خدعوك فقالوا سن المراهقة

[جويرية]

السلام عليكم ورحمة الله وبركاته

دي كلام نقلته عن التعريف اللغوي لكلمة المراهقة

في معجم اللغة مختار الصحاح

رهق ] ر ه ق :

رَهِقَهُ غشيه وبابه طرب ومنه قوله تعالى { ولا يرهق وجوههم قتر ولا ذلة } وفي الحديث { إذا صلى أحدكم إلى الشيء فليرهقه } أي فليغْشَهُ ولا يبعد عنه ويقال أرْهَقَهُ طغيانا أي أغشاه إياه وأرهقه إثما حتى رهقه أي حمله إثما حتى حمله وأرهقه عسرا كلفه إياه يقال لا ترهقني لا أرهقك الله أي لا تعسرني لا أعسرك الله و رَاهَقَ الغلام فهو مُرَاهِقٌ أي قارب الاحتلام وقوله تعالى { فلا يخاف بخسا ولا رهقا } أي ظلما وقوله تعالى { فزادوهم رهقا } أي سفها وطغيانا ورجل مُرَهَّقٌ إذا كان يظن به السوء وفي الحديث { أنه صلى على امرأة تُرَهَّقُ } أي تتهم وتؤبن بشر

واضح من التعريف ان الفترة دي هيا المرحلة اللي بينتقل فيها الصبي الي البلوغ ومتهيألي الفترة دي مش حتتجاوز من سن 12 حتي 15

ده معناه اللي عنده 16 سنة ميتقالش عليه مراهق و ده بنص تعريف اللغة

يعني الولد بمجرد ما يوصل لسن البلوغ فهوه كدة انسان مكلف يجري عليه القلم يعني الملك اليمين و الشمال اللي علي كتف كل واحد حيبتدوا يقيدوا عليه كل حاجة يعملها و يتحاسب عليها

بدليل انه بيبتدي يتحاسب علي الصلاة و الصوم في السن دي

مش زي ما نعرف ان أصل معلش ده سن المراهقة ودي فترة مش عارفة شكلها عامل أزاي

وهوه معذوزر يعمل اللي هوه عايزة فهوه مراهق بأة

ده حتي فترة الأنتقال دي اللي مش حتتجاوز 3 سنين مقريتش في اي كتاب قديم عن اخطارها و مشاكلها و اخطارها حتكون ايه ما هوه أصلا طفل أو صبي

و مقرتش أصلا ان فيه فترة في حياة البنئادم اسمها مراهقة

شفت برنامج في التلفزيون بيتكلم عن أضرار الزواج المبكر و طبعا مع أن الزواج المبكر ده انقرض من بدري بس مش عارفة ايه اللي فكرهم بالموضوع ده يمكن سمعوا عن واحد بس فكر يجوز ابنه بدري فقالوا لأ نلحق نعمل موضوع عشان نبوظلله الجوازة

المهم في التليفزيون المذيعة بتسأل الدكتور عن الموضوع ده فالدكتور قالها أن أي انسان بالغ هوه أنسان يصلح للزواج المهم أن المذيعة صعب عليها ان الدكتور يقول كدة و عايزة تحط علي لسانة بالعافية ان الزواج المبكر ده غلط

البديل الأسلامي لموضوع البوي فيرند و الجيريل فريند في الغرب

الحل هوه نظام الأسرة الكبيرة

يعني زمان كان الولد لما يكمل 16 سنة او 17 يبنوا ليه اوضه في نفس البيت و يجوزوه و عشان كدة لما نشوف تصميم البيوت القديمة نلاقيها مختلفة تماما عن البيوت دلوقتي

نلاقي البيت متصمم علي أن تعيش فيه اكتر من أسرة

ده حتي الكدبة دي بتاعة سن المراهقة بيدرسوها للطلبة في كلية الخدمة الأجتماعية و علم النفس

فيطلع الأخصائي الأجتماعي في المدرسة شايف أي تجاوزات من الطلبة و بكل هدوء يقولك لأ معلش اصل ده سن المراهقة

و أدي سن صحابة رسول الله صلي الله عليه و سلم لما اتجوزوا

كان أسامة بن زيد يوم زوجه النبي -صلى الله عليه وسلم- فاطمة بنت قيس ، دون السادسة عشرة من عمره .

و كان قائد جيش و عمره 18 سنة كمان الجيش ده ضم مين كان فيه سيدنا أبو بكر و سيدنا عمر رضي الله عنهم

و مش هوه بس معظم الصحابة رضوان الله عليهم اتجوزوا في السن ده

أنا سمعت الدكتور عادل عبدالعال بيقول

( أبني عبدالله حجوزوه أن شاء الله لما يبقي عنده 18 سنة ... )

لأ و و يقولك حل مشكلة المراهقة اللي بيقولوع عليها دي أيه

لازم الأب يصاحب أبه عشان يحكيلله علي كل حاجة يعني قالك حاجة غلط عديها واعمل نفسك مش سامع معلش مش ده سن المراهقة

الغريب ان الكلام ده سمعته من مشايخ كمان

يعني ازاي الأب يسمع حاجة غلط من الأبن و يعديها

طيب ما هوه ده تصديق من الأب علي الكلام ده و كدة الأبن حس انه مش بيبعمل حاجة غلط

و لا هوه طريقة حل الكدبة كدبة اكبر منها

و النتيجة واضحة طبعا قدامنا مش محتاجين نقولها .........

إلي اللقاء في الموضوع التاني عن الكدبة اللي اكبر من دي

( المراهقة المتأخرة لبعض الرجال بعد الأربعين أو الخمسين )

تم تعديل 25 مايو 2008 بواسطة جويرية

[~Heba~]

جويرييييييييييييييية

مبدئيا اتفق معاكى ان الزواج المبكر مش وحش

بس لما يكون الواحد قادر عليا

ماديا و نفسيا (يعنى يقدر يتحمل مسؤولية) و جسمانيا طبعا

طب بالله عليك اللى فى سن 18 سنة ده يعرف يعنى ايه مسؤولية فى زمنا ده

ده بياخد مصروف من ابوه

طب ليه ابوه يديه مصروف مش يخلية يشتغل

طبعا بعض الشباب كادح و بيشتغل فى اجازته الصيفية

انما فى كل الاحوال مش لدرجة انه يعيل اسرة

و انتى عارفة تكاليف الزواج الايام دى بقت حاجة صعبة

و متقوليش ابوه يساعده

اللى اهله بيساعدوه فى الجواز بيستهتر بيه خالص لانه متعبش فى مصاريفه

و انا اتفق معاكى فى الامثلة اللى ذكرتيها

كان أسامة بن زيد يوم زوجه النبي -صلى الله عليه وسلم- فاطمة بنت قيس ، دون السادسة عشرة من عمره .

و كان قائد جيش و عمره 18 سنة كمان الجيش ده ضم مين كان فيه سيدنا أبو بكر و سيدنا عمر رضي الله عنهم

بس دول على ايامهم كانت الحياة بدوية بسيطة مفهاش التعقيد اللى فى حياتنا دلوقتى

كانوا التعليم عندهم قليل و يكفى ان الواحد بيعرف يكتب و دول اصلا كانوا قلة اللى بيعرفوا يكتبوا

و كان يكفى انه يحفظ شئ من القرآن

و يتعلم صنعه بسيطة يسترزق منها

طبعا الامثلة دى موجود زيها بس مش قوى يعنى

مثلا بعض الشباب بيجوز فى سن صغير 20 او 21 مثلا و دا بيكون خاض غمار الحياة بدرى بدرى و اتحمل مسؤولية من هو صغير و مش ممكن طبعا يكون بيشتغل مهندس او طبيب (لانه هيكون لسة طالب)

اما بقى مراهقة الرجال المتأخرة ليه كدبة.....طالما هو نفسهم اعترفوا بيها

بس بيسموها اسم اخف شوية و هو ازمة منتصف العمر

[badroora]

العزيزة جويرية .........موضوع هام جدا وطرح مميز ......أحييكي عليه ......... :sad:

خدعوك فقالوا سن المراهقة !!! بصراحة مش فاهمة مين خدع مين ؟

وهل انتى لا تعتقدين فى سن المراهقة ؟

طيب لو هى مش مراهقة فما هو المسمي الحقيقي لتلك الفترة بين الطفولة والنضج الكامل ؟

بليز أجيبي على اسئلتى حتى يتثنى لنا تحديد ما تودى مناقشته معنا

لانى بصراحة تهت ومش عارفه نتكلم عن

المراهقة بكل ما فيها من تغيرات وعلامات ؟

ولا نتكلم عن البلوغ والتكليف ؟

ولا الزواج فى سن مبكر مشاكله ومميزاته؟

فبليز حددى اى اتجاه تودى ان نتناقش فيه لانه بالفعل موضوع مهم

وتصحيح بسيط لحد ما تحددى اى اتجاه سوف نتناقش فيه

سن المراهقة بيدا من

11 -21

12-20

وتتفاوت على حسب كل فرد ممكن عند ناس تقل وعند ناس تمتد الى اقصي عمر 21 سنه

البنات غالبا بتكون اقصر فى العمر عن الولاد .يعنى البنت تبلغ قبل الرجل

فى انتظار الرد

تم تعديل 25 مايو 2008 بواسطة Badria Mekkawy

[جويرية]

أهلا يا أستاذة بدرية سعيدة بمشاركتك :sad:

خدعوك فقالوا سن المراهقة !!! بصراحة مش فاهمة مين خدع مين ؟

الخداع ان نتكلم عن فترة و همية مسمعناش بوجودها في حياة الأنسان الا الوقت ده

يعني هل فيه اي كتاب علمي او ديني او اجتماعي في اشارة للفترة دي انها حتاخد 8 سنين من حياة الأنسان

وهل انتى لا تعتقدين فى سن المراهقة ؟

اللي اعرفه ان الأنسان بالغ يبقي هوه انسان راشد اذا كان ربنا سبحانه و تعالي بيحاسبه عن كل اعماله أزاي احنا نقول عليه ده مراهق ده تفكيره قليل

طيب لو هى مش مراهقة فما هو المسمي الحقيقي لتلك الفترة بين الطفولة والنضج الكامل ؟

النضج هوه البلوغ

اما النضج العقلي فكل ما سن الواحد بيكبر كل ما خبراته بتزيد كل ما نضجه بيزيد

بليز أجيبي على اسئلتى حتى يتثنى لنا تحديد ما تودى مناقشته معنا

لانى بصراحة تهت ومش عارفه نتكلم عن

فبليز حددى اى اتجاه تودى ان نتناقش فيه لانه بالفعل موضوع مهم

ليه تتوهي يا استاذة بدرية

الموضوع مكتوب باللغة العربية و حضرتك تختاري اي جزء في الموضوع و تعلقي عليه

و بعدين ايه المشكلة لما الموضوع يشمل اكتر من فكرة

وتصحيح بسيط لحد ما تحددى اى اتجاه سوف نتناقش فيه

سن المراهقة بيدا من

11 -21

12-20

معلش انا مختلفة معاكي المراهقة دي للأطفال بس

او ماسمهوش طفل اسمه صبي او غلام

و السن زي ما قلت 12 - 15 تقريبا

اشكرك كثيرا

تم تعديل 25 مايو 2008 بواسطة جويرية

[badroora]

بسم الله نبدأ .........

سن المراهقة ..........ليست خدعة او كذبة بل هى حقيقة ويكون تعريفها كالاتى :

هى مرحلة الانتقال من الطفولة الى البلوغ او النضج .

نضج من الناحية العقلية والفسيولوجية والسيكولوجية والاجتماعية .

النضج

هو اكتمال عناصر الانوثة عند الانثي والذكورة عند الرجل .........واعتقد كلنا جميعا نعلم هذا .

الناحية السيكولوجية .......

نتيجة للتغيرات الفسيولوجية الطبيعية التى تحدث نتيجة الانتقال من مرحلة الطفولة للبلوغ قد نجد تقلب فى الحالة المزاجية

لذلك عند محاولة اقناع المراهق بفعل عمل معين ولن يتسجيب وياتى العذر بانه مراهق فهذه حقيقة لانه فى مرحلة

انتقال من الطفولة للنضج فى الطفولة كان كل مايراه الابوين هو الصحيح ولابد للابناء من اتباع ذلك لانهم الاكبر منا سنا

وخبرة ولكن المراهق لا يستطيع القبول بما كان يقبله ف الماضي لانه فى مرحلة تحديد هويته واختبار لنفسه على كيفية

اخذ قرار يخصه ويتحمل نتيجة ذلك .

ان كبر ابنك خاويه ......او بنتك صداقيها ما المقصود هنا .

المقصود ان الطفل سوف يكبر ويصبح رجلا وسوف يكتشف فى نفسه رغبات نتيجة للتغيرات والتطورات الفسيولوجية

التى يمر بها فلابد من نصحه وتوعيته ومعرفته كيف يتصرف مع هذه التغيرات .

البنت اهم لان تغيراتها قد يصحبها اشياء مجهولة بالنسبة لها وتخيفها وهذه لا يغفل علينا جميعا فى اول تغيرات مرينا بها

وكم كانت الخبرة مؤلمة عند حدوث اول علامة من علامات البلوغ وتطوير فسيولوجي يعلن عن مولد انثى بدلا من

طفلة وكم من الدموع سالت والخوف نتيجة ما يحدث دون سابق معرفة او انذار هنا دور الام ان تكون صديقة ابنتها وتحاول ان تعلمها

وترشدها كيف تتصرف وما يجب عليها فعله وما لا يجب عليها فعله وتخبرها بالفرق بين حياتها كطفلة وحياتها كانثي .

كثيرا من الفتيات يكتئابن فى هذه المرحلة لانها تشعر انها كبرت وانها اصبحت مسئولة ولابد من تغير جذرى فى تصرفاتها

وخطورة هذه المرحلة تكمن فى الاتى ........

كم من الفتيات المراهقات تقعن فى علاقات كثيرة وغير مشروعه بسبب هذه المرحلة التى تعتبر اخطر مرحلة فى عمر اى

شاب او شابه.

الشباب ........كم من الشباب يقعون فى فخ الادمان وحب التقليد والتدخين وتقليد الكبار فى الافعال المشينة من باب التجربة

دور الام والاب والمعلم ........والاطباء والممرضات ورجل الدين وكل من لدية مكانة تتيح له تقديم النصح ونشر الوعى

مهم. جدا فى هذه المرحلة التى تعتبر من اخطر المراحل فى عمر اى انسان.......ومنها سوف يخرج للمجتمع ام ناضجة

او اب فاشل

وسن المراهق طبقا لمنظمة الصحة العالمية

من 10 - 19 سنه

(W.H.O) السن الذي كتبته فى اول مشاركة كان السن الذي درسته ولكن السن الحالى من منظمة الصحة العالمية .

the period between the ages of 10 and 19 years, which is consistent with the World

Health Organization's definition of adolescence.

Reference

ولى عودة مرة اخرى ....مع خالص تحياتى ,,,

بدرية

تم تعديل 26 مايو 2008 بواسطة Badria Mekkawy

[Alshiekh]

السلام عليكم ورحمة الله وبركاته

دي كلام نقلته عن التعريف اللغوي لكلمة المراهقة

في معجم اللغة مختار الصحاح

رهق ] ر ه ق :

رَهِقَهُ غشيه وبابه طرب ومنه قوله تعالى { ولا يرهق وجوههم قتر ولا ذلة } وفي الحديث { إذا صلى أحدكم إلى الشيء فليرهقه } أي فليغْشَهُ ولا يبعد عنه ويقال أرْهَقَهُ طغيانا أي أغشاه إياه وأرهقه إثما حتى رهقه أي حمله إثما حتى حمله وأرهقه عسرا كلفه إياه يقال لا ترهقني لا أرهقك الله أي لا تعسرني لا أعسرك الله و رَاهَقَ الغلام فهو مُرَاهِقٌ أي قارب الاحتلام وقوله تعالى { فلا يخاف بخسا ولا رهقا } أي ظلما وقوله تعالى { فزادوهم رهقا } أي سفها وطغيانا ورجل مُرَهَّقٌ إذا كان يظن به السوء وفي الحديث { أنه صلى على امرأة تُرَهَّقُ } أي تتهم وتؤبن بشر

واضح من التعريف ان الفترة دي هيا المرحلة اللي بينتقل فيها الصبي الي البلوغ ومتهيألي الفترة دي مش حتتجاوز من سن 12 حتي 15

ده معناه اللي عنده 16 سنة ميتقالش عليه مراهق و ده بنص تعريف اللغة

يعني الولد بمجرد ما يوصل لسن البلوغ فهوه كدة انسان مكلف يجري عليه القلم يعني الملك اليمين و الشمال اللي علي كتف كل واحد حيبتدوا يقيدوا عليه كل حاجة يعملها و يتحاسب عليها

بدليل انه بيبتدي يتحاسب علي الصلاة و الصوم في السن دي

مش زي ما نعرف ان أصل معلش ده سن المراهقة ودي فترة مش عارفة شكلها عامل أزاي

وهوه معذوزر يعمل اللي هوه عايزة فهوه مراهق بأة

ده حتي فترة الأنتقال دي اللي مش حتتجاوز 3 سنين مقريتش في اي كتاب قديم عن اخطارها و مشاكلها و اخطارها حتكون ايه ما هوه أصلا طفل أو صبي

و مقرتش أصلا ان فيه فترة في حياة البنئادم اسمها مراهقة

شفت برنامج في التلفزيون بيتكلم عن أضرار الزواج المبكر و طبعا مع أن الزواج المبكر ده انقرض من بدري بس مش عارفة ايه اللي فكرهم بالموضوع ده يمكن سمعوا عن واحد بس فكر يجوز ابنه بدري فقالوا لأ نلحق نعمل موضوع عشان نبوظلله الجوازة

المهم في التليفزيون المذيعة بتسأل الدكتور عن الموضوع ده فالدكتور قالها أن أي انسان بالغ هوه أنسان يصلح للزواج المهم أن المذيعة صعب عليها ان الدكتور يقول كدة و عايزة تحط علي لسانة بالعافية ان الزواج المبكر ده غلط

البديل الأسلامي لموضوع البوي فيرند و الجيريل فريند في الغرب

الحل هوه نظام الأسرة الكبيرة

يعني زمان كان الولد لما يكمل 16 سنة او 17 يبنوا ليه اوضه في نفس البيت و يجوزوه و عشان كدة لما نشوف تصميم البيوت القديمة نلاقيها مختلفة تماما عن البيوت دلوقتي

نلاقي البيت متصمم علي أن تعيش فيه اكتر من أسرة

ده حتي الكدبة دي بتاعة سن المراهقة بيدرسوها للطلبة في كلية الخدمة الأجتماعية و علم النفس

فيطلع الأخصائي الأجتماعي في المدرسة شايف أي تجاوزات من الطلبة و بكل هدوء يقولك لأ معلش اصل ده سن المراهقة

و أدي سن صحابة رسول الله صلي الله عليه و سلم لما اتجوزوا

كان أسامة بن زيد يوم زوجه النبي -صلى الله عليه وسلم- فاطمة بنت قيس ، دون السادسة عشرة من عمره .

و كان قائد جيش و عمره 18 سنة كمان الجيش ده ضم مين كان فيه سيدنا أبو بكر و سيدنا عمر رضي الله عنهم

و مش هوه بس معظم الصحابة رضوان الله عليهم اتجوزوا في السن ده

أنا سمعت الدكتور عادل عبدالعال بيقول

( أبني عبدالله حجوزوه أن شاء الله لما يبقي عنده 18 سنة ... )

لأ و و يقولك حل مشكلة المراهقة اللي بيقولوع عليها دي أيه

لازم الأب يصاحب أبه عشان يحكيلله علي كل حاجة يعني قالك حاجة غلط عديها واعمل نفسك مش سامع معلش مش ده سن المراهقة

الغريب ان الكلام ده سمعته من مشايخ كمان

يعني ازاي الأب يسمع حاجة غلط من الأبن و يعديها

طيب ما هوه ده تصديق من الأب علي الكلام ده و كدة الأبن حس انه مش بيبعمل حاجة غلط

و لا هوه طريقة حل الكدبة كدبة اكبر منها

و النتيجة واضحة طبعا قدامنا مش محتاجين نقولها .........

إلي اللقاء في الموضوع التاني عن الكدبة اللي اكبر من دي

( المراهقة المتأخرة لبعض الرجال بعد الأربعين أو الخمسين )

وعليكم السلام ورحمة الله وبركاته

الاستاذة جوبرية

مش عارف ليه متهيأ لى انك ماسكة شوية كتب عمرهم 500 سنة وعايزة تنشريهم هنا.

سن المراهقة ، طبيا .... ياريت نسيب الموضوع ده للمتخصصين من أهل الطب وعلم النفس يفتوا فيه بما تعلموه ودرسوه وبحثوه.

دينيا ، الامر يختلف عن لغويا ، ولا اظنك تريدين ان تعرفينا بالمعنى اللغوى لكلمة مراهق والاقل رهق وما الى ذلك ، فأنا أفترض انك تتكلمين عن المراهقة من الناحية الدينية وليست المدنية .

فالتكليف الدينى يبدأ مع بلوغ الحلم ، أما التكليف المدنى فالسن فيه ليس بالضرورة هو سن بلوغ الحلم ، فهناك مثلا بنات تبلغ الحلم فى سن التاسعة ، وصبيان يبلغون الحلم فى سن الحادية عشرة ، فى حين ان هناك بنات لايبلغن الحلم قبل الخامسة عشرة ، وصبيان يتأخرون لسن السابعة عشرة ، وبالطبع لايمكن ان نحاسب طفلة فى التاسعة حتى لو كانت يمكن ان تحمل بمثل ما نحاسب به طفلة أخرى فى الخامسة عشرة.

عندما حدد سنالواحدة والعشرون ، و الثامنة عشرة ، والسادسة عشرة ، لم يؤخذ الامر اعتباطا بل شارك فيه علماء ومشرعون ، ولو كان لديك دراسات تثبت خطأهم فلتتقدمى بها حتى تتضح الأمور ويتم تصحيحها ، ولكن اثارة الامر لمجرد ان الشيخ فلان رأيه كده ، فاسمحى لى ... ليس هكذا توضع القوانين.

نيجى للبديل الذى تصفيه بأنه الاسلامى

أهم ماقاله الرسول عليه الصلاة والسلام فى أمر الزواج هو " من إستطاع منكم البائة فليتزوج ...... الى آخر الحديث "

والاستطاعة هنا لم تشر الى استطاعة الاب ليزوج ولده ، او ان يصرف عليه هو وزوجته واطفالهما ، وان يوفر له حجرة فى الدار .

تتحدثين عن هذا الحل السحرى وكأننا فى القرن الثامن عشر او التاسع عشر ، وكأننا نعيش فى القرى والنجوع حيث الدار كانت عبارة عن حوش كبير وبها مساحات خالية تصلح لبناء حجرة لابن سيتزوج ، وزريبة جديدة لجاموستين جداد اتولدوا ، او قطيع غنم اشتراه رب الاسرة ، وأقول كان لانه لم يعد موجودا الآن ماتتحدثين عنه ، ولكنك لا تتحدثين عن اسر تسكن فى شقق لاتتسع لقادم جديد او ضيف حل عليهم ، يعنى اسر بتستنى عيالها تتجوز وتسيب البيت علشان توسع على نفسها شوية.

يا جوبرية احنا فى القرن الواحد والعشرين ، يعنى لازم الشاب يكون عنده مهنة او عمل يتكسب منه مايكفيه ان يفتح بيت فيه زوجة واطفال قادمين ، ولو ماكنش قادر يستنى لم ربنا يقدره ، مش عايزة العيال تتجوز وهى عندها 16 سنة ويخلفوا عيال وبعدين يناموا كلهم فى الشارع.

وبعدين حكاية ان الصحابة اتجوزوا فى سن صغير دى ايه علاقتها بالموضوع؟ طيب الرسول عليه الصلاة والسلام اتجوز فى الخامسة والعشرين من عمره ، ليه مايكونش سن الرسول هو القدوة؟

وبعدين ممكن تقولى لى انتى عايزة قائد الجيش المصرى يكون عمره 18 سنة؟ يعنى يكون يادوبك اتخرج من الثانوية ، وقدم فى الحربية ومستنى كشف الهيئة ، يقوموا يرقوه وزير دفاع؟ :closedeyes: :unsure: وبعدين يبقى يذاكر من منازلهم.

معلهش ياجوبرية ، ده اللى انا فهمته من موضوعك ، الا اذا كنتى تقصدى حاجة تانية :wub:

[جويرية]

جويرييييييييييييييية

مبدئيا اتفق معاكى ان الزواج المبكر مش وحش

بس لما يكون الواحد قادر عليا

ماديا و نفسيا (يعنى يقدر يتحمل مسؤولية) و جسمانيا طبعا

طب بالله عليك اللى فى سن 18 سنة ده يعرف يعنى ايه مسؤولية فى زمنا ده

ده بياخد مصروف من ابوه

طب ليه ابوه يديه مصروف مش يخلية يشتغل

طبعا بعض الشباب كادح و بيشتغل فى اجازته الصيفية

انما فى كل الاحوال مش لدرجة انه يعيل اسرة

و انتى عارفة تكاليف الزواج الايام دى بقت حاجة صعبة

أهلا يا يا استاذة هبة

الأولاد مفيش وقت عندهم لتحمل المسئولية لو حسبتي وقت المدرسة مع المذاكرة مع الدروس حتلاقيه مش أقل من 16 ساعة في اليوم تقريبا ده للطالب المتوسط كمان فين بقي الوقت عشان يشتري طلبات للبيت و او يساعد والديه باي حاجة

تكاليف الزواج ده الناس شددت علي نفسها

و متقوليش ابوه يساعده

اللى اهله بيساعدوه فى الجواز بيستهتر بيه خالص لانه متعبش فى مصاريفه

و انا اتفق معاكى فى الامثلة اللى ذكرتيها

اللي اهله مش بيساعدوه مبيتجوزش خالص

فيساعدوه وهو صغير بدل ما يوصل 30 سنة و أكتر و برده حيساعدوه

بس دول على ايامهم كانت الحياة بدوية بسيطة مفهاش التعقيد اللى فى حياتنا دلوقتى

كانوا التعليم عندهم قليل و يكفى ان الواحد بيعرف يكتب و دول اصلا كانوا قلة اللى بيعرفوا يكتبوا

و كان يكفى انه يحفظ شئ من القرآن

و يتعلم صنعه بسيطة يسترزق منها

ما هوه دلوقتي الشاب بعد رحلة الكفاح الطويلة مع المذاكرة و الأمتحانات بيوصل انه ميلاقيش شغل بشهادته و بيدور علي صنعة يسترزق منها اهو الناس زمان كانوا اذكيا كانوا ياخدوها من قصيرها و يعملوا كدة

مثلا بعض الشباب بيجوز فى سن صغير 20 او 21 مثلا و دا بيكون خاض غمار الحياة بدرى بدرى و اتحمل مسؤولية من هو صغير و مش ممكن طبعا يكون بيشتغل مهندس او طبيب (لانه هيكون لسة طالب)

مش عارفة ايه المسئولية

يعني انه يصرف علي واحدة غيره و يشتري طلبات لبيته هيا دي حاجة صعبة

و بعدين لو الشاب و البنت اتجوزوا ان شاء الله في سن التلاتين برده حيحتاجوا لأهلهم

هيا حتعوز تستشير امها في الأكل اللي بتعمله مثلا او في تربية الطفل مبتبقاش عارفة حاجة عن الموضوع ده

وهوه برده ممكن يستشير أخوه او صاحبه ازاي يتعامل مع مراته لو فيه اي مشكلة مثلا

شكرا لكي

تم تعديل 27 مايو 2008 بواسطة جويرية

[جويرية]

اهلا يا استاذة بدرية

سن المراهقة ..........ليست خدعة او كذبة بل هى حقيقة ويكون تعريفها كالاتى :

هى مرحلة الانتقال من الطفولة الى البلوغ او النضج .

نضج من الناحية العقلية والفسيولوجية والسيكولوجية والاجتماعية .

طيب يبقي كدة بتعريف حضرتك المراهقة من الطفولة الي البلوغ يعني من 12 الي 15

لذلك عند محاولة اقناع المراهق بفعل عمل معين ولن يتسجيب وياتى العذر بانه مراهق فهذه حقيقة لانه فى مرحلة

انتقال من الطفولة للنضج فى الطفولة كان كل مايراه الابوين هو الصحيح ولابد للابناء من اتباع ذلك لانهم الاكبر منا سنا

وخبرة ولكن المراهق لا يستطيع القبول بما كان يقبله ف الماضي لانه فى مرحلة تحديد هويته واختبار لنفسه على كيفية

اخذ قرار يخصه ويتحمل نتيجة ذلك .

متهيألي هوه مبيرضاش يوافق علي تعليمات الأبوين عشان حكم النفس علي النفس ده صعب

الطفل مش بيبقي ليه أرادة مستقلة عن ابوية

لكن واحد ابوه يقولوا لأ انا عايزك تعمل كذا بالعافية طيب ليه هل من حقه أنه يأمره

المفروض هوه بيربي صح و ابنه طفل و بعد كدة خلاص يسيبه براحته

في نفس الوقت الأب مش حيستحمل يشوف الأبن عامل حاجة غلط من وجهة نظره

فالحل ان الأبن يبقي ليه حياته المستقلة عن الوالدين

كثيرا من الفتيات يكتئابن فى هذه المرحلة لانها تشعر انها كبرت وانها اصبحت مسئولة ولابد من تغير جذرى فى تصرفاتها

وخطورة هذه المرحلة تكمن فى الاتى ........

كم من الفتيات المراهقات تقعن فى علاقات كثيرة وغير مشروعه بسبب هذه المرحلة التى تعتبر اخطر مرحلة فى عمر اى

شاب او شابه.

اللي اعرفه ان زمان البنت في المرحلة دي أو قبلها كمان بتبقي متجوزة

ولا فيه حد ينصحها و لا فيه حد يخاف عليها

الكلام ده مش عند المسلمين بس

ده عند كل الناس لغاية زمن اجدادنا كدة

الشباب ........كم من الشباب يقعون فى فخ الادمان وحب التقليد والتدخين وتقليد الكبار فى الافعال المشينة من باب التجربة

ممكن يدمن عشان احساسه انه عاطل و ملوش لازمة و كل المطلوب منه كلمتين يحفظهم في الكتب

وسن المراهق طبقا لمنظمة الصحة العالمية

من 10 - 19 سنه

(W.H.O) السن الذي كتبته فى اول مشاركة كان السن الذي درسته ولكن السن الحالى من منظمة الصحة العالمية .

كلام الصحة العالمية و الأمم المتحدة ده بصراحة بستفيد منه جدا

عشان باخد عكسه علي طول

في انتظار عودتك

شكرا لكي

تم تعديل 27 مايو 2008 بواسطة جويرية

[جويرية]

الاستاذة جوبرية

مش عارف ليه متهيأ لى انك ماسكة شوية كتب عمرهم 500 سنة وعايزة تنشريهم هنا.

أهلا يا استاذ محمد

أيوة لقيت مغارة فيها كتب و بنفض التراب عنهم و أقعد أكتب ده حتي الردود علي الموضوع لقيتها برده في الكتب دي

سن المراهقة ، طبيا .... ياريت نسيب الموضوع ده للمتخصصين من أهل الطب وعلم النفس يفتوا فيه بما تعلموه ودرسوه وبحثوه.

دينيا ، الامر يختلف عن لغويا ، ولا اظنك تريدين ان تعرفينا بالمعنى اللغوى لكلمة مراهق والاقل رهق وما الى ذلك ، فأنا أفترض انك تتكلمين عن المراهقة من الناحية الدينية وليست المدنية .

أظن ان المعني دينييا و طبيا و لغويا لكلمة واحدة مفروض ميختلفش

عندما حدد سنالواحدة والعشرون ، و الثامنة عشرة ، والسادسة عشرة ، لم يؤخذ الامر اعتباطا بل شارك فيه علماء ومشرعون ، ولو كان لديك دراسات تثبت خطأهم فلتتقدمى بها حتى تتضح الأمور ويتم تصحيحها ، ولكن اثارة الامر لمجرد ان الشيخ فلان رأيه كده ، فاسمحى لى ... ليس هكذا توضع القوانين.

جميل

يعني ممكن الواحد يجيب واحد عنده 17 سنة و يقولوه اقتلي فلان و خلاص هوه كدة طفل و محدش حيحاسبه و بالكتير حديخل الأحداث و يهرب منها بعد كدة

تتحدثين عن هذا الحل السحرى وكأننا فى القرن الثامن عشر او التاسع عشر ، وكأننا نعيش فى القرى والنجوع حيث الدار كانت عبارة عن حوش كبير وبها مساحات خالية تصلح لبناء حجرة لابن سيتزوج ، وزريبة جديدة لجاموستين جداد اتولدوا ، او قطيع غنم اشتراه رب الاسرة ، وأقول كان لانه لم يعد موجودا الآن ماتتحدثين عنه ، ولكنك لا تتحدثين عن اسر تسكن فى شقق لاتتسع لقادم جديد او ضيف حل عليهم ، يعنى اسر بتستنى عيالها تتجوز وتسيب البيت علشان توسع على نفسها شوية

ومالها الجواميس علي الأقل يشربوا لبن فريش

لأ ممكن يبقي بطريقة تانية

يبقي في بيوت لسكن أسرة صغيرة و بيت لسكن اسرة كبيرة

أو تصميم البيت يبقي يحتمل الزيادة

يا جوبرية احنا فى القرن الواحد والعشرين ، يعنى لازم الشاب يكون عنده مهنة او عمل يتكسب منه مايكفيه ان يفتح بيت فيه زوجة واطفال قادمين ، ولو ماكنش قادر يستنى لم ربنا يقدره ، مش عايزة العيال تتجوز وهى عندها 16 سنة ويخلفوا عيال وبعدين يناموا كلهم فى الشارع.

و الله عارفة ان احنا في القرن الواحد و عشرين

بس أحنا كل ما بنزيد تقدم علمي بيقل التقدم الأنساني

طيب حضرتك مش موافق علي الكلام ده

بما ان سيادتك عايش في امريكا

و شايف ان الأولاد بيتجوزوا في سن ال 15

حضرتك شايف ايه البديل للكلام ده بما اننا مسلمين

وبعدين ممكن تقولى لى انتى عايزة قائد الجيش المصرى يكون عمره 18 سنة؟ يعنى يكون يادوبك اتخرج من الثانوية ، وقدم فى الحربية ومستنى كشف الهيئة ، يقوموا يرقوه وزير دفاع؟ وبعدين يبقى يذاكر من منازلهم

كان عندهم حاجة اسمها التخصص الدقيق اللي احنا اكتشفناها دلوقتي

يعني احنا بندرس في حياتنا مش اقل من 300 مادة دراسية مثلا و في الأخر بنتخصص في مادة واحدة منهم و ده طبعا اكبر مثال علي اهدار الوقت

لكن هما الطفل من سن 5 سنين بيلعب مع الأولاد أزاي ينشن علي الحاجة و بعد كدة ممكن يتعلم يركب علي فرس صغير

و في سن 10 سنين ممكن يدخل الحرب يحرس المعدات او يساعد في اي حاجة

و طبعا كان في حروب كتير و يطلع من معركة يدخل معركة ده غير ان الأكبر منه علي طول بيحكولوه عن خبراتهم في الحروب

في سن 15 يبتدي بقي يدخل يحارب يعني في خلال 3 سنين لو عنده الكفائة و الشخصية القيادية ممكن يبقي قائد للجيش

معلهش ياجوبرية ، ده اللى انا فهمته من موضوعك ، الا اذا كنتى تقصدى حاجة تانية

هوه ده اللي انا اقصده من موضوعي مش فاهمة أزاي ممكن يبقي ليه معني تاني غير كدة

[jgeorge]

لو نرجع بذاكرتنا للماضى و نتذكر لما احنا كنا فى سن المراهقة ولاد و بنات

كلنا فى هذا الوقت كان لنا رغبات عاطفية مختلفة عن حكاية حب الاب و الام و الاخوات، و كان لينا رغبات جنسية مكبلة بقيود الدين و العادات و التقاليد و المجتمع.

لذلك من اهمه الاشياء الى يركز عليها الاهل هو الالتزام الدينى، اطار الاسرة، الصحبة الصالحة.

طبعا الزمن اتغيير و لكن الزواج المبكر بعد سن العشرين لما يكون فيه نضج عاطفى و قدرة على الاختيار من احسن الحلول لو امكن.

طبعا الافلام و الانترنت و القمر الصناعى تعمل جميعا على التهاب الرغبات العاطفية و الجنسية للشباب، فان وجتم حل غير الزواج المبكر قولولى علي.

[جويرية]

الأستاذ جورج

لذلك من اهم الاشياء الى يركز عليها الاهل هو الالتزام الدينى، اطار الاسرة، الصحبة الصالحة.

وعشان كدة الأباء مفروض يبدأوا بأنفسهم عشان مينفعش نلقن الولد كلام بدون ما يقتنع مفروض الأب يكون عنده خلفية دينية معقولة عشان يقدر يتخاطب مع الأولاد

تم تعديل 29 مايو 2008 بواسطة جويرية

[Zeyad Ahmed]

في ٢٩‏/٥‏/٢٠٠٨ at 10:51, جويرية قال:

الأستاذ جورج

وعشان كدة الأباء مفروض يبدأوا بأنفسهم عشان مينفعش نلقن الولد كلام بدون ما يقتنع مفروض الأب يكون عنده خلفية دينية معقولة عشان يقدر يتخاطب مع الأولاد

[Zeyad Ahmed]

رد على الاستاذ جورج اصلا مفيش حاجة اسمها (الزواج المبكر بعد سن العشرين لما يكون فيه نضج عاطفى و قدرة على الاختيار من احسن الحلول لو امكن.) لان الصحابة والناس اللي اتجوزوا في سن اقل من 20 سنة مختاروش غلط واختاروا من احسن الحلول فا هو اسس اختيار الزوجة هي دين وخلق وجمال وشكرا مش كيمياء هي واصلا الرسول صلى الله عليه وسلم لما جوز سيدنا اسامة من رقية مكانش سنه عدي 16 فضلا عن ال20 واكيد الرسول مش هيغلط في كدا واصلا الرسول صلى الله عليه وسلم قال في حديث:  «يا معشر الشباب من استطاع منكم الباءة فليتزوج.....» مقالش بعد سن العشرين تحديدا عشان النضج العاطفي وكدا ولو الكلام اللي انتا قلته يا استاذ جورج كان صح كنت هتشوف ان فيه مشاكل بين كل اللي بيتجوزوا في سن اقل من 20 واصلا الابناء لو اتربوا تربية دينية سليمة مش تلقين وخلاص يعرفوا ايه الحكمة من القيود دي ومن نفسهم مش هيتفرجوا على المغريات بتاعه النت والتلفزيون والاقمار الصناعيه 

طبعا دا كلام سليم وتسلم ايد اللي كتبه بس كنت عاوز اقول لكل للناس اللي بتقول ان الشاب لازم يدرس وبتاع عشان يلاقي شغلانة ويعيل اسرة والكلام دا حابب اقول حل لاختصار سنوات الدراسة الطويلة دي وهو ان احنا ما ندرسش غير الحاجات الضروريه للطالب وهتفيد مستقبل الاساسيات والحاجات دي لكن بلاش حشو كتير ومناهج عقيمة وبلاش الطلاب يدرسوا حاجة مش مفيدة في حياتهم المستقبلية وبكدا ممكن نختصر التعليم في نص المدة ونشتغل بسرعة ونتجوز بدري شوية وشرح المنهج يكون الطالب يفهم منه مش حفظ وخلاص

تم تعديل 6 يوليو 2023 بواسطة Zeyad Ahmed