خد بالك من .... لو كنت المسئول

[RAHALA]

لو كنت المسئول ....

ده عنوان موضوع قرأته هنا فى المنتدى فى صفحة الإقتصاد و الفكره عجبتنى جدا تيجو كل واحد فينا ينصب نفسه مسئول و نطرح المشاكل اللى تيجى على بالنا و كل واحد يطرح الحلول اللى هو هيعملها لو كان فعلا المسئول.....

أنا هبدأ و هطرح بعض المشاكل اللى فى دماغى:

أولا: مشكلة البطاله.

ثانيا: مشكلة الغلاء.

ثالثا: مشكلة غزو الأفكار الغربيه لمجتمعنا.

رابعا: مشكلة أو ظاهرة أطفال الشوارع.

خامسا: مشكلة الإدمان.دى المشاكل اللى طرئت فى ذهنى دلوقتى اللى عنده نماذج تانيه يقول ومش عايزاكو تحسو إنه موضوع تقيل لأ كل واحد يقول الحلول من وجهة نظره بكل بساطه..........

مستنيه حد يرد عليه و نبدأ فى أول مشكله......... عايزه أشوف ردودكم .....

سلام دلوقتى هرجعلكم كمان شويه ...... باااااااى

[maryous]

أنا عجبانى الفكره جدا و هبدأبأول مشكله طرحتها الأخت RAHALA و هقول بعض الحلول من وجهة نظرى البسيطه:

أولا: هحاول أوفر فرص عمل للشباب خاصة حديثى التخرج عن طريق فتح مجالات جديده للعمل وهعتمد فىذلك على أفكار الشباب نفسه و اللى أكيد هتكون كتيره و متنوعه و طبعا التعرف على هذه الأفكار هيكون من خلال لقائات مباشره مع الشباب والمشاريع دى هحصص ليها ميزانيه أساسيه و ثابته كل سنه و قابله للزياده... ده أول إقتراح....

ثانيا:كل مستثمر جديد يرغب فى عماله لمشروعه طبعا .......هفرض عليه نسبه معينه من العماله التى يحتاجهاوسيتم توفيرها عن طريقى حسب الأولويه بدون وسايط أو كوسه..وده هينطبق على جميع المشاريع الجديده بمختلف أنواعهاو مجالاتها...

ثالثا توفير الأراضى التى تصلح للزراعه(مش الأراضى البور اللى بياخدها الشباب وفى الأخر يتسجنو)وتوزيعها على من يحتاج من الشباب بضوابط معينه تلزم الشاب و لا تشق عليه و ذلك فى مقابل عائد رمزى أو مؤجل..

دى الأفكار اللى عندى بالنسبه للمشكله الأولى......