استفتاء حول الهجرة

[هشام الكندي ان شاء الله]

بسم الله الرحمن الرحيم

اولا: هذه الفكرة ليست فكرتي و لكنها فكرة صديقي محمد زيدان و لكنه لم ينفذها الي الان فنفذتها انا بدلا منه, لذلك كان من الضروري الاشاره الي صاحب الفكرة اولا

ثانيا: ارجو من الساده الاعضاء توضيح سبب اختيارهم لخيار دون الاخر حتي تعم الفائده علي الجميع

اخوكم هشام الكندي ان شاء الله

[drody]

طبعا انا اخترت العيش في بلد اجنبي او عربي والعودة الي مصر زيارات

اعتقد ان مستقل مصر مظلم ليس فيه حتي بصيص من نور والوصف الدقيق من وجهه نظري لها ان مصر تاريخ بلا مسقبل اما الدول الاخري سواء عربية او اجنبيه فهي مستقبل بلا تاريخ واعتقد اننا جميعا نبحث لاولادنا علي المستقبل وليس الماضي وان كنت آمل ان يخيب ظني ويصبح لها مستقبل ليتمتع ابناؤها بخيرها اما العودة في الزيارات فلأنها الاصل ولابد ان يتصل الانسان بجذوره فهي التي تثبته وتحميه مهما ضعفت و رغم اننا نقضي في مصر شهر وبالخارج 11 شهر لكني اشعر ان هذا الشهر هو الشغل والباقي هي الاجازة يمكن لاني اتعودت علي الغربه لدرجة اني لما اقول عايزه اعمل حاجة اقول لما اروح هاعمل كذا كأن بيتي اللي في السعودية مش اللي في مصر واعتقد اننا مما ينطبق عليهم المستضعفين في الارض وقول الله تعالي (الم تكن ارض الله واسعةفتهاجروا فيها)

فاحنا مافيش في ايدينا حاجة نعملها في مصر واولادنا امانه ولهم حقوق ومافيش طريق غير ده نقدر نديهم بيه ولو جزء من حقوقهم وبعدين مصر مش عايزه حد يغير حاجة عايزاها كده ماشية بالبركة مش مهم مين يعيش مين يموت

ده حتي الناس الكويسيين اللي عايزين يغيروا حاجة يطردوهم برة وعموما (ان الله لايغير ما بقوم حتي يغيروا ما بانفسهم ) ونحن نغير باضعف الايمان

وبعدين ماكنش له لازمه الموضوع ده اللي هيوقعنا في الغلط ويخلينا نخبط في الحلل وربنا يستر :blush2:

[drody]

علي فكرة يا جماعة بعد ما كتبت مداخلتي كنت اتصفح المنتدي وقرأت موضوع الاخ هشام عن الحكم الشرعي في الهجرة وقرأت مداخلات الاخوة والاخوات وحبيت بس اوضح استخدامي للأيه الكريمه لما وجدته من ردود علي استخدامها

فانا اعرف تفسير الايه الكريمه وفيما نزلت كما اوضحت احدي الاخوات الكريمات فانا لم اقصد باستخدامي للايه تبرير الهجرة وطبعا هذه الهجرة لامجال لمقارنتها بهجرة رسولنا صلي الله عليه وسلم

او الهجرة من بلد اسلامي لبلد ليست اسلامية لاني اعيش في بلد اسلامية واعتبر هذه هجرة بالمعني الحالي رغم اعتراضي علي كلمة هجرة لان العالم الان كما يقولون قد اصبح قريه صغيرة والاتصالات والنت وغيره من وسائل التكنولوجيا الحديثة قربت المسافات وممكن التنقل من بلد لبلد في غضون ساعات ولكني اقصد بها الصفة صفة المستضعف الذي لا يستطيع ان يغير ما يري من منكر لابيده ولا بلسانه والمضطر في بعض الظروف القاسية والتي قد يوقعه فيها سوء الحظ بان يقوم مثلا باخطاء في حق نفسه او دينه ولا يستطيع ان يسبح ضد التيار والذي يحاول ان يكسب قوت يومه ويطحن ولا يستطيع ان يوفي لبيته واولاده الحد الادني من المستوي اللائق من المعيشه وكل مشاكلنا الاقتصادية ورغم ذلك يري غيره يعيش ببذخ رغم عدم تمسكه بدينه ولا بالحد الادني من الاخلا قيات ويصبح هو الرابح ونري انه يعلم ويربي اطفاله علي الدين والصدق وكافة اخلاق ديننا الحنيف وبعدها كما يقال دائما ينقلب حاله بمجرد الاحتكاك بالحياة وغيرها الكثير وكلنا نعلمه

في هذا الوقت ليس له الا ان يسعي في الارض ويعيش في مكان يضمن له علي الاقل الحريه في ممارسه ابسط حقوقه كانسان وان يربي اولاده في مناخ اخلاقي يحترمه ويحترم دينه اي كان هذا المكان فارض الله واسعة

فكل ما نقصده هو السعي لطلب الرزق والبحث عن الآدميه وارجو ان اكون اوضحت المقصود فهو بعيد كل البعد عن المقارنه او تفسير ألآيه لارضاء الاهواء

وعلي كافة الاحوال فاي مصري اعتقد علي اتم الاستعداد للعوده لبلده والعيش بها اذا انقطع رزقه في ارض الله الواسعة

وهذه نيتي وان اكتب وليس التفسير للآيات وارجو ا المعذرة علي كل حال

[اسكندرية تانى]

نعم لبلد اجنبي لكني لا افكر في العوده مرة اخري لمصر الا في زيارات

[هشام الكندي ان شاء الله]

بسم الله الرحمن الرحيم

انا كمان اخترت لبلد اجنبي و الا اعود الي مصر الا زيارات

و الله الواحد لو يقدر يجيب اهله و حبايبه معاه بره لاعملها و مجيش مصر البته

[ايهاب سالم]

طبعا انا اخترت العيش في بلد اجنبي او عربي والعودة الي مصر زيارات

اعتقد ان مستقبل مصر مظلم ليس فيه حتي بصيص من نور والوصف الدقيق من وجهه نظري لها ان مصر تاريخ بلا مسقبل اما الدول الاخري سواء عربية او اجنبيه فهي مستقبل بلا تاريخ واعتقد اننا جميعا نبحث لاولادنا علي المستقبل وليس الماضي وان كنت آمل ان يخيب ظني ويصبح لها مستقبل ليتمتع ابناؤها بخيرها اما العودة في الزيارات فلأنها الاصل ولابد ان يتصل الانسان بجذوره فهي التي تثبته وتحميه مهما ضعفت و رغم اننا نقضي في مصر شهر وبالخارج 11 شهر لكني اشعر ان هذا الشهر هو الشغل والباقي هي الاجازة يمكن لاني اتعودت علي الغربه لدرجة اني لما اقول عايزه اعمل حاجة اقول لما اروح هاعمل كذا كأن بيتي اللي في السعودية مش اللي في مصر

فاحنا مافيش في ايدينا حاجة نعملها في مصر واولادنا امانه ولهم حقوق ومافيش طريق غير ده نقدر نديهم بيه ولو جزء من حقوقهم

الله ينورعليكي

ما كنت لاقولها افضل من ذلك

[هشام عباس]

انا اخترت بلد عربي لفتره وارجع مصر تاني

لأني عندي تلات بنات وولد ومحبش اربي بناتي بعيد عن بلد عربي وبعيد عن عاداتنا وتقاليدنا ولذلك فضلت البلد العربي

اما مسألة الرجوع فأنا لسه بصراحه مش عارف انا هرجع ولا لأ او حتى هرجع امتى

انا عايش في سلطنة عمان من 13 سنه ومش منتظر ابدا رجوعي دلوقتي انما في نيتي الرجوع لكن امتى او بعد ما اوصل لأيه!!!!!!!!!!! بجد مش عارف

[deemuck]

حلو الاستفتاء دة

اخترت اختيارين - (دولة اجنبية وارجع مصر لزيارات -- دولة عربية وارجع مصر لزيارات)

اختار اكون مهاجر

تم تعديل 11 مارس 2008 بواسطة deemuck

[Ghost]

طبعا انا اخترت العيش في بلد اجنبي او عربي والعودة الي مصر زيارات

اعتقد ان مستقبل مصر مظلم ليس فيه حتي بصيص من نور والوصف الدقيق من وجهه نظري لها ان مصر تاريخ بلا مسقبل اما الدول الاخري سواء عربية او اجنبيه فهي مستقبل بلا تاريخ واعتقد اننا جميعا نبحث لاولادنا علي المستقبل وليس الماضي وان كنت آمل ان يخيب ظني ويصبح لها مستقبل ليتمتع ابناؤها بخيرها اما العودة في الزيارات فلأنها الاصل ولابد ان يتصل الانسان بجذوره فهي التي تثبته وتحميه مهما ضعفت و رغم اننا نقضي في مصر شهر وبالخارج 11 شهر لكني اشعر ان هذا الشهر هو الشغل والباقي هي الاجازة يمكن لاني اتعودت علي الغربه لدرجة اني لما اقول عايزه اعمل حاجة اقول لما اروح هاعمل كذا كأن بيتي اللي في السعودية مش اللي في مصر

فاحنا مافيش في ايدينا حاجة نعملها في مصر واولادنا امانه ولهم حقوق ومافيش طريق غير ده نقدر نديهم بيه ولو جزء من حقوقهم

الله ينورعليكي

ما كنت لاقولها افضل من ذلك

و انا ما ليش كلام بعد كلامكم

[التونسى]

رغم وجودى فى بلد من احسن بلدان الغرب .. وامكانية حصولى على جنسيتها .. ورغم فشل محاولاتى الثلاث الاخيره على مدار سنتين للعوده من مهجرى للاستقرار فى مصر نهائيا ..((لظروف المجتمع الاخلاقيه وتدنيها خصوصا فى التعامل)) .. الا انى بصراحه مازلت متشبث بايدى وسنانى بشعرة معاويه اللى بتربطنى بمصر ..وساظل متشبثا بمصر حتى لو تحولت تلك الشعره لخيط من خيوط العنكبوت .. وسيظل الامل يحدونى ان اعود يوما ما لاعيش بمصر ... ولم استسلم بعد او ارضخ لهذا اللقب .. لقب (مهاجر) .. ويرن فى اذنى دائما تلك الكلمات من فيلم احنا بتوع الاتوبيس على لسان وجدى العربى .. ((أزمه وتعدى .. وبرضه انتى بلدى))

[حسام يوسف]

السلام عليكم:

أحلم بالهجرة للغرب

ولأنى أفضله على الدول العربية

ولأنى عاوز فلوس

وعاوز أكون انسان

وعشان كدة فكرة الدول العربية بارفضها

ونفسى أرجع قبل ما يبقى أولادى كبروا فى قيم الغرب

ولما اموت أكون ربتهم كويس

وسبتلهم قرشين

وسبتلهم الاختيار بين مصر ومعاهم فلوس

أو الغرب ومعاهم جنسية واحترام لانسانيتهم

يارب

[Muhammad Zidan]

بسم الله الرحمن الرحيم

اولا: هذه الفكرة ليست فكرتي و لكنها فكرة صديقي محمد زيدان و لكنه لم ينفذها الي الان فنفذتها انا بدلا منه, لذلك كان من الضروري الاشاره الي صاحب الفكرة اولا

ثانيا: ارجو من الساده الاعضاء توضيح سبب اختيارهم لخيار دون الاخر حتي تعم الفائده علي الجميع

اخوكم هشام الكندي ان شاء الله

مسااااااااااااااء الخير على كل الحبايب والاصدقاء

ومساء خاص لصديقي المحترم والمتحمس هشام الكندي إن شاء الله

أولاً : مفيش طبعاً فرق ياهشام إنت زي ما قلت إحنا أصدقاء وبين الاصدقاء مفيش أي فرق

ثانياً : إخترت طبعاً الهجرة لبلد أجنبي والعودة لمصر زيارات وأكيد مش هاقول أكتر من اللي قلته الأخت drody اعتقد ان مستقبل مصر مظلم ليس فيه حتي بصيص من نور والوصف الدقيق من وجهه نظري لها ان مصر تاريخ بلا مسقبل اما الدول الاخري سواء عربية او اجنبيه فهي مستقبل بلا تاريخ واعتقد اننا جميعا نبحث لاولادنا علي المستقبل وليس الماضي وان كنت آمل ان يخيب ظني ويصبح لها مستقبل ليتمتع ابناؤها بخيرها اما العودة في الزيارات فلأنها الاصل ولابد ان يتصل الانسان بجذوره فهي التي تثبته وتحميه مهما ضعفت

Muhammad Zidan :sad: :rolleyes: :ninja:

[rozy]

مساء الخير انا عضوة جديدة وعاوزة حد يساعدنى ويقولى ازاى اقدر اهاجر كند

[Muhammad Zidan]

مساء الخير انا عضوة جديدة وعاوزة حد يساعدنى ويقولى ازاى اقدر اهاجر كند

افتحي الموضوعات العامة ها تلاقي موضوع الحياة والهجرة إلى كندا

كل كبيرة وصغيرة عن الهجرة في الموضوع ده ( كل ما تريد معرفته عن كندا )

وبالتوفيق إن شاء الله

Muhammad Zidan :sad: :rolleyes: :ninja:

[magedghonim]

طبعا وبلا ادني شك الاجابة هي الخروج من الوطن العزيز مصر والعودة للزيارات وليس للاستقرار

وبرضه عشان الواحد مينساش انه مصري هاهااهااها

:sad:

وللاسف مصر حبيبتنا هي الي اجبرتنا على كدة

وحسبنا الله ونعم الوكيل

والله المستعان

صيدلاني بيحلم بكندا

[Muhammad Zidan]

صدقوني حتى الآن هي دي النتيجة المتوقعة والصحيحة والواقعية

كل الناس مش طايقة تعيش في مصر

والله حاجة تحزِّن

العدس بــــ 8 جنيه

الزيت بــــ 10 جنيه

الأرز بــــ 3.5 جنيه

الفول بـــ 6 جنيه

حليب بخيره نص كيلو بـــ 2.5 جنيه

الدقيق بـــ 3.5 جنيه

اللحمة ....

الفراخ ....

السمك ...

العيش ....

كل حاجة بقت نار

الموصلات زي الزفت

المرور زي الزفت

الشوارع زي الزفت

النظافة زي الزفت

المصالح زي الزفت

المشروعات الصغيرة أكتر من عشر جهات بتشرف وتراقب نشاطك وبرضه زي الزفت

وفي الآخر مرتب الموظف اللي مفروض بيتعامل في كل ما ذكر عاليه لا يتعدى 600 جنيه والمفروض يكفوه هو وأولاده ... أكل وشرب ومواصلات ولبس ودواء ضغط وكيلو هريسة كل أسبوع للعيال وأمهم

أيام سودة ومنيلة بنيلة بنعيشها دلوقتي

وأيام أسود ومجاعة وسرقات وجرائم جاية قريب وعاوزينا نربي عيالنا في الجو ده في البلد دي

وفي الآخر يقولك ... ما تقولش إيه ادتنا مصر .. قول ها ندي إيه لمصر

طيب يا عم اللي بيدي ده ومش منتظر مقابل هما الأب والأم واحنا ولاد مصر قولولي مصر بتدينا إيه ..... واحنا معانا إيه نديهولها

ربنا يكون في عون كل الناس

عدد المتسولين النهارده على باب المسجد زادوا 3 أضعاف

عيشوا في مصر وسلمولي على المترو

Muhammad Zidan

[ahmed_saleh]

اخواني و اخواتي الكرام

لقد اخترت بلد اجنبي و الرجوع لمصر بالاجازات فقط ، كان هناك منذ فترة شد و جذب و تردد بين فكرتين (الهجرة) ويالمقابل (العودة لمصر او الاستمرار ببلد عربي) و لكن بالفترة الاخيرة و مع تسارع الاحداث لدرجة ان الناس تموت بطابور العيش بمصر عشان ما يسمى رغيفين عيش و في نفس الوقت غلو الاسعار اللي اصاب الدول العربية ايضاً و اللي اكيد هتسيبها يوماً من الايام طال الزمن او قصر و ربما تخرج منها كما دخلتها و بالتالي اصبح موضوع الهجرة و هو يمكن يكون اصعب التحديات (من ناحية الاستقرار بالعمل هناك و تربية الاولاد) و لكنه في نفس الوقت الخيار الوحيد لمن يريد الرقي و الانسانية حتى و لو لم يكن كما يتخيل بالضبط اخونا هشام الكندي و عجبي :rolleyes: .

[مزاميزو]

يبدو إن الأستاذ محمد زيدان مش متابع جيد لحركة الأسعار حيث إن الأسعار المكتوبة في مداخلته كانت في أول شهر مارس واتغيرت بالزيادة طبعا في 10 مارس

ونرجع لمرجعونا بتاع الهجرة أنا صوت للرجوع بعد فترة من بلد أجنبي عشان أنا لو معايا جنسية تانية هعيش في مصر بمرتب أجنبي وابقى ضربت عصفورين بحجر

عايش في بلدي بمرتب بني آدم

[رحاب]

طبعا هاختار اعيش بعيد عن مصر لان المستقبل فيها ضبابى وادينا متغربين ومرتاحين بعيد عنها

ربنا يفك اسرها

قولوا آميييييييييييييييييييييييييييين

بنت مصر :م:رحاب :rolleyes:

[Muhammad Zidan]

مسااااااء الخير

والله يا عم مزاميزو دي آخر أسعار فعلاً سمعتها في أول الشهر لو اتغيرت يبقى عشان انا لسة ماشتريتش حاجات من المكتوبة

نقول للكل والمهتمين :

1. الأخلاق أصبحت شبه مختفية في كل معاملاتنا خارج بيوتنا
   
2. الأمانة والثقة تقريباً مفقودة في كل حوار بيدور مع أي تاجر أو صاحب مهنة مثلاً زي الميكانيكي لمل تروح تعمل حاجة عنه تبقى بتسمعه وانت شاكك في كل كلمة بيقولها
   
3. الأملن مفقود تماماً .. في واحد يقدر يسمح لبنته أو زوجته تخرج بره بيتها لزيارة عائلية أو خلافه بدون ما يكون معاهم مش ممكن ... كل يوم بنسمع عن جرائم خطف واغتصاب وهتك عرض ..ربنا يحفظنا كلنا
   
4. الغلاء في كل شيء حتى في أسعار المياه والكهرباء واحنا أرض النيل اللي مفروض بيوفرلنا المياه ويدورلنا توربينات الكهرباء
   
5. العشوائية في كل المجالات .. يعني مثلاً حاجة بسيطة زي مثلاً استخراج رخصة مكتبة يقولولي موافقة المطافي قبل موافقة البيئة والمطافي تقوللي موافقة البيئة الأول والأمن الصناعي عاوز الموافقتين قبل ما يديني جوااب الموافقة .. مثلاً
   
6. الفساد والمحسوبية والرشاوي ... مثل بسيط ... برضه طلعت الرخصة من غير موافقة البيئة والمطافي .. بالرشوة طبعاً
   
7. التلوث السمعي والبصري وفي كل المجالات يعني دلوقتي ما تقدرش تمشي في أي شارع أو مكان من غير ماتسمع واحد بيشتم واحد بأفظع الشتايم أو واحد بيهزر مع صاحبه وبيقوله يابن ال... ويابن ال... وغيره
   
8. الشرطة وروعتها وأسلوبها مع الناس .. مع إن أخويا ضابط لكن تسمع كلامه تحس إن الدنيا مليانة بشاعات وسفالات وهما لازم يكون ده سلوكهم الطبيعي والمفروض
   
9. المواصلات والمرور والزحمة واللي مش ممكن ها ينصلح حالها إلا لو جت معجزة من السماء
   
10. وغيره وغيره ..... وغيره
    

حد يقد يقوللي الحياة في بلد فيها كل البلاوي السودة دي ... تنفع ازاي

خليكوا أمناء مع نفسكوا .... والله

Muhammad Zidan :yahoo: :sad: