جميع أنواع الرسائل( بنك SMS) .. زورونا تجدوا ما يسركم

[النجم الثاقب]

السلام عليكم و رحمة الله و بركاته

أعزائى و أحبائى و أخوانى و أخواتى المحاوراتية

نظراً لاقتراب موسم الأعياد و المناسبات و الشهادات و الذى منه

كل سنه فى الميعاد ده ( من بعد ظهور التليفون المحمول ) يتبادل الأهل و الأصدقاء و المعارف و ناس كتييييييير رسائل التهنئة

إذا كانت المناسبة رمضان أو أعياد أو نجاح ... ألخ

أنا بحس إن الرسايل دى لذيذة جداً و بتقول كلام الواحد ميحسش بحلاوته لو اتقال فى مكالمة عادية

و كل سنة بحاول على قدر الإمكان إنى أنوع فى الرسايل و بحاول إنى مبعتش رسايل زى بعضها لمجموعه من

الأصدقاء أو الأهل موجودين فى مكان واحد .. يعنى عشان الموضوع يبقى فى شوية إحساس كده و اللى بيستقبل

الرسالة ميحسش إن الموضوع تأدية واجب .. أعرف واحد صاحبى يكتب رسالة واحدة و يبعتها لكل الناس .. بصراحة

مبحبش كده .. و أكيد الموضوع ده بيعتبر نوع من أنواع صلة الرحم .. المهم الواحد بيحتار حيره كل سنة فى نفس الوقت

ده الرسايل بقت متكررة و مفيش جديد .. فطقت فى دماغى فكره .. إنى أنا و حبايبى فى المحاورات نعمل بنك للـ SMS

و كلنا نساهم فيه باللى نقدر عليه .. البعض ممكن يفتكر الموضوع ده هايف .. بس صدقونى بيبقى شعور جميل لما تلاقى

رسالة جيالك من صاحب أو قريب و تحس إن لسه فى حد فاكرك .. أنا كده هعيط من فرط التأثر :)

يلا بقى همتكوا معايا ..

[النجم الثاقب]

دعونى أبدأ .. محدش يمسكنى

النجم الثاقب بشهرتة الواسعة

ونزاهتة المعهودة

وأخلاقة العالية

وأهدافه النبيلة

وروحه الرياضية

وتواضعه للتهنئه

وسياستة المحنكه

وعطائه اللامحدود يهنئكم بعيد الأضحى وكل عام وانتم بخير..

غيروا إنتوا بقى إسم المناسبه على راحتكم

[mandoo]

قبل كل مناسبة بتجيلى رسائل على الجوال مالهاش عدد ... والله يرحم أيام زمان ... قبل رمضان أو العيدين ... كان والدى رحمة الله عليه ياخدها كعب داير على الأهل والأصدقاء ... وبعد كده أصبحت التهانى عن طريق التليفون ... وعلى أيامنا إحنا بقى ولإنشغالنا وضيق الوقت أصبحت عن طريق الرسائل .... وطبعا هى رسالة واحدة وترسلها لكل البشر .... المهم بعض من هذه الرسائل بيكون دمها خفيف وتميل للفكاهة .... قلت ياواد ياماندو بما إن رمضان خلص واكيد الناس سهرانة للصبح إفتح موضوع عن الرسائل ...

يعنى كل واحد وصلته رسالة دمها خفيف زى دم شعبنا العظيم يتفضل يحطها هنا ... وهبدأ بنفسى

أول رسالة وصلتنى من صديقى وزميل الطفولة

رمضان كريم .. عيد فطر مبارك .. عمره مقبولة .. عيد أضحى سعيد .. حج مبرور .. عيد حب فظيع .. شم نسيم مش ممكن .. مبروك نجاح العيال .. كده بقى ملكش حاجة عندى لمدة سنه .

الرسالة الثانية وصلتنى اليوم من دكتور صديق

اللهم إننا قد صبرنا ربع قرن ....... فأعف عنا ... وإغفر لنا .... وإرحمنا ... وإجعل اللهم العيد " سعيد " ... أو " حسن " .... أو " حسين " ... أى حاجة .. بس وحياة حبيبك النبى بلاش تجعله .... مبارك

وكل عام وأنتم بخير

[mama nona]

يرجى مراجعة قسم البريد

للتأكد من استلام بوسة العيد

وعيد سعيد عليك

[mama nona]

ممكن تزورونا ؟

محتاجينك ضرورى

عاملين كحك العيد ومعندناش سكر

عيدكم مبارك

[mama nona]

قبل تنشغل جميع الخطوط

والشبكة تصبح أخطبوط

طوط طوط

كل عيد وأنت مبسوط

[mama nona]

قبل زحمة السير

وقبل رسايل الغير

والإرسال لسة بخير

كل عيد وأنت بألف خير

[mama nona]

قرب خدك ممممممموه

خدك الثاني اموااااااااااااااححححح !

عيدك مبارك

[mama nona]

انا كده شكلى هقعد للصبح بقى ابعتلكو الرسايل ال وصلتنى

طيب تصبحو على خير

واحلام سعيدة مع العيد السعيد

[سكر]

كل عام وانتم بخير

نظرا للظروف الاقتصادية وارتفاع الاسعار

هذة التهنئة صالحة لمده عام وتشمل

رمضان-عيد الفطر-عيد الاضحى-سنة جديدة-زواج-مولود-طهور- سيارة-ترقية-الخ--الخ-الخ

[mama nona]

نهنئكم بعيد شم النسيم

مع تحيات جمعية مرضى الزهايمر

[mama nona]

بعتلك العيدية

مع كل نسمة معدية

يا ترا وصلت ولا النسمة دى حرامية ؟

[mandoo]

بعتلك العيدية

مع كل نسمة معدية

يا ترا وصلت ولا النسمة دى حرامية ؟

هى النسمة دى تابعة للحكومة ولا إيه ؟ :rolleyes:

ماما نونا .. كل عام وأنت بخير وأسرتك الكريمة ............... أسعدنى مرورك

[mandoo]

دى بقى رسالة من شاب روش

إفرح

زقطط

حنكش

بلبط

وأنكش شعرك و إتنطط

عيد سعيد

ياجميل يامقطقط

[mandoo]

للأخوة العرب .... مبارك عليكم عيد الفطر

أما للمصريين ... مبارك على نفسكم لآخر العمر

[الدكتورة أم أحمد]

السلام عليكم ورحمة الله وبركاته

وكل عام وأنتم بخير حال

وأسعد الله قلوبكم

وجمعنا في أعلى الجنان

وتقبل منا ومنكم الصلاة والصيام والقيام

وتجاوز عن الزلل

وتقبلوا

:rolleyes: :happy:

[قلب ابيض]

ضحكتوووونى ربنا يسعد ايامكم

الصايمين اه والفاطرين لاء

اللى قاموا الليل اه واللى النايمين لاء

اللى صلوا الفجر اه واللى راحت عليهم لاء

وسلام عالى اوى للعيد الصغير

يعنى الكحك والغريبه

يعنى البتيفور والترمس

يعنى تقب بالعيديه وتفسح العيال

يعنى مساء الفل

وسلم لى على الشاى والنسكافيه

وكفايه صيام

واكلنى يا جدع

دى احدث مسج وصلتنى :rolleyes:

ا

[Damo]

ابليس يهنئكم بحلول العيد

و انتهاء شهر رمضان و يشكركم على ادائكم العالي خلاله...

و بيطمنكم... بكرة نرجع لشقاوة زمان يا عسل :blink:

[Damo]

يا اجمل كحكه

و احلى بوتيفوره

و ارق بسكوته

و اكبر صاج في فرن عمري

عيد سعيد :blink:

[Damo]

باصرار عنيد و قلب حديد و دون خوف من الرصيد كل عام و انتم بخير