dghieth بتاريخ: 12 أبريل 2008 تقديم بلاغ مشاركة بتاريخ: 12 أبريل 2008 السلام عليكم ورحمة الله وبركاته ممكن حد عنده خبره في موضوع السفر للسعودية يفيدني, لأني مش عارف أعمل ايه في شركة في السعودية كلمتني وعايزه مكتب سفريات يخلص الأجرائات والورق على العلم انا مش عارف الفيزا اللي حيبعاتوها بوظيفة ايه وانا سمعت ان جواز السفر لازم يكون زي الفيزا!!! وانا مش عارف هو ايه الورق بالظبط ولا عارف ايه الأجراءات بتاعت السفر ..... ممكن حد يساعدني ويدلني على الطريق لأني تايه ومحتار على الأخر ....... وياريت لو حد يعرف مكتب محترم و ياريت يكون في الأسكندرية. جزاكم الله خيرا رابط هذا التعليق شارك المزيد من خيارات المشاركة
se_ Elsyed بتاريخ: 12 أبريل 2008 تقديم بلاغ مشاركة بتاريخ: 12 أبريل 2008 بما إنك في إسكندرية .. فلازم تنزل بنفسك وتتأكد من المكاتب الموجوده عندك وتسأل وتطقس بنفسك أيهم أكثر مصداقية ... ولو إن الأمور دي مش هاتبقى ذات اهمية لإن دورهم هايبقى إنهاء التاشيرة فقط يعني لا هايبيع لك تأشيرة ولا غيره ... - أول ما تجيب إسم المكتب ورقم ترخيص العمل بتاعه .. تروح باعته للشركة بالسعودية .. الشركة ممنوع تتعامل مع المكتب مباشرةً .. ولكن لازم تتعامل من خلال مكتب سفريات بالسعودية أيضاً .. كل اللي بيعمله مكتب السعودية إنه بيبعت لحضرتك التفويض وفيه إسم المكتب بتاع مصر وفيه تفاصيلك كمان . يجيلك بقى التفويض مع أصل عقد العمل موقع من الغرفة التجارية ومن وزارة الخارجية السعودية مع صورة التأشيرة ... تروح واخد الكلام ده مع جوزا سفرك اللي لازم تغير المهن فيه عشان تبقى زي مهنة التأشيرة ويُستحسن تسألهم المهنة إيه من دلوقت عشان تنجز الموضوع بسرعة .. مع الشهادة الصحية من المستشفيات المعتمدة من القنصلية السعودية بالإسكندرية .. إيه ده ؟ !!!! بس خلي بالك في نقطة مهمة الشركة اللي إنت مسافر لهم ما كانتش تعرف إنها هاتختار واحد من ساكني الإسكندرية !!!!!!!!!!! .. وبالتالي كل الشركات لما بتحب تستخرج تأشيرات عمل من مصر بتضع نفسها في الأمان ويتذكر إن جهة قدوم موظف هاتبقى من القاهرة .. وبالتالي لازم تنهي جميع تلك الإجراءات من القاهرة ... وانسى الكلام اللي فوق فيما يتعلق بالإسكندرية وتوثق شهاداتك الجامعية من وزارة التعليم وبعدين من المحلق الثقافي السعودي بالدُقي وتاخد كل الأوراق دي لمكتب الحاق العمالة بالخارج وتقعد لك إسبوع كده على ما تصد التأشيرة .. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
dghieth بتاريخ: 12 أبريل 2008 كاتب الموضوع تقديم بلاغ مشاركة بتاريخ: 12 أبريل 2008 ألف شكر على الرد السريع و المحترف ده.... بجد انا مش عارف كنت حعمل ايه من غيرك.................. بس معلش عندي سؤال كمان . بالنسبة لموضوع تغيير المهنة في الجواز هل لازم أكون بشتغل المهنة دي في مصر , لأن التأشيرة حتكون بمندوب مبيعات وانا كيميائي ... ولا ممكن أغير المهنة وأكتب اللي أنا عايزه من غير مشاكل!!, وسؤال تاني .. ممكن أعرف من حضرتك أي مكاتب في القاهرة .......... وانا أسف اني بتقل عليك وألف شكر تاني على الأهتمام رابط هذا التعليق شارك المزيد من خيارات المشاركة
se_ Elsyed بتاريخ: 12 أبريل 2008 تقديم بلاغ مشاركة بتاريخ: 12 أبريل 2008 ألف شكر على الرد السريع و المحترف ده.... بجد انا مش عارف كنت حعمل ايه من غيرك.................. بس معلش عندي سؤال كمان . بالنسبة لموضوع تغيير المهنة في الجواز هل لازم أكون بشتغل المهنة دي في مصر , لأن التأشيرة حتكون بمندوب مبيعات وانا كيميائي ... ولا ممكن أغير المهنة وأكتب اللي أنا عايزه من غير مشاكل!!, وسؤال تاني .. ممكن أعرف من حضرتك أي مكاتب في القاهرة .......... وانا أسف اني بتقل عليك وألف شكر تاني على الأهتمام سعادتك لو روحت إي مكتب من بتوع وزارة العمل ممكن تغير مهنتك إن شالله لرئيس وزارة زي أحمد نظيف أهم حاجه تدفع لهم 42 دولار ... وكل سنة وإنت طيب . إكتب إيميلك هنا وانا أبعت لك إسم مكتب كويس هايخدمك وينجز لك الامور في أسرع وقت ... بس كويس إن الشركة عرفت تطلع لك تأشيرة مندوب مبيعات لإنها مقصورة على السعوديين من كذا سنة !!! الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
dghieth بتاريخ: 13 أبريل 2008 كاتب الموضوع تقديم بلاغ مشاركة بتاريخ: 13 أبريل 2008 الإيميل هو d_ghieth على الياهوو معلش انا عارف اني بتقل عليك بس معلش بقى :rolleyes: .... انت المشرف وكبير العيلة بتاع المغتربين في ناس قالتلي على مكتب في الأسكندرية في سموحة اسمه الخليج هل سمعت عنه؟؟ وبالنسبة لتغيير الوظيفة.... هل فعلا زي ما بتقول من مكاتب وزارة القوى العاملة والهجرة أكتب أي حاجة؟ وعلى فكرة انا لحد دلوقتي مش عارف بالظبط هي الفيزا طالعة بوظيفة ايه. ألف شكر على الأهتمام الكبير ده رابط هذا التعليق شارك المزيد من خيارات المشاركة
se_ Elsyed بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 الإيميل هو d_ghieth على الياهوو معلش انا عارف اني بتقل عليك بس معلش بقى :rolleyes: .... انت المشرف وكبير العيلة بتاع المغتربين في ناس قالتلي على مكتب في الأسكندرية في سموحة اسمه الخليج هل سمعت عنه؟؟ وبالنسبة لتغيير الوظيفة.... هل فعلا زي ما بتقول من مكاتب وزارة القوى العاملة والهجرة أكتب أي حاجة؟ وعلى فكرة انا لحد دلوقتي مش عارف بالظبط هي الفيزا طالعة بوظيفة ايه. ألف شكر على الأهتمام الكبير ده ما تلخبطش نفسك وركز في أهداف معينه .. 1- بتسأل عن مكتب في إسكندرية ليه وإحتمال كبير بل أكيد إن التأشيرة تبقى من القنصلية السعودية بالقاهرة ؟ 2- وكمان عايز تغير المهنة لأي حاجه ليه وإنت لسه مش عارف المهنة في التأشيرة إيه ؟ ولا عايز تغير المهنة دلوقت وبعدين تشوف المهنة بتاعت التأشيرة إيه وتروح مغير اللي غيرتها قبل كده . :ninja: تحياتي ،،، الديليفري هايوصل لك على الميل .... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
dghieth بتاريخ: 14 أبريل 2008 كاتب الموضوع تقديم بلاغ مشاركة بتاريخ: 14 أبريل 2008 انا فعلا ملخبط لأن دي أول مرة أسافر وحاسس ان فيه مليون حاجة فوق دماغي وكمان لأنهم كل يوم بيستعجلوني على الأجراءات وعلشان كده بحاول أخلص كل حاجة بسرعة على العموم انا النهارده عرفت ان الفيزا ب "فني أجهزة طبية" ودي عملالي مشكلة كبيرة مش عارف أغير المهنة في البطاقة ازاي علشان الجواز يطلع بنفس المهنة :unsure: ... مشكلة مش عارف أعمل فيها ايه وبالنسبة للأسكندرية هما لسه ما بعتوش الفيزا فأنا ممكن أقولهم يبعتوها على القنصلية في اسكندرية..... مش ده ممكن؟؟ انا عارف اني تعبتك معايا بسبب أسئلتي الكتير بس أعمل ايه محتار ومش عارف اسأل مين غيرك رابط هذا التعليق شارك المزيد من خيارات المشاركة
dghieth بتاريخ: 14 أبريل 2008 كاتب الموضوع تقديم بلاغ مشاركة بتاريخ: 14 أبريل 2008 و على فكرة انا كلمت مكتب في اسكندرية ... وسألتهم على موضوع الوظيفة ده قالولي مالهاش حل لازم الفيزا تتغير ... وانا ما أظنش ان ده ممكن ...... ايه الحل ؟؟؟؟ هل ممكن مكتب القاهرة يكون عنده حل للموضوع ده؟؟؟؟؟ رابط هذا التعليق شارك المزيد من خيارات المشاركة
se_ Elsyed بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 و على فكرة انا كلمت مكتب في اسكندرية ... وسألتهم على موضوع الوظيفة ده قالولي مالهاش حل لازم الفيزا تتغير ... وانا ما أظنش ان ده ممكن ...... ايه الحل ؟؟؟؟ هل ممكن مكتب القاهرة يكون عنده حل للموضوع ده؟؟؟؟؟ خد العقد الموثق وإطلع على وزارة العمل زي ما قلت لك واطلب تغيير المهنة وبعد كده إثبتها في البطاقة ولو محتاج اي إستفسار إتصل بالمكتب اللي بعثت لك تفاصيله وهما يفيدوك اكتر ... ومحلوله بإذن الله الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
dghieth بتاريخ: 14 أبريل 2008 كاتب الموضوع تقديم بلاغ مشاركة بتاريخ: 14 أبريل 2008 كمان انا سمعت من ناس ان لو معايا عقد موثق ممكن أغير الوظيفة في البطاقة و الجواز ... بس المشكلة في المؤهل لما يروح السفارة انه لازم يكون متناسب مع الوظيفة.... بصراحة انا احترت!!!!! أرجو الأفادة لأن الموظفين في مصر ما بيفيدوش حد بمعلومة صح..... لازم تسأل مجرب وإلا تلف حولين نفسك و ألف شكر على التعاون الجامد ده من أعضاء المنتدى رابط هذا التعليق شارك المزيد من خيارات المشاركة
se_ Elsyed بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 يا عم الله يهديك مش لازم نتكلم قدام الناس وياللي ما شوفت تشوف .. بخصوص المؤهل ... برضوا إتصل بالمكتب ... وسيب إيدك .. إسمع الكلام وما تتعبنيش معاك انا راجل كبير وصحتي على قدي ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 وصلني الخبر إنك إتصلت بهم من نص ساعة يا ريس وربنا يوفقك . كنت بأتصل بخصوص بعض الأعمال المتعلقة بشركتنا معاهم وقالوا لي إن المؤهل هايبقى مشكلة عندك لكن هايحاولوا يحلوها وبالتوفيق بإذن الله ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
واحد تاني بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 في ناس قالتلي على مكتب في الأسكندرية في سموحة اسمه الخليج هل سمعت عنه؟؟ مكتب كويس أنا اتعاملت معاهم مرة من 7 سنين وكانت خدمتهم كويسة هتلاقية بعد زهران بشوية على الصف التاني بالتوفيق يا عابر الدهر سيب بينا أثر قدمك اياك تكون امعة وجودك شبه عدمك رابط هذا التعليق شارك المزيد من خيارات المشاركة
أبو أماني بتاريخ: 26 أبريل 2008 تقديم بلاغ مشاركة بتاريخ: 26 أبريل 2008 ياريت تبعت لي رسالة على الخاص تقول لي موضوع المشكلة في المؤهل لما يروح السفارة انه لازم يكون متناسب مع الوظيفة.... بصراحة انا احترت!!!!! لو هو مش متناسب مثلا واحد حاصل على بكالوريوس تجارة والفيزا مبرمج او مصمم جرافيك الموضوع ده هيتكلف كم واسم المكتب اللى ممكن يفدني في الموضوع ده ورقم تليفونه وجزاكم الله خيرا رابط هذا التعليق شارك المزيد من خيارات المشاركة
hossamsamir بتاريخ: 8 مارس 2009 تقديم بلاغ مشاركة بتاريخ: 8 مارس 2009 ياريت تبعت لي رسالة على الخاص تقول لي موضوع المشكلة في المؤهل لما يروح السفارة انه لازم يكون متناسب مع الوظيفة.... بصراحة انا احترت!!!!! لو هو مش متناسب مثلا واحد حاصل على بكالوريوس تجارة والفيزا مبرمج او مصمم جرافيك الموضوع ده هيتكلف كم واسم المكتب اللى ممكن يفدني في الموضوع ده ورقم تليفونه وجزاكم الله خيرا انا عندى نفس السؤال يا ريت حد يقدر يفيدنى ويقول لى على مكتب يخلص الموضوع دة ويا ريت يا ابو امانى لو لقيت حد عملك الموضوع دة تدلنى علية رابط هذا التعليق شارك المزيد من خيارات المشاركة
ابو سامى المصرى بتاريخ: 8 مارس 2009 تقديم بلاغ مشاركة بتاريخ: 8 مارس 2009 شوف يا استاذى بخصوص تغيير المهنة فى البطاقة بما ان الفيزا هيكون مسماها فنى اجهزة طبية يبقى لازم المهنة فى الجواز تكون كدة وبالتالى يبقى انت محتاج تطلع الرقم القومى فنى اجهزة طبية وطبعا قدامك حلان عشان تعمل الرقم الومى الطريقة الاولى :الشركة السعودية تبعتلك عقد عمل موثق من الغرفة والخارجية وتطلع بية على الادارة العامة للتامينات الاجتماعية تنزل محطة مترو جمال عبد الناصر وتامن على نفسك بتامينات العاملين بالخارج وفى الحالة دى هتدفع 83 دولار الطرقة الثانية : اما الشركة تبعتلك العقد تروح على السفارة السعودية فى اسكندرية وتوثقة بخمسين جنية تقريبا وبعدين تطلع على مكتب الخارجية المصرية توثقة باحدى عشر جنية فى الحالة دى طالما العقد موثق من السفارة السعودية ومن الخارجية المصرية تروح على الاحوال المدنية وهيكتبو لك فى الرقم القومى المهنة فنى اجهزة طبية بالخارج وانا شايف ان دى احسن طريقة وانا جربتها مرتين وهى مش مكلفة بعد كدة موضوع اما السفارة تطلب مؤهل مشابة دى شغلةو حرفنة مكتب السفريات فى مصر اللى هيجيبلك التاشيرة ارجو ان تكون الامور وضحت ولو فى استفسار تانى اتفضل رابط هذا التعليق شارك المزيد من خيارات المشاركة
مصري بالوراثة بتاريخ: 8 أبريل 2009 تقديم بلاغ مشاركة بتاريخ: 8 أبريل 2009 الأخ الفاضل سي السيد أرجو أن تكتب اسم المكتب المحترم اللي حيخلص التأشيرة في أسبوع وحيخدم على قولك حتى يستفيد الجميع (وياريت كمان ولو فيها شوية رزالة لو تعرف بياخد كام في الشغلانة دي) وإن أصررت على أن ترسل على الميل فهذا ميلي : akramkandeel على الياهو والهوتميل أيضا بنفس الاسم ويجعله عامر رابط هذا التعليق شارك المزيد من خيارات المشاركة
عطر الجنة بتاريخ: 8 أبريل 2009 تقديم بلاغ مشاركة بتاريخ: 8 أبريل 2009 يا ليت انا كمان ترسل لى عنوان المكتب و تليفونه لان انا زوجة اخى منتظرة تأشيرة كطبيبة اسنان و محتاجة مكتب يخلص لها الفيلم ده و يا ليت لو حد يعرف مكتب اخر كمان و الاخوة يقولوا العملية دى بتاخد وقت اد ايه و فلوس كام " ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين " رابط هذا التعليق شارك المزيد من خيارات المشاركة
se_ Elsyed بتاريخ: 8 أبريل 2009 تقديم بلاغ مشاركة بتاريخ: 8 أبريل 2009 من عيني المكتب إسمه : شركة البكري لإلحاق العمالة المصرية بالخارج ... العنوان : الدقي .. محطة مترو أنفاق مركز البحوث ... عمارة " مجموعة صيدليات مصر " ت : 33366447 أو 33366448 تكاليف إنهاء التأشيرة .. بتبقى في حدود 600 إلى 1000 ج وبتزيد لو التاشيرة فيها مشاكل زي المهنة بالذات أو الشهادات الدراسية ... أهم ميزة في الناس دي هي الصدق .. وكمان لو مش هايعرف يخلص يبقى بيقولك ويريحك على طول بدل ما يعلقك في حبال الهوا والوهم والوقت يضيع .. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
عاشق بتاريخ: 8 أبريل 2009 تقديم بلاغ مشاركة بتاريخ: 8 أبريل 2009 ارشح لك مكتب المنار لالحاق العمالة المصرية بالخارج وهناك مدير محترم اسمه/ امجد توفيق ده مكتب كويس ومعندهمش لعب ومن اول المكاتب الي اتصرح بيها بمصر وتحويلها الى شركات وده عنوانه بالروضة 2 شارع مأمون راشد من ش الملك الصالح - الروضة تليفون 3651510 وبالتوفيق ______________________________ على مسرح الحياة سقفو ليه ناس كثير زي ما ياما سقفو لابطال شكسبير ساعات .. اشوف نفسي فنان كبير وساعات .. اشوف اني مجرد صعلوك حزين ___________________________ عاشق رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان