السلام عليكم من مصر

[ميزو وبس]

السلام عليكم ورحمة الله وبركاتة

كتبت هذا الموضوع ردا على موضوع السلام عليكم من كندا

اخوانى الاعزاء

مثلى مثل باقى الشباب المصرى والله اعلم بهم هنا وهنا بأرض مصر كلنا متعبون ومعذبون تخرجنا من الجامعات والان محلك سر

االاف الشباب يعملون فى اعمال لا تناسب تخصصهم ما ذنبنا ندرس وندفع فلوس وفى النهاية صدمة تلى صدمة وااة من صدماتك يامصر

والان نصدم مرة اخرى من الهجرة لكندا كان حلم صغير وكبر وكبرت معنا طموحاتنا الان كل اللذين هاجروا او قدموا للهجرة لكندا

والصدمة قادمة كل الذين هاجروا لكندا مصريين راحوا الخليج يعنى وبمعنى ادق ليسوا مثلنا متخرجيين جدد وليس عندنا مال يكفى

لكل هذة الاجرائات وكورسات اللغة والخبرة وكل هذا الى اين يرحلوا الطلبة المغلوبين على امرهم هل ننتحر على مشارف ايطاليا

كنت اقول فى نفسى لماذا يركبوا سفينة معرضة للغرق وسط المحيط الان ايقنت السبب وعرفت الحقيقة البائسة وعندهم حق

واجزم واحلف الموت غرقا اهون من البقاء فى مصر الموت وانت تريد ان تحقق هدف ولا تموت كمدا وسط اجواء وجوا ملىء بالغبار

المواطن المصرى ليس لة كرامة فى بلدة ايقنت لماذا 25 الف مصرى متزوجون من اسرائيليات وعايشيين بسرائيل ايقنت لماذا جميع

من خرج لم يرجع اليها نهائيا الان نريد ان نخرج من هذا نريد ان نتنفس هواء نقيا لا نريد ضغوطا نفسية هل ذنبننا اننا بشر ام ذنبننا

اننا نريد حياة كريمة نريد استقرار نفسيا ايها المصريون موتوا كمدا موتو كمدا فأنكم داخلون الجنة

رسالة طالب محبط

[/color]

[عم الطيب]

اتفهم هذا الشعور المحبط . ولكن لااشجعه سمعت شريط لوجدي غنيم اسمه ( رحلة هولندا ) واعجبت لنقل الشيخ وجدي للصورة الواهمة في اوروبا واتمني ان تسمع هذا الكلام من موقع الشيخ الداعية وجدي غنيم فاعجبني حين قال انك لا تعرف طعم السكر انه سكر الا اذا ذقت الملح . فنحن ياعزيزي ميزو دوقنا السكر ودقنا الملح والان بعد غربة 18 سنة في المانيا اقول لك احمد الله مصر لسه بخير بالرغم من السلبيات التي هي اكثر من الايجابيات . ما اقصد ان اقوله اننا نشجع الهجرة والغربة المحدودة المدة ولكن ليس عن طريق الرمي في التهلكة . وخليك متفائل وانشالله مصر حتبقي احسن واحسن لكن بعد نهاية الطوفان العشوائي .

[ميزو وبس]

اتفهم هذا الشعور المحبط . ولكن لااشجعه سمعت شريط لوجدي غنيم اسمه ( رحلة هولندا ) واعجبت لنقل الشيخ وجدي للصورة الواهمة في اوروبا واتمني ان تسمع هذا الكلام من موقع الشيخ الداعية وجدي غنيم فاعجبني حين قال انك لا تعرف طعم السكر انه سكر الا اذا ذقت الملح . فنحن ياعزيزي ميزو دوقنا السكر ودقنا الملح والان بعد غربة 18 سنة في المانيا اقول لك احمد الله مصر لسه بخير بالرغم من السلبيات التي هي اكثر من الايجابيات . ما اقصد ان اقوله اننا نشجع الهجرة والغربة المحدودة المدة ولكن ليس عن طريق الرمي في التهلكة . وخليك متفائل وانشالله مصر حتبقي احسن واحسن لكن بعد نهاية الطوفان العشوائي .

مرسى لك ولكن ارد عليك بجملة واحدة كم قرء الموضوع وكم رد بالموضوع هذا حالنا قلت اصبر اقولك لك وما حاجتى للصبر ان استعطت الابتسام

[ميدو خدمات]

الاخ مازن انت متشائم اكتر من الازم

انا مصرى ومقيم بكندا خمس سنوات ومن خبرتى بقولك انه على الرغم من كل السلبيات الموجوده فى مصر الا انى بفضل الرجوع تانى

لانى ممكن احقق اللى حققته فى كندا فى مصر وان كندا مش مدينة الاحلام زى ما الكل فاكر

[amrhoras]

أ/ميزووووو

عمرو معاك من أرض الدمام .... اقولك على حاجه حتى السفر ليس الحل الأوحد صدقنى

هنا اه اسلوب الحياه والمعيشه مختلف كتييير عن مصر واللى عملته فى سنه اعمله فى سنتين فى مصر .....

لكن حاجات كتيير اوى تخليك ترجع لها ودى امنيتي انى ارجع .... صدقنى الخروج على اد ما انت تجده صعب الا ان الرجوع اليها اصعب ومع ذلك عوزين نرجع ...

صدقنى لا الخروج بره سهل ولا الرجوع سهل والمحصله ايه ..... حبة ورق ؟ ملعون هذا الورق

[se_ Elsyed]

لو إنت كاتب الموضوع ده يا ميزو عشان تنفث عن نفسك فقط وتستمع لنصائح اللي أكبر منك .. يبقى هاتطلع بنصائح مفيده بإذن الله وبكل تأكيد

أما لو كتبته ولقيت ردود ونصائح وخصوصاً من مغتربين بيقولوا لك مصر أحسن من غيرها فهاتقول " أه بقى كل واحد عايش في النعيم هايعمل إيه فيها عبدو إصلاح ويقولي الصبر جميل والقناعة كنز لا يفنى وأصبر يا بني إنت لسه صغير .. إلخ " يبقى أقفل الجهاز وانزل إضرب لك حجرين عالقهوة عشان تروق دماغك وتعالى تاني إقرأ بتآني ..

أنا شخصياُ يا ميزو ممكن اكون مش أكبر منك بكثير .. فانا خريج 94 وعندي 36 سنة والحالة أيامنا كانت نيلة واللي منيلها مبارك وأيامه المنيلة

والنيلة كانت منقسمة إلى نيلتين :

1- نيلة نضيفة وما فيهاش أي مشاكل والواحد متعايش معها ومش حاسس بها .. وهي أيام الدراسة والروشنة وكافيتريا الجامعة وشانودشتات الكبده ... فاكرها ولا كنت مقضيها سكاشن ومحاضرات وإلتزام بس ؟

2- نيلة منيلة بنيلة وهي بعد ما اتخرجنا ولقينا ملايين البشر أقدم مننا قاعدين عالقهوة وبيسقعوا قلل وقلنا : يا نهار مش فايت ... هانروح فين يابا وسط الطوفان ده ؟ ... وخد عندك بقى تقطيم المجاديف اللي على اصولة .. لما أقول لحد أنا عايز أتعلم كمبيوتر وأنجيزي على اصوله وأبقى متمكن منهما وراسم لكده قول سنة أستثمر في التعليم ده وأفحت فيهم وأبقى كويس وأشتغل أي حاجه الصبح إن شالله لو في محل فول وطمعية بس أجيب مصاريفي وبالليل أدرس ما اهو اهل الواحد مش بلاعتا فلوس بتعبي منها بدون حساب !!! .. أنا شخصياً كنت بأشتغل بالليل وأدرس الصبح كمبيوتر وانجيلزي وكانت باجي أخر النهار عامل زي الفرخة الدايخة من كتر التعب وما ببقاش نافع ببصلة ومافيش حل إلا إني أنام عشان أدور في الطاحونة تاني يوم ... وإن ماكنتش تعمل كده وإنت صغير .. يبقى هاتتعب إمتى وتزرع أمتى ؟

بعد ده كله تسمع اللي يقولك : موت يا حمار ... والنبي لما تدرس الدكتوراة حتى هاتيجي برضوا وتقعد جنبنا وتشيش وتضرب أنفاس ... أقسم بالله لم أكن ألتفت لمثل تلك التفاهات وكنت دائماً أضع أمامي الأية الكريمة التي تقول " إن الله لا يُضيع أجر من احسن عملا " وقد كان وبمشيئة الله وتوفيقة في أخر يوم إختبار مش في اليوم القبل الأخير أو بعد الأخير .... في تلك الدورات تقدمت لاول إنترفيو قرأته في الجريدة .... لسه فاكر اليوم ده لغاية دلوقت

كانوا 3 شركات ... 2 بشغلانة محاسب .. وواحده مشغل كمبيوتر وكنت مسقلها وبأقول " على اخرة الزمن يا سين سين هاتشتغل داتا إنتري ؟ " .

أول شركة كانت في ميدان الحجاز .. ودي إتقلبت بدري بدري وركبت الطفطف ..

الثانية شركة أدوية محاسب برضوا الراجل المحاسب المخضرم إمتحنني ورزعني كلمتين في جنابي قعدت 3 أيام عيان والله يا ميزو وفكرت إني أشتري ربع كيلو كباب وأكله عشان انتحر :rolleyes: فقالي يابني روح ذاكر كتب عمامك عباس حجازي وحسن غلاب وعلي لطفي من أول وجديد وإتمكن من المعلومات المحاسبية وبعدين دور على شغل ...

يا نهار يا نهار ... بقى بعد 14 سنة خدمة في ثانوي وكمية شاندوشتات الكبدة اللي أكلتها في الجامعة والرحلات والسكاشن وكشاكيل المحاضرات والحركات و4 سنين تقدير جيد مع لحاف الشرف تقولي كده ؟ أنا فاثل فاثل فاثل

.. الشركة التالتة كانت مُشغل كمبيوتر ونجحت في المقابلة وردوا عليه بعدها وفاجأوني إنهم محتاجين 35 مُشغل كمبيوتر في فرعنا بالسعودية اللي انا فيه دلوقت ...

بالمناسبة الثلاث شركات بالصدفة كانوا لا يفصلهم إلا يادوب محطتين تلاتة اتوبيس عن بعض

فإنت أقعد مع نفسك وشوف نقاط قوتك وضعفك .. وإنت عايز إيه وهدفك إيه وإبتدي عافر مع الدنيا وقدم على وظايف هنا وهناك ومش مهم في الأول تكون في مجال عملك وتأكد إن كل اللي إنت شايفهم دول بدأوا صغيرين والواحد بيتعلم ويكبر مع الزمن ولو ما كبرش بقى يبقى هو عنده مشاكل ومش عايز يطور نفسه ..

وعيبك إنك وضعت احلام وبنيت أمال وما عملتش حسابك هي ممكن تتحق ولا لأ

طب لو لأ يبقى إيه البديل وممكن اعمل إيه ؟

وأول ما كنت عايز تبدا عايز تبدا بكندا بقى وهوب تروح ناطط على الإستيت حيث رعاة البقر واكل الكنتاكي والماك طول النهار بدون تعب يا معلم وسلم لي على لاس فيجاس ...

وللحديث بقية

آبيه سين سين

[amrhoras]

وده اللى انا عاوز اوصله انك متحطش السفر كل احلامك ...

اسعى ياعبد وانا اسعى معاك .... مش نقعد ننتظر امتى نسافر وهناك فى السفر نلاقى احلامنا

عاوز اقولك انى قدمت استقالتى من شغلى فى مصر ليلة سفرى!!! لانه مفيش حاجه مضمونه يعزيزي

المشكلة انك لو بعد الشر زى حلاتى .... سافرت وسيبت الدنيا وراجع!!!!! اكيد مش هتكون عارف تعمل ايه فى مصر وتبدأ من جديد علشان كدى بقولك الرجوع لمصر اصعب من انك تسيبها وتسافر

عيد تفكيرك مره اخرى ورتب اوراقك . وادعى ربنا واستخيره . ثم اسعى هنا وهناك سفريات شركات اقلب مصر بس لا تيأس ولا تقول العيشه بره احسن الف مره . اعمل حسابك انك مش مسافر للأبد لك احلام او خطوات 1 2 3 خلصت الخطوات دى لم شنطة هدومك وارجع بلدك تانى وعيش وابدأ حياتك

وما الحياه الا رحله .

شكرا

[هشام عباس]

يا عم ميزو انا معاك جدا جدا ان مصر بقت صعبه اوي وبقت العيشه فيها لا تحتمل انا لما بنزل اجازه في الصيف مصر مش بعرف اسوق العربيه يعني مش بكون عارف امشي مع الاشاره ولا مع الصفاره؟ لأنهم وعلى طول بيكونو عكس بعض زائد اني كل اجازه والحمدلله بنزل بقرشين بصرفهم في الاجازه وبرجع يا مولاي كما خلقتني وده معناه ان تعب سنه مع الشغل والنفاز يا دوب بتكفي شهرين مصاريف في مصر

وده برضه معناه ان العيشه في مصر والاسعار بقت نار نار نار وبالرغم من اني عايش هنا في سلطنة عمان عيشه كريمه والحمدلله ومدخل ولادي مدارس لغات على اعلى مستوى والبلد جميله جدا جدا وهاديه جدا وفعلا ولادي مرتاحين اوي هنا لكن يا اخي مش عارف ليه وأقسم باله اني بتكلم بصدق

مش عارف ليه ناوي ان شاء الله انزل مصر نهائي الأجازه الي جايه واخرج ولادي من مدرستهم اللغات رفيعة المستوى وادخلهم في مصر مدرسه حكومه تجريبي لأني اكيد مستحيل اقدر ادخل ال4 ولاد مدارس لغات في مصر وهسيب بيتي هنا الي عايش ومرتاح فيه جدا علشان انزل انا ومراتي وولادي الاربعه نعيش عند اهلي في شقتهم ال 100 م لغاية ما ربنا بسهلهلنا ونشوف هنسكن فين لأني سافرت هنا اول ما اتخرجت ومكنتش لسه جبت شقه ليا في مصر

تفتكر ايه السبب الي مخليني ناوي وبجد اني انزل مصر؟

عارف ايه السبب؟ السبب حاجه غريبه جدا انا كنت حاسس ان مصر كلها سيئات ومحسوبيه وكوسه وكل كام شهر كانت بتتعمل قرعه على الاراضي وكنت بقدم فيها وبنزلها مخصوص ومكنتش بفوز لكن ومن كام شهر فزت اخيرا بقطعة ارض من القرعه الاخيره وساعنها حسيت انه لسه فيه امل في البلد ديه وان الي بيسعى ربنا بيكرمه

[ايهاب سالم]

ميزو

عندك حق في كل اللي بتقولوه .. و خلي بالك . كل واحد بيحكي لك من تجربته الشخصيه .. سواء من الغرب أو من الخليج .. يعني ماتخدش كلام حد كلام نهائي و تبني عليه قراراتك ..

لكن انا معاك في كل اللي بتقولوه .. و بأقولها و محدش يزعل مني

مفيش فايده في البلد دي

و بأقول لكل أخ مشارك خارج مصر و بيفكر يرجع نهائي ... فكر كويس جدا جدا

أنا و أنا في قطر شفت حولي ناس خدعها الحنين و رجعت مصر نهائي و بعدها بشهور قليله كانوا بيوسطوا طوب الأرض عشان يرجعوا تاني

و قابلت واحد في قطر مصري ساب أمريكا و رجع مصر برضه عشان الحنين .. و مطاقش نفسه و هج على قطر هو وزوجته و عياله بعد شهور و حاليا مش طايق نفسه و عايز يهج على كندا أو أمريكا

أنا خريج 93 يا ميزو و رغم إني ظروفي كانت جيده و إشتغلت بعد تخرجي في مجالي و بدخل جيد .. لكن أنا كنت عايز أسافر لأني كنت مش طايق العيشه نفسها مش عشان الفلوس

يعني مش طايق الهرجله و الزحمه و الدوشه و التلوث وووووووو ..

و كنت عارف إن في عيشه أفضل out there في أماكن تانيه مش شرط الخليج

و سافرت قطر في الأول .. و صدقني في أول يوم نزلت فيه المطار و العربيه اللي راكبها و اخداني بيت الضيافه بتاع الوزاره اللي إشتغلت فيها و أنا بأبص للشوارع .. قلت أنا مش راجع مصر نهائي تاني .. أجازات و بس

و من بعدها كنت في كل أجازه في مصر بأعد الأيام عشان أرجع و ده حال معظم المصريين المستريحين في الخليج

يعني اللي مستقر في شغله و معاه مراته و عياله و بيتعامل معامله كريمه كنتيجه لطبيعة وظيفته .. مش بيفكر يرجع مصر نهائي تاني .. و بيفضل يأجل السنين

و لما بيدرك في النهايه إنها مش بلده .. و إنه راجع تاني كده كده .. بيبدأ يفكر في مكان تاني مماثل في الحياه الكريمه .. بس يكون وطنه هو أولاده

وده السر في كم المهاجرين من الخليج لكندا .. رغم إنهم عايشين كويس جدا جدا في الخليج و بيعملوا فلوس كمان ... لكن الرعب من الرجوع مصر نهائي مره أخرى بيخليهم يهاجروا

و أنا بعد تردد دام 3 سنين بعد حصولي على التأشيره في الهجره من قطر لكندا .. بأقول حاليا ياريتني سبت قطر لكندا من زمان .. هنا مفيش مواطن و مقيم .. مفيش كفيل .. مفيش تصريح خروج من كفيلك عشان تقدر تسافر .. زيك زي كل الناس اللي ماشيه في الشارع حواليك

عايش مطمئن على نفسك و أولادك .. عارف إنك لو لك حق هتاخده هتاخده ..

حاليا بأقول يا ريتني روحت كندا من مصر من الأول أصلا

رغم إني حاليا مش بأعمل فلوس زي اللي كنت بأعملها في قطر و عايش في شقه بعد ما كنت عايش في فيلا

لكن العيشه مش بس فلوس ... ال life style نفسه له ثمن .. و هوا الحريه ريحته جميله عند اللي بيقدره

و بأرجع أقولك كل واحد بيحكي لك من واقع إنطباعاته الشخصيه

يعني هتلاقي ناس عايشه في كندا برضه أو الغرب عامة و زهقانه و مش طايقه نفسها من ال life style ده و نفسها ترجع لل life style بتاع مصر أو الخليج

أنا من يوم ما وعيت ع الدنيا و مصر بتحاول تخرج من عنق الزجاجه

و قبلها والدي ووالدك وعيوا ع الدنيا و مصر بتحاول تخرج من عنق الزجاجه

يبقى مش منطقي إنك تفضل عشان ولادك يحاولوا يخرجوا من عنق الزجاجه هما كمان

حاول تخرج من الزجاجه خالص يا ميزو ... و مترجعش تاني ... لأن الزجاجه مش هتتكسر و الظاهر إنها بتضيق أكتر و أكتر

مش هأجملهالك يا ميزو و لا هأقولك إستحمل و حاول .. فيه أمل

لأ مفيش أمل

حاول تخرج من البلد دي بأي طريقه شرعيه

دي وجهة نظري الشخصيه مع كامل إحترامي لوجهات النظر المخالفه

تم تعديل 30 ديسمبر 2007 بواسطة ايهاب سالم

[ميزو وبس]

أ/ميزووووو

عمرو معاك من أرض الدمام .... اقولك على حاجه حتى السفر ليس الحل الأوحد صدقنى

هنا اه اسلوب الحياه والمعيشه مختلف كتييير عن مصر واللى عملته فى سنه اعمله فى سنتين فى مصر .....

لكن حاجات كتيير اوى تخليك ترجع لها ودى امنيتي انى ارجع .... صدقنى الخروج على اد ما انت تجده صعب الا ان الرجوع اليها اصعب ومع ذلك عوزين نرجع ...

صدقنى لا الخروج بره سهل ولا الرجوع سهل والمحصله ايه ..... حبة ورق ؟ ملعون هذا الورق

اهلا يا باشا وباهل الدمام كلامك كويس المشكلة كيف الخروج من مصر لماذا ندخل كليات صعبة ونتخرج ولا نشتغل واية لازمة الكلية

ما كان الواحد خدها من قاصرها وعمل مشروع بالفلوس اللى ادفعت فى الجامعات وتضييع وقت وفى النهاية يا مولاى كما خلقتنى

نعم السفر ليس الحل الوحيد الحل الثانى نكون جنب الحيط لالا كمان ندخل جوة الحيط البلد دى عايزة ذئب اة والله ذئب وكمان مفترس

الغلبان هنا يادس بالجذمة سورى فى اللفظ يعنى الحل الاكيد الهجرة وموضوع ترجع تانى ام لا دى تبع الشخصية بس الهدف

من الخروج لمصر العيش بحياة لا تمس كرامة المواطن

ومرسى لك كتير

[ميزو وبس]

نفسى اوى ى ساعة رضا تعبنا يا قلبى م الجرى كفاية كدة سهل السؤال لكنة صعب وتقيل ..

صحيح مفيش حل .. لكن كمان ...... مفيش بديل .. عايز اشترى دماغى ..

وزى ما تميل اميل .. اقول للحلاق خف الجناب ..

وخلى قدام طويل ..

واطلع البنطلون الجينز ..

والقميص المقلم..

وأشرب بدل الشاى ..

قرفة بالجنزبيل ..

وأتمشى ع الكرنيش ..

يمكن عيونى ..

تقدر تشوف النيل

كان عندى أصحاب

ف المدرسة والجيش

صلاح ويوسف

مصطفى ونبيل

لكن لما اتصلت بصلاح

وقالولى عقبال املتك

دة راح وعايش ومجوز

ومبسوط ف اسرائيل

ساعتها بس حسيت

ان الحمل لسة تقيل

رميت البنطلون الجينز

والقميص المقلم

ورجعت من تانى

أنا وروحى

نتخانق ......

[إيزيس]

مش عارفة أقول إيه الحال صعب لكن الجاي أصعب يا ترى الشباب اللي زي الورد اللي بنشوفه في الخليج يشتغل في أعمال بسيطة ولا أقول تافهة لأن الشغل أيا كان مش عيب لكن الحقيقة العيب إنك ما تلاقيش اللي يسندك في الغربة وده للأسف وضع المصريين فقط يعني لو شغل بسيط وبكرامة وسند من السفارة ماشي لكن المشاكل من كل اتجاه والله يكون في عونهم ويسدد خطاهم ويحميهم لما بشوفهم أقول في نفسي آه يا مصر ولادك يستاهلوا أحسن من كده لكن ما باليد حيلة

[ميرا]

اهلا بجميع اعضاء المنتدى

فعلا احنا حالنا يصعب على الكافر ربنا يكون فى عون الشباب

احنا اسرة بتدور على اى حاجة تخرجنا من مصر تفتكروا ليه بالرغم انى زوجى بيشتغل فى مكان محترم وانا كمان بشتغل فى مكان محترم وعندى طفلين بس شايفين مصر سوداء اوى و الجاى اصعب مش عارفة هيتعمل فينا ايه بعد كدة انا حزينة على حال شبابنا انا فعلا شايفة ان الحل فى الهجرة مهما كانت المساوىء مش هتكون اكتر من هنا يعنى انا مقدمة على هجرة لكندا انا و زوجى وانا عارفة ان رايحة لمجهول و خصوصا ان فى اطفال وعارفة ان هناك مفيش راحة بس عندى حنين وحب لمصر كبير بس صدقونى هى دلوقتى الى مش عيزانا

انا حاسة ان مفيش و لا ميزة فى القاعدة فى مصر غير الاهل غير كدة قولولى على ميزة واحدة

انا لحد دلوقتى ساعات بتراجع عن موضوع الهجرة لانى خايفة جدا من الفشل وانا مش لوحدى بس تفتكروا فى حل تانى

عايزين نعيش بكرامة

[ايهاب سالم]

انا فعلا شايفة ان الحل فى الهجرة مهما كانت المساوىء مش هتكون اكتر من هنا

مظبوط

يعنى انا مقدمة على هجرة لكندا انا و زوجى وانا عارفة ان رايحة لمجهول

بالعكس إنتم رايحين للمعلوم .. و سايبين المجهول

خصوصا ان فى اطفال

دي أكتر حاجه تخليكي تسيبي مصر و تهاجري كندا

وعارفة ان هناك مفيش راحة

هترتاحي كتييييييير عن مصر .. نفسيا و بدنيا و صحيا ووووووو

بس صدقونى هى دلوقتى الى مش عيزانا

صح .. رحيل أكبر عدد من المصريين عن مصر في صالحها و صالح اللي قاعدين فيها

انا حاسة ان مفيش و لا ميزة فى القاعدة فى مصر غير الاهل غير كدة قولولى على ميزة واحدة

أصبتي كبد الحقيقه .. السلبيه الوحيده في البعد عن مصر هو البعد عن الأهل مش عن مصر

انا لحد دلوقتى ساعات بتراجع عن موضوع الهجرة لانى خايفة جدا من الفشل وانا مش لوحدى بس تفتكروا فى حل تانى

الفشل الحقيقي هو إنك تحكمي على أولادك بالبقاء في مصر و معيشة كل معاناتك دي مره تانيه و غالبا وقتها هتكون مشاكلهم و معاناتهم أكبر

عايزين نعيش بكرامة

هاجروا من مصر

تم تعديل 4 يناير 2008 بواسطة ايهاب سالم

[Automatic]

مصر هيا مش شخص يعوز والا مايعوزش! مصر خربانه لان اهلها اهملوا بيها, خربانه لان كل واحد خايف علي نفسه وعلي راحته.

الي عايز يهاجر ربنا يوفقوا ان شاء الله, لاكن مافيش داعى نضحك علي نفسنا. احنا طماعين.

تم تعديل 4 يناير 2008 بواسطة Automatic

[إيزيس]

حرام ده يكون إحساس الناس ببلدها لكن الشباب دول معذورين عايزين يعيشوا اللقمةوالكرامة والراحة هاجروا من مصر للأسف

[amrhoras]

أ/ميزووووو

عمرو معاك من أرض الدمام .... اقولك على حاجه حتى السفر ليس الحل الأوحد صدقنى

هنا اه اسلوب الحياه والمعيشه مختلف كتييير عن مصر واللى عملته فى سنه اعمله فى سنتين فى مصر .....

لكن حاجات كتيير اوى تخليك ترجع لها ودى امنيتي انى ارجع .... صدقنى الخروج على اد ما انت تجده صعب الا ان الرجوع اليها اصعب ومع ذلك عوزين نرجع ...

صدقنى لا الخروج بره سهل ولا الرجوع سهل والمحصله ايه ..... حبة ورق ؟ ملعون هذا الورق

اهلا يا باشا وباهل الدمام كلامك كويس المشكلة كيف الخروج من مصر لماذا ندخل كليات صعبة ونتخرج ولا نشتغل واية لازمة الكلية

ما كان الواحد خدها من قاصرها وعمل مشروع بالفلوس اللى ادفعت فى الجامعات وتضييع وقت وفى النهاية يا مولاى كما خلقتنى

نعم السفر ليس الحل الوحيد الحل الثانى نكون جنب الحيط لالا كمان ندخل جوة الحيط البلد دى عايزة ذئب اة والله ذئب وكمان مفترس

الغلبان هنا يادس بالجذمة سورى فى اللفظ يعنى الحل الاكيد الهجرة وموضوع ترجع تانى ام لا دى تبع الشخصية بس الهدف

من الخروج لمصر العيش بحياة لا تمس كرامة المواطن

ومرسى لك كتير

ميزو حبيبي واخى العزيز

مساك الله بالخير ...

فى مقوله اسمها BE OR NOT TO BE أكون او لا أكون

ولازم تكون او عيش جنب الحيط وشوف الناس تتحرك امامك وانت لسه جنب الحيط وبكده لا تكون

زى ماقولتلك امشي فى جميع الاتتجاهات .... انا مش بقولك حاول فى مصر حاول فى كل الاتجاهات .. بلدنا صعب العيش معاها خصوصا للخريجين .

بس مع ذلك اسعى ودور اقلب مصر عليها واطيها بس لازم تعمل حاجه على الاقل انك كسبت نفسك امام نفسك وانك عملت كل اللى عليه...

ديما كان اللى حوليا يقولولى انت حتعمل ايه يعنى ... انا لسه معملتش بس بحاول اعمل ... لسه موصلتش بس برده بحاول ... صدقنى الحياه كلمه على اد ماهى سهله تقولها انما صعب تعيشها ...

ديما خلى جواك الايقان ان ربنا ميضيعش اجر حد بدال تعب وصبر هيوصل مهما طال الزمن هتوصل...

وخلى جواك تحدى وانسى كلمه يأس او غيرى عملوا ايه ........ او كده كده مفيش فايده .

مصر او بلاد العالم كلها اى حته ميهمش بس لازم تكون . اوعى تستسلم خليك مؤمن بالله وبنفسك وبقدرتك على مواجهة الدنيا .

عارف لما كنت فى مصر . قعدت 3 سنين اجرى ورا السفر والله مش هتصدق الفلوس اللىخسرتها ... وفى نفس الوقت مكنتش منتظر السفر بالعكس كنت بدور داخل مصر

رحت من الغردقه لغاية اسكندريه اشتغلت كتييييير اوى 3 سنين 9 اعمال مختلفه . وكنت ديما بدور على الاحسن ...

اصحابي كانوا يقولولى حاجه .. انى عجيب علشان انهارده مثلا فشلت فى مقابلةيلاقونى تانى يوم فى مقابلة تانيه . (انت ايه يابني مبتزهقش)

وبعد ما السفريه جت انا مكنتش راضى اطلعها ... بس الظروف حكمت وطلعتها ... وبرده لسه بدور وانا عوزك تدور . مش تقل زى الناس ماقالت مصر مقفله او بره هو الحلم او او او

اقعد مع نفسك حدد خطواتك انت مهيأ تشتغل بره ولا جوه ؟ وايه البدايل .. وايه نمط الحياه ... لو سافرت ناويت على ايه .... طموحاتك احلامك ..... كل ده حطه فى خطوات والخطوات دى ثابته ومراحل لازم تعدى عليها ولها بدايلها وخليك مرن تبعا للظروف غير خطواتك ...

الكلام مفيشاسهل منه بس التنفيذ مفيش اصعب منه.. وانت راجل واجه الدنيا وقول لا ومتخليش حد يدمرك. واتحمل قراراتك بنفسك. ومهما الظروف قست عليك خليك اجمد منها . حتتعلم ازاى تعيش وازاى توصل وكلنا بنتعلم . وصدقنى دى مش شعارات اوموضوع انشا

الناس اللى قدامك دىكلها واجهت الدنيا ورفضوا الواقع وتحدوا نفسهم وربنا يوفقهم جيعا ويوفقك انشا الله

اخوك عمرو