اين هؤلاء الاعضاء؟ نفتقدكم بشدة

[الطفشان]

أين أخونا  Arabisc  ؟

لسة على بالي من كام يوم!

و فين مسلمة مصرية اللي تاهت و خرج و لم يعد (زي حشيش)؟

و فين كروسفيلد (صحيح معركة انواع النساء كانت حامية، بس برضه لازم نسأل)

و فين حشيش (لن اتنازل عنه!)

و فين سراب

و في باسر باي

و ناس كثير بافتكرهم و بعدين انسى

(حكم السن يا جماعة، و ماحدش يفتكر انه خيار و فاقوس)

[kokowawa1979]

أختنا العزيزة الدكتورة شعنونة :

عودي إلى قواعدك سالمة - المنطقة كلها محاصرة

إخوانك وأخواتك في المنتدى يفتقدونك

أخونا العزيز الصاوي : من يوم البنوتة الجميله ما شرفت ونورت عليك حياتك وانت مش معانا

عموما تتربى في عزك ياعم صاوي ويجعلها ذرية صالحة

[Spider]

الأخ أتربى راح فين؟

فين أيام النسبية وشرحها يا أتربى باشا!

أظهر وبان عليك الأمان

[Arabisc]

سلام عليكم

الأخوة الأعزاء لكم جزيل الشكر .

أنا موجود و حاضر و استمتع بقراءة آراء الاعضاء المختلفة باستمرار

و أعتذر منكم و لكم على عدم المشاركة لظروف عمل طالت المرة ديه (وش عرابسكاوي بيضحك)

و انتظرونــــــــا (على رأي Click)

سلام عليكم

[tiger1411]

العزيز ارابيسك

حمدا لله على السلامه وربنا يطمنا عليك

الحمد لله انى سمعت صوتك واطمنت عليك قبل مايحصلى حاجه

(وش عجوز روحه ها تطلع من الكحه)

[Set_Amina]

اللى ننده على اسمه يقول حاضر ..بالإضافة للأسماء بعاليه ..

نديم

مصرى قوى

واحد مصرى

ست أمينه

شيكو

كى دبليو ايه

منمان

................ كلة يبلغ تمامه ايه ؟ ورانا شغل كثير .. مش عايز أشخط ..  :lol:  :lol:  :lol:  :lol:  :lol: 

اخي فيري فيري

انا جيت اهووووووووووووو ، هو انا اقدر استغنى عن بيتي وعن اهلي؟

لعنة الله على زحمة العمل التي تمنعني من مواصلة الحضور ولكن الحمد لله ان فيه عمل أصلا، ربنا يديمها نعمة ويحفظها من الزوال: نعمة الترابط في المنتدى ونعمة التآلف المتواجدة بيينا كذلك

باشكر كل من افتقدني وانا والله اللي مفتقداكم جداااااااااااااااا

[Set_Amina]

بقى ده أسمه كلام؟

اغيب عن المنتدى أكتر من شهر و ماحدش كلف خاطرة يسأل على العبد الفقير غير الأخ العزيز Spider؟

والله لولا سؤالك ياعزيزى Spider انا كنت خدت ف وشى و اتكلت.

يعنى الواحد حاسس زى ما يكون ناموسة او هاموشة دخلت المنتدى و زنت و بعد كدة خرجت و خلاص على كده!

طيب أسئلوا ... يمكن كنت عيان ... يمكن كنت فى محنة ... يمكن أصحابنا أياهم زارونى قبل الفجر و خدونى مكان غير الحسين ... يمكن كنت سلمت النمر و ساعتها أتمنى قراءة الفاتحه ...

بلد شهادات صحيح!

انا اتأثرت قوي بكلامك وعشمي انك تكون بتهزر

كل عضو هنا له حضور وبالتأكيد المنتدى بينقصه شيء ما بغياب هذا العضو أو ذاك

انت نورت تاني وحمدالله على سلامتك، اما بالنسبة لزوار الفجر فانت بس قولهم هاجيب لكم ست امينة وهما هايفروا هاربين مرتعشين 

وش لينكس المصدوم فى كبرياءه

____________________________________________________

لينكس فنكوش لينكس و ولده زرمبيح

تاجر أعلاف و تسمين حيتان

[Set_Amina]

وست الكل  أمينة ، مختفية عن الأنظار ليها فترة طويلة وحتى مداخلاتها من حين لآخر بتبقى على أستحياء ....... وحشتينا يا أمونة.  :lol:

كلك ذوق وخير والله ياسي السيد، ربنا يديم المعروف ويسعد ايامك

[wahed_masry]

السلام عليكم

أخي فري

بارك الله فيك

أنا موجود والله ومتابع وأستمتع بكثير من الاطروحات القيمة

لكن منعتني مشاغل كثيرة من المشاركة في الفترة السابقة

إن شاء الله أعود إليكم قريبا

تحياتي

واحد مصري

[etreby]

الأخ أتربى راح فين؟

فين أيام النسبية وشرحها يا أتربى باشا!

أظهر وبان عليك الأمان

إيه ده؟

أخيرا حد افتكرنى. و الله كثر ألف خيرك يا استاذ سبايدر على سؤالك. كلك ذوق و أخلاق.

أنا مختفى اليومين دوله علشان بذاكر امتحان المهندسين المحترفين بتاع كندا و آخذ الرخصة و الختم و أصبح (PROFESSIONAL ENGINEER).

دعواتكم لى بالنجاح بإذن الله.

بعدها أرجع أشارك معاكم زى ما انتم عاوزين.

و السلام عليكم مؤقتا.

[الطفشان]

أين هؤلاء

الجنس اللطيف:

- كليو (تظهر و تختفي تاني)

- كروسفيلد

- نورا (تظهر و تختفي)

- فريدة

- الهام

الجنس الخشن:

- حشيش (و الله بدأت اقلق عليه! و وحشتنا قفشاته و قصصه. حد يعرف سكته؟)

- شيكو المصري (يظهر و يختفي برضه)

أكيد في كثير

بس الواحد لما بيفتكر بعيد عن الكمبيوتر، و يرجع له يكون نسي

هييييييييييييييه حسن الختام بقى!

[Cleo]

أين هؤلاء

الجنس اللطيف:

- كليو (تظهر و تختفي تاني)

!

هو القمر دايما كدة.... يحب يشوق الناس ليه...

(وش واحدة مغرورة موووووووووووووووووووووووووت و هى أصلا شبه عيشا الكيلانى)

يا فندم احنا مش اتفقنا إن كان عندى امتحانات و إنى هاقصر رقبة المنتدى فى الجامعة؟؟؟

بس أوعوا تتبروا منى ولا تزودوا عليا الاشتراك....

(وش واحدة عليها فواتير تليفونات و انترنت و فيزا و بتفكر بجد تهرب للحخارج)

[KWA]

فري فري ....اين انت

[kokowawa1979]

واضح إن أختنا العزيزة الدكتورة شعنونة مازالت متأثرة من موضوعها الأخير فهي متغيبة من فترة .

لذا نرجو من الأخت الفاضلة كليو الاتصال بها والاطمئنان عليها حيث أنها أقرب أصدقائها ومناشدتها العودة سريعا للمنتدى .

فهل تسمعيني يا أخت كليو ؟

[Farida]

أستاذى العزيز الطفشان

و الله انا سعيده جدا ان حد افتكرنى و انا حكايتى كبيره شويه اصل انا و الله ربنا مسلط على مشرفين فى رساله الدكتوراه بتاعتى ربنا ما يوريكم كلهم ولاد ...... حلااااااااااااااال بشكل كل واحد فيهم انا نادره لما أخلص حا أعمله موضوع لوحده على شكل حلقات ...ده غير موضوع الفساد اللى فى البحث العلمى اللى بقيت خبيره فى اصوله و حكاويه بس يا خساره مش قادره اتكلم اصلهم باينين قوى و اخاف اتقفش و يضيع مجهود السنين الى فاتت كلها ..... ياريتنى كنت طفشت من بدرى زى اخونا الطفشان بس الظروف العائليه منعتنى .... و النبى دعواتكم لى اخلص علشان المسلسل اللى حا احكيهلكم حا يكشف بلاوى .....

[Cleo]

واضح إن أختنا العزيزة الدكتورة شعنونة مازالت متأثرة من موضوعها الأخير فهي متغيبة من فترة .

لذا نرجو من الأخت الفاضلة كليو الاتصال بها والاطمئنان عليها حيث أنها أقرب أصدقائها ومناشدتها العودة سريعا للمنتدى .

فهل تسمعيني يا أخت كليو ؟

أخى العزيز كوكوواوا....

انا فعلا قريبة من شعنونة لكن هذا على المنتدى و ال MSN فقط... يعنى لم نتبادل بعد أرقام التليفونات و خلافه....

عموما ربنا يسهل و أحاول أصطادها عال MSN .... المشكلة إنى بقالى مدة كنت ملخومة فى الامتحانات و المذاكرة و مش بدخل عالنت ...

عموما إنشاء الله خير... شعنونة من برج القوس (زى حالاتى) يعنى قوية و عنيدة كلها يومين و ترجعلنا ام سمر للمنتدى شايلة قفص مواضيع حمار و حلاوة (قولوا يا رب)

[freefreer]

فري فري ....اين انت

السلام عليكم و رحمة الله و بركاته ..

شكرا لأخى كوا سؤالك عن العبد الفقير الى الله سبحانة و تعالى و الى الإخوة و الأخوات الذين تفضلوا بالسؤال بالبريد .. ربنا ما يحرمنى منكم .. انا موجود بحمد الله و فضله .. و لكن مشغول زيادة عن اللزوم فى تطورات جديدة سارة فيما يخص العمل .. فشكرا لسؤالكم .. و سأظل موجودا دائما ان شاء الله .. و لكن ممكن مداخلاتى يقل عددها فقط ..

شكرا لكم حقيقى .. و دعواتكم الصالحة ..

[الطفشان]

فى تطورات جديدة سارة فيما يخص العمل

الف مبروك

و في انتظار التفاصيل

[صعيدي]

اصل انا و الله ربنا مسلط على مشرفين فى رساله الدكتوراه بتاعتى ربنا ما يوريكم كلهم ولاد ...... حلااااااااااااااال بشكل كل واحد فيهم انا نادره لما أخلص حا أعمله موضوع لوحده على شكل حلقات .......

الاخت فريدة

خدى نصيحة مجرب

انتى اكثر واحدة فاهمة فى نقطة البحث بتاعتك مش المشرفين و خاصة اذا كان بحثك تطبيقى وليس اجتماعى بمعنى حاولى انك تفرضى رأيك على المشرفين و لو ماكانوش فى مكان واحد ممكن تستغلى الفرصة دى وتوهمى كل منهما ان ده رأى المشرف الاخر..

ده غير موضوع الفساد اللى فى البحث العلمى اللى بقيت خبيره فى اصوله و حكاويه بس يا خساره مش قادره اتكلم اصلهم باينين قوى و اخاف اتقفش و يضيع مجهود السنين الى فاتت كلها ..... ياريتنى كنت طفشت من بدرى زى اخونا الطفشان بس الظروف العائليه منعتنى .... و النبى دعواتكم لى اخلص علشان المسلسل اللى حا احكيهلكم حا يكشف بلاوى .

لو عاوزة معلومات انا ممكن اساعدك

[Farida]

أخى الصعيدى

و الله يا أخى كلامك هو عين العقل لكن ايه فى بلدنا بيتوزن بالعقل دلوقتى ؟؟؟ المشكله ان المشرفين بتوعى كلهم من جهات مختلفه صباحا بس بيشتغلوا مع بعض فى جهات أخرى مساءا !!!!! و بينهم مشاكل فى الشغل التانى !!!!!! وانا اللى فى النص .... ليه بس خلتنى اتكلم ممكن كده ما أخلصش ابدا ...الموضوع عايز حلقات انا دلوقتى اخترت لها اسم "انا و الدكتوراه فى المشمش " بس مش عارفه ممكن بعد كده يبقى اسمها "الضحيه"