الحكم الشرعي للهجرة لكندا

[هشام الكندي ان شاء الله]

استاذه هبه:

سعيد جدا بردك و نقدك لي و هو احب ما اريد سماعه, فصديقك يريك عيوبك

بالنسبه لموضوع الدين و الايمان الضروري توفرهم في المغترب و الا فسفره غير جائز

انا قريت في مجله التوحيد مقال بعنوان "وقفه شرعيه مع الهجرة غير الشرعيه" ذكر شرطين اساسيين ضروري توفرهم في المسافر و الا فسفره حرام

الشرط الاول: ان يكون علي درايه باصول الدين الاسلامي حتي يستطيع الدفاع عن صواب عقيدته امام غير المسلمين و حتي لا يفتن هو شخصيا

الشرط الثاني: ان يكون علي خلق حميد حتي لا ينجرف في تيار الحياه هناك و يشاركهم شرب الخمر و الزنا و اكل الخنزير

اذا لم يتوفر احد الشرطين فعلي الراغب في السفر البقاء و الا يعرض نفسه لفتنه قد تقوده الي ما لا يحمد عقباه

نيجي لموضوع الهش و العش, ممكن بجد تقوليلي ليه غايظاكي كتاباتي؟ بجد انا مش عارف الناس بتتغاظ ليه من كلامي, يا ريتك بجد تقوليلي علشان احاول اني مغيظهمش مرة تانيه

عجبني اوي انك قلتي يا هشام يا كندي عكس ناس تانيه بتغيظني و تقولي يا هشام يا مصري

عارفه لو يقولولي يا هشام يا حامل الجنسيه الجنسيه المصريه, مكنتش هزعل

فيه فرق كبير بين حامل الجنسيه المصريه و المصري

زي بالظبط الفرق بين الكراهيه و عدم الحب

بالمناسبه مصر ما تعبتش فيا, عمرها ما قدمت ليا حاجه

اللي اداني كل حاجه هو الله و سبب الاسباب في هذا

و الاسباب هي كالتالي و بالترتيب:

سيره النبي محمد صلي الله عليه و سلم

اهلي و خصوصا ابي

الانترنت

مدرس اللغه الايطاليه في الثانويه

انا

صدقيني من غير ما تقولي انا اول ما هطلع بره هعمل كشف حساب و اشوف البلد اديتني ايه بالمليم و هرجعه تبرعات للحكومه المصريه( التي تمثل الشعب المصري)

لو هتقولوا البلد اديتك حب و احاسيس و كلام من دا

هقولكم و اديتني عدم ادميه و عدم احترام و زحام و غلاء و ضياع احلام و جهل و ................الخ

فساطالب بتعويض و اخد اللي دفعته في الاول

ههههههههههههه

اخوكي

هشام الكندي ان شاء الله

[Folana]

السلام عليكم ورحمة الله....

قبل أن ابدأ فى كتابة ردى ..أود أن أعتذر للاخوة الزملاء فى الادارة...فأنا أعلم أن الموضوع خرج عن مساره الطبيعى وعن فكرته الاساسية وهى الحكم الشرعى للهجرة الى كندا...ولكنى استمحيكم عذرا فى أن أكتب ردى الاخير...وان شاء يعود الموضوع الى مساره الاصلى....(اتعشم هذا )...

الفاضل محمد زيدان...بعيدا أيضا عن محاولة تفسير اتجاهى الفكرى ..أود أن أشكرك على لغتك الراقية فى الحوار...واسمح لى فقط بالحوار حول بعض النقاط التى أوردتها فى مداخلتك....أولا حضرتك قلت :

..و لكن يأختنا الفاضلة إحنا ولسنا كرجال فقط أقصد إحنا اللي عايشين في وسط الناس بقينا بنشوف الاتنين مع بعض الحلو والوحش بدون مابحث بدون ما أفكر وده معناه إن الوحش أصبع واقع ولازم أتعامل معاه بأي شكل

اسمح لى اختلف معك فى هذا الطرح لان التعميم هنا استدلال خاطىء اذا سمحت لى ...لان الحكم أصبح على الظاهر فقط...السىء موجود دائما فى أرض الله الواسعة....ولم يكن ابدأ مخفيا ليظهر بصورة مختلفة...ولكن....نحن نرى مانريد..ونتعامل مع ما نريد...

وتفضلت ايضا وقلت :

تلاقي فيها الممرضات الغير محجبات كتير جداً والمتبرجات أكتر جداً وتلاقي 3 أو 4 محجبات أو محتشمات وكذلك الحال في الشركات والهيئات الخاصة وقيسي على كده كتير يعني الموضوع مش في الشارع بس لكن في كل مكان

وهنا أيضا انت حكمت على من ترى واختزلت حكمك فى الحجاب..وكأن حكمنا على الاخريات يقتصر فقط على ارتداء الحجاب من خلال

المظهر...وهذا أيضا أخى الفاضل فيه غُبن لكثير ممن هن فاضلات وان لم يأن أوان ارتدائهن للحجاب

واريد أن أؤكد على ان الحكم دائما على الانحلال ليس فقط من خلال المظاهر ولكن من خلال اتباع القياس المنطقى فيما اندثر من مبادىء وما تم

اكتسابه لذلك ففى رأى المتواضع ان الجيد موجود والسىء ايضا ولكننا فى النهايه لنا الاختيار فى التعامل والحكم ......

أكتفى بهذا التوضيح حتى لا يتحول مجرى الحديث كليةً...

بخصوص ذكرك للاية الكريمة ..يقول المولى عز وجل :

"

﴿ إِنَّ الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَـئِكَ مَأْوَاهُمْ جَهَنَّمُ وَسَآءتْ مَصِيراً * إِلاَّ الْمُسْتَضْعَفِينَ مِنَ الرِّجَالِ وَالنِّسَآء وَالْوِلْدَانِ لاَ يَسْتَطِيعُونَ حِيلَةً وَلاَ يَهْتَدُونَ سَبِيلاً * فَأُوْلَـئِكَ عَسَى اللّهُ أَن يَعْفُوَ عَنْهُمْ وَكَانَ اللّهُ عَفُوّاً غَفُوراً ﴾[النساء: 97ـ99]

اسمح لى اخى الفاضل ...هذا استدلال ليس فى محله...اذا سمحت لى بالطبع - لانه بالعودة الى كتب التفسير...نجد ان هذه الاية نزلت على اهل مكة الذين لم يهاجروا....وتأمرهم بالهجرة من بلاد الكفر الى بلاد اسلام يستطيعون فيها التمسك بدينهم والدفاع عنه ..(وليس العكس)..

والملائكة الذين يقبضون ارواحهم يوبخونهم "فيم كنتم"...يعنى على اى حال كنتم؟..وبأى شىء تميزتم عن المشركين؟..بل كثرتم سوادهم وربما ظاهرتموهم على المؤمنين وفاتكم كثير من الخير والجهاد مع الرسول ..

"قالوا كنا مستضعفين فى الارض"....اى ضعفاء مقهورين مظلومين ..ليس لنا قدرة على الهجرة - وهم غير صادقين فى هذا -

قالت الملائكة :" الم تكن ارض الله واسعة فتهاجروا فيها ".....فحيثما كان العبد فى محل لا يتمكن فيه من اظهار دينه فان له متسعا وفسحة من الارض يتمكن فيها من عبادة الله ....

الى اخر تفسير الايات الكريمة...

والان اخى الكريم ...الا ترى معى ان استشهادك بالاية الكريمة لا مجال له هنا؟...ولو استشهدنا بها فى الهجرة من بلد اسلامى الى بلد كفار كما جاء على لسان الاخ كندى ...(وان كنت شخصيا لا احكم على احد )...نكون بهذا الاستشهاد قد غُبنا حق بلادنا للمرة الثانية...وتلاعبنا بايات الله وفسرناها حسب اهواءنا الشخصية؟...وفى هذا اثم لو تعلمون عظيم...

واخيرا الاختلاف فى الرأى لا يفسد للود قضية...

الاخت فلانه: ارجو منك ذكر اسماء الشوارع التي لا يوجد بها سوي المحتشمات حتي نهاجر الي هذه الشوارع

هشام الكندي ان شاء الله

اخى الكندى...انصحك بالهجرة داخل نفسك وقلبك وضميرك وجذورك

[م.سامح المصرى]

﴿ إِنَّ الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَـئِكَ مَأْوَاهُمْ جَهَنَّمُ وَسَآءتْ مَصِيراً *

النساء 97

الاستاذ الفاضل

كثير من الاعضاء ذكروا هذه الاية وبدون تكليف من انفسهم حتى يعرفوا ما هوا تفسيرها لاكن اكتفوا بتفسيرها حتى يرضوا نفسهم بها

أي انهم يتخذون القرأن عرضة لشهواتهم فأرجو ان لا تكون مثلهم

بالنسبه لموضوع الدين و الايمان الضروري توفرهم في المغترب و الا فسفره غير جائز

انا قريت في مجله التوحيد مقال بعنوان "وقفه شرعيه مع الهجرة غير الشرعيه" ذكر شرطين اساسيين ضروري توفرهم في المسافر و الا فسفره حرام

الشرط الاول: ان يكون علي درايه باصول الدين الاسلامي حتي يستطيع الدفاع عن صواب عقيدته امام غير المسلمين و حتي لا يفتن هو شخصيا

الشرط الثاني: ان يكون علي خلق حميد حتي لا ينجرف في تيار الحياه هناك و يشاركهم شرب الخمر و الزنا و اكل الخنزير

اذا لم يتوفر احد الشرطين فعلي الراغب في السفر البقاء و الا يعرض نفسه لفتنه قد تقوده الي ما لا يحمد عقباه

تصدق يا هشام انا بفكر في موضوع الهجرة

بس الاول يا ريت تذكر انهى عدد او تعملة سكان وترفعلنا الخير دا

بس الشرطين دول مهمين جدا

يعنى بيوضحوا ان الواحد لازم يكون ملم بدينه مشى يفسر الدين والقرأن على هواه ولا يعرف اساسا دينة اتبنا على اية

ولا يعرف الرسول عمل اية علشان دعوته توصل او يفسر الى عمله الرسول برضو زى ما فسر القرأن

تانى حاجة ودى مهمة برضو جدا

ان الواحد يكون على خلق حميد بمعنى انه ما يوبخش حد ولا يشتمهم ولا يتطاول علية واهم حاجة

انه ما يكون بيتبلى على حد

بمعنى ان يسئ لناس ويعيبهم ولدرجة انه يشتمهم ولما حد يجي يصحح خطأة ويرد على تهكماته المستفزة

يقول اية دا انا مش واخد حقى دا انتم ظالمين حرام عليكم يا مفتريين علشان كدة انا عايز اغترب

انا بحترم فيك انك بتدور علي رأي الدين

بس بحترم اكتر الى عارف الدين والى بيعمل بيه بكل ما تشتمل كلمتى (عارف -بيعمل بيه ) من معانى

انما اية الفايدة ان الواحد يجيب دا قال اية ودا قال اية وفى الاخر ما بيعملش بالي قالوة يبقي بنضحك على نفسينا ابل ما نضحك على الى قدامنا علشان

نقنعهم ان احنا مسافرين علشان دينا قل كدة واساسا احنا الي فسرناه غلط وغير كدة ما نعرفش دينا قال اية

وبحترم اكتر واكتر الى ما يعرفش امر معين ولا يجادل فية لانه بيبقي غلط (زي ما حصل في تفسير الايات ومواقف الرسول صلى الله عليه وسلم )

لاكن استعين بحد موثوق فية

لان مش ما بعد الرسول قاد المعارك والحروب علشان يوصلنا الاسلام ونبقي مسلمين

اقل حاجة نقدمهالة ...يعنى اضعف الايمان

طالما احنا مش عايزين نعيش مع المسلمين .... وما بنعملش بما قاله الدين

انه زي ما جبلنا القرأن والحمد لله لغاية الان ما اتحرفش فية يبقي نخلية زى ما هوة وما نحرفش فى تفسيرة

لان دينا مش هين ولا جالنا بسهولة ( الجملة دية انا قلتها اد اية :blush2: ) ولا الرسول هين للدرجة دي ولا ربنا سبحانة وتعالى هين

الى عايز يسافر يسافر بس ما ياخدش الدين بتاعنا عرضه لشهواته ولرضاء نفسه

وسلامى لكم جميعا

[Muhammad Zidan]

السلام عليكم ورحمة الله وبركاته

طبعاً هو الأفضل أن نكتفي بما ناقشناه أو اختلفنا فيه والي خلانا نخرج برة فكرة الموضوع الرئيسية لكن عندي تعقيب صغير جداً إسمحولي بيه

أوافق جداً على كل اللي قالته الأخت الفاضلة والمتفائلة Folana لأنها لها رؤية متميزة جداً في حياتنا وما يدور من حولنا وما نلقاه باستمرار أنا لا أنكر أنني نادراً ما تحاورت سواء على منتديات الشبكة أو في اللقاءات الحية مع الأصدقاء بشخص يرى الدنيا بسرور وتفاؤل وبحث عن النقاء بهذا الشكر ...... لكن ما أود أن أقوله هو أن السئ والشر والغير مناسب والمرفوض والمبتذل و .... و ... و ...وكل ما يمكن وصفه بالخطأ أصبح حقيقة واقعة تزداد وتستشري ببساطة أصبح الإنسان يجاهر بالخطأ بل الأكثر أنه يجد من يحفزه ويشجعه عليه وعلى تكراره أصبحت تجمعات الشباب يتحاورون فيما يفعله أحدهم من أفعال أقل ما توصف أنها رزائل ...

يعني الدنيا والحياة وحتىأكون منصف الدنيا والحياة داخل بلادنا أصبحنا نرى فيها وبوضوح جداً الخطأ والسئ بل لا أكون مبالغ إذا قلت أن الذين يقومون بالفضائل يكادوا أن يتخفوا ويختفوا .

أشكر الأخت الفاضلة على تعقيبك على الآية الكريمة وفعلاً أنا لم أكن أعرف تفسيرها الصحيح ولو أني اجتهدت ( مع نفسي ) .

أخيراً

ماتيجوا كلنا نعمل استفتاء حول الموضوع ونحط خانة للهجرة وخانة للبقاء في بلدنا ونشوف رأي الكل ها يبقى إيه متهيألي إن أغلب الموجودين ليهم نفس الميول والثقافات ومتهيألي برضه إنهم متعلمين بما فيه الكفاية للرد والمحاورة.

:) :blush2: :blush2: والسلا عليكم ورحمة الله وبركاته

Muhammad Zidan

[هشام الكندي ان شاء الله]

اقتراح جميل جدا يا اخ محمد زيدان بتاع الاستفتاء دا

فكره رائعه لمعرفه اتجاهات و ميول الناس

بس انا معلش يعني بيجيلي انتكاريا من كلمه استفتاء

بيفكرني بحاجات مش عايز افتكرها

ايه رايكم نعمل استبيان حول الراغبين في الهجرة او الراغبين في البقاء في مصر؟

[Muhammad Zidan]

اقتراح جميل جدا يا اخ محمد زيدان بتاع الاستفتاء دا

فكره رائعه لمعرفه اتجاهات و ميول الناس

بس انا معلش يعني بيجيلي انتكاريا من كلمه استفتاء

بيفكرني بحاجات مش عايز افتكرها

ايه رايكم نعمل استبيان حول الراغبين في الهجرة او الراغبين في البقاء في مصر؟

مسااااااااااااااااااااء الخيرات

طبعاً ومؤكد وبكل تأكيد ولا مجال للتراجع وإن شاء الله و ابصم بالعشرة ...... أنا مش طايق أعيش أكتر من كده هنا

أما فيما يخص الاستبيان أنا أؤيد الهجرة إلى كندا أو انجلترا أو أمريكا

Muhammad Zidan :rolleyes:

[هشام الكندي ان شاء الله]

بسم الله الرحمن الرحيم

نعود الي اصل الموضوع الا و هو راي الدين الاسلامي من الهجرة

سؤال لفضيله الشيخ وجدي غنيم نصه:

"انا شاب اعمل عمل ليس له اي علاقه

بدراستي, علاوة علي

ذلك فانا اواجه مشاكل نفسيه كثيره في بلدي

من سوء اخلاق

الجيران و سوء المعامله في العمل و عدم

احترام ادميه

الفرد

لذلك قررت الهجرة الي كندا لكي ادرس

دراسه دنيويه احبها

و اعمل بها

و لكي اعيش في مجتمع يحترم ادميه الانسان

و لكي اتزوج من امراءه مسلمه قد لا تجد

مسلمين للزواج

منهم

و قد اخترت كندا لان ليس بعلمها صليب و

لانها لا تحارب

المسلمين و قواتها في افغانستان للدعم

اللوجستي فقط و

سوف تسحبها ان شاء الله في 2009

و لان بها جاليه مسلمه كبيرة تبقيني علي

اتصال بالمسلمين

و امورهم

للعلم, انا علي يقين بصواب دين الاسلام و

سادرس علم

الكلام قبل السفر حتي استطيع درء

الشبهات عن الاسلام و

نشر الاسلام عن طريق اظهار سلوكي كمسلم

بين الكنديين غير

المسلمين

هناك

و باذن الله ساتجنب المحرمات كالزنا و

الخمر و العمل

بمطاعم تقدم الخمور و الخنازير

و باذن الله, سادخل ابنائي مدارس عربيه و

اعلمهم الدين

مع العلم ان المهاجر لا يجند اجباريا في

الجيش و لا

يحارب بلده الام حتي لو كان متطوعا

و سوف احفظ لابنائي الجنسيه العربيه الاسلاميه حتي

يبتعدوا عن

الجيش الكندي قدر المستطاع

فهل الهجرة الي كندا في هذه الظروف حرام

ام حلال ام

ماذا؟"

الاجابه في الملف الصوتي الاتي:

________________________.mp3

[م.سامح المصرى]

السلام عليكم ورحمة الله وبركاتة

اولا انا ما كنتش عايز ارد فى اى مداخلات

بس فى الدين الصراحة .... مابقدرش

اولا صوت الاستاذ وجدى غنيم مش هوا بس لما لقيته بيقول انه عاش فى امريكا 4 سنين قلت اكيد هوا

***************

هشام كتب

"انا شاب اعمل عمل ليس له اي علاقه

بدراستي, علاوة علي

ذلك فانا اواجه مشاكل نفسيه كثيره في بلدي

من سوء اخلاق

الجيران و سوء المعامله في العمل و عدم

احترام ادميه

الفرد

لذلك قررت الهجرة الي كندا لكي ادرس

دراسه دنيويه احبها

و اعمل بها

و لكي اعيش في مجتمع يحترم ادميه الانسان

و لكي اتزوج من امراءه مسلمه قد لا تجد

مسلمين للزواج

منهم

و قد اخترت كندا لان ليس بعلمها صليب و

لانها لا تحارب

المسلمين و قواتها في افغانستان للدعم

اللوجستي فقط و

سوف تسحبها ان شاء الله في 2009

و لان بها جاليه مسلمه كبيرة تبقيني علي

اتصال بالمسلمين

و امورهم

للعلم, انا علي يقين بصواب دين الاسلام و

سادرس علم

الكلام قبل السفر حتي استطيع درء

الشبهات عن الاسلام و

نشر الاسلام عن طريق اظهار سلوكي كمسلم

بين الكنديين غير

المسلمين

هناك

و باذن الله ساتجنب المحرمات كالزنا و

الخمر و العمل

بمطاعم تقدم الخمور و الخنازير

و باذن الله, سادخل ابنائي مدارس عربيه و

اعلمهم الدين

مع العلم ان المهاجر لا يجند اجباريا في

الجيش و لا

يحارب بلده الام حتي لو كان متطوعا

و سوف احفظ لابنائي الجنسيه العربيه الاسلاميه حتي

يبتعدوا عن

الجيش الكندي قدر المستطاع

فهل الهجرة الي كندا في هذه الظروف حرام

ام حلال ام

ماذا؟"

اولا الشيخ وجدى غنيم الى سألة ساله على الهجرة لامريكا لانه قال انا ما انكرش طبعا انى عشت فى امريكا

وثانيا قال ان كل الناس بتقول انه هاتعد اربع سنين تدرس وتعمل قرشين وترجع على ما اعتقد الى سألة قالة على الدراسة وسعتك

مخلص ....

للدرجة دى ..... عدم المصداقية

الى خلانى اشك جدا جدا جدا

ان الى انتا كتبته دا وجه نظرك انتا يعنى دا كلامك انتا ..... نفس الكلمتين دول قلتهم فى موضوع تانى

لو سمحت اذكر مصدر الملف دا

لا إله لإلا الله

تم تعديل 8 مارس 2008 بواسطة Scorpion

[ELSHAMY]

السلام عليكم و رحمة الله

وحدوا الله الموضوع لازم ياخد حجمه بدون دخول فى النوايا... الكلام فعلا للأستاذ وجدى و يقدر كل واحد منا انه يستفيد بيه بصرف النظر كان ايه السؤال الأصلى لأن الراجل كلامه عام عن فكرة الهجرة و الأستقرار للدراسة أو أخذ الجنسية.... و ملخص كلامه ان كل واحد أدرى بحاله و ظروفه الشخصية اللى دفعته لاتخاذ القرار... وممكن يروح يعاين بنفسه الحال مع الاستخارة و التوكل على الله قبل كل شىء.

هشام.... كل أعضاء المنتدى بل كل سكان مصر تقريبا عارفين قد ايه حرصك على الهجرة.... ولك خالص الامنيات بالتوفيق

مهندس سامح.... روق دمك... أنا مقدر مشاعرك و غيرتك... عندى لك سؤال خارج الموضوع... هل انت من اسكندرية ؟

[م.سامح المصرى]

مهندس سامح.... روق دمك... أنا مقدر مشاعرك و غيرتك... عندى لك سؤال خارج الموضوع... هل انت من اسكندرية ؟

اولا انا شاكر جدا لحضرتك مدخلتك الجميلة

انا من الجيزة

ثانيا : اكيد حضرتك تابعت المواضيع واكيد حضرتك شوفت الى حصل

من تحريف في تفسير القرأن وتحريف في كل ما اشرت الية وفي الاخر علشان يثبت وجهة نظرة حاول يثبتها بالباطل

ركب سؤالة هوا على ما قالة الشيخ وجدى غنيم واساسا السؤال دا عل ما اعتقد انه ما اتقالش كدا .......

نفس الاية الكريمة دي

(﴿ إِنَّ الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَـئِكَ مَأْوَاهُمْ جَهَنَّمُ وَسَآءتْ مَصِيراً *)

كل واحد منهم جية ،كتبها من غير ما يكلف نفسة تعبت البحث عن تفسيرها

لا احنا ما نشوفش تفسيرها اية احنا نفسرها على مزاجنا وللأسف بتبقي ناس كبيرة والمفروض انهم يكونوا اكبر حذر

انا ما اعترضتش ان حد يهاجر انما اعترضت علي الرياء والنفاق والكذب والتفسير الخاطأ في قرأننا الكريم

وانا ما تدخلش في نية حد والله بس انا اعترضت علي الي فوق دا ان

واشكر لحضرتك مداخلتك الجميلة

[Muhammad Zidan]

مسااااااااااااااااء الخيرات

والله ياهشام الأمور واضحة ومفيش حد من الفقهاء أجزم بحرمانية الهجرة لكندا أو أي دولة من بلاد الكفر وبرضه مفيش حد منهم أفتى بحتمية الهجرة لكن أنا إيه اللي يخلينكي أعيش في بلد فقدت هويتها وفي طريقها إنها تفقد أهليتها وصدقني لو عاد بيا الزمن لورا 5 سنين ما كنتش رجعت من ألمانيا لكن قدر الله وما شاء فعل ... على بركة الله شد حيلك وربنا يوفقك في كل خطوة.

وبعدين لو في حد عاوز يوجهلك كلام يخليه على الخاص أما ما هو موجود على الصفحات أعتقد من حق كل المشاركين والقارئين المشاركة بالرأي وبرضه من غير تجريح ولا تدخل فيما لا يعني وخلافه ... المسألة أبسط من كده بكتير

سلام

Muhammad Zidan

[هشام الكندي ان شاء الله]

استاذ سامح:

*************************

رساله الي الاعضاء و القراء:

هذه الفتوي من الشيخ وجدي غنيم نفسه و السؤال هوا هوا بالحرف و الله علي ما اقول شهيد

تم تعديل 9 مارس 2008 بواسطة Scorpion

[م.سامح المصرى]

الشيخ وجدى غنيم قال هاتروح هناك تعرف تبعد عن المحرمات سافر

وقال لو ولادك اتربو هناك مش هاتعرف تعدلهم عن التقاليد والعادات بتاعتهم حتى لو كنت شيخ الشيوخ

تخيلو شيخ الشيوخ

تم تعديل 9 مارس 2008 بواسطة Scorpion

[ايهاب سالم]

رغم إني مختلف مع هشام في الكثير مما يكتبه

و مختلف معاه في إدخال الدين في موضوع الهجره لكندا .. وقلت قبل كده إن الهجره لكندا لأغراض دنيويه بحته و لا علاقه لها بالدين

لكن اللي مش عاجبه الغرب .. أقوله عقبال عندكم

إنت هناك بتقول لضابط الشرطه يا باشا و أنا هنا ضابط الشرطه بيقولي Sir

الغرب المتسامح .. اللي سمح للمسلمين في كندا يصلوا صلاتهم في أكبر إستاد في تورونتو

و يعملولهم منطقة ألعاب لأطفالهم

حد فيكم صلى العيد قبل كده في إستاد القاهره ..

طب سؤال أصعب

هل يستطيع المسيحيين في مصر أن يقيموا قداسهم في العيد في الإستاد زي ما إحنا المسلمين عملنا صلاتنا في كندا

هو ده الغرب المتسامح ..و عقبال عندكم

تم تعديل 10 مارس 2008 بواسطة Scorpion

[هشام الكندي ان شاء الله]

بالنسبه لمساله الفبركه في الفتوي:

انا ارسلت للشيخ وجدي علي ايميله الخاص هذه الرساله و قد قام بالرد علي من خلال ايميلي الخاص ايضا بهذا الملف الصوتي و الله علي ما اقول شهيد

استاذ ايهاب:

انتا انسان محترم و الله لانك بتختلف مع الواحد لكن بمنتهي الذوق و طريقتك في شرح نظريه الغرب للناس كانت موثقه و رائعه

استاذ ايهاب, انت محق في ان الهجرة مساله دنيويه و لكن اذا اقترنت بنيه دينيه تكون افضل, مثل نيه نشر الاسلام هناك مثلا

وفقك الله في كندا و حفظ لك اولادك هناك

اخوك

هشام

[إيزيس]

يا أستاذ إيهاب كل المشكلة إننا حاولنا كتير مع هشام إنه يخفف من أسلوب الحنق الواضح على مصر و المصريين لكن هو مصصمم إنه يجرحنا و أبدا لا بنكرهه ولا حاجة نتمنى له كل خير كلنا

طيب حضرتك مهاجر و مصر فيها مشاكل بالهبل معروفة لكن بتكره مصر و المصريين؟

أنا عايشة في الإمارات بلد منظم وشعب محترم وباحب الإمارات لكن مش أكتر من بلدي لأني أحب النظام و الانضباط والذوق هنا لكن بلدي باحبها باكيدج بكل ما فيها و دي عاطفة عند الاسرائيليين حتى و اللا إيه

أفهم إن كل حاجة حلوة أشوفها في أي بلد أتمناها تكون في بلدي لكن ...

هشام مش معنى إني قلت إننا نكسر الحاجز بيننا و بين أفكاركم إني أوافق أو أقتنع بفكرك إنت بتوصل عند نقطة في النقاش و تعمل ستوب و ما بتتقبلش النقد للأسف و كلامك جارح لبعض الناس وده اللي خلاني أقول مش هادخل معاك في مداخلات و إن مداخلاتك مستديرة ليس لها نهاية

مرة تانية باقوللك اللي مالوش خير في بلده مالوش غير في كندا

و يارب يهدينا ويهديك

[MZohairy]

انا بصراحه مش فاهم ايه علاقة تغير مكان الإقامه بالدين!

التقسيمات الجغرافيه دي من صنع البشر وليست من صنع الخالق

و بلاد كتير من اللي موجوده على الخريطه حاليا مكانتش موجوده سابقا

ايه المشكله لو واحد من قطر مثلا و هاجر لكندا؟

وإيه علاقة ده بالدين طالما قطر و كندا مكانوش موجودين من بعض قرون ؟

[ELSHAMY]

الأخوة والأخوات

صلوا على النبى.... حأحاول أغير الموضوع عشان تعرفوا تقولولى ايه رأيكم فى هذا الشعر اللى بأهديه الى كل مصرى سواء من أراد الهجرة أو لم يرد. كل واحد فينا بطريقة أو أخرى حاول يغير من نفسه أو البيئة المحيطة به لأنه كان له طموحات معينة بس على المستوى الشخصى. و مافيش شك ان هحرة كل هذا العدد من الكوادر المصرية ساهم بشكل أو أخر فى نمو وا زدهار دول كثيرة من دول المهجر ومنها معظم الدول العربية وكمان أمريكا وكندا.

أنا بأحلم باليوم اللى كل مصرى بشىء من التخطيط (اذا الحكومة أرادت و أشك فى ذلك) ان هذا الطوفان من القدرة على التغيير ينصب لرفعة هذا البلد . وساعتها مش حنشوف كلمة (الكندى) فى مداخلات هشام وحنبقى فى مصر و حنقدر ناكل ذرة ونتمشى على النيل مع ناش و قرنفل و حكون سعيد بمعرفة شخصيات كتيرة عرفتهم من المنتدى ونفسى أشوفهم فى مصر (وجدى/ هادى/ ايهاب /عمرو حورس/ اليكس لوفر... وغيرهم العشرات ممن لا تتسع المداخلة لذكرهم).... هل ممكن ؟

مع خالص حبى للجميع وحدوا الله واحلموا معايا و قولو لى رأيكم فى الشعر اللى أنا مش عارف مين كتبه لكنها أغنية رائعة لعلى الحجار.

يا مصرى ليه دنياك لخابيط والغلب محيط

والعنكبوت عشش عل الحيط و سرح عل الغيط

يا مصرى قوم هش الوطاويط كفاياك تبليط

صعبة الحياة والحل بسيط حبة تخطيط

فتحت باب استيرادك وصرفت فوق ضعف ايرادك

حلى للخواجة استكرادك سابك بتقرا فى أورادك

وجا قشطك ونزل تشفيط

و مهولاتى تحب تزيط ساعة الفرح زغاريد تنطيط

و فى المياتم هات يا صويت وفى المظاهرة سخن تشيط

وفى الانتخاب تنسى التصويت

وليه بترشى و تتساهل و تضيع حقوقك بالساهل

تستاهل النار تستاهل يا غويط و يحسبك الجاهل

ساهل و ساهى و غبى و عبيط

يا مصرى ياللى الغلا عاصرك و النهب فى عصرك حاصرك

قوم للحياة و اسبق عصرك ولا حاجة حترجع نصرك

الا ان تكون شغال و نشيط

[إيزيس]

الشامي الله يكرمك و يكتر من أمثالك

العزيز زوهيري كلامك سليم لا الهجرو حرام ولا غلط و لا معناها إن الواحد أول ما يفكر إنه هيهاجر يولع في حبال الود و المحبة بينه و بين بلده

الأستاذ إيهاب .... أنا في انتظار ردك

تم تعديل 9 مارس 2008 بواسطة Scorpion

[م.سامح المصرى]

علشان خلو المسلمين يصلو في استاد يبقي نعمل زيهم

نقفل بقي الجوامع ونقولهم لا يا جماعه اصل احنا ماشيين على عرف كندا هما بيخلوهم يصلو فى الاستاد

احنا بقي هانخليكم تصلو في صاله الهوكى علشان نبقي افضل منهم

احب بس الفت نظر الاخوة المعترضين لحاجة غايبة عنكم انا كنت بتناقش في حكاية الهجرة حلال ام حرام انما الموضوع كبر ووصل لدرجة تحريف في

التفسير لكلام الله

اقروا دى كدة وهاتعرفوا

صور من الشرك بالله

ومن امثلة الشرك الأكبر الشائعة : تحليل ما حرم الله أو تحريم ما حل الله

أو اعتقاد أن أحد يملك الحق فى ذلك غير الله عز وجل

وعن اعتقاد بجواز ذلك وقد ذكر الله عز وجل هذا الكفر الأكبر فى قوله : ( اتخذوا أحبارهم ورهبانهم أرباباً من دون الله)

ولما سمع عدى بن حاتم النبى صلى الله عليه وسلم يتلو هذه الأيه ، قال : فقلت : إنهم لم يكونوا يعبدونهم !! قال : (أجل ولكن يحلون ما حرم الله فيستحلونه ، ويحرمون ما أخل الله فيحرمونه فتلك عبادتهم لهم )

وقد وصف الله المشركين بأنهم ( ولا يحرمون ما حرم الله ورسولخ ولا يدينون دين الحق)

والسلام عليكم ورحمة الله وبركاته