السلام عليكم من أسبانيا

[Salwa]

سلام من عند الله ورحمته وبركاته.

السلام عليكم من اسبانيا....وطنى الثانى.....هذه الارض الطيبه التى مازالت تحمل عبق الماضى الجميل والتى كانت اغلب ارضها موطن اباؤنا المسلمون ــ طيب الله ثراهم ــ

لست بكاتبه ولا اجيد التعبير ــ بفزلكه ــ فاقبلونى كما انا ودعونى احكى لكم كل ما يخطر على بالى ببساطه وبدون نظام او ترتيب ولعلى فى سياق الحديث احكى لكم شئ ــ ربما لا يمت للموضوع بصله ــ ولكن خطر على بالى وقلته ،،، اتفقنا ،،،ممكن نبدا الحكايه .

البلد دى جميله جدا جدا جدا ..لابد تشعر فيها بالراحه النفسيه وايه معنى انك تكون انسان ــ تركنا مصر ــ كنت فى كليه التجاره جامعه الاسكندريه ــ كنت لسه يادوب مخلصه سنه اولى ./عملت بعدها..بعد سفرى يعنى وقف قيد لمده 3 سنين ــ وبما انى فضلت4 سنين لم انزل مصر ولا مرة ..عند عودتى اكتشفت انى شبه اترفدت وحولت اداب قسم تاريخ وسافرت بعدها ب15 يوم ./مازلت احتفظ بكارنيهين الجامعه /ولما حد بيسالنى بقول بضحك المصريين انا معايا /بكالانس /شويه بكالوريوس وشويه ليسانس /.....الثقافه ...انا اعتقد انها بتولد مع الانسان //دى مش شعارات // لكن انا اتولدت لقيت فى بيتنا مكتبه عظيمه ...امى تحكى لى ..ان يوم مولدى جدى كان يقرا القران الكريم وابى كان يسمع السيمفونيه التاسعه لبتهوفن ...وولدت انا .....

والخلاصه انا اتينا هنا وعشنا علىمبدا ،،،اذا لم تستطع ان تفعل ما تحب ..فحب ما تفعل ..

http://www.geocities.com/SoHo/7745/galeria.htm

http://www.geocities.com/SoHo/7745/galeria2.htm

انا حاولت اوضح لكم بالصور دى برشلونه ..

اسبانيا عبارة عن 17 محافظه وعدد سكانها 40 مليون .يعنى عدد السياح اللى ياتوا سنويا اكتر بكتير من عدد السكان ..

زى ما قلت قبل كده /فى صفحه اخرى /اسبانيا مش فلامنكو ومصارعه ثيران فقط ...اسبانيا حضاره وثقافه وسياحه وكل حاجه جميله ..ربما فى الجنوب ــ فى الاندلس ــ مازالو ا يفتخروا بمصارعه الثيران والفلامنكو ...وايضا فى pamplonaفى الشمال بيحتفلوا بسان فرمين يوم 7 de julio. وده مشهور .ويحضروله طول السنه ...يجروا امام الثيران ...وللاسف فى ناس كتير بتتاذى ....السنه الماضيه مات سائح من جراء هذا التقليد القاتل ...اغلب الناس ضد مصارعه الثيران ..عمليه دمويه للثور والتوريرو ...

اسبانيا تغيرت كثيرا فى الثلاثين عام الاخيرة ....

فرانكو كانت له السلطه العليا ... دكتادور ...وضع قبل موته قانون ان خوان كارلوس يكون ملك ومن حقه تكون له كل السلطات /زيهبالضبط/ فى الحقيقه كان من حق ابوه ان يعتلى العرش ....ولا داعى للاستطراد ....المهم انه اتنازل عن العرش لابنه

.خوان كارلوس لم يقبل ان تكون له سلطه منفرده وتنازل عن هذا الحق وقبل بوجود برلمان ديمقراتى ــــ وابتدات الديمقراطيه ـــ

بدات بادولفو سواريز / كان فرانكيستا // اي يشجع نظام فرانكو .

بعده اتى كرئيس وزراء ...فيليب جونزاليس...رئيس حزب ال psoe اى الحزب الاشتراكى للعمال الاسبان

partido socialista obrero español. وظل الى عام 1996. وبعدها حكم الحزب الشعبى بقياده خوسيه ماريا ا زنار.///وعلى فكره مؤسس هذا الحزب مانويل فراجا manuel fraga وهو كان وزير للسياحه ايام فرانكو .

كان لابد من المقدمه دى قبل ما ندخل فى التفاصيل // كله من الذاكرة//ولو عاوزين تفاصيل دقيقه ـــ تانى حا تقولولى مراجع ونرجع لحكايه الشوك ـــ حاتلخبط وابطل احكى ــ

اسبانيا تانى بلد فى العالم فى مجال السياحه ،،بعد اميركا ،،

الاسعار رخيصه لو قارننا بباقى اوروبا ، الجو معتدل ، سياحه متنوعه،بحر وجبل وتزحلق على الجليد ،ثقافه وفن ،

وزى ما قلنا انا سوف ابدا ببرشلونه .

منقدرش نقول برشلونه من غير ما نقول .Gaudí.جاودى بالنسبه للكتلان يعتبر هو برشلونه ...كان معمارى عبقرى ...اوضحت لكم بالصور اكثر اعماله ...ورغم انه لم يكمل تعليمه //عندماكان فى الجامعه لم يكن يحضر المحاضرات وكان اساتذته يطلبون مساعدته عند بدايه اى عمل منشاة صعبه ...//مثلا كل يوم يحضر الالاف من السياح اليابانيين لرؤيه منشات جاودى ـــمات عام 1923 ـــفى هذا الوقت طبعا مكانش فيه كمبيوتر لعمل الحسابات الدقيقه ....انتم فاهمنى طبعا عاوزة اقول ايه ....من ضمن اعمالهla sagrada familia

وهى كنيسه ،،مات ولم يتممها ،،مازالوا بيحاولوا يكملوها وباقى 50 عام حتى تكمل ،،،لانها شئ معقد جدا جدا ،،،،وعندما تنتهى ستكون من معجزات العالم كالاهرام وبج ايفيل وخلافه .

بعد الاوليمبياد فى 1992.اصبح العالم يعرف برشلونه اكثر ...توجد برشلونه القديمه وبرشلونه الحديثه .

مشهوره بالرقص الفلكلورى الخاص بها ..لاسارداناس..las sardanas .

وضعت لكم بعض الصور

نتكلم بكرة على الاعياد ......يارب يكون عجبكم ....سلامى.

[ابو حلاوه]

و الله يا سلوي ... انت فعلا في اجمل بلدان الدنيا .. انا قضيت عشر ايام في اسبانيا كانوا من اجمل الاجازات اللي قضتها في حياتي.. و كمان في برشلونه .... و يومين في خيرونا ... و انا في اسبانيا و انا في برشلونه كنت حاسس ان انا ماشي في اسكندرية الناس و ابتسامتهم و خفة دمهم و زربونتهم .. اتخانقت مرتين .... لاني كنت مسافر بالعربية و السواقة مش سهلة قوي في اسبانيا ..

بس شعب ودود لاقسي درجة .. و لما زوبا عطلت كالمعتاد كان في الف ابن بلد جدع و شهم علشان يساعد العبد لله ... و كنت باستمتع جدا في برشلونة اني اسأل الناس علي الطريق لان الاسباني من دول ممكن يسيب اللي وراه و اللي قدامه و يفضل يشرحلك ساعتين ... و مش هانسي واحد لذيذ جدا سألته بالايطالي عن عنوان معين .. و الراجل قال بيحاول يرد عليا بالايطالي

عارفين اسماعيل ياسين لما كان بيتكلم يوناني .. بوس خابيبي خاجة خيلوه خالس

ايام لا تنسي

[الطفشان]

سيدتي سلوى

كان هناك وزير في اسبانيا من حوالى 7 سنين كدة، اسمه Elmodavar or Almodavar

الاسم واضح ان اصله عربي

هل ممكن ان تخمني ما يعنيه هذا الاسم؟

ال v تصبح ب غالبا (المرابط Almoravid )

حاولت و لم اصل الى اسم

[freefreer]

شكرا يا اخت سلوى على الموضوع الجميل .. و الكلام اللى طالع من القلب اجمل ميت مرة من الكلام اللى فيه فزلكة .. فلا تقلقى .. :cry:

انا زرت اسبانيا مرتين ثلاثة .. و سعدت بها جدا .. فهم مثلنا تماما .. سبحان الله .. و اعجبت بالنضافة - رغم الفقر - بلاد جميلة .. و حصل انى حضرت بهض احتفالاتهم القومية .. و رايت الفتيات و الصبيان فى ملابسهم الشعبية الرائعة الجميلة و خدنا العديد من الصور معهم .. ايييييييييييييييييييه .. كانت ايااااااااااااااااااام .. :cry: :cry: :) :) :) :)

[ابو حلاوه]

سيدتي سلوى

كان هناك وزير في اسبانيا من حوالى 7 سنين كدة، اسمه Elmodavar or Almodavar

الاسم واضح ان اصله عربي

هل ممكن ان تخمني ما يعنيه هذا الاسم؟

ال v تصبح ب غالبا (المرابط Almoravid )

حاولت و لم اصل الى اسم

المظفر ... المضفر .. بلهجة الاخوة في دول المغرب العربي

[Salwa]

http://www.bcn.es/castella/postals/postals.html

[Masrawy Abroad]

أنا اخترت الاسباني في الكلية كلغة تانية..وفضلته عن الالماني والفرنساوي لأنني بحبه لله في لله وبحب نطقة ولانه اللغة الرسمية التانية في أمريكا...وممكن تسلك فيه اوي...ولانه اللغة الاولي في بلدان اخرى كتيرة من العالم ....كان الدكتور بتاعي في الكلية أسباني أصلي :D من نابارا ليون....بس نسيت من الاسباني كتير لانني لا استعمله الصراحة حاليا...ولكن صعوبة الاسباني في الجراماتيكا ...ولكن النطق بتاعه اسهل ما يمكن للمصريين...لانه فيه من حروفنا اوي وخاصة حرف ال(J) خوتا :lol: :lol: ..وبينطقوها في امريكا اللاتينية (هوتا)

[freefreer]

حرف الخاء دة بيبهدل الدنيا .. :D :D .. مش حرام مصر يبقى اسمها خيبتو .. :D :D ؟

[Salwa]

سلام من عند الله ورحمته وبركاته .

مره ثانيه سوف احكى لكم عن بعض الاعياد فى برشلونه زى

la merce .واعياد اخرى فى كل كاتالونيا بما فيها طبعا برشلونه ..

اول حاجه لامرسيه ــ تصغير للاسم الاصلى /مرسيدس/ وهى لاباترونا / هى كقديسه تحمى المدينه /

الاعياد تبدا من يوم 15 الى 24 سبتمبر ...البلد كلها تحتفل ،،اعياد فى كل مكان ،،كونسير ،تياترو ،موسيقا ،، واجمل حاجه تماثيل العمالقه يمشوا فى كل الشوارع والناس تمشى وراهم ،،

مرفق صور من عام 1902 ،،،و 1948 ..

انا اتعمدت تكون الصور قديمه ...

اما العيد القومى لكاتالونيا la diada طبعا كاتالونيا هى /برشلونه،تراجونا،ليريدا،جيرونا/ ....يوم 11 سبتمبر .

والحكايه باختصار ان فى 11 سبتمبر عام 1714 فقدت كاتالونيا حريتها كبلد مستقل واصبحت جزء من اسبانيا ،وهم يحتفلوا بهذا اليوم كرمز للكفاح ومازال يوجد للان كم هائل من الكتلان متعصبين ويطالبوا باستقلال كاتالونيا عن اسبانيا ـــ على فكرة علم كاتالونيا اصفر وفيه اربع خطوط باللون الاحمر ــ وتحكى الروايات انه فى يوم 11 /9/1714.الملك كان يحارب ولم يترك الرايه ومات وبصمات اصابعه عملت هذه الخطوط الاربعه .

عيد اخر من اهم الاعياد ...sant jordi يوم 23 abril. وتحكى الاسطورة انه كانت توجد قريه تسمى مون بلان ..وكان فيها دراجون ../تنين /كان

يخيف اهل القريه وكانوا يقدموا له قرابين ،،يعملوا قرعه واللى ييجى عليه الدور يقدموه للدراجون ....وفى مره جه الدور على بنت الملك واخدها الدراجون ..راح جه سان جوردى واطلق عليه السهام وقتله.

واصبح التقليد انه فى هذا اليوم ...الرجل يهدى المراة..وردة.

والمراة تهدى الرجل ..كتاب .

عيد تانى مهم ايضا اسمه la castanyada وهو عيد ابو فروه

.ياكلوا فى اليوم ده ابو فروة و بطاطا ...يوم 31 octubre

ويوم 1 noviembre .وهو رمز يدل على العلاقه بين الاموات والاحياء .

توجد اعياد اخرى تحتفل بها كاتالونيا مع باقى اسبانيا مثل الكريسماس وراس السنه والاسبوع المقدس ..نحكى بعدين

.بيتهيالى انى بحكى بتفصيل كل حاجه ــ الافضل احكى لكم على كل كومونيداد ...على فكرة مصر بالكتلان اسمها egipte وتنطق اجيبتا

وبالكاستيانو egipto وتنطق اخيبتو ....سلامى.

[ali]

السلام عليكم ورحمة الله وبركاته

هو ده اللى محزنى يا فرى يا اخويا كل لماحد يقولى انت منيين اقوله ايخخخخخخخخخخخخخخخخخخخخخخخبتتتتتتتو

[الطفشان]

مره ثانيه سوف احكى لكم عن بعض الاعياد فى برشلونه  زى la merce .واعياد اخرى فى كل كاتالونيا بما فيها طبعا برشلونه ..

اول حاجه لامرسيه ــ  تصغير للاسم الاصلى /مرسيدس/ وهى لاباترونا  / هى كقديسه تحمى المدينه

Merced اظن ان معناها الفدية

ففي العصور الوسطى كان هناك جمعية خيرية باسم Merced كل مهمتها هي فداء الاسرى المسيحيين من عند المسلمين

كل مكان  ،،كونسير ،تياترو ،موسيقا ،، واجمل حاجه تماثيل العمالقه يمشوا فى كل الشوارع والناس تمشى وراهم

ليه حاطين صورة بتاعة واحد عربي او شيخ يعني؟

[ragab2]

استمرى

يا أخت سلوى

من فضلك

لعلكى تعلمين أن تاريخ أسبانيا والأندلس يثير فينا الأشجان والحسرة على تاريخ العرب الذى كان

وربما يجعلنا نصحو على ما حل بأمتنا العربية التى كانت يوما ثم توارت وسلمت رايتها للأعداء بسبب التناحر على كرسى الحكم وخطف الزعامات المزعومة والسيادة على نساء أوروبا الشقراوات حتى حاربوا بعضهم بعضا وتكاتفوا مع الخصوم

سقوط الأندلس هو بداية انبطاح وانبساط الأراضى العربية للمستعمر الأوروبى ينهب منها خيراتها ويختار لها حكامها بعد أن كنا نَحكُم ولا نُحكَم

جازاك الله خيرا

على اطلاعنا على أندلسنا الحبيبة التى شهدت أزهى عصور المسلمين وشهدت أيضا غروب أفولهم منذ أن تصارعوا على الرئاسة وانتبهوا للمصالح الشخصية والأغراض الدنيوية

شكرا

لكاتبة هذا الموضوع ولكل من شارك فيه

[Salwa]

سلام من عند الله ورحمته وبركاته .

اشكركم كثيرا ،،اما الاحساس الذى انتابنى فى السنوات الاولى ومازال طعمه كالعلقم ممزوج بالعسل ،،عندما رايت كل الماضى العريق وكيف هوى...هو احساس بالفخر ..والقهر.

اما تماثيل العمالقه ففعلا نجد انها تمثل كل الشخصيات لانها تحكى كل التاريخ ــ والمسلمون ــ اهم جزء من هذا التاريخ ــ سلامى.

[freefreer]

السلام عليكم ورحمة الله وبركاته

هو ده اللى محزنى يا فرى يا اخويا كل لماحد يقولى انت منيين اقوله ايخخخخخخخخخخخخخخخخخخخخخخخبتتتتتتتو

:lol: :lol: :lol: :lol: :lol: :lol: :lol: :lol:

[Salwa]

سلام من عند الله ورحمته وبركاته.

عيد مهم جدا هنا ،،يحتفلوا به فى كل اسبانيا وبالاخص فى جزيرة

santa cruz de tenerife. ..وهو الكرنفال ..

يقولون ان اول من احتفل به ــ الذين استعمروا الجزيرة فى منتصف القرن 15 ...ويقال ان بعد سقوط الجمهوريه الثانيه وبدايه الحرب الاهليه /1936 ـ 1939 /تم منع الكرنفال .

لكن فى عام 1945 .كان اهل تنريف يحتفلوا به سرا فى بيوتهم.رغم ان الحكومه والكنيسه كانت تمنعه.

فى عام 1965.تم الاتفاق على الاحتفال به تحت اسم /اعياد الشتاء/

ولكن فى عام 1967 .اصبح الكرنفال له اهميه بالنسبه للسياحه القوميه ...وظل اسمه اعياد الشتاء.

فى 18 يناير 1980 ..اصبح عيد عالمى

.وهو يعتبر اضخم كرنفال بعد كرنفال rio de janeiro.-brazil-

شكرا.

[Salwa]

احبائى.

لى مدة لم أكتب شئ فى هذا الموضوع...واليوم بعد رؤيتى للأخبار

//المزعجة//...شعرت برغبة..فى ضرورة وقوفى بعض الشئ...والتقاط

انفاسى......ولم أجد مكان أفضل من..بيتى...هنا...فى هذه الصفحة.

أريد أن احدثكم عن أشياء كثيرة...ولكنى دائما أختار ألأولوية....للأقدمية

ولهذا اليوم أحكى لكم عن altamira

وهى كهوف التاميرا...المشهورة...أقدم من ألأهرامات...مع الاختلاف

طبعا ....

اكتشفت عام 1879 ومكتشفها هو marcelino sanz de sautuola

واكتشافها عمل مشكلة لكل الarqueologos لانهم شكوا فى حقيقتها لعدم اقتناعهم ان الانسان القديم من الممكن ان يرسم رسومات بهذا الاتقان .

فى الوقت الحالى هى اشهر الكهوف المكتشفه على مستوى العالم.

يقال أن مدخل الكهف حدث نتيجه انهيار طبيعى أدى لوجود فتحة.....

وذلك من حوالى 13.000 عام...ثلاثة عشر ألف...

هى اهم كهوف ال paleolitico وهى تعتبر أعظم جوهرة فى كانتابريا

cantabria بل ممكن نقول فى كل اسبانيا.

أول شئ نراه اول دخولنا...بهو كبير به رسومات تصيبك بذهول...

ناس كتير بتحكم عليها انها فى روعة la capilla sixtina لأن فى سقفها

توجد مئات الرسومات لحيوانات ...واشياء اخرى.

وبالذات ال21 نوع من الbisontes ..//شوفوا بقى انا مكسوفة منكم

بس والله معرف اسمه بالعربى هو زى الثور...هو مش زيه قوى //

يعنى رسومات للحيوانات دى فى اوضاع مختلفة ...ومعهم مجموعة

جياد ..وخنازير برية..وثيران.

توجد رسومات لنوع من الغزال.

كل هذا كانه مطبوع على الجدران.

الالوان مصنوعة من مواد طبيعية والالوان دموية...الأوجه محددة

بخطوط سوداء من الفحم النباتى.

الكهف طوله حوالى 270 متر.

اكتشفوا انه توجد رسومات بطول طريق الممر فى الكهف .....يرجع

بعضها الى 20.000 عام....ومن 13.000 سنه رسموا بعض حاجات

فوق الرسم الأولانى.

يوجد ممر ضيق يسمى الذيل ..وبه سقف من الخشب أو فخ للصيد.

الآن يسمحوا بالزيارة ل9000 شخص فقط فى العام ...منعا للتلوث...

واذا اراد أى شخص زياراتها....يحجز قبلها ب 4 سنوات....على الأقل.

تم عمل كهف مطابق تماما من عدة سنوات...يزوره الاف السياح سنويا

سوف أضع بعض الصور....ياريت تعجبكم.

سلامى.

[crossfield]

واكتشافها  عمل مشكلة لكل الarqueologos

ناس كتير بتحكم عليها انها فى روعة la capilla sixtina

وبالذات ال21 نوع من الbisontes ..//شوفوا بقى انا مكسوفة منكم

بس والله معرف اسمه بالعربى هو زى الثور...هو مش زيه قوى //

معلس يا ماما سلوى :بما إنى النائب بتاعك إسمحيلى أسهل عليكى المأمورية شوية :arqueologoعالم آثار؛capilla sextinaالمصلى السداسى؟مش كده برضو؟؛bisonteفعلاً ثور (أمريكى).أى خدمة.

[الطفشان]

arqueologos = علماء الاثار Archeologists

paleolitico = العصر الحجري القديم Paleolithic

la capilla sixtina = كنيسة سانت سيستين St Sistine Chapel بايطاليا التي زين سقفها مايكل انجلو

bisontes = ثور البيسون او الويسنت Bison or Wisent

و هو شبيه بالثور الامريكي و لكن كان يعيش في اوروبا و انقرض الان و لا يوجد الا في حدائق الحيوان و محمية في بولندا (على ما اذكر)

[amir]

واصبح التقليد انه فى هذا اليوم ...الرجل يهدى المراة..وردة.

والمراة تهدى الرجل ..كتاب .

.

و احنا الراجل عندنا بيهدى المرأه كيلو برتقال !!

موضوع رائع يا مدام سلوى

شكرا على المعلومات الخفيفه و الرائعه

[abofasad]

يا سلام يا مدام سلوى لو تكلمينا شوية عن

Cuevas de Nerja

والتي يقال عنها انها أقدم الكهوف في العالم

Hasta luego