لو اتقدم لبنتك عريس أبوه مرتشي وحرامي.. توافق؟

[Sherief AbdelWahab]

حبيت أناقش الخاطر دة معاكم زي ما ناقشته مع ناس تانيين.. عايز أوصل منه لفكرة شريرة حأوضحها في سياقها..

افرض.. أو افرضي أن فيه شاب كويس اتقدم لبنتك ، أبوه برضه راجل كويس ومحترم..

اتضح بما لا يدع مجالاً للشك إن الراجل دة مرتشي وحرامي وكان طيب ..كااااااااااااااااان حنين.. أتاريه كداب كبييييييير.. مش زي ما كان مبين.. دة خدعنا سنين كتييييير..

حتكمل معاه؟ ولا حتفركش؟

هل حتكمل معاه من باب الشكل الاجتماعي، ولا علشان ما تبقاش قليل الأصل وندل؟

هل حتفركش على أساس إنك ما تبقاش منافق وعديم المبادئ؟ ولا انعدام ثقة؟

هدفي من الموضوع حاجة على كل الجدل اللي فيه بسيط.. إيه هي علاقتنا بالناس اللي زي دي؟ هل من المقبول إن الواحد يعرف إن فلان الفلاني دة حرامي ومرتشي ويفضل معاه للآخر علشان بيستفيد منه ولما يتقبض عليه يجري؟ هل من المقبول في المقابل إني أتعامل مع المرتشي والمجرم والحرامي والأفاق على إنه شخص عادي جداً وأبرر له اللي عمله كمان بينما "أجرَّس" ناس تانية مبتعملش جرائم وما هياش سيئة السمعة على أساس إنهم بيرتكبوا بلاوي مقارنة بالسيد المرتشي المحترم؟

عايز إجابات شخصية مش مثالية.. حتعملوا إيه فعلاً في الورطة دية؟

خلص الكلام

[أسد]

لأ ..

مش حاوافق طبعاً ..

ماعرفتش أصوت .. لأن ما إخترتش حاجة من اللي في النصف ..

لأني أصلاً مش ممكن أوافق ..

مش حاكمل لأن المسألة مسألة مبدأ ..

ولأن لن يكون هناك أمان بالطبع ..

المرتشي .. أو الحرامي .. أنا شخصياً لا أقبل التعامل معاه ..

وربنا يعافينا ..

[Alshiekh]

أنا أختار فركش ، على اعتبار ان العريس متقدم بس ، الزواج لم يتم بعد

مرتشى .. حرامى .. يعنى مربى عياله من مال حرام ، قد لايكون لهم ذنب فيما ارتكبه اباهم ، ولكن ليس هناك من يجبرنى على التضحية بأن اناسب عائلة مش كويسة.

[أسد]

بالتأكيد كل الناس حتقول لأ ..

هل تعتقد إن فيه حد حيوافق على إنه يقول إنه ممكن يقبل المرتشي كصهر ؟؟؟

أكيد كلنا نحب أن نظهر في أبهى الصور أمام بعض ..

آسف ياشريف إذا كنت كده حالخبط لك موضوعك

[~Heba~]

يا جماعه حضراتكوا نستوا حاجة مهمه

هو العريس نفسه

ممكن يكون مش راضى باللى بيعملوا ابوه....يبقى ذنبه ايه

و ممكن يكون شاب كويس فعلا انما حظه ان والده مرتشى و فاسد

لذا الاجابة على السؤال بتكون على حسب الظروف

كمان فيه حاجة

كان فيه قصة زمان قرأتها فى الاهرام عن واحدة ابوها اتهم زور و بهتان ان اختلس مبلغ كبير من المال من مكان عمله و بسبب بطء العدالة مات الرجل و هو ينتظر حكم البراءة الذى جاء متأخرا جدا و دفع ابناءه ثمن ذلك التأخر

الناس لم ترحمهم و ظلت التهمه تطارد البنت و هى فى سن الزواج و كان من ندالة من يتقدموا لها ان واحد سأل امها هو المرحوم ودى الفلوس فين!!!!!!

ايه تعليقكم على القصة :Exclam: ؟؟؟

[Alshiekh]

الناس لم ترحمهم و ظلت التهمه تطارد البنت و هى فى سن الزواج و كان من ندالة من يتقدموا لها ان واحد سأل امها هو المرحوم ودى الفلوس فين!!!!!!

ايه تعليقكم على القصة :D ؟؟؟

يبقى العريس يا داخل طمعان ، او بيشتغل مرشد :Exclam:

[حلواني]

طبعا الموضوع لو في اوله هايكون الرفض ممكن وسهل ابتعادا عن الشبهات واحتمالات الفشل والفضايح وحجات كتير قوي لكن لو الزواج وقع بالفعل هاتعمل ايه ؟

وبالنسبه لتعليق الاخت هبه علشان مش باعرف اعمل اقتباس

المشاكل القدريه التي ليس للانسان فيها يد دي حلها بيكون من عند ربنا وملهاش حل غير الصبر علي البلاء حتي ياتي الفرج من الله سبحانه وتعالي

[ziad]

ولا تذر وازرة وذر أخرى

بما أنه فرض جدلى فأنا هفصص رد فعلى,لو الأبن غير راضى ومقتنع أن أبوه غلط ويستحق العقاب هجوزه بنتى بكره,لكن لو شايف أنه عادى وأنه أبوه كان بيعمل زى ما كل الناس بتعمل وأنه حظه وحش أنه أتمسك,هنصحه بالحسنى وأفهمه ولو ظل على فهمه القاصر يبقى مينفعش أهل بيتى

[امانى]

الجواز فى حد ذاته ليس شركة لو اتضح لطرف منها خيانة الامانة من الطرف الاخر ممكن يفضها وكل واحد ياخد فلوسه

لا الجواز هو بناء اسرة وكيان وصرح ان لم يقوم على الاخلاق فلن تنجح هذه الزيجة

انا بقول لو عندى بنت ارفض ان اجوزها لشاب ابوه مرتشى من مبدا ابعد عن الشر وغنيله لان هذا الاب سيرتبط اسمه دائما بأسماء

اولاده واحفاده لان دور الاب لا ينتهى بزواج ابنه بل يفضل دائما ملتصقا بأبنائه .فما الداعى للموافقة على هذا العريس الذى تربى من

اموال حرام اذا كان لسه فى البداية . لا لن اقبل بزواجه من بنتى لو كان عندى بنت للاسف معنديش بنات بس ده راييى الشخصى

[Salwa]

لالالالالالا......لاطبعااااااااااااااااااااا...مابنى على باطل فهو باطل ...

لو واحد يدخل ويخدع اسرة كاملة ....!!!

والاسرة تكتشف ان انضحك عليهم .....!!!...مرتين ....يعنى مرتشى وكاذب..

الزواج ليس مجرد اثنين وخلاص...

لا..

الزواج يعنى اسرتين ..مصاهرة ....يعنى اطفال حايتولدوا ويعيشوا ...(( اجواء )) الاسرتين ..

اسرة الام واسرة الاب ..

بدون شعارات جوفاء.....(( واخد بالك يااستاذ / اسد ؟؟ )) ...مش كلنا حلوين وكلنا طعمين وكلنا عاوزين نلبس ثوب الكمال ...!!!!...لالالالالالا......جوازة زى دى بناقص منها ..

والعرق يمد لسابع جد...

لسابع ايه ؟؟.....جد..

مفروض (( نتخير لاولادنا )).....واعتقد ان بنتى من نفسها لو تعرف حاجة زى دى فسوف...تعاف نفسها هذا الابن ...

وانهاردة بانهاردة ..كل شئ فى الاسرة الواحدة معروف ....يعنى هل الابن ميعرفش دخل ابوه ؟؟ من اين اتت الزيادات فى دخله ؟؟ ..

لو كان كل شئ نقيمه فقط بالمال (( بدون السؤال هل هذا المال حلال ام حرام ؟؟ ))...يبقى فعلا المجتمع يصعد بسرعة البرق ....الى الهاوية .

تحياتى ...

[ام مازن]

حبيت أناقش الخاطر دة معاكم زي ما ناقشته مع ناس تانيين.. عايز أوصل منه لفكرة شريرة حأوضحها في سياقها..

افرض.. أو افرضي أن فيه شاب كويس اتقدم لبنتك ، أبوه برضه راجل كويس ومحترم..

اتضح بما لا يدع مجالاً للشك إن الراجل دة مرتشي وحرامي وكان طيب ..كااااااااااااااااان حنين.. أتاريه كداب كبييييييير.. مش زي ما كان مبين.. أتاريه كداب كبيييييير..

هل من المقبول إن الواحد يعرف إن فلان الفلاني دة حرامي ومرتشي ويفضل معاه للآخر علشان بيستفيد منه ولما يتقبض عليه يجري؟ هل من المقبول في المقابل إني أتعامل مع المرتشي والمجرم والحرامي والأفاق على إنه شخص عادي جداً وأبرر له اللي عمله كمان بينما "أجرَّس" ناس تانية مبتعملش جرائم وما هياش سيئة السمعة على أساس إنهم بيرتكبوا بلاوي مقارنة بالسيد المرتشي المحترم؟

خلص الكلام

بصراحة لو انا غريبة عن العيلة دي و عرفت انة مرتشي معنى كدة ان فضايحة مش عارف حتى يداري عليها ..انا ماقصدش طبعا انة لو عرف يداري وهايكون احسن علشان الشكل الاجتماعي , اللي اقصدة ان دة اللي في الوش و ما خفي كان اعظم !!!

و برضة مادام انا عرفت دة اكيد ابنة(لعريس) عارف كدة و مش مستنكر السلوك دة ....

بصراحة انا لو الموقف دة .. يهمني جدا اني اسمع موقف العريس نفسة ..يمكن والدة مفهمة ان دي كلها اشاعات مغرضة علي ابوة..او ممكن عارف و موافق والدة و بيدي اعذار و مسميات كالعادة .. ساعتها هاعرف خامة العريس ...

و بردة انا لو مربية بنتي صح ... مش هاتقبل تتجوز واحد ممكن يتنازل عن مبادئة

[se_ Elsyed]

هارفض طبعاً

لسبب بسيط جداً وهو اني ما عنديش بنات

وقد يكونوا الناس غلطانين وجايين للناس اللي في الشقة اللي جنبنا

[Alshiekh]

هارفض طبعاً

لسبب بسيط جداً وهو اني ما عنديش بنات

وقد يكونوا الناس غلطانين وجايين للناس اللي في الشقة اللي جنبنا

طيب لما ربنا يديلك ، حاتعمل ايه ؟ :unsure:

[فــيــروز]

منذ أن قرأت عنوان الموضوع و جملة "عباس الضوّ" فى مسلسل "المال و البنون" ترن فى أذنى : اللحم اللىّ نبت من حرام النار أولى به "مع البحث اتّضح أنّه حديث شريف" :unsure:

قلت فى نفسى ياه ده المسلسلات بردو بتأثّر فى تفكيرنا حتى لو لم نتصوّر هذا و بصراحه تصوّرت أن رد مثل "لا لن أقبل" سيكون رد مبالغ فى مثاليته خاصة إذا لم أكن أعلم من البدايه أن والد العريس مرتشى ..

و الصراحه كنت باسأل نفسى خلال هذا الوقت هل من العدل أن أبناء المرتشى أو السارق يكونوا ضحيّه لجرم أبيهم .. من واقع ما قرأت من مشكلات فى بريد الأهرام "السابق" كان الحديث غالبا ما يتحقّق ولا يطرح الله البركه فى أبناء من سرقوا حقوق غيرهم بأى صوره من الصور وكان الفشل و الضياع و عقوق الوالدين و غيرها من كوارث اجتماعيه تصيب هؤلاء الأبناء المساكين المبتلين بجرم الآباء .. و ربّما بسبب هذا أجدنى أقول مع من قالوا أنّى سأرفض رغم أنّى أشعر بوجود معضله فكريه لا أجد لها حلاّ حول فكرة عدالة حمل الأبناء ذنب آبائهم و عدم وجود بركه فيهم و تعرّضهم للفشل بسبب تكسّب آبائهم من حرام !! :happy:

[~Heba~]

انسة فيروز انا مستغربة

ممكن تجيبيلى نص الحديث

لانه لا يمكن ان يؤخذ الابناء بذنب ابيهم الذى اكلهم الحرام

تم تعديل 6 يونيو 2008 بواسطة se_ Elsyed

[فــيــروز]

عزيزتى هبه ..

أحد المواقع إسلام ويب وصف الحديث بأنّه صحيح فى هذا الرابط

ورد في مسند الإمام أحمد وجامع الترمذي وكتب أخرى، وهو حديث صحيح ونصه عن جابر بن عبد الله قال: حدثنا رسول الله صلى الله عليه وسلم قال: كعب بن عجرة أعيذك بالله من إمارة السفهاء، قال: وما ذاك يا رسول الله: قال: أمراء سيكونون من بعدي، من دخل عليهم فصدقهم بحديثهم وأعانهم على ظلمهم فليسوا مني ولست منهم ولم يردوا علي الحوض، ومن لم يدخل عليهم ولم يصدقهم بحديثهم ولم يعنهم على ظلمهم فأولئك مني وأنا منهم وأولئك يردون علي الحوض، يا كعب بن عجرة الصلاة قربان، والصوم جنة، والصدقة تطفئ الخطيئة كما يطفئ الماء النار، يا كعب بن عجرة لا يدخل الجنة من نبت لحمه من سحت النار أولى به، يا كعب بن عجرة الناس غاديانٍ فغاد بائع نفسه وموبق رقبته، وغاد مبتاع نفسه ومعتق رقبته. وفي رواية الترمذي: لا يربو لحم نبت من سحت إلا كانت النار أولى به.

قال في تحفة الأحوذي: "لا يربو" أي لا يرتفع ولا يزيد، ربا المال يربو إذا زاد، "لحم نبت" أي: نشأ "من سحت" بضم السين وسكون الحاء أي: حرام جـ3صـ192.

ومعنى الكلام: أن المرء إذا تعود أكل الحرام حتى نما منه جسمه، فإن جهنم أولى به.

والله أعلم.

بينما وصفت شبكة طريق الإسلام الحديث بأنّه ضعيف فى هذا الرابط

السؤال: قال رسول الله صلى الله عليه وسلم: "كل لحم نبت من سحت فالنار أولى به" (رواه الإمام أحمد في ‏‏مسنده)، ما معنى شرح هذا الحديث؟

المفتي: صالح بن فوزان الفوزان

الإجابة: أولاً: الحديث ضعيف هو مروي عن أبي بكر رضي الله عنه، وله روايتان: الرواية الأولى: "لا يدخل الجنة لحم نبت من سحت، النار أولى به" (رواه الإمام أحمد في ‏مسنده)، والرواية الثانية: "لا يدخل الجنة جسد غُذي بالحرام" (رواه الخطيب التبريزي في مشكاة المصابيح)، والسحت هو الحرام، ومعنى الحديث: أن كل جسم ولحم تغذى بالحرام فإنه يكون يوم القيامة في النار عقوبة له، لأن الله سبحانه وتعالى حرم الخبائث والمكاسب المحرمة، وأمر بالأكل من الطيبات وما أباح الله سبحانه وتعالى لعباده، لأن المحرم يغذي تغذية خبيثة، وأما الطيب فإنه يغذي تغذية طيبة، وله آثار حميدة على جسم الإنسان وعلى تصرفاته وأخلاقه، وأما الخبيث فإنه يغذي الجسم تغذية خبيثة، وينعكس ذلك على تصرفات الشخص وأعماله، فإنها تكون خبيثة بتأثير طعامه الخبيث، فدل هذا على ما للمطعم من أثر على الإنسان، وأنه يتأثر به خيراً إذا كان مطعماً طيباً، ويتأثر به شرّاً إذا كان مطعماً خبيثاً، قد قال الله سبحانه وتعالى: {يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحاً‏} [سورة المؤمنون: آية 51]، وقال تعالى: {يَا أَيُّهَا الَّذِينَ آمَنُواْ كُلُواْ مِن طَيِّبَاتِ مَا رَزَقْنَاكُمْ وَاشْكُرُواْ لِلَّهِ إِن كُنتُمْ إِيَّاهُ تَعْبُدُونَ} [سورة البقرة: آية 172]، وقال تعالى: {يَا أَيُّهَا النَّاسُ كُلُواْ مِمَّا فِي الأَرْضِ حَلاَلاً طَيِّباً} [سورة البقرة: آية 168]، فأمر الناس عموماً بالأكل من الحلال الطيب، وأمر المؤمنين خصوصاً بالأكل من طيبات ما رزقهم الله عز وجل، وأن يشكروا الله على نعمته، هذا يدل على الاهتمام بالمطعم، وأن الإنسان يهتم بما يغذي به جسمه ويتجنب الحرام، وقد صح في الحديث أن أكل الحرام يمنع من قبول الدعاء، كما في حديث المسافر أشعث أغبر يمد يديه إلى السماء يقول: "يا رب، يا رب" ومطعمه حرام، ومشربه حرام، وملبسه حرام، وغذي في الحرام فأنى يستجاب لذلك؟‏! وهذا أمر مهم جدّاً.

تم تعديل 6 يونيو 2008 بواسطة فــيــروز

[~Heba~]

شكرا لك يا انسه فيروز

انا عن نفسى آخذ بالقول القائل بضعفه

لانه الابناء لا يمكن ان يعاقبوا لان والدهم رباهم على المال الحرام الا اذا كانوا و هم كبار عاقلين مدركين راضيين بهذا و لا يستنكروه

اما وهم صغار فكيف يفهموا ان والدهم يأكلهم من مال الرشاوى و السرقات

تم تعديل 6 يونيو 2008 بواسطة se_ Elsyed

[se_ Elsyed]

هارفض طبعاً

لسبب بسيط جداً وهو اني ما عنديش بنات

وقد يكونوا الناس غلطانين وجايين للناس اللي في الشقة اللي جنبنا

طيب لما ربنا يديلك ، حاتعمل ايه ؟ :closedeyes:

هارفض طبعاً

يعني لو الأخ ده سُمعته سبقاه ... يبقى يغور هو وإبنه ... في مثل بيقول " قبل ما تناسب حاسب " يعني يبقى حما بنتي مجرم وأبقى أنت مبسوط حتى لو كان إبنه ده دكتور أنف وأُذن ؟