الطفشان بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 شوف الحقد يا اخي ... الشعب اراد الحياة و القيد انكسر رابط هذا التعليق شارك المزيد من خيارات المشاركة
KWA بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 بسم الله الرحمن الرحيم السلام عليكم ورحمة الله وبركاته شعنونه...شغلك جميل و فيه لمسه احساس فنانه ....و اذا حاولتي ان تضعي اعمالك في النت ...نصيحه اخويه...ضعي الشكل المرسوم في برواز قيم غالي لأظهار قيمه العمل الفني قبل التقاط صوره له لوضعها علي النت...و سبب ما اقوله لك البرواز بالنسبه للأمريكان و شكله القيم جزء مكمل للعمل المعروض بداخله مهما كانت قيمه العمل الفني لا يكتمل قيمتها بدون برواز يظهر هذا العمل الفني....او اعرضي العمل الفني بذاته بدون برواز...يعني انت قلتي ان ثمن اللوحه المرسمه تساوي 12 جنيها و البرواز ثمنه 4 جنيه هنا في امريكا الزبون ممكن يدفع 12 دولار في برواز علشان يضع صوره ثمنها 4 دولار بدون برواز...نقطه اخري ...عند وضع المقاسات لا بد ان تضعي مقاس الصوره طبعا طول و عرض الصوره بالسنتيمتر و بالأنش.....نظام المقاس في أمريكا و 1 سم يساوي 2.5 انش .....و انا علي استعداد لأرسل لك خامات الألوان التي تريديها تحتاجيها لأنها هاتساعدك جدا في اظهار عملك....و يا ريت تبدأي تنوعي في الرسومات و المقاسات ...يعني فرعوني و اسلامي بجانب الرسومات الطبيعيه ....شعنونه...المكسب المادي هايجي هايجي و لكن كله بوقته و حاولي ان لا تستعجلي ...و ايه رأيك لو حاولتي الأطلاع علي كتب لفن رسم الزجاج ...لأخذ فكره عن هذا الفن و اظن ان هذا سوف يساعدك و تمنياتي بالتوفيق انشاء الله KWA Egypt is my home , USA is my life. رابط هذا التعليق شارك المزيد من خيارات المشاركة
se_ Elsyed بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 بصي يا شنشن ، بدون مبالغة كل الردود اللى قرأتها مافيهاش أى مجملة ليكي لأن فعلاً اللوحتين جمال جداً بالنسبة لنا لكن وخلى بالك من لكن دي ، فإذا كنتي بصه للموضوع من ناحية تجارية يبقى لازم تشوفي السوق عايز أيه ، وأيه نوعية التصميمات اللى سوقها ماشي ... وطبعاً هاتعرفي ده من كام جولة على المحلات المتخصصة. ويا حبذا بأة لو تصقلي الموهبة دي بدراسة أكاديمية من خلال دورات بتعملها جهات متخصصة زي مركز تنمية المجتمع فى جامعة عين شمس وممكن تلاقيها دراسة مسائية لمدة شهر أو شهرين وبأسعار رمزية. وعجبني جداً تعليق أخونا ك دبليو ايه بالنسبة للبرواز ، لأن فعلاً الفينيشنج مهم جداً ويارت يا شنشن تسألي عن نوعية براويز بتبقى رفيعه كده وشكلها مدهب أو فضي ومنها ألوان تانية برضوا بس مش فاكر أسمها أيه بالظبط ... لأن استخدام فريم نوعيته كويسة ولونه متناغم مع محتوى اللوحة هايخلي الشكل النهائي عبقري. ساعتها بأه تضربي الضربة اللى هيه وتجار الأنتيكات يجروا وراكي بالمشوار ( علشان تسددي الفلوس اللى عليكي ليهم تمن الخامات اللى بتسحبيها على النوتة :twisted: ) . مع تحيات س س ( بيكاسو سابقاً ) الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mnman بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 معلش ياجماعة استحملوني شوية عندي نزلة برد من اسبوعين و مش راضية تروح... وسعات بتقلب بسخونية و تخريف...ربنا يستر... شوفوي يا شعنونة... بما اني في السعودية دلوقتي و بقيت انسان رأسمالي مستغل :twisted: :twisted: .... فانا حساعدك بس مش لوجة الله :twisted: :twisted: .... يعني اعملك دعاية و يفط و شوية كلام ألابدندة و كام اعلان في التلفزيون و الراديو علي حسابي و كله بعد كدة بالنصف .. فيفتي فيفتي يعني... عقلي الباطن... الرسم يهبل و جنان و عندنا في مصر الناس بتحسبها بالشروة مش بالساعة زي الاستاذ طفشان مقال... يعني انا اوزع لشعنونة الحتة ب 30 قول 50جنية ودة تقريبا يغطي سعر الخامات و السعات لان الرسم متقن يعني قول اللوحة 6 سعات و في مصر مفيش كتير بيقدروا الفن يعني منقدرش نبالغ في السعر.. واخد انا 25 و شعنونة 25 ولو الاعلانات و الدعاية عملت مفعول نرفع السعر و نفتح محل ورشة كمان و بعدين لما الموضوع يمشي اقلش شعنونة و اخد المحل لوحدي :twisted: :twisted: :twisted: هانت و اشتري عمارة في مدينة نصر :twisted: :twisted: إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
بنت شعنونة بتاريخ: 5 أبريل 2003 كاتب الموضوع تقديم بلاغ مشاركة بتاريخ: 5 أبريل 2003 استاذ kwa و سي السيد يجد كلالالالالالالامكم مهم جدا فعلالالالالا وفيه حاجات ما كنتش واخدا بالي منها :cry: بس عاوزا اقولكم على حاجا بسيطة طبعا انا مش حرفيه ولا فنانة لكن حساسة :oops: الصورة زي ما انتوا شايفين رقيييييقة جدا يبقى حرام عليا ابوظها ببرواز يخطف النظر منها بالعكس بقى انا كنت عاوزا البروزا الي ارفع من دا بس ماكانش موجود عند الراجل :? وكل ما كان البروزا سمبل كل ما ظهرت الصورة وبعدين الرسم ع الأزاز يقيدك برسوم معينه.. وخلوا بلكوا دا مش رسم فرشة بس لا دا تحديد بالانبوبة البارزة + تلوين ويبان من بعيد زي الأزاز المعشق.. حد فاهم حاجا؟ :roll: :roll: :roll: وانا من البلد ديييييييييييي رابط هذا التعليق شارك المزيد من خيارات المشاركة
بنت شعنونة بتاريخ: 5 أبريل 2003 كاتب الموضوع تقديم بلاغ مشاركة بتاريخ: 5 أبريل 2003 منماااااااااان يا استغلالالالالالي يا كاجوال :cry: ها تعمل عمارة من 12 جنييييييييييه :lol: :cry: :cry: :cry: طل الاقيش عندك عربية جيب ب 10 جنييه كدا والنبي :cry: :cry: والله يا جماعا انتوا بترفعوا من معنوياتي.. وربنا يستر ع اللي ها اعمله :roll: :oops: :cry: وانا من البلد ديييييييييييي رابط هذا التعليق شارك المزيد من خيارات المشاركة
elbana بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 معلش أنا شفت الموضوع كله متأخر . طبعاً انتي عارفةإن أنا مصوراتي منقراتي في البلد جوال :oops: :cry: :cry: ف ح أقول رأيي حسب ما أنا شايف وبصراحة . الرسم جميل جداً ، ومن غير فزلكة ، ينفع يتباع وينفع يتعلق على الحيطان في بيوت الناس ، ويبقى إضافة للمكان . عايز بس أقول حاجة صغيرة وهي ياريت تزودي الأزرق شوية ، يعني استخدميه أكتر ، لأن شغل الرسم على الزجاج بيحب اللون ده قوي، ومتهيألي كده أصبح فيه ارتباط بينهم ، إضافة إلى أن الأزرق ملك التعبير في الرسم عموماً ، من وجهة نظري طبعاً . بس الشغل جميل بصحيح ، والرسم رقيق جداً ، والتركيب بتاع الأشكال متوازن إلى حد بعيد ، (كلام مجعلص مش كده .. أمال أخوفك إزاي) لأ والله أنا أعني كل الكلام اللي قلته ، شدي حيلك وأتمنى لك التوفيق في مشروعك . رابط هذا التعليق شارك المزيد من خيارات المشاركة
بنت شعنونة بتاريخ: 5 أبريل 2003 كاتب الموضوع تقديم بلاغ مشاركة بتاريخ: 5 أبريل 2003 استاذ البنا الله يخلييييييييييك يارب طب والنبي افتينا في موضوع البرواز دا؟؟ :roll: :roll: اتصرف فيه ازاي؟ وبعدين بس عشان التوضيح انا الرسمة نفسها واخداها من كتاب ومزودة عليها شوية حاجات من عندي ورسماها على الأزاز احسن تفتكروا اني موهبة عبقرية والا حاجا :oops: :cry: :cry: :roll: :roll: :roll: وانا من البلد ديييييييييييي رابط هذا التعليق شارك المزيد من خيارات المشاركة
elbana بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 البرواز اللي انتي عاملاه عريض شوية وواخد مساحة كبير بالنسبة للرسم ، وأنا مع رأي سي السيد في موضوع البرواز الرفيع ، ولو مافيش برواز خالص يبقى أحسن ، وممكن في الحالة دي يتعمل للوحة طريقة للتثبيت مختلفة شوية بواسطة كلبس يتثبت في الخلف مثلاُ ، أو ترك مساحة محيطة بالرسم من الأربعة اتجاهات وتاخد لون متناسق مع الرسم ، المهم الاختصار والبساطة في موضوع البرواز بيكون أحسن . رابط هذا التعليق شارك المزيد من خيارات المشاركة
abofasad بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 شوفي يا بنت يا شعنونة اسمعي كلام عمك ابو فصاد وانت تكسبي سيبك من الناس الارزجية اللي بيحاولوا يضحكوا عليكي ويشتروا مجهودك الفني الرفيع بأرخص الأسعار انا من رأئي انك تفضي اوضة في البيت عندك وتحطيلها إضاءة فنية وتعملي معرض لبيع الصور في بيتك ولا الحوجة لوسيط ولا سمسار (الطغشان) اللي عاوز يشفط مكسبك كله وحتشوفي الناس حتيجي عندك في البيت وتخطف انتاجك خطف ويكون كل المكسب ليكي لوحدك بس الموضوع عاوز شوية دعاية بين اصحابك من دكاترة وعيانين وشوية شوية تلاقي عند "اتيليه" فخم جدا وتكوني مشهورة جدا وتحققي أحد أحلامك القديمة وهو انك تكوني فنانة ومشهورة ايه رأيك بقى ومن فضلك انسي موضوع المصمط والكوارع لأنه ما بيكسبش كتير و Hasta luego رابط هذا التعليق شارك المزيد من خيارات المشاركة
abofasad بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 انا كنتبت المداخلة السابقة والساعة كانت عندي الساعة اتناشر إلا خمسة ولقيته ظهر على النت الساعة خمسة ونص بعد الظهر إيه الحكاية فهموني رابط هذا التعليق شارك المزيد من خيارات المشاركة
nora بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 حلو اوي الرسم الي انتي عملاه وانا بصفتي اني عندي خبرة في الكلام ده ممكن اديكي النصيحة الي هي ويارب تعجبك :D :oops: جربي ترسمي على المرايات هتبقى برضوا حلوه بس طبعا الالوان الي هتستعمليها هتبقى مختلفة لانها لازم تكون شفافة دي فكرة تنية لاني انا عن نفسي بحب الرسم على المريات وده الي عملاه في باب الشقة وانا قلت ليكي على ورد السراميك وانت مقلتيش رأيك تكلفته قليله جدا و غير كده انه بيطلع جميل وممكن تعملي منه حجات تطعمي بيها المرايه او الازاز تدي لوك حلو وفي سؤال باه انا مش قدره احدد اية الباك جرون بتاع الازاز ؟؟ وفي عندي فكرة تنية حولي انك تغيري في لون التحديد في تحديد بيكون دهبي او فضي هيدوا شكل حلو انا افضل الفضي بيبقى خفيف و في رسمات بتبقى طبيعية يعني حولي ترضي جميع الازواق مش بس ورود وعصافير في كتاب انا كنت جبته من مصر في رسومات خاصة بالموضوع الرسم على الازاز فية صور كتير بس معرفش ازا كنتي هتلقية ولا لاه بس كان فية سمك و صورة فلاحات على النيل وممكن كمان الحجات الفرعونية ودي طبعا على مريات وبتحديد دهبي هتبقى روعة (خاصة الفرعوني ) :wink: :wink: اما بالنسبة للبرواز انا شيفة انه حلو مش وحش بس في براويز ارفع ودي هتكون احسن وفعلا زي ما قلتي كل مكان البرواز سمبل كل مكانت رسمتك بينه :roll: :roll: اتمنى ان راي يكون مفيد ولو في استفسار انا تحت امرك انا اخدت كورس في الكلام ده لما كنت صغيرة وكنت دخلت معارض بس بطلت من زمان انمي الكلام ده بس ده ميمنعش اني لسة فكراه :oops: ومتنسيش كل نصيحه عليها 75% عموله :lol: :lol: :lol: وصحيح يا سي السيد عيزني اجبلك باب الشقة هتعمل بي اية ونعد ازاي احنا من غبر باب :shock: :shock: :shock: :shock: متيجي انت اسهل :cry: :cry: بس متنساش توصي ام العيال على المحشي والذي منه انا لسة منستش عزومتك :lol: :lol: :lol: رابط هذا التعليق شارك المزيد من خيارات المشاركة
بنت شعنونة بتاريخ: 5 أبريل 2003 كاتب الموضوع تقديم بلاغ مشاركة بتاريخ: 5 أبريل 2003 نورا.. بصي بقى انا فعلا محتاجاكي جدااااااااا ومحتاجا تديني شرح تفصيلي وب البطيء جداااااااا عشان انا فهمي على قدي :roll: :D قوليلي ازاي اعمل عجينة السيراميك؟؟ وازاي الونها؟ و بانه الوان وازاي اعمل وردة بلدي من السيراميك؟؟ :shock: :oops: :oops: معلش ها اتعبك بس انا بجد محتاجاها اويييي فعلا... :lol: :lol: وانا من البلد ديييييييييييي رابط هذا التعليق شارك المزيد من خيارات المشاركة
se_ Elsyed بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 انا من رأئي انك تفضي اوضة في البيت عندك وتحطيلها إضاءة فنية وتعملي معرض لبيع الصور في بيتكوحتشوفي الناس حتيجي عندك في البيت وتخطف انتاجك خطف ويكون كل المكسب ليكي لوحدك ومن فضلك انسي موضوع المصمط والكوارع لأنه ما بيكسبش كتير طيب ليه كده يا عم أبوفصاد تقطع علينا ، ده بدل ماتقولها نصيحه حلوه ، يعني مثلاً ماهي ممكن تعمل الاتنين معرض ومصمت فى نفس الاوضة ، يعني أروح أتفرجلي على لوحتين وفى نفس الوقت آرم عضمي بطبق شوربة مع فتة كوارع .. وبكده يبقى هو ده مفهوم الفن الصحيح غذاء للعقل والعضم ..... :D رسالة آخرى الى إبنتنا نورا ... المحشي يناديكي .. واللحمة بين إيديكي .. وأنا كده أبتديت أخاف منك لأن فعلاً إحنا بألنا 3 أيام عندنا محشي وملوخية يابنتي وعمال أكل فيهم ليل نهار ... إدمان بعيد عنك. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
nora بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 :D :oops: :oops: :lol: شفت مش قلت ليك عندي حاست الشم قوية :lol: :lol: رابط هذا التعليق شارك المزيد من خيارات المشاركة
nora بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 هقولك يا شعنونة كل الي انتي عوزاه بس بجد انا في الشغل دلوقتي بكرة هكتبلك كل حاجة انشاء الله :D :wink: بس متنسيش نسبتي :shock: :shock: رابط هذا التعليق شارك المزيد من خيارات المشاركة
Lancelot بتاريخ: 6 أبريل 2003 تقديم بلاغ مشاركة بتاريخ: 6 أبريل 2003 شعنونة .... أنا أسف شفت الموضوع متأخر ..... أنا أسف مرة أخري .... أنا - بصراحة - الفكرة ماكنتش عاجباني في الأول ... لكن لما شفت الصور قلت ..... WOW .... لأنها بصراحة جميلة فعلا .... تسلم الأيادي ...... أنا مش بأفهم في الفن و الزجاج و الحاجات ديه ... لكن هأفتي في اللي بأفهم فيه .... الطرد بتاع الدي إتش إل ... لما وزنه يكون ربع كيلو ... لأمريكا أو كندا مثلا ... بـأكتر من 250 جنيه لما سألت أخر مرة .... لو بعتي الرسومات للسياح يكون أحسن .. بيحبوا الشغل اليدوي و يقدروه .... و يا سلام لو كان فرعوني .... هيجنن .... و يبقي مصادر الدخل القومي .... قناة السويس و السياحة .... و براويز شعنونة .... :D :D رحم الله الأفاكاتو وإخناتون وإسكنهم فسيح جناته __ وجوه في العاصفة - هل تحب عملك - كيف تعمل الأشياء - أزمة الحد الأدني رابط هذا التعليق شارك المزيد من خيارات المشاركة
أسامة الكباريتي بتاريخ: 6 أبريل 2003 تقديم بلاغ مشاركة بتاريخ: 6 أبريل 2003 بسم الله الرحمن الرحيم شعنن .. الجرأة ميزتك الأولى .. استغليها حتى النهاية .. كل اللي فات سجليه عندك وادرسيه بعناية .. قصدي فتاوي ونصائح الرواد .. نصيحة تعلم الشئ بأسلوب علمي لإتقان الصنعة ويكون هناك فن واحتراف مهني في نفس الوقت أظنها هي البداية السليمة .. إمشي مع نورا فأفكارها عملية وتنم عن حس فني جيد .. التنويع في الفن ضمن الإطار العام .. زجاج - سيرميك - مرايا .. يستقطب عدد اكبر من الرواد .. أعرف صديقة للعائلة محامية .. وتعمل نفس ما تفكرين به .. وتمارس الهواية من سنين طويلة .. برعت في عمل الزهور الصناعية من البلاستيك والسيراميك .. وتبيع لعدد من المحلات الكبيرة .. فكرة التصدير ممتازة بس لما تتقني الصنعة .. وتمتازي بخصوصية مصرية كما نصحوا لك من قبل (إسلامي وفرعوني) .. اعتبريني حاجز 6 لوحات على الأقل .. والتسليم في الصيف .. بس يكون عمل متقن وفيه حرفنة .. علشان أفتخر به .. وأفتح سوق لك في وسطنا .. الدفع ممكن يكون مقدما .. رهن الإشارة . وليمتنع الوسطاء .. خصوصا جارنا العزيز منمان .. وعمك الطفشان مسألته سهلة .. عزومة عند الدهان في الحسين .. وينسى العمولات كلها .. يا حيف ع اللي جرحهم جرحي وفوق الجرح داسوا صاروا عساكر للعدى وكندرة العدو باسوا حسبنا الله ونعم الوكيل رابط هذا التعليق شارك المزيد من خيارات المشاركة
Faro بتاريخ: 6 أبريل 2003 تقديم بلاغ مشاركة بتاريخ: 6 أبريل 2003 نورا..بصي بقى انا فعلا محتاجاكي جدااااااااا ومحتاجا تديني شرح تفصيلي وب البطيء جداااااااا عشان انا فهمي على قدي :roll: :D قوليلي ازاي اعمل عجينة السيراميك؟؟ وازاي الونها؟ و بانه الوان وازاي اعمل وردة بلدي من السيراميك؟؟ :shock: :D :D معلش ها اتعبك بس انا بجد محتاجاها اويييي فعلا... :D :oops: الأخت شعنونة إشترى سيراميك ذو لون واحد ( أبيض, أحمر , وردي .....إلخ ) . مطرقة من الخشب أو المطاط المضغوط. بواسطة المطرقة يتم تكسير السيراميك ( أو الزجاج بعد ذلك يلون بألوان الزجاج الخاصة) . يرسم الورد على ورق زبدة أو ورق شفاف. تلصق قطع السيراميك على الرسم وفى هذه الحالة يجب إستعمال مبرد خاص للسيراميك أو كماشة خاصة لقضم السيراميك. بإمكانك الرسم على السيراميك بقلم خاص بعد ذلك يتم النشر بواسطة منشار سيراميك. هناك طرق عديدة قد تتوصلي إليها بالممارسة الدين لله, المحبة سلام والتعصب خراب الحياة فيلم لا يعاد عرضه رابط هذا التعليق شارك المزيد من خيارات المشاركة
بنت شعنونة بتاريخ: 6 أبريل 2003 كاتب الموضوع تقديم بلاغ مشاركة بتاريخ: 6 أبريل 2003 ربنا يخيلييييييكم كلكم يااااااارب بجد بجد انا مش عارفا اشكركم ازاااااي :oops: :oops: :oops: استاذ فارو؟؟ حضرتك متاكد من انه دي الطريقة بجد؟ اصل ناا معلوماتي انها عجينه بتتعمل كدا وتتقطع وتنشف تبقى سيراميك؟ :roll: :roll: وانا معلوماتي اثرية اصلا :) عندي بقى ليكوا مفااااااااااااااااجأة تاااااااااانيا كماااااااااان بكرا ان شاء الله ها اوريهالكم اصورها واحطها وبرضضضووووووووا قولولي رايكم :roll: :oops: :oops: وانا من البلد ديييييييييييي رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان