kaka بتاريخ: 29 ديسمبر 2007 تقديم بلاغ مشاركة بتاريخ: 29 ديسمبر 2007 جالى عرض من شركة فى السعودية فى الرياض اسمها ( مصنع التقنية الحديثة للا حبار ) و ليهم مصنع تانى اسمو (مصنع التقنية الحديثة للبلاستك ) تقريبا كدة اسمة صح او MPT الشركة دية معاها توكيل ماكينات نسييج المانى فى الشرق الاوسط ..... صاحب الشركة اسمة السيد\ محمد سليمان الراجحى انا مهندس نسييج و لكن ليس لدى خبرة فى ماكينات النسييج الى هما معهم توكيلها ولكن لدى خبرة فى انواع تانية من ماكينات النسييج لآن ماكينات النسييج انواعها كثيرة ....... و العرض الى جالى الوظيفة: مهندس مبيعات الراتب : 2500 ريال مدة العقد: سنة مع توفير سكن او يتم دفع 3 شهور فى حالة عدم توفير سكن السؤال : فى اى حد يعرف معلومات عن هدة الشركة؟ و هل الراتب دة كويس و هقدر احوش منة ؟ و اية نظام الاكل و الشرب غالى ولا رخيص ؟ و لو اتخنقت من الشركة هل يمكن انى اقدم استقلتى و اخد الباسبور بتاعى و ارجع ولا دة صعب ؟ و فى حاجة تانية انا طالع بتاشيرة عامل ولكن العقد مكتوب فية ان الوظيفة مهندس مبيعات و مكتوب فية الراتب كمان اية المشاكل الى ممكن تواجهنى معا العلم انى عازب ؟ وقلولى انه سوف يتم توفير سيارة و لكن هل استطيع استخراج رخصة قيادة ؟ معا العلم انى مجالى غيير منتشر و يمكن فى ناس منكم ميعرفوش ان فى حاجة اسماها مهندس نسييج و المرتبات فى المجال دة فى مصر ضعيفة جدا ....و انا قولت اجرب هو العقد سنة مش كتيير بس احب اسمع منكم واستفيد و اعرف ارأكم و يارييت تفيدونى ومتبخالوش عليا بأى معلومة حتة لو صغيرة ممكن تفيدنى.. و اسف ان كنت طولت عليكم ...... جزاكم اللة كل خيير... و شكرا جداا اخوكم : kaka رابط هذا التعليق شارك المزيد من خيارات المشاركة
vipwithyou بتاريخ: 29 ديسمبر 2007 تقديم بلاغ مشاركة بتاريخ: 29 ديسمبر 2007 (معدل) بسم الله الرحمن الرحيم متهيألى الفرصة دى كأول سفرية ليك كويسة لكن ممكن أقولك بعض الملحوظات فقط اولا المهنه تعمل حسابك انك مش هتقدر تستقدم زوجتك ؟ غير ان مدة العقد دى قالقانى ! لم تخبرنا عن تكلفة الفيزا حتى تقيسها على مدة العقد ؟ بخصوص الرخصة لا تقلق لكن يفضل ان يكون معك رخصة مصرية حتى لا تضطر لدخول مدرسة هنا لكن هتطلع بسرعة متخافش من دى ان شاء الله المهم يكون معاك رخصة وبتعرف تسوق وخلاص انا لا استطيع ان اقول لك وافق او ارفض لأن دة تحديد مصير ومستقبل وانا مش قد المسئوليه دى لكن انا بأعرض وكمان ما قلتش محددين فى العقد توقيتات العمل ( كام ساعة يعنى ) او طبيعة العمل ؟ ارجوا اضافة المعومات حتى يتمكن اعضاء المنتدى الكرام الذين لهم الخبرة فى ذلك افادتك وباذن الله ستجد ما يسرك من تعاون هنا من جميع الأعضاء لكن فى النهاية ممكن أقولك ان الفرصة دى أفضل بكتيييييييييير من انك تفضل فى مصر لأنك باذن الله هتوفر 2000 ريال يعنى كويسة بالنسبة لأعزب يقيم بالسعودية أخوك تامر السيد تم تعديل 29 ديسمبر 2007 بواسطة vipwithyou أستغفر الله الذى لا اله الا هو الحى القيوم وأتوب اليه رابط هذا التعليق شارك المزيد من خيارات المشاركة
Handicraft بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 عرض مناسب فقط لخريج حديث غير متزوج لا يجد عمل مناسب فى مصر. لطالما فقدت الأمل فى هذه البلد الميت... ولكن اليوم تعود الروح للجسد الموهون وتجري فى شريانه دماء الأمل ...فانتظروا بترالأطراف الفاسدة من الجسد. "لا اله الا انت سبحانك ... إنى كنت من الظالمين" "سبحان الله وبحمده سبحان الله العظيم" رابط هذا التعليق شارك المزيد من خيارات المشاركة
mohmaher بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 و فى حاجة تانية انا طالع بتاشيرة عامل ولكن العقد مكتوب فية ان الوظيفة مهندس مبيعات و مكتوب فية الراتب كمان اية المشاكل الى ممكن تواجهنى معا العلم انى عازب ؟ وليه ترضى بكده .. أنت مهندس .. رضاك بفيزا عامل مش مضبوط وسوف يؤثر على حقوق لك كثيرة مثل استقدام زوجتك بعد زواجك ... غير أنها مهينة في وجهة نظري .. و صدقني كونك تنازلت عن أهم حاجة اللي هي مهنتك .. هيخلي كفيلك يستهين بحقوق كثيرة لك تدريجيا .. لأنك أنت الذي تنازلت في الأول . ربنا يوفقك لا اله الا الله سيدنا محمد رسول الله رابط هذا التعليق شارك المزيد من خيارات المشاركة
se_ Elsyed بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 أبناء الراجحي إسم على علم في عالم البيزنس بالسعودية .. ولا يهم الإسم على قدر الإهتمام بشروط وظروف العمل . 2500 كويس لو إنت لسه متخرج جديد ولا تمتلك خبرة كافية تفاوض وتتحدث مستنداً عليها . حاول على قدر الإمكان تجيب معاك رخصة قيادة مصرية عشان تختصر مش أقل من شهر من وقتك . كويس إن العقد لمدة سنة عشان ما تبقاش مربوط بهم كثيراً وتقدر بعد كده تُقيم التجربة بشكل أفضل . ما يهمكش من موضوع المهنة طالما إنت لسه أعزب وحاول تجيب معاك شهادة البكالوريوس مصدقة من وزارة التعليم العالي ومن الملحق الثقافي بالقنصلية السعودية عشان لو هاتغير مهنة ... وده ممكن وكل شيء بالفلوس بيمشي وكمان هناك فرصة سهلة لتغيير المهنة عند نقل الكفالة لو امكن . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mohmaher بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 ما يهمكش من موضوع المهنة طالما إنت لسه أعزب وحاول تجيب معاك شهادة البكالوريوس مصدقة من وزارة التعليم العالي ومن الملحق الثقافي بالقنصلية السعودية عشان لو هاتغير مهنة ... وده ممكن وكل شيء بالفلوس بيمشي وكمان هناك فرصة سهلة لتغيير المهنة عند نقل الكفالة لو امكن . سي السيد ردك غريب .. مع انك فاهم ان الكلام ده مش صح .. و تنازل واضح عن الحق من أولها .. افرض الراجل ده جه وحصل أى مشكلة وماعرفش يغير المهنة .. أوحصل أى نوع من أنواع التشديد المفاجئ ... أنا عارف كله بالفلوس بيمشي .. لكن ليه راجل محترم مهندس .. يتنازل . هو كان بيشحت في مصر !!؟؟ لا اله الا الله سيدنا محمد رسول الله رابط هذا التعليق شارك المزيد من خيارات المشاركة
MZohairy بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 أنا عارف كله بالفلوس بيمشي .. لكن ليه راجل محترم مهندس .. يتنازل . هو كان بيشحت في مصر !!؟؟ كل واحد أدرى بظروفه و يمكن الراجل ميقدرش يستغنى عن فرصه زي دي حتى و لو على مهنة عامل ربنا يقسم لك الخير حيث كان Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
mohmaher بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 أستاذ زهيري .. أنا لا أقصد حاجة .. أنا عارف ظروف البلد والناس .. لكن أنا وأنت عشنا في الخليج وياما شفنا ..وبداية التنازل ..تنازلات كثيرة ... واللي وصل حال المصريين لكده .. هو رضانا بالتنازل في مقابل زهيد .. وانت شايف بيكلم في 2500 ريال ولا حاجة بعد الزيادة في كل الأسعار .. يعني أنا رأيي كفاية تنازلات ... على فكرة أنا لا أقصد أن سي السيد غلط في نصح الراجل .. أنا فاهم سي السيد يقصد خير .. لكن يا جماعة احنا بنرجع ونقول اننا احنا السبب بتنازلاتنا ديه في الاستهزاء بالعمالة المصرية وأكل حقوقها .. بالتأكيد فهمتني .. لا اله الا الله سيدنا محمد رسول الله رابط هذا التعليق شارك المزيد من خيارات المشاركة
se_ Elsyed بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 يا عم تنازل إيه بس لا سمح الله أنا قلت للراجلل طالما مهنة عامل مش هاتأثر عليه حياته في الوقت الراهن وهو بحاجة إلى السفر فيمكن يقبل ويجيب معاه الشهادات وممكن يغير المهن هنا ... والعقد أساساً مدته سنة يعني لا هايلحق يتنازل ولا غيره يبقى فين التنازل ؟!!! الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
kaka بتاريخ: 30 ديسمبر 2007 كاتب الموضوع تقديم بلاغ مشاركة بتاريخ: 30 ديسمبر 2007 اول حاجة انا بشكر كل الناس الى ردت عليا ربنا يكرمكم يارب لم تخبرنا عن تكلفة الفيزا حتى تقيسها على مدة العقد ؟ بالنسبة للسؤال دة انا مش هدفع غيير 600 جنية ( ستمائة جنية مصرى ) لمكتب الحاق العمالة فى مصر نظيير تخلييص اوراقى فى السفارة لان مكتب الحاق العمالة هش هو الى جابلى الشغل هو مهمتة يعمل الاوراق و يجابلى التأشيرة فقط وكمان ما قلتش محددين فى العقد توقيتات العمل ( كام ساعة يعنى ) او طبيعة العمل ؟ هما مش محددين توقيتات العمل فى العقد بس قلولى انة هيبقى 8 ساعات طبيعة العمل تسويق الماكينات النسييج وليه ترضى بكده .. أنت مهندس .. رضاك بفيزا عامل مش مضبوط وسوف يؤثر على حقوق لك كثيرة مثل استقدام زوجتك بعد زواجك ... غير أنها مهينة في وجهة نظري .. و صدقني كونك تنازلت عن أهم حاجة اللي هي مهنتك .. هيخلي كفيلك يستهين بحقوق كثيرة لك تدريجيا .. لأنك أنت الذي تنازلت في الأول . ليية بتقول انى اتنازلت اولا البلد الى احنا فيها بتخلى الواحد يتنازل لانها مش بتقدرة و على فكرة انا اشتغلت هنا فى مصر كتيير فى مجالى بمقابل ضعييف جدا و بمعاملة سيئة جدا و هتقول انى اشتغلت فى شركات تعبانة بالعكس انا اشتغلت فى شركات مالتى ناشيونال زى النساجون الشرقيون بس بيعملوك كانك عبد عندهم دة الى بيخالى الواحد يتنازل عن بعض من حقوقة يعنى مش بمزاجة و مش معنا ان الواحد اتنازل عن حق من حقوقة يعنى هيتنازل عن كل حقوقة فى خطوط حمرا مينفعش الواحد يعديها هتنازل بحدود و ابسط حاجة هخلص عقدى و هنزل مصر و خالاص وبعدين بمزجهم او غصبن عنهم انا مهندس دة الى مش هيقدرو يغيروة تانى حاجة العقد مدة سنة قابلة للتجديد و دة بالنسبالى ميزة مش عييب مجرد تجربة ..... لو كويسة هكمل و لو مش كويسة هعتبرها سنة جيش و هتعدى و فى حاجة كمان انا لما اشتغلت فى النساجون اول ما اتخرجت كنت شغال مهندس تمام و فى الورق مهندس بس كان شغلى جوة مش مهندس كنت بنضف الماكينات و المع الماكينات و تنازلت و دة اصعب من التنازل الى انا هعملة فى السعودية صعب انك تكون شغال جانب عمال النضافة و عمال اليومية و كأنك زيهم ( انا مش بعييب فى الشغل دة طالما الشغل حلال يبقى مش عييب) بس انا تنازلت لحد لما اكتسبت الخبرة الى انا عايزة .........و انا الحمد للة معايا رخصة سواقة مصرى برجاء الاجابة على الاسئلة دة و اية نظام الاكل و الشرب غالى ولا رخيص ؟ و لو اتخنقت من الشركة هل يمكن انى اقدم استقلتى و اخد الباسبور بتاعى و ارجع ولا دة صعب ؟ انا اسف انى بطول معاكم بس صراجة انا مبسوط من النقاش دة و بجد انا مش عارف اشكركم ازى .......جزاكم اللة خيرا .... رابط هذا التعليق شارك المزيد من خيارات المشاركة
marconi بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 الراتب ضعيف جدا رابط هذا التعليق شارك المزيد من خيارات المشاركة
mohmaher بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 وليه ترضى بكده .. أنت مهندس .. رضاك بفيزا عامل مش مضبوط وسوف يؤثر على حقوق لك كثيرة مثل استقدام زوجتك بعد زواجك ...غير أنها مهينة في وجهة نظري .. و صدقني كونك تنازلت عن أهم حاجة اللي هي مهنتك .. هيخلي كفيلك يستهين بحقوق كثيرة لك تدريجيا .. لأنك أنت الذي تنازلت في الأول . ليية بتقول انى اتنازلت اولا البلد الى احنا فيها بتخلى الواحد يتنازل لانها مش بتقدرة و على فكرة انا اشتغلت هنا فى مصر كتيير فى مجالى بمقابل ضعييف جدا و بمعاملة سيئة جدا و هتقول انى اشتغلت فى شركات تعبانة بالعكس انا اشتغلت فى شركات مالتى ناشيونال زى النساجون الشرقيون بس بيعملوك كانك عبد عندهم دة الى بيخالى الواحد يتنازل عن بعض من حقوقة يعنى مش بمزاجة و مش معنا ان الواحد اتنازل عن حق من حقوقة يعنى هيتنازل عن كل حقوقة فى خطوط حمرا مينفعش الواحد يعديها هتنازل بحدود و ابسط حاجة هخلص عقدى و هنزل مصر و خالاص وبعدين بمزجهم او غصبن عنهم انا مهندس دة الى مش هيقدرو يغيروة تانى حاجة العقد مدة سنة قابلة للتجديد و دة بالنسبالى ميزة مش عييب مجرد تجربة ..... لو كويسة هكمل و لو مش كويسة هعتبرها سنة جيش و هتعدى و فى حاجة كمان انا لما اشتغلت فى النساجون اول ما اتخرجت كنت شغال مهندس تمام و فى الورق مهندس بس كان شغلى جوة مش مهندس كنت بنضف الماكينات و المع الماكينات و تنازلت و دة اصعب من التنازل الى انا هعملة فى السعودية صعب انك تكون شغال جانب عمال النضافة و عمال اليومية و كأنك زيهم ( انا مش بعييب فى الشغل دة طالما الشغل حلال يبقى مش عييب) بس انا تنازلت لحد لما اكتسبت الخبرة الى انا عايزة .........و انا الحمد للة معايا رخصة سواقة مصرى أرى اني لازم أعتذر لسي السيد ... طلع كلامه مش غريب ! احنا اللي بقينا غرباء في بلدنا "مصر" ..شكرا ربنا يوفقك يا kaka لا اله الا الله سيدنا محمد رسول الله رابط هذا التعليق شارك المزيد من خيارات المشاركة
vipwithyou بتاريخ: 30 ديسمبر 2007 تقديم بلاغ مشاركة بتاريخ: 30 ديسمبر 2007 توكل على الله وصلى استخارة وان شاء الله توافق طالما انها مافيهاش تكلفة فيعتبر دة فى حد ذاته مكسب وضيفى على الراتب لتصل لراتب نهائة مرضى جدا لأن حتى فيزة العامل ممكن توصل 15000 حـ شوف بقى واحسبها وفى رأيي بعد كل الكلام اللى قيل وافق يا ريس توكل على الله أخوك تامر السيد أستغفر الله الذى لا اله الا هو الحى القيوم وأتوب اليه رابط هذا التعليق شارك المزيد من خيارات المشاركة
kaka بتاريخ: 31 ديسمبر 2007 كاتب الموضوع تقديم بلاغ مشاركة بتاريخ: 31 ديسمبر 2007 شكرا ليكم كلكم ............. و ربنا يكرمكم و يفتح عليكم.........جزاكم اللة خيرا رابط هذا التعليق شارك المزيد من خيارات المشاركة
الممول العجيب بتاريخ: 17 ديسمبر 2008 تقديم بلاغ مشاركة بتاريخ: 17 ديسمبر 2008 فينك يا كاكا وايه اللي حصل معاك , يا ريت تطمنا رابط هذا التعليق شارك المزيد من خيارات المشاركة
السيد مرسي مخيمر بتاريخ: 17 ديسمبر 2008 تقديم بلاغ مشاركة بتاريخ: 17 ديسمبر 2008 السلام عليكم بصراحة العرض دة تعبان اوي وبعدين موضوع استقدام زوجتك بالعرض دة يبق تنسي لا المهنة مش هتنفع تعمل بيها استقدا وكمان الراتب مش هيكفيك تصرف بية علي زوجتك وتحوش كمان لو عايز رائي خلية يزدلك الراتب علي الاقل يكون 3ونص وعدد الساعت ينكتب في العقد ومش يقولك بالسان بس وكمان هيقولك هنزودك ويعملك البحر طحينة وغير كدة المهنة تتغير اما موضوع تاخد البسبور وترجع دي بتكون صعبة شوية وخاصة بالرات والمهنة اللي انت جاي بيها لانة مش هيلاقي حد بالموصفات الممتازة اللي جايبك بيها فااكيد مش يتتركك ولو تركك مش هتعرف تدخل السعودية الا بعدها بسنتين او تغير الباسبور وكلام كتير انت في غني عنة خلاصة الكلام يزود الرتب ويغير المهنة او تستحمل عذاب مصر مهما كان صعب عندك احسن من هنا لو وقعت في مشاكل وربنا يوفقك وتلاقي حاجة كويسة او يظبطوك رابط هذا التعليق شارك المزيد من خيارات المشاركة
essamalshaaer بتاريخ: 17 ديسمبر 2008 تقديم بلاغ مشاركة بتاريخ: 17 ديسمبر 2008 انا شغال في الراجحي .... متقلقش منهم المهم ثم الأهم .................2500 ملهمش لازمة مش أقل من 4000 ريال ........... مع كونك مهندس ده المحاسب بنجيبو عندنا وجديد بياخد من 3000 الى 3500 ريال فكر تاني في الراتب ,,,,, وموضوع المهنة ترجع ليك إن عجبك الشغل معاهم وحبيت تجيب أولادك مش هينفع وانت عامل إلا أذا ..... إلا أذا دفع تحت الطربيزة من 8000 الى 12000 ريال دورها في دماغك وشوف كده ...... وانت أدرى بظروفك رابط هذا التعليق شارك المزيد من خيارات المشاركة
essamalshaaer بتاريخ: 17 ديسمبر 2008 تقديم بلاغ مشاركة بتاريخ: 17 ديسمبر 2008 السلام عليكم خد المعلومات دي للأهمية: 1- المصنع مبقلوش 8 سنوات شغال. 2- مديره لبناني أسمه أحمد مرعب لبناني. 3- فعلا الرواتب عندهم ضعيفة جدا. 4- كان في مشاكل بين الشركاء وتم حلها وتعيين إدارة جديدة للمصنع. 5- تم أدخال خطوط إنتاج جديدة للمصنع (وده سبب طلب المهندسين ). في النهاية دعواتي لك بالتوفيق وربنا يكرمك بإذن الله. أخوك أبوعلي من الرياض رابط هذا التعليق شارك المزيد من خيارات المشاركة
haddadmn بتاريخ: 20 ديسمبر 2009 تقديم بلاغ مشاركة بتاريخ: 20 ديسمبر 2009 السلام عليكم و رحمة الله و بركاته أخواني الاعزاء, اريد استشارتكم في موضوع حصل معي كنت اعمل لدى مؤسسة محلية في الرياض و قد كنت قد نقلت كفالتي عليهم نقل داخلي , و بعد عملي لديهم سنتان قدمت استقالتي و طلبت خروج نهائي لوجود فرصه خارج السعودية, و قد قام كفيلي القديم بعمل خروج و عوده لي ليتاكد انني اذا رجعت للسعودية ان ارجع للعمل معه ورغم طلبي له بعمل خروج نهائي و لكنه رفض , و بعد فتره 5 اشهر رزقني الله بعقد عمل في السعودية يستحيل رفضه, هنا رجعت للكفيلي القديم طالبا منه نقل كفاله و لكنه رفض وقد قام بطلب مبلغ من المال من شركتي الجديده و لكنهم رفضو و انا ايضا , فطلبت منه خروج نهائي و قد قمت بالخروج من السعودية و لرجوع لها بفيزا تجاريه عن طريق فرع اخر للشركة في بلد مجاور, و حين علم برجوعي (كفيلي القديم) قام برفع دعوا في مكتب العمل بحجة انني اعمل لدى شركة منافسه , فما هو الوضع القانوني في هذه الحالة و هل يقدر ان يمنعني بالعمل داخل السعودية الرجاء النصيحة من اهل الخبرة و العلم و جزاكم الله خيرا رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان