الخبير الفني التأريخي ابو محمد

[MZohairy]

ابو محمد يا غالي

محمد عبد الوهاب بيغني في حفلات من بداية العشرينات و حتى حفلته الأخيره الشهيره عام 1954 امام مجلس قيادة الثوره

يعني حوالي 34 سنه حفلات

السؤال بقى

ليه مفيش تسجيلات لهذه الحفلات غير بس آخر حفله؟

عبد الوهاب مالوش تقريبا غير حفلة 54 و حفله وطنيه تانيه بتاعة قولوا لمصر تغني معايا في عيد تحريرها

ايه السر يابو محمد و اي عضو فاضل ممكن يكون عنده تفسير

تحياتي

[أبو محمد]

حبيبى المايسترو :

عندك حق .. مفيش غير الحفلة بتاعة عيد الثورة .. واللى غنى فيها (تسلم يا غالى ألفين سلامة) بعد حادث المنشية .. وأيضا رائعته (كل ده كان ليه)

أخبرنى والدى عليه رحمة الله .. أن عبد الوهاب كانت له حفلات شهرية مثل أم كلثوم .. كانت هى تغنى ليلة الخميس الأول من كل شهر .. وكان هو يغنى ليلة الإثنين الأول من كل شهر ... وأخبرنى أن بجوار منزلنا كان يوجد مقهى صاحبه كان متعصبا لعبد الوهاب .. وكان ينصب شادر أمام قهوته ويضع فيه الراديو ، ويفرش الشادر كراسى للسميعة .. وكان صاحب القهوة هو فتوة الحى .. وياويل اللى يتنفس بصوت عالى أثناء غناء الأستاذ .. الكلام ده كان فى التلاتينات يا موسيقار أيام الإذاعات الخاصة ..

وعندما بدأت الإذاعة المصرية (الحكومية) فى عام 1934 لم تكن تسجل الحفلات .. أعتقد أن تسجيل الحفلات بدأ فى الأربعينيات بعدما اعتزل عبد الوهاب الغناء فى الحفلات العامة .... ولهذا حُرمنا من إبداعاته عندما كان يغنى أمام الجمهور Live