مش تباركوا لبدرية

[~Heba~]

السلام عليكم

اعضاء المحاورات

خدت بالى انه محدش بارك لبدرية بمناسبة عزيزة على قلبها

كانت محتاجاكم فى لحظة من اجمل لحظات حياتها....زواج شقيقتها

بدرية انسانة عظيمة و طيبة القلب تستحق كل التكريم و الحب:mellow: حد عنده رأى تانى :blink:

و انا شايفة انه محدش هناها هنا يمكن محدش عنده خبر

اخت بدرية و اصغر اخواتها اتجوزت من يومين و بدرية للاسف مكنتش موجودة فى المناسبة دى لظروف شغلها فى البحرين :happy:

يالا يا جماعه ورونا التهانى اللى تليق ببدرية مديرة مكتب المحاورات للتهانى و المناسبات السعيدة و التعازى و عيادة المرضى كمان

تم تعديل 7 يوليو 2008 بواسطة ~Heba~

[aimen]

الف الف مليون مبروك وعقبالك يا بدرية ان شاء الله

وانتى يا كمان يا هبة

[Folana]

السلام عليكم ورحمة الله...

حد عنده رأى تانى :happy:

ده تساؤل ..ولا تهديد؟؟... :mellow:

ماشى..

مبروك لاخت بدرية وعقبال كل البنات

[هشام عباس]

الف مبروك لأختك يا بداره وعقبالك انتي وهبه وكل بنات المحاورات

[مصري جدا]

الف مبروك للأخت بدريه وعقبالها هي وهبه وكل البنات اللي قلبهم ابيض وجميل

انا عارف ان بدريه مش موجوده ...لكن أتمني أن نراها ونستمتع بمواضعيها قريبا ...مش عاوز الإحباط يرجع لي تاني.... wst:: ;)

شكرا لك ياهبه علي الموضوع ده wst:: wst:: ...وأن شاء الله يتلم الشمل قريباونعمل حفله لعودة بدريه :mellow: :blink: wst:: :happy:

[moheltohamy]

وانا اللي كنت لسه في سيرتها من كام ساعة يا هبه!!!

وعلى الله ما تختفيش تماماً كده في الأجازة زي د. الشامي ، ولا بدرية اللي ضربت غطس في الخليج ما طلعتش بعده تاني! :sad:

وألفين مبروك يا بدرية ، وعقبالك انتي بأه ، وباقي الزميلات....

وعموماً بنات المنتدي ما يطلعوش بره المنتدى -_- والعرسان هنا على أفا مين يشيل... بس لو تلاقي فيهم حد كويس!!!!!

تم تعديل 7 يوليو 2008 بواسطة moheltohamy

[سهران]

ألف مبروك للعزيزة بدرية جواز أختها .......... و ان شاء الله قريب نبارك لبدرية نفسها و للأخت الغالية هبة و كل الآنسات بالمنتدى ............... ألف مبروك :sad:

[امانى]

الف الف مبروك يا بدرية جواز اختك وعقبال ما نبارك جوازك ان شاء الله وتكونى فى اسعد حال اللهم امين وعقبالك

ياهبه وعقبال كل انسات المحاورات لما نفرح بيهم عن قريب باذن الله

بدرية اوعى تزعلى انك محضرتيش الفرح نفسك معاهم اكيد . انا مفتقداكى اوى ياترى انت فين مش لقياكى ليه ؟

تمنياتى لكى وللجميع كل الافراح والامنيات الطيبة . :sad: -_- :cry1:

[JAY]

مبروك وألف الف مبروك زواج أختك يا بدرية يا أختنا الغالية وربنا يهنيها هي وزوجها آمين

[nash]

ولولولولولولوولولولولولولولويييييييييييي

طالما اخت بدريه تبأة أكيد أختنا ...وطالما هانبارك لاخت بدريه يبأة برضه اكيد هانباركلها....

ألف ألف ألف مليووووووووون مبرووووووك....ويارب نفرح فيكي أنتي كمان ....

ماشااااااااء الله الأخبار السارة تتوالي...والخبر ده من الأخبار الرائعه....

ربنا يوفقهم في كل حياتهم ويرزقهم السعاده والسرور وكل مايتمنونه من الخير

ألف مبروك يا بدرورة :sad:

[madzoro]

اللهم بارك لهما و بارك عليهما و اجمع بينهما على خير

و عقبالك يا اخت بدرية و عقبال كل انسات المنتدى الكريم

الف الف مبروك :sad:

[المصــرى]

خدت بالى انه محدش بارك لبدرية بمناسبة عزيزة على قلبها

كانت محتاجاكم فى لحظة من اجمل لحظات حياتها....زواج شقيقتها

و هى اللى قالت ......

معذرة يا فندم، ألف مبروك يا بدرية باشا. يا ريت حد يفكرنا بتاريخ ميلادها وميلاد إخواتها وتاريخ جوازها وجوازهم وتاريخ ميلاد أولاد إختها وأخوها وإبن عمها وعمتها.

هيه مسألة وقت وسآخد إيقاف كالعادة إنشاء الله.

تم تعديل 7 يوليو 2008 بواسطة المصــرى

[مغتربة]

الف مبروك ليها و لاختها و ان شاء الله نبارك لكل الزملاء و الزميلات فى المحاورات الى لسه ما دخلوش القفص الذهبى :sad: -_- :cry1:

[moheltohamy]

خدت بالى انه محدش بارك لبدرية بمناسبة عزيزة على قلبها

كانت محتاجاكم فى لحظة من اجمل لحظات حياتها....زواج شقيقتها

و هى اللى قالت ......

معذرة يا فندم، ألف مبروك يا بدرية باشا. يا ريت حد يفكرنا بتاريخ ميلادها وميلاد إخواتها وتاريخ جوازها وجوازهم وتاريخ ميلاد أولاد إختها وأخوها وإبن عمها وعمتها.

هيه مسألة وقت وسآخد إيقاف كالعادة إنشاء الله.

يا عم المصري...

بدرية دي من أعمدة المنتدى الجامدين جداً ، يعني لو ما خدتش بالك وانتا بتتكلم ، وسرحت ، ممكن تخبط ف العامود ده ، وتتعور! -_-

سانياً ، إنتا لسه يا دوب مسجل معانا من كام ساعة ، ويمكن ما عرفتش بدرية ، عشان هيه مختفية تماماً اليومين دول ، لكن أصبر لما الأزمة تتفك شوية ، هتسأل نفسك - زي ما حصل معايا - هوه المستشفى بتاعها ده ما بيجيلوش عيانين ولا إيه؟

بيفكرني بناس أعرفهم برضه! :sad: صباح الفل يا لولا :cry1:

[المصــرى]

بدرية دي من أعمدة المنتدى الجامدين جداً

عارف والله يا سعادة البيك ، لذا طلبت ما طلبته. بقولك، ممكن تتهمنى بأى شيئ براحتك، معاك المحكمة يا فندم.

تم تعديل 7 يوليو 2008 بواسطة المصــرى

[kazabaza]

الففففف مبروك

اللهم بارك لهما و بارك عليهما و اجمع بينهما على خير

:sad: -_- :cry1:

[iloveegypt]

بارك الله لهما وبارك عليهما وجمع بينهما فى خير :sad:

وعقبال الاخت بدرية والاخت هبة وكل الشباب والشابات اللى لسه متسجونوش :cry1: اقصد متجوزوش -_-

[م.سامح المصرى]

يا نهار ابيضات

مبروووووووووووووووووووووووووووووووووووووووك يا بدرية

مليون مبروك

طب مش كنتى تعزمي النجع

ما كانوش هايكلفوكى حاجة خلاويص

كان هايجيبو معاهم بطاطنينهم ولحافيفينهم وغيطهم وبالمرة ولا كانوا هايكلفوكم حاجة

وكانو هايجيبولك سنجراوى انما اية

لا بس مبروك وربنا يكرمهم ان شاء الله

هدية النجع ومنى مخصوص

بس انكشية فى كتفة هايقوم طوالى يغنى

ويكسر الدنيا

بس الف مبروك يا بدرية :unsure: :wub:

[~Heba~]

خدت بالى انه محدش بارك لبدرية بمناسبة عزيزة على قلبها

كانت محتاجاكم فى لحظة من اجمل لحظات حياتها....زواج شقيقتها

و هى اللى قالت ......

معذرة يا فندم، ألف مبروك يا بدرية باشا. يا ريت حد يفكرنا بتاريخ ميلادها وميلاد إخواتها وتاريخ جوازها وجوازهم وتاريخ ميلاد أولاد إختها وأخوها وإبن عمها وعمتها.

هيه مسألة وقت وسآخد إيقاف كالعادة إنشاء الله.

يا عم المصري...

بدرية دي من أعمدة المنتدى الجامدين جداً ، يعني لو ما خدتش بالك وانتا بتتكلم ، وسرحت ، ممكن تخبط ف العامود ده ، وتتعور! :wub:

سانياً ، إنتا لسه يا دوب مسجل معانا من كام ساعة ، ويمكن ما عرفتش بدرية ، عشان هيه مختفية تماماً اليومين دول ، لكن أصبر لما الأزمة تتفك شوية ، هتسأل نفسك - زي ما حصل معايا - هوه المستشفى بتاعها ده ما بيجيلوش عيانين ولا إيه؟

بيفكرني بناس أعرفهم برضه! :unsure: صباح الفل يا لولا :D

الاخ المصرى

اهلا بيك معانا اولا

و ثانيا هو انت يا اخى مستكتر فيا انا و بدرية حتى كلمة عقبالكم

و بعدين تهنئة بمناسبة بسيطة بالنسبة لك زى دى لها معنى كبير فى نفس بدرية و هى واحدة فى غربة و مكنتش موجوده مع اهلها فى مناسبةجميلة زى دى لظروف غربتها

حضرتك لو مغترب هتحس بصعوبة حاجة زى كده

دا انا ليا كام شهر بس مشفتش اهلى و متهيألى ساعات انى عايزة اصحى من النوم و اجرى على ماما و احضنها دا و انا بعيده مسافة كام ساعة بالقطر داخل مصر مش خارجها فمابالك باللى بين و بين اهله و احبابه بحور و جبال

يمكن الحاجة اللى بيشترك فيها غالبية اعضاء المحاورات هى انهم بيعتبروا المحاورات همزة وصل بينهم و بين وطنهم الام فلما تيجى تهنئة زى كده فى اعضاء المحاورات اللى بدرية بتعتبرهم اهلها و احبابها صدقنى لها معنى كبير و كل اللى متغرب زى بدرية تهنئة بسيطة ولو بعيد الميلاد لها معنى كبير فى نفسه

عقبالك كده يا مصرى يا اخويا لما نهنيك بالجواز لو كنت اعزب و بأولمصرى ضغنون تجيب و بعيد ميلادك كمان و بترقيتك فى الشغل لو حصلت

يالا بقى سمعنا تهنئة من قلبك يا ابو قلب قاسى انت

تم تعديل 7 يوليو 2008 بواسطة ~Heba~

[المنصوراوى]

احنا نقدر يا باشمهندسة ما نباركش لبدرية هانم

دى الاخت بدرية صاحبة واجب و لو كنتى قلتى اللى عليه نقطة يرجعها

كانت النقط مش حنلاقى ليها حروف :unsure:

الف مبروك يا بدرية لاخنك و يا رب يسعدها فى حياتها

و نشاء الله بكرة نباركلك