هل اللي بياكل فسيخ يعتبر شخص محترم؟

[se_ Elsyed]

أما تيتة

تيتة

وتتقدم تيتة

تسلمه لتيتة

على فكرة لما اتنقلت تيتة

فين أيامك يا تيتة

يا خسارة يا ولاد ... وأنا اللي كنت فاكر قرنفلة فلاحه أراري ومعجونة بطين الغيطان ...

تيته ؟!!

إنتي بتقولي تيته ؟

يبقى أنت زبوني النهاردة يا استاذ ...

وش سعيد مهران في الفيلم الأجنبي

--------

حدانا في البلد لو حد قال تيته دي .. ينضرب بالنبابيت لحد ما يبان له أصحاب .. إسمها " ستي " وجدو بالفرنساوي إسمه " سيدي "

يا خسارة يا قرنفل يا خسارة و100 ندامه

[إيزيس]

بِسم الله يا أم اسامه

مين أسامة ده

إيوه أسامة يا كبد أمه ... ده كان ولد محمد أبو حسانين و خدتوا الكوريرة سنة فحت البحر

اسم النبي حارسة و صاينة ابني آخر العنجود بالصلاتو على النبي اسمه سمسم حسام يعني

إصباح الخير عليكوا

[زهرة الجبل]

ما هو مدى إحترامكم لأكلي الجبنة الحادقة أو كما يسميها البعض الجبنة القديمة ومشتقاتها من مِش وخلافة

أجدع ناس

ميغسي يا أم كريم ... ممكن تقومي بمهمة إنتحارية في الاجازة الجاية وتجيبي برطمانين شيك كده وتلفيهم كويس بحاجات كاتمة للصوت والريحة وتمليهم جبنة قديمة وفسيخ وحركات .. وإنتي وحظك ... يا تعدي بالبضاعة ... يا يمسكوكي ويرحلوكي بتهمة تكدير الامن العام ..

أنا شايف قرنفل بتتسحب على طراطيف صوابعها وجايه تاخد لها لقمه ... بِسم الله يا أم اسامه ... حاجه على ما جُسم كيده .. ده أحنا زارنا النبي ... والله لو كنا نعرف إنك هاتنورينا كنا دبحنالك عضوين من اللي مداخلاتهم تقل عن 1000 مداخلة .... يا سلام يا ولاد .. وإحنا في ديك الساعة .

إلا عمليه إنتحاريه... ده الفسيخ ده هو و الجبنه القديمه قبلي عالطياره

يعني تقدر تقول حضرتك بقطع لهم تذكره مخصوص

الحمد لله ولا مره حد فتح لي شنطه في المطار

السر بقى انك لما تحب تاخد معاك فسيخ وانت مسافر تلف الفسيخ في يجي عشرين كيس وتملى الكيس الأخير فانيليا وتقفله

ولا يمكن ريحته هتطلع ابداً

والجبنه طبعا مبيطلعش لها ريحه لانها بتكون في برطمان زجاج

وكفايه كده بقى لأني فاضل لي شويه وهقوم أحجز و أروح افطر جبنه قديمه في البلد و اتغدى هناك غدوة فسيخ محترمه و اجي بالليل على طول

[إيزيس]

ومعجونة بطين الغيطان

أيوة كنا بنتعجن بيها لما نقضي أجازة نص السنة في الكرية و نروح ناخد علقة طبعا عادي

وجدو بالفرنساوي إسمه " سيدي "

يا عم أنا ماعرفش فرنساوي درسته اربع سنين و برده لا أفقه فيه شيء.. و ليه بس التعقيد ده

ينضرب بالنبابيت لحد ما يبان له أصحاب

متأكد إنها نبابيت أنا عمري ما شفت في البلد بتاعتنا نبابيت النبوت ده صعيدي ..و كل شيج انكشفن وبان ولا تعرف حاجة عن الفلاحين

وكفايه كده بقى لأني فاضل لي شويه وهقوم أحجز و أروح افطر جبنه قديمه في البلد و اتغدى هناك غدوة فسيخ محترمه و اجي بالليل على طول

