عندكم مواقف محرجة ... أحكوا وفضفضوا وسمعونا صوتكم .... !!!

[kokomen]

الأخوة والأخوات الأعزاء

أكيد كل منا تعرض لمواقف محرجة في حياته اليومية ويحتفظ بها في ذاكرته حتى الآن

وهذه دعوة للجميع ليشارك ويحكي بعض من هذه المواقف المحرجة التي قد نستفيد منها جميعا

أنا ح أبدأ أول مشاركة في هذا الموضوع :-

من فترة زمنية طويلة .... كنت بأنزل إجازة الصيف من السعودية

وكان عندي سيارة في مصر رافعها في الجراج لإستخدمها عند نزولي الإجازة

ومرة نزلت إجازة وجدت السيارة فيها مشكلة ومعطلة :sad: ... وكان عندي مشوار ضروري

قلت ياواد بقالك كثير لم تركب الترام بتاع محطة الرمل أبو دورين :lol: .. روح جرب وأركب

وأهي فرصة إن السيارة متعطلة .... وقفت على المحطة في إنتظار الترام وأول ما وصلت الترام

نطيت بسرعة الي داخل العربة لأن الترام بيتحرك بسرعة ولا يتوقف طويلا ... وكانت المفاجأة المحرجة

وجدت نفسي في وسط مجموعة كبيرة من الستات وكلهم بيبصولي نظرة غريبة ... وأنا بقول في نفسي

هو أيه الحكاية مفيش في العربة دي رجاله غيري :blink: .... سألت واحدة .. وقلت لها أكيد في حاجة غلط ... ردت عليا

وقالت أنت في عربة خاصة بالستات فقط يا أستاذ ... أحمر وجهي وقلت لها والله منا عارف وآسف ... وبقيت أقول

يا أرض إنشقي لأن كلهن ينظرن الي ... يعني وقعت في وسط مملكة الحريم :lol: :lol: .. لغاية لما نزلت عند توقف

الترام في أول محطة .... وفعلا لقيت على الباب مكتوب العربة خاصة للنساء فقط :lol:

:D :D :)

[galaxy]

استاذي الفاضل كوكومن.......... :blink:

بجد محتاجين نضحك شويه بجد.................ربنا يكرمك :D

اول سنه جيت فيها الامارات كنت لسه متخرجه جديد وكنت بتدرب في صيدليه وجت واحدة مواطنه ومعاها بنت صغيرة حوالي 13 سنه تقريبا.........وقالتلي ان البنت عندها عوار من الصبح وانا مش عارفه اعملها ايه.........والمشكله ان البنت بتحتاج نقل دم كل شهر ...نعمل ايه؟؟؟ :)

طبعا ساعتها كنت لسه مش عارفه اللهجه الخليجي كويس وكنت فاكرة ان عوار معناها انها متعورة او في جرح يعني وطبعا ربطت بين نقل الدم اللي بتعمله البنت كل شهر وانها متعورة و بتنزف من الصبح.. :D .......... وطبعا بدات ادي الام محاضرة انها ازاي ساكته علي بنتها من الصبح وهي بتنزف وانها اكيد نزفت من الصبح كتير وانها لازم تروح المستشفي حالا وكل الكلام دا. :lol: .........طبعا ما كان منها الا انها بصيتلي بتعجب زي ما تكون شايفه واحده مجنونه و سابتني ومشيت :lol: .............وعرفت بعدها ان عوار يعني صداع يعني اي مسكن كان يؤدي الغرض :lol:

[shawshank]

موضوعان ذوا صلة :

ما هو اكتر موقف محرج اتحطيت فيه؟

مواقف مضحكة

[Scorpion]

بالأضافة الي الموضوعان الذي اضافهما العزيز شاوشانك .... أتذكر أيضآ هذا الموضوع

مواقف و طرائف

و به بعض مواقف طريفة حدثت للرعيل الأول في المحاورات .. ثم أعقبه الموضوعان السابقان السابق ذكرهما ... و بهذا أصبح لكل فترة موضوعها الذي يناقش تلك الفكرة المرحة ...

و حان الآن الدور علي أهل المحاورات الحاليين ....

ها مين حيكمل ؟؟؟

[kokomen]

بالأضافة الي الموضوعان الذي اضافهما العزيز شاوشانك .... أتذكر أيضآ هذا الموضوع

مواقف و طرائف

و به بعض مواقف طريفة حدثت للرعيل الأول في المحاورات .. ثم أعقبه الموضوعان السابقان السابق ذكرهما ... و بهذا أصبح لكل فترة موضوعها الذي يناقش تلك الفكرة المرحة ...

و حان الآن الدور علي أهل المحاورات الحاليين ....

ها مين حيكمل ؟؟؟

الأخ الفاضل : سكوب

شكرا على تنييهنا على وجود موضوعات مشابهة منذ زمن

وده يعتبر تجديد وإمتداد لنفس الفكرة بس بدم جديد ويمكن بإشتراك

أعضاء جدد ... بس ياترى أنت مقلتش على أي موقف حصل لحضرتك :blink: أوع تكون خايف

أشكر عزيزي : shawshank

على تذكيرنا ببعض المواضيع المشابهة ووضع روابطها في مداخلته هنا

بس الظاهر لسه متردد في ذكر أي موقف حصل له .. حتى في أمريكا بلاش مصر :lol:

تقبلوا خالص تحياتي

:D :D :)

[kokomen]

استاذي الفاضل كوكومن.......... :blink:

بجد محتاجين نضحك شويه بجد.................ربنا يكرمك :D

اول سنه جيت فيها الامارات كنت لسه متخرجه جديد وكنت بتدرب في صيدليه وجت واحدة مواطنه ومعاها بنت صغيرة حوالي 13 سنه تقريبا.........وقالتلي ان البنت عندها عوار من الصبح وانا مش عارفه اعملها ايه.........والمشكله ان البنت بتحتاج نقل دم كل شهر ...نعمل ايه؟؟؟ :)

طبعا ساعتها كنت لسه مش عارفه اللهجه الخليجي كويس وكنت فاكرة ان عوار معناها انها متعورة او في جرح يعني وطبعا ربطت بين نقل الدم اللي بتعمله البنت كل شهر وانها متعورة و بتنزف من الصبح.. :D .......... وطبعا بدات ادي الام محاضرة انها ازاي ساكته علي بنتها من الصبح وهي بتنزف وانها اكيد نزفت من الصبح كتير وانها لازم تروح المستشفي حالا وكل الكلام دا. :lol: .........طبعا ما كان منها الا انها بصيتلي بتعجب زي ما تكون شايفه واحده مجنونه و سابتني ومشيت :lol: .............وعرفت بعدها ان عوار يعني صداع يعني اي مسكن كان يؤدي الغرض :lol:

شكر ا دكتورة \ جلاكسي هانم

فعلا معاكي حق عايزين نضحك شوية ونهرب من الضغوط اللي بنتعرض لها ليل ونهار

والموقف اللي ذكرتيه ظريف .. أنا إتعرضت لموقف مشابه له سوف أحكيه بعد شوية

تقبلي خالص تحياتي

[badroora]

يسلام يا جنرال موضوع رائع وانا هابقي زبونه دايمة هنا عشان موقفى الكتير المحرجة :)

اول موقف

انا طبعا كنت باشتغل فى مصر وكان دوامى 12 ساعة باليوم وكنت ساكنة جنب الشغل وبعدين لظروف مرض جدى اضطريت اقعد فى بيتنا 2 شهر رايحة جاية عشان اكون جنب جدى الله يرحمه

المهم انا مش من النوع ابدا اللى بينام فى المواصلات حتى ولو ايه

بعد المقدمة دي

كنت فى الشغل وبعدين المفروض بنسلم الساعة 8 ونمسي فاليوم دا حصل 6 حوادث سيارات و3 تغيبوا من الشفت اللى هيستلم مننا

المهم فضطرينا انا وصديقة لى نكمل 24 ساعة شغل عان نغطى وطبعا كان المفروض ناخد ع ااقل 3 ساعات راحة معرفناش لان الموقف كان حرج فى المستشفي

طبعا طلع علينا الصبح مدمرين قولت اروح شقتى اللى جنب الشغل انام فيها اتصلوا بي قالولى جدك عاوزك ضرورى قولت

يا احسن يجراله حاجة وانا بعيدة المهم

اول ما ركبت الميكروباص روحت دفعت قولت عشان لو نمت محدش يصحينى وكنت قاعدة فى النص بين راجل وست

انا طبعا من التعب نمت محستش بالدنيا حلمت انى واقفة على باب قطر وايدي فلتت وكنت هاقع من القطر قمت من الحلم مفزوعة صرخت ومسكت بادية الاتنين اللى قاعدين جنبي ايد يمين وايد شمال مسكتهم جامد وقعدت اصرخ

السواق وقف الميكروباص على جنب وزعق للى جنبي وقاله انت عملت ايه حلف انه ماعمل حاجة وانا بقي مدروخة قالى بص كدا على اديها شوف كاتبين اى اسم اى عنوان اى حاجة

المهم والست بتقلب فى ايدي صحيت وقولتها فى ايه

قالتلى معاكى برشام ولا حادة بتخديه لما تجيلك الحالة دي

وازاى تمشي لوحدك كدا مش المفروض تخرجى من البيت لوحدك

قولتلها ليه

اللى جنبي قالى معلش حصل خير ابقي بس قبل ما تخرجى خدى العلاج بتاعك عشان محصلكيش كدا تانى فى المواصلات

المهم انزعجت جدا وبابص حوايلا فى الميكروباص عاوزة حد عاقل يقولى في ايه

وبعدين لاقيت واحد فى الاخر كان متقدملى ومكوناش لسه اديناله رد :D

تفتكر بعد الموقف اللى شافنى فيه دا يا ابواحمد من 6 سنين يكون لسه مستنى الرد :D

[kokomen]

موقف آخر لغاية ما الزبائن يدخلوا ينفعونا بأي حاجة :D

أول ما تعاقدنا للعمل بالخليج في السعودية خصوصا في مدارس حكومية

طبعا الواحد بيكون جاي جديد من مصر مش عارف المصطلحات الخليجية

اللي بتكون مختلفة عن المصرية شوية زي ما ذكرت مدام جلاكسي في مداخلتها

قام طالب في الفصل ورفع إيده .. قلتله نعم .. قالي .. ياأستاذ عايز .. أطير شراب

نظرت الي قدميه لقيته لابس شبشب ومش لابس شراب .... قلتله يا أبني أجيب لك شراب منين ..؟

الآولاد في الفصل ضحكوا قوي على ردي .. :) ... عرفت إن الموضوع فيه شئ مش طبيعي ... :D

بعد كده عرفت إن الولد كان عايز يروح الحمام يعني دورة المياه أكرمكم الله ... يقصد التبول :blink:

مقلب حلو قوي :lol: :lol: :lol:

[Scorpion]

الأخ الفاضل : سكوب

شكرا على تنييهنا على وجود موضوعات مشابهة منذ زمن

وده يعتبر تجديد وإمتداد لنفس الفكرة بس بدم جديد ويمكن بإشتراك

أعضاء جدد ... بس ياترى أنت مقلتش على أي موقف حصل لحضرتك أوع تكون خايف

أفهم من كده ان الفضول ما خلاكش تقرا الموضوع بتاع الرعيل الأول و ايام سعد زغلول اللي حطيت الرابط بتاعه .... و عالعموم ده كان الموقف اللي حكيته لأهل المحاورات لما كنت لسه محاور صغنن لسه بيقاوح :

في السوبر ماركت

مساءك سعيد أوي خالص

:D

[kokomen]

الأخ الفاضل : سكوب

شكرا على تنييهنا على وجود موضوعات مشابهة منذ زمن

وده يعتبر تجديد وإمتداد لنفس الفكرة بس بدم جديد ويمكن بإشتراك

أعضاء جدد ... بس ياترى أنت مقلتش على أي موقف حصل لحضرتك أوع تكون خايف

أفهم من كده ان الفضول ما خلاكش تقرا الموضوع بتاع الرعيل الأول و ايام سعد زغلول اللي حطيت الرابط بتاعه .... و عالعموم ده كان الموقف اللي حكيته لأهل المحاورات لما كنت لسه محاور صغنن لسه بيقاوح :

في السوبر ماركت

مساءك سعيد أوي خالص

:D

مش عدم فضول والله .. ده السبب أن الجهاز مربوط من الفيروسات وبطئ جدا في فتح

الصفحات وما زلت أبحث عن برنامج سباي وير علشان أنظف الجهاز بس ماحدش إتكرم علينا لسه

بعد قرائتي لموقفك الظريف المحرج

كان رد فعلك بعد ما ركبت سيارتك هو الخوف

من وزارة الداخلية " الزوجة طبعا" رغم إن الشيل كانت ثقيلة عليك :D

تم تعديل 17 أبريل 2008 بواسطة kokomen

[nash]

ابو أحمد......

جلاكسي انسه .....أحم أحم...

أتفقنا نطلع علي مرسي مطروح أنا والأسرة والصديقات وأزواجهم طبعا...صديقاتي ارسلوا السيارت مع السائقين..وسافروا بالطائرة..

أنا وابو ياسر والولاد طلعنا من القاهرة ووصلنا علي مرسي مطروح علي المغرب....

كان الإتفاق نتقابل في أوتيل أسمه ( البوسيت) وطبعا أحنا كسائحين معندناش معلومات فين الأوتيل ده...

مش فاهمه كانت الموبايلات تقريبا كلها فيها مشكله ومش عارفين نتقابل ..المهم سألنا حوالي ساعه عن الاوتيل..وفي الاخر وجدنا مبني في منتهي الشياكه...قولت الحمدلله لقيناة...

دخلنا وعند الإستقبال قابلتنا راهبه...وسألتنا عن نوع الحجز والغرف....الحقيقه أنا استغربت شويه ....بس من الإرهاق والتعب ما دققتش وقولت أحنا في مصر يعني مافيش حاجه اسمها مسلم ومسيحي...

المهم فوجئت بسعر الغرف تحفه والإمكانيات رائعه وسألت الراهبه...بعد مادفعنا طبعا...( غريبه معقوله الاسعار رخيصه كده في البوسيت) بصيتلي بابتسامه هاديه وقالتلي لأ ه مش البوسيت ده تبع دير للراهبات تقريبا أو الكنيسه مش متذكرة بجد...

طبعا احرجت منها جدا...وخصوصا ان المكان للافواج وليس للأفراد...ومع ذلك قبلت ان تسكنا هذه الليله...

في صباح اليوم التالي...وجدنا ترحيب جميل ...وعند الظهر كان موعد تسليم الغرفه....تقريبا نصف موظفين الإستقبال كانوا في وداعنا..وجاءت الأخت الراهبه..تسالنا إن كنا قضينا وقت لطيف...والأولاد أنبسطوا في البولينج..لا الحقيقه استخدمنا كل الإمكانيات مجانا...علي اساس اننا ضيوف...

والله كنت خارجه في منتهي السعاده ...من المعامله....

وبضرب عيني شمال بعد ماطلعنا من البوابه وجدت يافطه البوسيت....طبعا رحت لصديقاتي وسمعتهم كلمتين ..واتفقنا نتقابل في الإسكندريه...

لإن الجو كان رطوبه شديده وشعرنا بالمرض بسببه....

[سهران]

يسلام يا جنرال موضوع رائع وانا هابقي زبونه دايمة هنا عشان موقفى الكتير المحرجة wst::

المهم انزعجت جدا وبابص حوايلا فى الميكروباص عاوزة حد عاقل يقولى في ايه

وبعدين لاقيت واحد فى الاخر كان متقدملى ومكوناش لسه اديناله رد flrt:

تفتكر بعد الموقف اللى شافنى فيه دا يا ابواحمد من 6 سنين يكون لسه مستنى الرد i*:

و بعدين يا أخت بدرية .... بقالي نص ساعة بضحك ..... ربنا يسعدك يا رب ... الحقيقة هو مش هايبقى مستني رد هو أكيد بعد اللي شافه أضرب عن الجواز بصفة عامة ............ تحياتي

تم تعديل 17 أبريل 2008 بواسطة سهران

[سهران]

أول سنة جيت فيها الدمام طبعا كنا لسة عزاب و كنت ساكن في شقة مع أتنين من الزملا و في أول اجازة عيد كل أصحابنا و معارفنا بلغونا أنهم هايجوا يقضوا الأجازة معانا و يبلبطوا على شاطيء نص القمر لان أخواننا في الرياض بيروحوا البر و عاوزين يجربوا البحر و يضربولهم كام كيلو سمك على جمبري طازة .. ما يقرب من خمستاشر بني آدم بلا مبالغة في شقة غرفتين و صالة ... كنا بنام يومين الأجازة و احنا واقفين زي الخيل لكن ما كناش بنبطل ضحك و تهريج .. المهم .... مطولش عليكوا لاتناموا مني .... أتصل بي صديق عزيز و قالي أنه عازم نفسه هو أصدقاؤه من الرياض على أجازة العيد عندنا ..... كمان أصلها ناقصة .... الحقيقة أحرجت جدا فاضريت أعتذرله و للأسف قلتله أنا رايح البحرين لجماعة أصدقائي و هاعيد هناك .... هاعمل أيه بقولكم خمستاشر بني آدم من الحجم الكبير مشرفين عندي و مش ناقصة .... المهم ... أول يوم العيد شحنت البشر دول كلهم في عربيتي و عربيات بعض الزملاء الشرفاء و طلعنا على شاطيء نص القمر .... و أول وش أشوفه على الشاطيء كان وش صاحبي اللي قلتله أنا رايح البحرين أعيد هناك .... و بقيت أقول يا أرض أتشقي و أبلعيني ...... الشط طولة يجي عشرة كيلو و سبحان الله ...... موقف كان محرج جدا ..

تحياتي

[badroora]

... الحقيقة هو مش هايبقى مستني رد هو أكيد بعد اللي شافه أضرب عن الجواز بصفة عامة ............ تحياتي

كنت شاكة والله فى كدا flrt:

بس يعنى كل دا عشان لمست الراجل اللى جنبي بدون قصد اهو انا بقي مش باحب التشدد اللى بالطريقة دي i*:

[galaxy]

مرة اخويا الصغير راح اشتري عصير ولما اقرينا تاريخ الصلاحيه لقيناه منتهي ... i*: ..........طبع اخدت الكيس وروحت المحل لاني اكبر منهوهعرف اتكلم بعتبار ان الراجل ضحك عليه عشان طفل... wst:: .........طبعا دخلت قولتله احنا اخدنا من هنا كذا و لقيناه كذا وازاي كدا وبتحتفظ بحاجات منتهيه الصلاحيه وكل الكلام دا ..... flrt: ............الراجل بكل برود بصلي وقالي ........يا فندم الكيس دا اصلا مش بتاعنا... :ninja:

.......طبع كنت محرجه جدا لاني اتسرعت واتهمت الراجل ورغم والله اني كنت بتكلم مش بزعيق بس والله اتحرجت اوي........اعتذرتله وسبت المحل وجريت........ :happy:

[galaxy]

يسلام يا جنرال موضوع رائع وانا هابقي زبونه دايمة هنا عشان موقفى الكتير المحرجة :happy:

اول موقف

انا طبعا كنت باشتغل فى مصر وكان دوامى 12 ساعة باليوم وكنت ساكنة جنب الشغل وبعدين لظروف مرض جدى اضطريت اقعد فى بيتنا 2 شهر رايحة جاية عشان اكون جنب جدى الله يرحمه

المهم انا مش من النوع ابدا اللى بينام فى المواصلات حتى ولو ايه

بعد المقدمة دي

كنت فى الشغل وبعدين المفروض بنسلم الساعة 8 ونمسي فاليوم دا حصل 6 حوادث سيارات و3 تغيبوا من الشفت اللى هيستلم مننا

المهم فضطرينا انا وصديقة لى نكمل 24 ساعة شغل عان نغطى وطبعا كان المفروض ناخد ع ااقل 3 ساعات راحة معرفناش لان الموقف كان حرج فى المستشفي

طبعا طلع علينا الصبح مدمرين قولت اروح شقتى اللى جنب الشغل انام فيها اتصلوا بي قالولى جدك عاوزك ضرورى قولت

يا احسن يجراله حاجة وانا بعيدة المهم

اول ما ركبت الميكروباص روحت دفعت قولت عشان لو نمت محدش يصحينى وكنت قاعدة فى النص بين راجل وست

انا طبعا من التعب نمت محستش بالدنيا حلمت انى واقفة على باب قطر وايدي فلتت وكنت هاقع من القطر قمت من الحلم مفزوعة صرخت ومسكت بادية الاتنين اللى قاعدين جنبي ايد يمين وايد شمال مسكتهم جامد وقعدت اصرخ

السواق وقف الميكروباص على جنب وزعق للى جنبي وقاله انت عملت ايه حلف انه ماعمل حاجة وانا بقي مدروخة قالى بص كدا على اديها شوف كاتبين اى اسم اى عنوان اى حاجة

المهم والست بتقلب فى ايدي صحيت وقولتها فى ايه

قالتلى معاكى برشام ولا حادة بتخديه لما تجيلك الحالة دي

وازاى تمشي لوحدك كدا مش المفروض تخرجى من البيت لوحدك

قولتلها ليه

اللى جنبي قالى معلش حصل خير ابقي بس قبل ما تخرجى خدى العلاج بتاعك عشان محصلكيش كدا تانى فى المواصلات

المهم انزعجت جدا وبابص حوايلا فى الميكروباص عاوزة حد عاقل يقولى في ايه

وبعدين لاقيت واحد فى الاخر كان متقدملى ومكوناش لسه اديناله رد i*:

تفتكر بعد الموقف اللى شافنى فيه دا يا ابواحمد من 6 سنين يكون لسه مستنى الرد wst::

جامد يا بدريه.................ربنا يسعدك يا رب flrt:

[badroora]

جامد يا بدريه.................ربنا يسعدك يا رب flrt:

ويسعدك انت كمان يا قمر احنا هدفنا رسم البسمة على شفاه الاخرين i*:

[galaxy]

المواقف دي مش ليا بصراحه بس حصلت قدامي............ flrt:

واحنا رايحين الكليه واحد من بلدي قاعد قدامنا وبيتكلم مع زميله عن دكتور ماده..............ومعيد الماده قاعد جنب الشباك وطبعا سامع والولد عمال يشتم ويقول احلي كلام عن الدكتور .................وصاحبه يغمز فيه ولا هو هنا..... wst:: ......لحد وهو نازل لما شاف المعيد .........ساعتها كان بيقول ان الدكتور دا امتحاناته وحشه ونتيجته اوحش.....شاف المعيد ...قال .........بس والله هو طيب واكيد ما يقصدش :ninja:

ماما كانت بتتكلم مع واحده لاول مرة او يمكن لتاني مرة وكانت الست دي لسه عامله لنا خدمه وماما عماله تقولها طبعا يا مدام قوت القلب ...........اكيد يا مدام قوت القلب ..........مش عارفه ايه يا مدام قوت القلوب... i*: .....بصراحه الست اتحرجت وبمنتهي الوقار قالت لماما علي فكرة........انا اسمي ..عين الحياة :happy:

[~Heba~]

ماما كانت بتتكلم مع واحده لاول مرة او يمكن لتاني مرة وكانت الست دي لسه عامله لنا خدمه وماما عماله تقولها طبعا يا مدام قوت القلب ...........اكيد يا مدام قوت القلب ..........مش عارفه ايه يا مدام قوت القلوب... flrt: .....بصراحه الست اتحرجت وبمنتهي الوقار قالت لماما علي فكرة........انا اسمي ..عين الحياة i*:

wst:: :happy: :ninja:

يااااااااااخبر يا جالاكسى انا بضحك بصوت عالى و احنا فى نص الليل الناس تقول عليا ايه .... مجنونة

اما موقف جامد بشكل

[galaxy]

ماما كانت بتتكلم مع واحده لاول مرة او يمكن لتاني مرة وكانت الست دي لسه عامله لنا خدمه وماما عماله تقولها طبعا يا مدام قوت القلب ...........اكيد يا مدام قوت القلب ..........مش عارفه ايه يا مدام قوت القلوب... :D .....بصراحه الست اتحرجت وبمنتهي الوقار قالت لماما علي فكرة........انا اسمي ..عين الحياة :D

kis)- :rolleyes:

يااااااااااخبر يا جالاكسى انا بضحك بصوت عالى و احنا فى نص الليل الناس تقول عليا ايه .... مجنونة

اما موقف جامد بشكل

ربنا يسعدك ياهبه يا رب..........ويسعد قلبك..........وكل المسلمين يارب