أبو سهيل المهدي بتاريخ: 4 مايو 2008 تقديم بلاغ مشاركة بتاريخ: 4 مايو 2008 اصطبحنا و استفتحنا مشاركاتنا في المنتدى .. و الأمر لله .. شوفوا يا رجاله .. أنا عندي استشارة : العبد لله كنت في ( السعودية ) بفيزة ( مهندس ) لمدة ( 5 شهور ) و أتاني - خير اللهم اجعله خير - عرض بنقل الكفالة إلى شركة أخرى بمرتب الضِّعف .. و لمَّا كنت مخنوقًا و طالع بوز حضرتي في وظيفتي الأولى ؛ فقد وافقت بشرط أن يتفق ( الكفيل الجديد ) مع ( الكفيل الأول ) .. - و طبعًا اكتشفت بعد ذلك أنني كنت - عفوًا - [ حمار كبير ] .. لأنني بهذا قد سلمت ( دقني الكريمة ) لاتنين قُطَّاع طرق بدلاً من قاطع طريق واحد [ كفيل سابقًا ] .. و بما أن الوسيط كان [ مصري ] - و طبعًا عارفين قد إيه إحنا شعب بنحب الخير لبعض bngn:: - فقد باظت الطبخة و انتهت إلى ما لا يُحمد عُقباه !!.. و لا زلت أقترح على هذا المصري أن يُسمِّي نفسه ( عبد الكفيل ) ده مع العلم إن ( الكفيل ) فعلاً من أسماء ربنا ؛ بس صاحبنا كده بيعبد السعودي و بس ، و ربنا يغفر لنا و ليه - يا لَّه أهو كله بثوابه - ؟؟!!.. و عُدت سيادتي و جنابي و معالي حضرتي معززًا مكرمًا إلى المحروسة طائرًا على الدرجة السياحية بالطيران السعودي .. و لما دخلت جمرك المطار - و أنا محظوظ عشان جيت طيران مش في صندوق وانيت - سألني ضابط الجوازات : انت بقالك قد إيه برَّه ؟؟!!.. قلت : خمسة شهور .. فأفسح لي الطريق و على شفتية ابتسامة مشفقة و لسان حاله يقول : ( عدِّي يا بني الله يسهلَّك ) !!. المهم .. و بعد ( خمسة شهور أخرى ) و لكن من الصِّياعة و انعدام العمل :cry: جائني عقد حكومي [ شحيح نحيح دحيح ] و لكن أمر الله .. و جائتني التأشيرة .. و بينما أنا في سكرة طوابير الكشف الطبي .. إذا بأحد الإخوة الأفاضل ****** يقول : << أنني ممنوع من دخول المملكة لمدة سنتين >> ؟؟!!.. wst:: و لازم أجيب ( عدم ممانعة ) ، مع إني ما عنديش تليفون ؟؟!!.. و إلا فلن أحصل على التأشيرة ؛ طبعًا ما عدا تقشيرة الموز .. و إذا حصلت على التأشيرة ( بمعجرة ما ) فلن يُسمح لي بدخول المملكة ( أدام الله بترولها آميييييين ) .. و إذا كنت من أصحاب الكرامات و مررت كالَّلهو الخفي من الجوازات و دخلت المملكة ( أدام الله بترولها و نفخ في صورة ريالها ) .. فأكيد .. أكيد .. أكيد ( أبو كفولة الأول ) = ( كفيلي الأول ) هيخرب بيتي و يرجعني تاني bnd5:: .. لأن بسلامتي رايح في ستين .... آسف ( في نفس البلد اللي كنت فيها ) ؟؟!!.. مع العلم إن أنا مش هاغير ( الجواز ) لأني بدأت الإجراءات و العقد سيتم عن طريق ( الملحقية الثقافية ) و قد سجلوا رقم جوازي الحالي ( اللي هو برضه - شوف الصدف - عليه التأشيرة القديمة ) -_- .. و برضه أنا أدَّعي إني باخاف ربنا و عندي ضمير و مش هاكدب و أقول و انا داخل المملكة إنها أول مرة و لا هاقول ( حرَّمت يا بيه ) ، و لا هاضرب الجواز ؟؟!!.. و ده برضه لأن الكدب ما لوش رجلين بينما الصدق ( منجا ) و ( عنب ) و ( زبادو ) و ( عصير بوريو ) كماااااااان !!.. و قد تنامى لسمعي - حلوة تنامى دي - أن العقد الحكومي مثل ( التوبة ) يَجُبُّ ما قبله و إن المنع ده غير ساري في حالة ما إذا كان التعاقد التاني مع الحكومة ؟؟!!.. هه .. لو ما فيش حل حد خبير يقوللي عشان ما اوجعش دماغي :blush2: smk: wst:: .. رابط هذا التعليق شارك المزيد من خيارات المشاركة
سكر بتاريخ: 4 مايو 2008 تقديم بلاغ مشاركة بتاريخ: 4 مايو 2008 حلك الوحيد انك كنت غيرت جواز السفر قبل ما تبدا الاجراءات الجديدة لتلافى العاب الكفيل وكدة تدخل المملكة شخص جديد نظيف ملوش اى علاقة بالشخص الاخر (لحد نظام البصمة ما يتعمم والاجراء دة يبقى اجراء اونطة) بس حاول يمكن فى طريقة تانية انا مش عارفها رابط هذا التعليق شارك المزيد من خيارات المشاركة
هشام عباس بتاريخ: 4 مايو 2008 تقديم بلاغ مشاركة بتاريخ: 4 مايو 2008 بصراحه انا معنديش فكره لأن النظام ده غير مطبق في عمان لكن كل الي اقدر اقلهولك ربنا معاك ويوفقك لما فيه الخير والصلاح امين رابط هذا التعليق شارك المزيد من خيارات المشاركة
madzoro بتاريخ: 5 مايو 2008 تقديم بلاغ مشاركة بتاريخ: 5 مايو 2008 انتظر لحد ما سي السيد يقرأ استفسارك على ما اظن هو اللي ممكن يفيدك ............... ربنا يوفقك و يكتبلك اللي فيه الخير رابط هذا التعليق شارك المزيد من خيارات المشاركة
capitshino بتاريخ: 5 مايو 2008 تقديم بلاغ مشاركة بتاريخ: 5 مايو 2008 فعلا انت ممكن تغير الجواز وتاخد الفيزا على جواز جديد بس لو ال (As An Elephant) اقصد ال كا فيل عرف هيعمل لك مشكلة (مع احترامى للفيلة) خصوصا لو كنت هتشتغل فى مجال منافس لمجاله رابط هذا التعليق شارك المزيد من خيارات المشاركة
أبو سهيل المهدي بتاريخ: 5 مايو 2008 كاتب الموضوع تقديم بلاغ مشاركة بتاريخ: 5 مايو 2008 (معدل) وكدة تدخل المملكة شخص جديد نظيف ملوش اى علاقة بالشخص الاخر تقصد إني بجوازي الحالي ( شخص مش نضيف ) :blush2: ؟؟!!.. الله يسامحك يا عم ، أنا مش هاردّ عليك لأني لسه مستحمِّي امبارح .. تم تعديل 5 مايو 2008 بواسطة أبو سهيل المهدي رابط هذا التعليق شارك المزيد من خيارات المشاركة
أبو سهيل المهدي بتاريخ: 5 مايو 2008 كاتب الموضوع تقديم بلاغ مشاركة بتاريخ: 5 مايو 2008 ربنا معاك ويوفقك لما فيه الخير والصلاح آميييييين .. :blush2: رابط هذا التعليق شارك المزيد من خيارات المشاركة
أبو سهيل المهدي بتاريخ: 5 مايو 2008 كاتب الموضوع تقديم بلاغ مشاركة بتاريخ: 5 مايو 2008 (معدل) انتظر لحد ما سي السيد يقرأ استفسارك على ما اظن هو اللي ممكن يفيدك ...............ربنا يوفقك و يكتبلك اللي فيه الخير آميييييين .. بانتظار : ( C - Essayyed ) .. تم تعديل 5 مايو 2008 بواسطة أبو سهيل المهدي رابط هذا التعليق شارك المزيد من خيارات المشاركة
أبو سهيل المهدي بتاريخ: 5 مايو 2008 كاتب الموضوع تقديم بلاغ مشاركة بتاريخ: 5 مايو 2008 (معدل) فعلا انت ممكن تغير الجواز وتاخد الفيزا على جواز جديد بس لو ال (As An Elephant) اقصد ال كا فيل عرف هيعمل لك مشكلة (مع احترامى للفيلة) خصوصا لو كنت هتشتغل فى مجال منافس لمجاله فكرة تغيير ( الجواز ) مرفوضة حتى لو ( أبو كفولة ) هيعمل مُشكلة ،،،، لأن فيها ( شهادة زور ) عند دخول الجوازات هناك - سأشهد بأنني أول مرة أدخل المملكة و أملأ استمارة قادم جديد - ، و ربنا يبعد عنَّا القرش اللي يجي من تحت راسُه ضياع الدين .. تم تعديل 5 مايو 2008 بواسطة أبو سهيل المهدي رابط هذا التعليق شارك المزيد من خيارات المشاركة
capitshino بتاريخ: 5 مايو 2008 تقديم بلاغ مشاركة بتاريخ: 5 مايو 2008 يا عم ايه الكلام الكبير ده .. بيع دين ايه اللى بتقول عليه رابط هذا التعليق شارك المزيد من خيارات المشاركة
أبو سهيل المهدي بتاريخ: 5 مايو 2008 كاتب الموضوع تقديم بلاغ مشاركة بتاريخ: 5 مايو 2008 يا عم ايه الكلام الكبير ده .. بيع دين ايه اللى بتقول عليه سيدي الفاضل .. الكلام ده مش كبير و لا حاجه .. و حتى إذا فعله بعض الفضلاء مضطرين ، فلا تستهجن ألا يفعله من يريد سلامة نفسه في الدنيا و الآخرة .. بهدوء : عند تغيير الجواز سأدخل المملكة و أقف في طابور ( القادمين لأول مرة ) .. ثم أملأ الاستمارة المخصصة لذلك و أوقعها أنني ( قادم لأول مرة ) و هذه - شرعًا - ( شهادة زور ) .. و هي من بيع الدين من أجل شيء قد يأتي و قد لا يأتي .. و الغاية لا تُبرر الوسيلة .. تقبَّل احترامي .. رابط هذا التعليق شارك المزيد من خيارات المشاركة
se_ Elsyed بتاريخ: 5 مايو 2008 تقديم بلاغ مشاركة بتاريخ: 5 مايو 2008 الاخ الكريم إذا كانت هذه هي قناعتك فلا كلام ولا إقتراحات تفيد بعد ذلك وربنا يوفقك إلى ما فيه الخير . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
capitshino بتاريخ: 5 مايو 2008 تقديم بلاغ مشاركة بتاريخ: 5 مايو 2008 صح يا سى السيد رابط هذا التعليق شارك المزيد من خيارات المشاركة
أبو سهيل المهدي بتاريخ: 5 مايو 2008 كاتب الموضوع تقديم بلاغ مشاركة بتاريخ: 5 مايو 2008 الاخ الكريم إذا كانت هذه هي قناعتك فلا كلام ولا إقتراحات تفيد بعد ذلك وربنا يوفقك إلى ما فيه الخير . شرَّفني مرورك ( مشرفنا الفاضل ) ، و قد فهمت من كلامك أنه لا سبيل لحل هذه المُشكلة إلاَّ بـ ( تغيير الجواز ) و الدخول ( كما لو أنها أول مرة ) .. و بما أنني أرفض ذلك فلا سبيل آخر .. أشكرُ لك التوضيح و التعليق و الدُّعاء .. تقبَّل احترامي و تقديري رابط هذا التعليق شارك المزيد من خيارات المشاركة
أبو سهيل المهدي بتاريخ: 5 مايو 2008 كاتب الموضوع تقديم بلاغ مشاركة بتاريخ: 5 مايو 2008 صح يا سى السيد مشكور على التأكيد و التعقيب :) .. و اللهُ المُستعان .. رابط هذا التعليق شارك المزيد من خيارات المشاركة
madzoro بتاريخ: 5 مايو 2008 تقديم بلاغ مشاركة بتاريخ: 5 مايو 2008 ما شاء الله و الله اكبر ربنا يوفقك و يكرمك و يقدرك على حسن العبادة رابط هذا التعليق شارك المزيد من خيارات المشاركة
muslim4ever بتاريخ: 5 مايو 2008 تقديم بلاغ مشاركة بتاريخ: 5 مايو 2008 احيك على هذا المبداء المشرف واكيد في من امثالك الكثير والكثير فالغاية لا تبرر الوسيلة وان شاء الله تؤجر على نيتك اتَّقِ اللَّهِ حَيْثُمَا كُنْتَ وَأَتْبِعْ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَن رواه الترمذي رابط هذا التعليق شارك المزيد من خيارات المشاركة
capitshino بتاريخ: 5 مايو 2008 تقديم بلاغ مشاركة بتاريخ: 5 مايو 2008 انا فاهم موقفك اخى بس بتاع اى شخص يمنع شخص من الدخول ولا الخروج. اما بالنسبة للخول لاول مرة فمش عارف لو روحت من ممرات اللى دخل قبل كده ايه اللى هيحصل عالعموم هذه مشاركة اخرى تبين مدى سوء القوانين هنا وربنا يكرمك ويوفقك . بس الواحد كان متضايق وهو بيقرا مداخلاتك وبيسئل نفسه ليه كده وبيتعمل فينا ليه ؟؟؟؟؟؟؟؟؟؟؟؟؟؟؟؟؟؟؟؟؟؟ صح يا سى السيد مشكور على التأكيد و التعقيب :) .. و اللهُ المُستعان .. رابط هذا التعليق شارك المزيد من خيارات المشاركة
capitshino بتاريخ: 5 مايو 2008 تقديم بلاغ مشاركة بتاريخ: 5 مايو 2008 انا فاهم موقفك اخى بس بتاع اى شخص يمنع شخص من الدخول ولا الخروج. اما بالنسبة للخول لاول مرة فمش عارف لو روحت من ممرات اللى دخل قبل كده ايه اللى هيحصل عالعموم هذه مشاركة اخرى تبين مدى سوء القوانين هنا وربنا يكرمك ويوفقك . بس الواحد كان متضايق وهو بيقرا مداخلاتك وبيسئل نفسه ليه كده وبيتعمل فينا ليه ؟؟؟؟؟؟؟؟؟؟؟؟؟؟؟؟؟؟؟؟؟؟ صح يا سى السيد مشكور على التأكيد و التعقيب :) .. و اللهُ المُستعان .. اسف .. لسه صاحى وكتبت بعض الكلامات غلط انا فاهم موقفك اخى بس بتاع ايه شخص يمنع شخص من الدخول ولا الخروج. اما بالنسبة للدخول فمش عارف لو روحت من ممرات اللى دخل قبل كده ايه اللى هيحصل عالعموم هذه مشاركة اخرى تبين مدى سوء القوانين هنا وربنا يكرمك ويوفقك . بس الواحد كان متضايق وهو بيقرا مداخلاتك وبيسئل نفسه ليه كده وبيتعمل فينا ليه رابط هذا التعليق شارك المزيد من خيارات المشاركة
kingsabry بتاريخ: 5 مايو 2008 تقديم بلاغ مشاركة بتاريخ: 5 مايو 2008 أنا في رأيي المتواضع تستخير ربنا و تغيير الجواز أحسن لأن انت مضطر ودي مش شهاده على شخص محكوم عليه ولا قضيه .. ده هما اللي ولاد ستين ...... وخلي في بالك وانت بتعمل كده ان الراجل السعودي هو اللي بدأ وانت ما عليكش عيب يبقى مين اللي باع دينه .. حاول تفكر لأن ده مستقبلك (أنا لسه صغير بس شوفت كتير ربنا لا يوريك ولا يحكم علينا ) .. وبالتوفيق أمين من الأفضل أن تمشى ببطء إلى الامام على إن تمشى مسرعاً إلى الخلف يسخر من الجروح كل من لا يعرف الألم رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان