اذهب إلى المحتوى
محاورات المصريين

حضرتوا هديه ماما؟؟

nash

بواسطة nash
في باب الإجتماعيات

 مشاركة

Recommended Posts

nash عضو جديد

nash

بتاريخ:
بتاريخ:

كل سنه وكل أمهاتنا بخير وصحه وسلام..... :blink: ويرحم كل أمهاتنا ..ويجمعنا فيهم في الجنه mfb:

باقي من الزمن كام يوم علي عيد الام.....ماهي مقترحاتكم في الهدايا......

طبعا موضوع دسته المناديل وإزازة البرفان ...اللي هلكنا بيها مدرساتنا زمان مش هاتنفع...والكلام موجه للعاملين في دول الخليج....

يعني محدش يقولي تليفون بعد منتصف الليل في التخفيضات..عارفين الحركات دي...وهما كمان عارفينها.... mfb:

ماما هي اللي تعبت وربت وطلعنا روحها وطلعت روحنا....وأستحملت رزالتنا.... :huh:

فممنوع منعا باتا كلمه الهديه البسيطه تقوم بالواجب..يعني نصمملها كارت ..ولا نشتريلها ورده....ولا مش وقته علشان...فيه أزمه خبز والدلتا هاتغرق..وقنوات التلفزيون مزعجه..وبرميل البترول وصل 100 دولار..

عايزين أقتراحات جديده....ياتري فيه؟؟ wst::

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
  • الردود 60
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

Handasah عضو جديد

Handasah

بتاريخ:
بتاريخ:

والله ياخت ناش ( ام ياسر ) انت قريتى افكارى الموضوع دة محيرنى من فترة ومش لقيلة فكرة خالص وكمان عشان نازل لمصر كمان شهر مش عارف اعمل اية باضم صوتى لصوتك وعايز فكرة او افكار قيمة :blink: :huh:

همـســة

إذا أتعبتك الدنيا فلا تحزن فإن الله يشتاق لسماع صوتك وأنت تدعوه

لا تنتظر السعادة حتى تبتسم ولكن أبتسم حتى تكون سعيداً

لماذا تدمن التفكير والله ولي التدبير ؟

لماذا القلق من المجهول وكل شيء عند الله معلوم ؟

لذلك

أطمئن فأنت في عين الله الحفيظ

وقل بقلبك ولسانك {فوضت أمري إلى الله}

فإن الله بصير بالعباد

وتذكر أن الرب رحيم كريم

وإن مع العسر يسرا

اللهم صلِ على محمد وآله وسلًم تسليماً كثيراَ

ابوعمر

taakxlf8jwog.jpg

رابط هذا التعليق
شارك
رمضان عضو جديد

رمضان

بتاريخ:
بتاريخ:

انا عمري ما جبت هدية عيد الام كنت دايما بقولها انا اجمل هدية بالنسبة ليكي

بس بجد عاوز اجيب هدية السنة دي

انتم اقترحوا وانا اختار

خرج الثعلب يوما في رداء الواعظين

ومشى في الأرض يهذى ويسب الماكرين

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ: (معدل)

ام ياسر بينى نواياكى الحقيقية .. :blink: انتى عايزة هدية لماما ولا عايزة ابو ياسر يجيب هديه لام ياسر ؟

امبارح والله كنا انا وخطيبتى بندور على هدايا للأمين

ومحتارين طبعا ً

بس فعلا فكرتينى ايام ما كنت فى ابتدائى كنت بأجيب لماما مناديل على شكل مثلث كدة مش عارف ازاى وقزازة برفان طبعا ً كانت اى كلام

بس كانت بتبقى بكل مصروفى

يلا شدوا حيلكم بأضم انا كمان صوتى ليكم

خلوا الامهات بقى هما اللى يقترحوا الهديه

موضوع حلو علشان الكل ياخد باله

شكرا

تم تعديل بواسطة vipwithyou

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
نانو عضو جديد

نانو

بتاريخ:
بتاريخ:
طبعا موضوع دسته المناديل وإزازة البرفان ...اللي هلكنا بيها مدرساتنا زمان مش هاتنفع...والكلام موجه للعاملين في دول الخليج....

إيه ده هو كلنا كنا بنعمل العمله السوده ديه wst::

ماما هي اللي تعبت وربت وطلعنا روحها وطلعت روحنا....وأستحملت رزالتنا.... :blink:

طب بس يارب ماما ما تقرأش الحته ديه

نيش كل سنه وأنت طيبه انتي كمان علشان أنتي ماما جميله :huh:

بيتهيئلي إن كل ماما بتختلف عن الماما التانيه حسب إحتياجاتها ...و طريقه حياتها

عموما ممكن نبدأ بدلايه دهب علي اساس أن ماما أكيد عندها سلسله

وأنا فاكره إن ديه كانت أول هديه جيبتها لماما من أول مرتب إشتغلت بيه ...و بتعتز بيها أوي و بأحس إنها بتحب تلبسها أكتر حاجه

ممكن برضه بما أنك بتتكلمي عن الخليج يعني أنا بأحب الشنط السينيهات تبقي شيك أوي ومميزه

وممكن برفايوم كويس برضه لو ماما بتحب ماركه معينه كملي علي نفس المنهج

و بس خلاص

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك
م.سامح المصرى عضو جديد

م.سامح المصرى

بتاريخ:
بتاريخ:
يعني نصمملها كارت

حضرتك بتقرى افكارى والله

انا ناوى بأمر الله تعالى للمغتربين انى اصمملهم كروت لعيد الام واحطها هنا علشان يبعتوهالها على الميل

بس حضرتك سبقتيني

واستنوا الكرت قريب جدا ان شاء الله

سلامى لكى وكل سنة وحضرتك طيبة وكل الامهات طيبين

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ:

ايه يا سموحة انت ناوى تكتم على الهديه وتكتفى بالكارت

وبعدين حلوة يا رمضان دى .. بقالى أكتر من 20 سنه اكيد بتقرطس ماما وتقولها

انا هديتك دا لو جبتلها السنه دى .. سورى هتضربك

هتقولك ايه يا واد الحاجات الوحشة دى وتطلعوا على عنيكى السنين اللى فاتت

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
إيزيس عضو جديد

إيزيس

بتاريخ:
بتاريخ:
انتى عايزة هدية لماما ولا عايزة ابو ياسر يجيب هديه لام ياسر ؟

برافو يا تامر

ناش كل شيجن انكشفن و بان

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:
والله ياخت ناش ( ام ياسر ) انت قريتى افكارى الموضوع دة محيرنى من فترة ومش لقيلة فكرة خالص وكمان عشان نازل لمصر كمان شهر مش عارف اعمل اية باضم صوتى لصوتك وعايز فكرة او افكار قيمة

ياسلام ......افكار رائعه يا ابو عمر..... :roseop:

بس شايفه أنها مكلفه شويه...مش علشان يعني عايشين في الخليج يبأة نبعزأ كده ..... :unsure:

أنا ضميت صوتي لصوتك وبقينا أتنين بنصوت....نشوف بأة الافكار الذهبيه للرابطه العبقريه :roseop:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:
انا عمري ما جبت هدية عيد الام كنت دايما بقولها انا اجمل هدية بالنسبة ليكي

بس بجد عاوز اجيب هدية السنة دي

انتم اقترحوا وانا اختار

ياسلام...هوة علشان يعني مافيش فرصه نسأل الوالده الغاليه هاتضحك علينا؟؟؟

فكرتني بابو ياسر يتصل في عيد الام بماما يقولها ...حابب أسمعك صوت أغلي هديه..( صوته يعني ) ... :unsure:

ايون أحنا نتعب وندور وانت تختار علي الجاهز....علشان تعرفوا ان الرجاله مريحه نفسها علي طول...حتي في الهديه يا ربي :roseop:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:
انتى عايزة هدية لماما ولا عايزة ابو ياسر يجيب هديه لام ياسر ؟

ليه بس الإحراج.....ليييييييييييه :unsure:

بس فعلا فكرتينى ايام ما كنت فى ابتدائى كنت بأجيب لماما مناديل على شكل مثلث كدة مش عارف ازاى وقزازة برفان طبعا ً كانت اى كلام

طب أتفضل أركن جنبي وجنب نانو.....

وبعدين ...كل دي أفكار في الهدايا؟؟ مش عارفه أختار أيه ولا ايه ....أنا بقول أقتراحك الأولاني ممتاز....واحتمال اقرر اجيب التالت.... :roseop:

ممكن أفكار لو سمحت؟؟ ولا كل واحد مسنود علي التاني يدخل ويفكرله؟؟ :roseop::roseop:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
white rose عضو جديد

white rose

بتاريخ:
بتاريخ: (معدل)

انا فكرت اجيبلها شوكلاته :unsure:

معرفش

يعني فيريرو روشيه عشان بتحبها

بس يعني لازم حاجة احسن

قولولنا بقا نعمل ايه....

يارييييييييييييييييييت يا م. سامح

لما تعمل الكروت تبعتلي لوسمحت :roseop:

معلش حتعبك معايا،شكرااا :roseop:

تم تعديل بواسطة white rose

ذو العقل يشقى في النعيم بعقله ... وأخو الجهالة في الشقاوة ينعم

مصرية وأفتخر واللي مش عاجبو ينتحر

white rose

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:
إيه ده هو كلنا كنا بنعمل العمله السوده ديه

أة :unsure:

طب بس يارب ماما ما تقرأش الحته ديه

لااااااااااااااااااا أنا أروبه...عامله حسابي كويس جدن :roseop:

نيش كل سنه وأنت طيبه انتي كمان علشان أنتي ماما جميله

وأنتي طيبه يارب ..ويفرحك باحلي بنتين في الدنيا...ربي يحفظهم :wub: :wub:

ممكن برضه بما أنك بتتكلمي عن الخليج يعني أنا بأحب الشنط السينيهات تبقي شيك أوي ومميزه

وممكن برفايوم كويس برضه لو ماما بتحب ماركه معينه كملي علي نفس المنهج

تصدقي أنتي الوحيده اللي أقترحتي الهدايا.. أناشايفه الكل داخل مستني الأفكار والاقتراحات....حاجه تنرفز :roseop:

عايزين شويه تفاعل يا شعب....

نانو .....

ألاقيش عندك أفكار تانيه؟:roseop:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
white rose عضو جديد

white rose

بتاريخ:
بتاريخ: (معدل)

ممكن أفكار لو سمحت؟؟ ولا كل واحد مسنود علي التاني يدخل ويفكرله؟؟ :unsure: :roseop:

:roseop::roseop: ما هو بالظبط كدا وانا معاكو :wub:

تم تعديل بواسطة white rose

ذو العقل يشقى في النعيم بعقله ... وأخو الجهالة في الشقاوة ينعم

مصرية وأفتخر واللي مش عاجبو ينتحر

white rose

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:
واستنوا الكرت قريب جدا ان شاء الله

بنا يخليك يا امير يا طيب..... :unsure:

بس برضه فين الهديه اللي هاتحط الكارت عليها؟؟؟ :roseop:

سلامى لكى وكل سنة وحضرتك طيبة وكل الامهات طيبين

وأنت بصحه وسلامه..وتجيب لماما الغاليه أحلي هديه...

قولتلي بتفكر في اي هديه؟؟؟ هه؟؟ مش سامعه

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

شوفوا يا قوم الموضوع ده له 3 محاور

محور الطفولة و محور الأمومة و المحور التالت مش فاكراه خالص

أما محور الطفولة فكان عيد الأم يمثل لي أزمة ليه ؟؟ أفولكم ليه إخواني ...إخواني أنا كنت و لا زلت آخر واحدة في العالم تعرف تحوش و بعد ما توفى

بابايا بدري جدا فجأة الله يرحمه و هو كان بياخدنا نشتري هدية ماما طبعا من فلوسه وكل اللي فاكراه (حيث إن بابايا توفى و أنا غض غرير في سن الحادية عشر )

إن الهدية لازم يكون فيها بيرفيوم مرسوم عليه عصفورتين و ماعرفش إسمه رغم إني استمريت أشتريه فترة طويلة من ريحة الحبايب يعني

لكن لم أعد أجده و أنا مستعدة أقبله كهدية من أولادي و حبايبي في المحاورات على فكرة

نرجع للموضوع و لما توفى بابايا كان لازم أعتمد على مصروفي و ده ما حصلش في تاريخي إني عرفت أحوش مليم وكنت دائمة الاقتراض من إخواتي

لكن في شهر مارس كله يستندل معايا لسبب بسيط غير إنهم محتاجين الفلوس لأني عمري عمري عمري ما رديت ولا مليم استلفته منهم(ودي كانت أول أعراض النصب عندي)

كنت في عيد الأم أجهز لماما الشعر المتين واكتبه بكل الألوان و أقطف الورد من حديقة المدرسة و ده كان يتطلب خطة محكمة تنفذها عصابتي في المدرسة

اتنين يقفوا ناضورجية وواحد بوق إنذار إلى أن تتم العملية و ترجع ماما من الشغل تلاقي الشعر و الورد و لحد النهاردة محتفظة بأشعاري :unsure: :roseop:

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

المحور التاني وهو محور الأمومة فأنا شخصية مزعجة جدا لزوجي و أولادي فلا أحب الذهب و لا يعجبني العجب و بيخافوا يشتروا حاجة ما تعجبنيش

و بيحتاسوا فترة طويلة لحد ما يتجرأوا و يشتروا الهدية آخر العنقود طالع لأمه بيهريني شعر و نثر و رسومات من صغره أما البكرية فذوقها حلو و هي اللي بتختار

هدية باباها كمان و إميارح كانت في رحلة مع المدرسة ورجعت قال لي أما يا ماما شفت لك هدية هتعجبك مووت و أنا طبعا اشرأبيت و تنفتحت كل تفاتيح تلافيف مشاعري لاستقبال الهدية

- طقم يا ماما في نعومي تحفة روب مكتوب عليه مامي و فوطة مكتوب عليها مامي وسليبر مكتوب عليه مامي يجنن ب 900 درهم فجبت لك ده

بتسألوا نفسكم إيه ده؟؟

الروب

لأ

الفوطة

لا لا لا

السليبر ولا مؤاخذة

لا لا لا

كارت أد كده شايفين أد أربع صوابع بس إيه .....مكتوب عليه مامي

طبعا جريت وراها بالسليبر أبو وردة

اللي مش مكتوب عليه مامي

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:
انا فكرت اجيبلها شوكلاته

يا سلام يا وردة....طبعا الشوكلاته كأحد أنواع الفاكهه بحترمه جدا..والوكائن الوحيد اللي بيظبطلي دماغي...مع فنجان القهوة...

فممكن يعني نخلي الهدايا اللي بتتاكل في يوم تاني ..وتدوري معانا علي هديه؟؟ :roseop:

قولولنا بقا نعمل ايه....

أة قولولنا بأة ممكن؟؟؟ :unsure:

يارييييييييييييييييييت يا م. سامح

لما تعمل الكروت تبعتلي لوسمحت

معلش حتعبك معايا،شكرااا

سامح......ياااااااا ساااااامح....وانا وأنا وانا

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

ناش نفسها في السليبر علشان تجري ورايا

بتبصيلي شزرا ليه يا نوشة

المحور التالت وهو عيد الأم وانت فار أواي

أساسا أصلا أنا باشوف الويل و ضلام الليل في الهدايا العادية لماما كل سنة (ماما طالعة لي)

أما هدية عيد الأم فلها محورين

المحور الأول و هو الأهم لمامي و لحضرتي لأنها متعودة عليه من زمان معايا ( مربياها على العز أنا طبعا) لازم أوصي كيمو ابن أختي (كبير في رابعة طب)

حبيب قلبي باموت فيه يشتري لتيتة باسمي بوكيه ورد جميل ولازم يبعت لي صورته علشان أعيش الحدث

و أنا باشترك مع إخواتي في هدية حلوة (وغالبا ما بادفعش ..ده طبع يا جماعة ) طبعا هم في مصر و يعرفوا أكتر إيه الأنسب و أحيانا بياخدوا برأيي المتواضع

حاضر يا نوشة هاقترح هدايا

ذهب ( داماس بينزل على عيد الأم سلاسل حلوة مكتوب عليها ست الحبايب)

ساعة شيك

نظارة شمس

شنطة

روب مكتوب عليه مامي

جهاز تدليك

تسجيلات قرآن

أدوات كهربائية للمطبخ

سليبر مكتوب عليه مامي علشان لو ما عجبهاش باقي الهدايا

أقولكم حاجة

نفسي أمسك إيد ماما

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...