ساعدو ابليس ينوبكو ثواب

[mesryforever]

ساعدو ابليس ينوبكو ثواب

وصلتنى هذه الاستغاثة على لسان ابليس عن طريق احد اصدقائه على الايميل و رجانى صديق ابليس ان احاول نشر استغاثة ابليس من حكومة مصر وشعب مصر وانه يحاول الهجرة لاى بلد اخر يساعده على تادية واجبه المنوط به شرعا . وها انا احاول مساعدة ابليس على الطفشان والهجرة لعل حالنا يتصلح بدونه

الناس عملت ايه فى ابليس ؟

على باب سفارة كندا ..

لمحت ابليس و ف ايده استماره ..

بقول له على فين .

قاللي بص ..يا هجره يا اعاره ..

يا عم زهقت كفرت ..

الاقيش معاك سيجاره ..

انا انتهيت خلاص ..

لا نافع وسواس ولا خناس ..

ولا ليا عيش وسط الناس

دي عالم مجرمين ..

عندكوا فائض ف الفساد ..

في كل البلاد ..

ومش محتاجين شياطين ..

مليش عيش ف البلد دي ....

بقالي سنين عاطل ...

و انتوا بتعرفوا ..تقلبوا الحق باطل ..

و تسلكوا القاتل ..

و تمشوا ف جنازة المقتول ..

ومفيش مشاكل ..

يا عم ده انا بقيت أوسوس بالمقلوب ...

و أقول للحرامي كفايه بقى توب ..

انت هاتعمل كل الذنوب لوحدك ...

و أنا ابليس أشتغل واعظ ..

ولا كمساري ف اتوبيس ..

يا عم ده انا زمان ..

كنت استنى حد ينسى يسمي ..

وهو بياكل لقمته ..

دلوقتي كل اكلكم ملوث ..

و بصراحه الواحد خايف على صحته ...

ده مفيش ضمير اساسا ..عشان اموته ..

و كل واحد بمزاجه ..خربانه ذمته ...

يا عم ده كل حاجه اتسرقت ..

وكده الاجيال الجديده ..م الحراميه اتظلمت ..

يا راجل ده من كتر ما لطشت معايا ..خرجت ف مظاهره ..

مع الناس اللي بتقول كفايه ...

و برضه مفيش فايده

منقول

تم تعديل 31 يناير 2008 بواسطة mesryforever

[mesryforever]

يا خبر 78 عضو شاف الموضوع

ومفيش ولا رد

الموضوع للدرجه دي مش ظريف

[Scorpion]

العملية مش موضوع مش ظريف ياعزيزي mesryforever لكن اصله مافيش كام يوم قبل ما تكتبه كان اتعرض من خلال العزيزة زيزيتا في الموضوع ده شارك بشعار أو أغنية بس حضرتك ما خدتش بالك.....

بس هو موضوع ظريف والله و ابليس فعلآ مالوش مكان بينا من ساعة ما فايزة احمد صرفته