فين يابدريه :rolleyes: :fool:

[نانا]

السلام عليكم ورحمة الله وبركاته

ألف ألف مبروك لأخت الأخت الجميلة بدرية معلش جات متأخرة

بس بجد أي حاجة تخص الأخت الجميلة بدرية بتديني جرعة سعادة بجد سبحان الله أنا كان بقالي فترة ما دخلتش المحاورات كان ثانوية عامة والكلام ده والخنقة والزهق وكل حاجة وحشة الحمد لله والواحد ذاقها الأيام اللي فاتت والحمد لله على كل شيء

معلش قلبت القاعدة بالنكد دة ما اعرفش الواحد بقى نكدي ليه كدة

دي أول مشاركة ليا بعد الإمتحانات وبجد مبسوطة أوي ونفسي بجد اتكلم مع الأخت بدرية وحشني كلامها وخفة دمها يا رب تكون بخير وبسعادة وعقبال يا رب قريب جدا لما نفرح بيها وبحبيبتنا وحبيبتها الجميلة هبة

وعقبال كل الآنسات والشباب على خير إن شاء الله

وارسل سلامي لكل الأعضاء هنا

والسلام عليكم ورحمة الله وبركاته

[قائد المدفعيه الهولنديه]

الغاليه بدريه الف مبروك لاختك .... و ان شاء الله المباركه اللى جايه ليكى انتى ...... فرحينا بقى

[Nonna]

الف مبروك يا بدارة لأختك و عقبال يارب كل بنات المسلمين

معلش بقى انا كنت متغيبة فترة عن المنتدي

ربنا يوفقها للي فيه الخير و يكرمها و يصلحها لزوجها و يصلحه لها

ان شاء الله

[~Heba~]

ايه الجمال دا كله

يا صباح الجمال على اللى كانوا غايبين و رجعوا نورونا

ابتسامة رضا

نانا

نونا

لو كنت اعرف الموضوع ده هيرجعكم كنت عملته من زمان

بجد ليكم وحشة و خاصة نونا و حشتنى منك كلمة "هباية" اصلها بتفكرنى بزميلة لى ايام الكلية

[نانا]

السلام عليكم ورحمة الله وبركاته

إلى الجميلة هبة

معلش هسأل سؤال وأنا مكسوفة منه أوي

فين الأخت بدرية ليه مش بنشوفها الأيام دي ؟

مش متعودة أدخل من غير ما ألاقي موضوع منورة فيه

معلش أصلي مش متابعة الأخبار أول بأول والله كنت غايبة ومشغولة الفترة اللي فاتت دي كلها بإمتحاناتي

وياريت تطمنيني إمتي المحاورات هترجع تنور ببدرية تاني

ولك جزيل الشكر

[هشام الكندي ان شاء الله]

يا الف نهار ابيض يا الف مبروك

اخت بدريه اتجوزت, عقبال بدريه و البشمهندسه هبه و كل اخواتنا اللي في مصر و الوطن العربي و الوطن الكندي الشقيق

لو كنت اعرف الفرح فين كنت رحت مشي و ضربت واحد و عشرين طلقه احتفالا بالمناسبه السعيده دي, بس بدريه عملت معانا الدنيئه و مقالتش علي معاد و لا مكان الفرح

اخس عليكي يا بدوره

فين الجاتوه و الحاجه الساقعه؟

[somayasaleh]

الف الف الف مليون مبرووووووووووووك لبدارة ةاختها العروسة

معلهش يا جماعة انا متاخرة شويه في التهنئة بس بسبب ظروف خاصة بي

شكرا لهبه اللذيذة وعقبالك يا هوبة ان شاء الله ونبارك لك شخصيا ان شاء الله :roseop:

[النجم الثاقب]

بدرية بتسلم عليكم كلكم