الاتنين في نفس اليوم يا زهورة

لا يجوز لا يجوز لا يجوز

لازم شهر فاصل بين الأكلتين دول

[زهرة الجبل]

وكفايه كده بقى لأني فاضل لي شويه وهقوم أحجز و أروح افطر جبنه قديمه في البلد و اتغدى هناك غدوة فسيخ محترمه و اجي بالليل على طول

الاتنين في نفس اليوم يا زهورة

لا يجوز لا يجوز لا يجوز

لازم شهر فاصل بين الأكلتين دول

مهو في قاعده شرعيه بتقول (( الضرورات تبيح المحذورات ))

و ده على أساس إن أنا هنزل مصر يوم واحد اعيش حياتي و أعمل اللي نفسه فيه و أرجع فأكيد هكون مستعجله وكده

أجازه عشرين ساعه يعني و الاربع ساعات الباقيين طريق أهضم فيهم :unsure: و خلص اليوم

يااااه عليكي يا قرنفله لما تحبكيها... عديها بقى ..أختك وعايشه في أحلام اليقظه ...لازم تفوقيني يعني ؟

تم تعديل 5 أبريل 2008 بواسطة زهرة الجبل

[إيزيس]

وكفايه كده بقى لأني فاضل لي شويه وهقوم أحجز و أروح افطر جبنه قديمه في البلد و اتغدى هناك غدوة فسيخ محترمه و اجي بالليل على طول

الاتنين في نفس اليوم يا زهورة

لا يجوز لا يجوز لا يجوز

لازم شهر فاصل بين الأكلتين دول

مهو في قاعده شرعيه بتقول (( الضرورات تبيح المحذورات ))

و ده على أساس إن أنا هنزل مصر يوم واحد اعيش حياتي و أعمل اللي نفسه فيه و أرجع فأكيد هكون مستعجله وكده

أجازه عشرين ساعه يعني و الاربع ساعات الباقيين طريق أهضم فيهم :unsure: و خلص اليوم

يااااه عليكي يا قرنفله لما تحبكيها... عديها بقى ..أختك وعايشه في أحلام اليقظه ...لازم تفوقيني يعني ؟

إذا كان كده يا زهرة

توكلي على الله

بس إعملي حسابك في برميل سفن و ليتر جاز علشان الهضم بس

و لا تنسوا إخوانكم المشردين في الإمارات

و الله الموفق

[Scorpion]

للرفع بمناسبة لقاء ثنائي كده حصل في الخباثة ....

ماشي يا بشرية

[الباشمهندس ياسر]

انا مباكلش الفسيخ ده اطلاقا

و بستعيض عنه بالملوحة

فتحتوا نفسي و الله

يمكن اغطس غطسايه كده و اجيب ملوحة ان شاء الله قريب

[fatfouta]

انا مباكلش الفسيخ ده اطلاقا

و بستعيض عنه بالملوحة

فتحتوا نفسي و الله

يمكن اغطس غطسايه كده و اجيب ملوحة ان شاء الله قريب

ياسر ابقى هات من عند شاهين اللى فى شارع سلطان ابو العلا فى بولاق

تحفةةةةةةةةةة

وعليه يا ضرب نااااااااار ويا سلام لو جبت العيش المفقع من الست اللى قاعدة ادامه علطول وبتاع اليمون والبصل هتلاقيهم جمبها برضو

فكر تروح عنده فى شم النسيم بس ابقى خد معاك سلاح فى جيبك عشان هتتقطع :lol:

تم تعديل 13 مارس 2010 بواسطة fatfouta

[كارمن]

انا الحقيقة ديما بتابع وبستفيد كتير من كل المحاوراتية لكن فى الصمت

لكن لما لقيت ان فى كتير بيحبو الفسيخ والمشكلة بس فى الريحة

ولاْن الفسيخ لا ممكن ابدا يجتمع مع الشوكة والسكينة :lol:

وحرصا منى على مصلحة المحاوراتية قررت الخروج عن صمتى

واقولكم على الوصفة دى

هى معلقة بن تركى ندعك بيها ايدينا بعد الاْكله القويه دى

وكلة هيبقى تحت السيطرة جربوها ومش هتندمو :lol:

تحياتى

تم تعديل 13 مارس 2010 بواسطة كارمن

[MZohairy]

للرفع بمناسبة لقاء ثنائي كده حصل في الخباثة ....

ماشي يا بشرية

كان لقاء عجيب يا سكوب :blush2:

لقاء السحاب :happy:

و عيش بلدي طازه سخن

و لمون

و بعدها شيشه رهيبه موزونه

و شوفت شوفت شوفت سحر الفسيخ عامل فيا ايه

سمكه حلوه حلوه حلوه زي ماتكون سيمفونيه

حتى قلبي اختل و بيرقص باليه

المهم ناكل فسيخ و بشويش عليا

قطمه و نهيص و ياللا

نلقى حتى الفسيخه بمبي

و انا جنبك با فسيخه يا فسيخه و انت جنبي

و الحياه بقى لونها بمبي بمبي بمبي

[se_ Elsyed]

القصيدة الحملنتيشية اللي قالها زهيري دي تعتبر غيض من فيض من اللي عمله أمبارح

والله كنت خايف عليه لأنه بعد ما ضبر أول رغيفين أبتدا يهيس ويهطرش في الكلام كأني أكلته بانجو

وعمال بس يقول لي أنا أشرب المحيط وما أتبلش وأنا 100 عتريس في بعض ...

يا عم رووووووووووح

[اغابي]

للرفع بمناسبة لقاء ثنائي كده حصل في الخباثة ....

ماشي يا بشرية

كان لقاء عجيب يا سكوب :blush2:

لقاء السحاب :happy:

و عيش بلدي طازه سخن

و لمون

و بعدها شيشه رهيبه موزونه

و شوفت شوفت شوفت سحر الفسيخ عامل فيا ايه

سمكه حلوه حلوه حلوه زي ماتكون سيمفونيه

حتى قلبي اختل و بيرقص باليه

المهم ناكل فسيخ و بشويش عليا

قطمه و نهيص و ياللا

نلقى حتى الفسيخه بمبي

و انا جنبك با فسيخه يا فسيخه و انت جنبي

و الحياه بقى لونها بمبي بمبي بمبي

اظن بعد الكلمتين الحلوين دووول يا زوهير

انتابتنى حالة هيسترية جنونية فسيخية

وفضلت اصرخ واقول

الحقووووووووووووووووووووووني

بسرررررررررررررررررررعة

االنجدة

الاسعاف

المطافى

ما تقولوليش تنفس صناعي والقصص دي

لا لا لا لا لا لا لا لا لا لا لا لا لا لا لا لا لا

لا لا لا لا لا لا لا لا لا لا لا لا لا لا لا لا لا

هاتولى بس فسيخة

هاموت نفسي

بسرعة فسيخ -

وكمان

لو فيها تعب شيشة تفـــاح او شمام

ولو فيها رزالة حبيتين كمان

كوباية شاي سكر خفيف يبقي كتر خيركم والله يكرمكم يارب

[mamdowh]

انا احترم اللى بيحترم وبكل احترام وتبجيل المحترم ابن المحترمين اللى مالوش حل ولا احلال واللى مالوش زى ولا ازاااى احترم وبكل فخر واعزاز عائلة كل من الفسيخ والملوحة والسردين وكافة شيئ مملح او مخلل

واللى مش بيحبنا ما يضربش نار واسمع سلام نشرة الاخبار

[se_ Elsyed]

ولو فيها رزالة حبيتين كمان

أومال لما تعرفي يا أغابي باشا إن الموضوع ما كانش فسيخ بس ..

ده سمكه بلطية .. في الزيت والخل عايمه وناميه متهنيه ...

وتلمسيها تلاقيها دابت في لقمتك بمنتهى الحنيه

لدرجة إن زهيري أصيب بحالة ذعر وهيستريا

وقال لي إن من الباقي هايعمل منها شندوشتات من اللي هيه

-------------------

آه والله

أقترحت ليه إن الباقي - تقريباً ما كلناش غير ربع الكمية - قلت له أعمل شاندوشتات تيك أوي وأفطر بيها في الشغل .. واللي أتبقى من الفطار أتغدا بيه

[اغابي]

ولو فيها رزالة حبيتين كمان

أومال لما تعرفي يا أغابي باشا إن الموضوع ما كانش فسيخ بس ..

ده سمكه بلطية .. في الزيت والخل عايمه وناميه متهنيه ...

وتلمسيها تلاقيها دابت في لقمتك بمنتهى الحنيه

لدرجة إن زهيري أصيب بحالة ذعر وهيستريا

وقال لي إن من الباقي هايعمل منها شندوشتات من اللي هيه

-------------------

آه والله

أقترحت ليه إن الباقي - تقريباً ما كلناش غير ربع الكمية - قلت له أعمل شاندوشتات تيك أوي وأفطر بيها في الشغل .. واللي أتبقى من الفطار أتغدا بيه

احم احم ... دستور :blush2:

مين سي السيد

ازيك يا اخويا ..

مش حرام بقي اعصابنا اللى تعبتوها بسيره الملوحة والفسيخ

وكمان نسيته فى الموضوع البصل الاخضر

طب باللزمة يا سي السيد

اتوسطلى عند صاحبك اللى اسمه ايه داه اللى على ناصية حارتنا ... اسمه ايه يا بت يا اغابي ... اه افتكرت ولموأخذة يا خويا اصل سيرة اللى ما تتسمى دي الفسيخ بتطير العقل المهم اتوسطلى عند صاحبك اللى على ناصية حارتنا ( حارة محاورات المصريين والعيش والملح ) الاسطي سي زوووهير ..... اه ... هو ...

اتوسطلى عنده يحجزلنا يجي رطلين ساندوتشات من اللى معاه بتاعة الفسيخ وانت فيك الخير والبركة برضوه يا خويا بما انك شيخ حارتنا ومشرفنا العام وبتكتب كلام مرتب كده تقدر - تقنعوه انه كفايا عليه اكل منهم ويسيبلى السندوتشات اللى باقية واهو كلمة منك حلوين تقنعوا برضوه واكمنه شكله الجدع داه طيب وابن حلال وحيدينى السندوتشات كلها

افوتك بعافية يا سي السيد والنبي يا خويا ما تزعل منى فى الطلب داه وسلملى على الاسطي سي زوهير

افوتك بعافية :happy:

[الغريب]

الفسيخ ده أكلة المصريين المختومين بختم النسر

وييكفي أن الخليجيين بيحسدونا عليه .... هههه قال بيحسدونا قال

على فكرة نسايبي عندهم بفضل الله أشهر محل فسيخ في البلد وهو قدام مديرية أمن القاهرة

لو قولتلكم أن البابا شنودة بيبعت ياخد من عندهم مش هتصدقو ولو عرفتو زباينهم المستديمين من الممثلين والمشاهير مش هتصدقو

عندك مثلا نشوى مصطفى دي زبونة مستديمة بشكل غريب وكذلك محمد الحلو..

حاجة غريبة أن الناس دي اللي بتخاف على مظهرها تلاقيهم بيعشقو الفسيخ بطريقة جنونية

[nizza la bella]

الفسيخ زاى ماتقول كدة مصل ضدة التسمم :D وبيحمى المعدة من اى كائنات غريبة او مواد مسرطنة mc: يعنى لو اكلت فسيخ بيحصل عندك ارتباك معوى مع تسمم مع ترجيع وممكن انقصام فى الشخصية والمعدة بيصدر منة اصوات غريبة عارفين زاى لما بتخلف تئسيمت ماتور العربية

بعد كدة لما تخف دة لو خفيت اشرب سم فيران يا ريس وشوف ولا الدموع

بلعكس دة ممكن طاقة البدنية تزيد :blink:

وفى 2012 هانشترى الفسيخ من الاجزخنات

كمصل معتمد من منظمة الصحة العالمية وهيسمو المصل انتى فاساخونبة :D :lol: :lol:

[ozoozo]

الفسيخ ده أكلة المصريين المختومين بختم النسر

وييكفي أن الخليجيين بيحسدونا عليه .... هههه قال بيحسدونا قال

على فكرة نسايبي عندهم بفضل الله أشهر محل فسيخ في البلد وهو قدام مديرية أمن القاهرة

لو قولتلكم أن البابا شنودة بيبعت ياخد من عندهم مش هتصدقو ولو عرفتو زباينهم المستديمين من الممثلين والمشاهير مش هتصدقو

عندك مثلا نشوى مصطفى دي زبونة مستديمة بشكل غريب وكذلك محمد الحلو..

حاجة غريبة أن الناس دي اللي بتخاف على مظهرها تلاقيهم بيعشقو الفسيخ بطريقة جنونية

ده بتلاقي عنده طوابير ولا طوابير العيش في مواسم الفسيخ زي العيد وشم النسيم

مفيش كده كارت توصيه لاخوك عشان لما اروحله يتوصي :blink:

[MZohairy]

ولو فيها رزالة حبيتين كمان

أومال لما تعرفي يا أغابي باشا إن الموضوع ما كانش فسيخ بس ..

ده سمكه بلطية .. في الزيت والخل عايمه وناميه متهنيه ...

وتلمسيها تلاقيها دابت في لقمتك بمنتهى الحنيه

لدرجة إن زهيري أصيب بحالة ذعر وهيستريا

وقال لي إن من الباقي هايعمل منها شندوشتات من اللي هيه

-------------------

آه والله

أقترحت ليه إن الباقي - تقريباً ما كلناش غير ربع الكمية - قلت له أعمل شاندوشتات تيك أوي وأفطر بيها في الشغل .. واللي أتبقى من الفطار أتغدا بيه

احم احم ... دستور :lol:

مين سي السيد

ازيك يا اخويا ..

مش حرام بقي اعصابنا اللى تعبتوها بسيره الملوحة والفسيخ

وكمان نسيته فى الموضوع البصل الاخضر

طب باللزمة يا سي السيد

اتوسطلى عند صاحبك اللى اسمه ايه داه اللى على ناصية حارتنا ... اسمه ايه يا بت يا اغابي ... اه افتكرت ولموأخذة يا خويا اصل سيرة اللى ما تتسمى دي الفسيخ بتطير العقل المهم اتوسطلى عند صاحبك اللى على ناصية حارتنا ( حارة محاورات المصريين والعيش والملح ) الاسطي سي زوووهير ..... اه ... هو ...

اتوسطلى عنده يحجزلنا يجي رطلين ساندوتشات من اللى معاه بتاعة الفسيخ وانت فيك الخير والبركة برضوه يا خويا بما انك شيخ حارتنا ومشرفنا العام وبتكتب كلام مرتب كده تقدر - تقنعوه انه كفايا عليه اكل منهم ويسيبلى السندوتشات اللى باقية واهو كلمة منك حلوين تقنعوا برضوه واكمنه شكله الجدع داه طيب وابن حلال وحيدينى السندوتشات كلها

افوتك بعافية يا سي السيد والنبي يا خويا ما تزعل منى فى الطلب داه وسلملى على الاسطي سي زوهير

افوتك بعافية mc:

والله ماكانش يتعز عليكي يا أغابي :D

لسه من ربع ساعه لقيت الباب بيخبط بطريقه مريبه

خبطات ضعيفه كده و واهيه :lol:

فتحت الباب لقيت عابر سبيل

قولتله انت مين؟

قاللي عابر سبيل و راح موغم عليه

رحت جايب بسرعه البصل مشممهوله و الفسيخ مأكلهوله راح قايم زي الجن و قعد يعيط من تأثره بالموقف و مشي :blink: