الكوكب x - هل الارض معرضة لكارثة

[تصحيح]

هل يكون الكويكب (نيبيرو) الذي يتراوح حجمه بين 4 أضعاف حجم الأرض وبين مرتين ونصف حجم المشتري! .. ويقترب بسرعة فائقة من الأرض قادما من خلف الشمس سالكا مداره الذي يبلغ 3600 سنة..سببا لكارثة تحل بالارض .. ؟؟؟؟؟؟

حيث أنه وعند اقترابه من الأرض ستبدأ عملية الشد والجذب بين الكوكبين وبالطبع وبما أن كثافته تعادل 20 ضعف كثافة الأرض ويفوقها حجما.. فإن محتوى باطنها سيخرج للسطح ويبقى منجذبا لمركزها..

مما سيتسبب في حدوث تقلبات في القشرة الأرضية .. وتختفي بعدها بعض القارات ..

ولا يتوقف الأمر عند هذا الحد بل ستتفجر البراكين في كل مكان مكونة سحبا كثيفة من الرماد البركاني ستتسبب في تدني مستوى الرؤية كثيرا.. وقد يستمر هذا الوضع من ستة أشهر إلى بضع سنوات..

الكلام السابق علي مسئولية 330 موقع علي الانترنت منها :

http://search.yahoo.com/search?p=Planet+X+...+&ei=UTF-8&b=21

http://www.detailshere.com/niburu.htm

[Lancelot]

من حوالي سنة تقريبا ظهر موضوع زي ده ... كوكب أو كويكب تقريبا كان المفروض يقرب من الأرض .. و كان المفروض يمر جانبها سنة 2017 و لكن تقريبا غير رأيه أو الحسابات كانت غلط ....

يا ريت يا أستاذ تصحيح تدورلنا علي إمتي الكوكب ده هيعدي ...

[Al 7aZeeN]

هل يكون الكويكب (نيبيرو) الذي يتراوح حجمه بين 4 أضعاف حجم الأرض وبين مرتين ونصف حجم المشتري! ..

:shock: :shock: :shock:

أزاى يكون 4 أضعاف حجم الأرض ومرتين ونصف حجم المشترى

أذا قارنا المشترى(أكبر كواكب المجموعة الشمسية حجما) مع الأرض فستظهر الأرض بالغة الصغر

يعنى مع شوية تخمين ممكن أقول أن المشترى ممكن يعمل 20 أو 30 كوكب ذى الأرض

وياريت لو حد عنده معلومات أكتر يزيدنا عن هذه النقطة

[maksoof]

هل يكون الكويكب (نيبيرو) الذي يتراوح حجمه بين 4 أضعاف حجم الأرض وبين مرتين ونصف حجم المشتري! ..

:shock: :shock: :shock:

أزاى يكون 4 أضعاف حجم الأرض ومرتين ونصف حجم المشترى

أذا قارنا المشترى(أكبر كواكب المجموعة الشمسية حجما) مع الأرض فستظهر الأرض بالغة الصغر

يعنى مع شوية تخمين ممكن أقول أن المشترى ممكن يعمل 20 أو 30 كوكب ذى الأرض

وياريت لو حد عنده معلومات أكتر يزيدنا عن هذه النقطة

قطر المشترى حوالى 11 مرة قطر الأرض

مساحة سطحه حوالى 130 مرة مساحة الأرض

حجمه حوالى 1400 مرة حجم الأرض

كتلته حوالى 315 مرة كتلة الأرض

[ragab2]

والله

ياعم تصحيح

الموضوع دة مهم بالرغم من انشغالنا ببراكين العراق

ولكن

دعنا ننقله من المناقشات العامة لباب الثقافة

ربما نصادف هناك عالما من العلماء المصريين المختصين الأفاضل يمدنا بالفتوى الصحيحة

[Al 7aZeeN]

قطر المشترى حوالى 11 مرة قطر الأرض

مساحة سطحه حوالى 130 مرة مساحة الأرض

حجمه حوالى 1400 مرة حجم الأرض

كتلته حوالى 315 مرة كتلة الأرض

الله ينور عليك يا اخ مكسوف

كلامك بيدعم كلامى والأختلاف هو حتة التخمين

هل يا ترى الخطأ الكبير ده يشككنا فى المقال كله ولا أيه؟

[mohamedfox1981]

يا جماعه مش مهم الكوكب ده اد ايه

من كلامكم ان فيه مصيبه منتظرانا

عقبال ما تجيبوا الارقام الصحيحه لحجم الكوكب هانكون احنا الله يرحمنا

:oops: :oops: :oops: :oops: :oops: :cry:

[الطفشان]

العجيب ان كل المواقع التي ذكرت هذا الكوكب مواقع يمكن وصفها بانها fringe

عندما بحثت عنه في Google في قسم الاخبار لم اجد اي مقالة عنه، و معنى هذا ان كل وسائل الاعلام الرئيسية تجاهلته، بالرغم من انها تغطي العلوم و التكنولوجيا تغطية شاملة

و لم اجد اي موقع علمي في Google قسم الويب، يعني

NASA

Science

Scientific American

الخ

ليس هذا فقط، بل ان بعض المواقع ذكرت هذا الكوكب المزعوم من سنتين و يزيد!

و بعضها ذكر انه في 27 مارس (الماضي) سنعرف ان كان سيصطدم بالارض ام لا

و مر هذا التاريخ و لم نسمع شئ!

هذا يجعلني اتشكك في صحة هذا الخبر من اساسه

[darker19]

و الله وقعت قلبي :oops:

أنا ضيعت بتاع ساعة و نص في الموضوع ده

الكلام إلي ها قولة ده مش من عندي ده من المواقع إلي إديتهالنا

بيقولوا إن الكوكب x بيمر جمب الأرض كل 3600 سنة

( يعني الأرض كانت خراب من 3600 سنة, طب إزاي؟ أمال الحاضارات إلي موجودة دلوقتي مارحتش ليه)

بيقولوا إن الأرض هتتوقف عن الدوران في أخر أسبوع قبل حدوث الكوارس

(طب ما هو توقف الأرض عن الدوران ده أكبر كارثة و بيتهيألي إن الموضوع ده لوحدة كفيل بإنة يقضي على البشرية)

بيقولوا إن إلي هايتبقى من البشر حاجة بتاع 10% من إجمالي سكان الأرض و إن كل شئ على سطح الأرض هايتدمر

(طب مين هما ال 10% إلي هايستحملوا سنتين من الأجواء دي, و معقولة يعني الكعبة و المسجد الأقصى هايمسحوا من على الأرض)

و كمان كاتبين إن الموضوع ده هايحصل ما بين شهر مايو و شهر يوليو 2003 يعني الموضوع مش بعيد خلينا نشوف الأفلام الأمريكية هاتودينا لغايت فين.

دي ناس فاضية و مش لاقيين حاجة يعملوها فبيألف كام حاجة منها يتسلى و فنفس الوقت يتشهر و المصيبة السودة إنه في الأخر ممكن يصدق كدبتة

أنا بصراحة بعد ما شفت الموضوع ده هابطل أروح السينما أو حتى أتفرج على التلفزيون بدل ما يجيلي يوم و أتجنن زيهم :oops: