سؤال محرج !!

[kokowawa1979]

ماهو الفارق بين أمهات الجيل الماضي ( أمهاتنا) وأمهات الجيل الحالي

(أمهات أبناءنا!!!

[بنت شعنونة]

أمهات زمان شافوا امهاتهم اصلا.. فعرفوا يعني ايه امومة يعني ايه ربة منزل يعني ايه تربية...

انما امهات اليومين دول ما شافوش اهاليهم "لأنهم كانوا في الشغل او مسافرين او او او"...فربوا نفسهم بنفسهم غالبا

او التلفزيون رباهم... على حبيبي ومسك ايدي واتجوزوا وعاشوا في تبات ونبات وخلفوا صبيان وبنات.... انما ماجابوش ازاي ربوهم او ازاي بقى بعد الجواز ولو جابوا بيجيبوا صورة للمشاكل بس فمع اول خناقة زوجية البنت تقلد الفلم الفلاني وتروح عند اهلها وتسيب البيت

اماااااااال ماهو لازم يتربى!!!!!

والراجل شرحة مع اول مشكلة لازم يدبحلها القطة ويفقعها علقة محترمة امال يبقى راجل ازاي؟؟؟؟ والا انتوا عاوزنها تركبوأ؟؟؟؟؟

اتذكر مرة كنت اتحدث مع خطيبي الأخير.. وقالي... الراجل لو دلع مراته تركبه!!!!!

ويومها انزعجت جدا من الكلمة دي فسالته على طول.. عشان كدا انت بقى مش بتدلعني

راح قايلي... انا بديكي على دماغك اول باول!!!!!!!!!

يانهار ابيض؟؟؟؟!!!!!!!! :) :) :cry: :mad: :mad: :twisted:

وحتى لو الأم موجودة... ما بتعلمش البنت ازاي تكون ام.. لأنه العلاقة بينهم بتبقى شخط وزعيق وخناق واعملي وما تعمليش

دا حتى الطبخ مش بتعلمهلها؟؟؟؟؟

انما بتعلمها ازاي توقع عريس عدل!!!!!!! وبعد ما تتجوز ازاي تركبة و"تقصقص ريشة"

لالالالا

امهات ايه بس يا استاذ كوكو

احنا ما ننفعش بجد :(

[Sharkiah]

كالفارق بين الألماظ الحر والزجاج

[kokowawa1979]

أنا مش مصدق عيني من اللي قريته من الدكتورة شعنونة والأخت شرقية على الرغم من أنهم يعتبرون وسوف يعتبرون من أمهات الجيل الحالي .

لكن واضح تربية أمهاتهم بتاعة زمان فيهم

وبعدين ياست الدكتوره : إيه حكاية خطيبك الأخير دي هو انت اتخطبت كام مرة!!!! :) :) :cry:

[بنت شعنونة]

:) :) :cry:

استاذ شرقية....... سيبلي انا الطلعة دي :D

اخ كوكو..."استاذ" شرقية راجل مش ست :cry:

هوا الأسم بس يلخبط شوية... :D :roll:

اما موضوع اتخطبت كام مرة ف مرتين..

وبعدين هوا حضرتك مصدوم ليه؟؟؟؟؟ :cry: :roll:

:D

[ragab2]

ماهو الفارق بين أمهات الجيل الماضي ( أمهاتنا) وأمهات الجيل الحالي 

(أمهات أبناءنا!!!

كالفارق بين الألماظ الحر والزجاج

عليه العوض

[kokowawa1979]

آسف جدا يا أخ شرقية على سوء فهمي لأن تاء التأنيث في شرقية شوشت على دماغ أخوك شوية

وبعدين يا دكتورة أنا مستغرب بس لأن الكلمة لفتت نظري بس :وآسف لك انت كمان ياستي واللا بلاش ستي دي لتحسبيني باكبرك في السن

[بنت شعنونة]

:cry: :cry:

لا عادي ولا يهمك

ما حصلش حاجا اصلا

انا كنت بسبستفسر على صدمتك من كلامنا عن الأمهات ليه؟:)

مش دا الواقع المؤسف :roll:

وبعدين على فكرة انا انتمي للجيل دا

لأن والدتي اتوفت وانا صغيرة وقبل ما تتوفي كان شغلها فترتين

يعني انا كمان ربيت نفسي بنفسي و بالتلفزيون

لكن لجل الحق

بابا كان معلم فاضل ليا في كيفية اصول التربية وان كنت اختلف معاه كتييييييييير جدا فيها :)

لكن ربنا يخليهولي لسا بيعلمني وبتعلم منه في اخواتي وفيا :cry:

[Elham]

معلش انا غير متفقه معاكم فى الموضوع ده فيه بنات كتير كويسين و عاوزين يستقروا و يربوا اولادهم صح و عدم وجود الام فى حياتهم اثر عليهم تأثير عكسى بحيث خالاهم اكثر اصرار على نجاح زواجهم و تربيه اولادهم بطريقه مختلفه عن اللى هما اتربوا بيها.

[بنت شعنونة]

كلامك صح يا الهام

في البعض كدا

لكن لو اتكلمنا فعليا

فيه كلمة بتقول فاقد الشيء لا يعطيه

يعني ازاي البنت ممكن تبقى ام وهيا تفتقد القدوة؟

او تفتقد المثيل اللي هيا عاوزة تبقى زيه؟او ها تقلده في بعض التصرفات؟

معنى كدا انها ها تبتدي تتعلم في ولادها

ودي مصيبة في حد ذاتها

ان الواحد يتعلم التربية في اولاده يؤدي الى كثبر من العقد النفسية عند الأطفال

صحيح احنا مش علماء

بس لازم يكون عندنا اصول الأول نمشي عليها

انما لسا ها نجرب؟

مش عارفا :roll: :?

[عمر بيك]

الفرق بين امهات الأن وامهات زمان هو ناتج من فجوه بين جيليين, جيل غير متعلم بالمفهوم الحالي و جيل ذهب للجامعه وارد الأنخراط في الحياه العمليه.

ان التغير الذي حدث كان سريع ولما تتمكن فيه الأم او البنت ان يتلاقوا فيه. أعتقد ان الأجيال القادمه سوف تجد الأسره أكثر امان وتفهم. المرآه في الفتره السابقه واجهات تغيرات كبيره في فتره قصيره وهذه الأخطار علي الأسره كانت متوقعه.

أن غريزه الأم دائما هي الغالبه وحتي في هذه الظروف الأم هي الأم. طبعا كثره الطلاق ظاهره سئيه ناتجه لظروف كثيره.

عمر!

[ابويحيى]

بسم الله والصلاة والسلام على رسول الله

يحكى ان واحد كان جالس في الاتوبيس يقرأ في مصحفه

وكانت على رأسه امرأة تنظر له ثم بعد حين سألته

الا اولي ياخويا هو صحيح ان القرآن فيه ان الستات ناقصات عقل ودين؟

فطأطأ برأسه وقال ياستي ده كان زمان ايام امهات المؤمنين اما انتم فلا عقل ولا دين . هه هه هه هه

[Salwa]

ها ها ها

انتم مين ؟........اسمها انتن.

مين بقى؟

الست بتاعه الاتوبيس.

والا كل الستات؟

جزاك الله كل خير.......ياسيدى المسلم الفاضل.

وسؤال ساذج من واحدة ...من الستات.

ازاى واحدة بلا عقل ودين...ممكن تربى اجيال من الرجال ...اصحاب

عقل ودين.

لااله الا الله

ولاحول ولاقوة الابالله.

[maksoof]

اتذكر مرة كنت اتحدث مع خطيبي الأخير.. وقالي... الراجل لو دلع مراته تركبه!!!!!

:(

طيب و ماله لو تركبه؟

:wink:

[ragab2]

وسؤال ساذج من واحدة ...من الستات. 

ازاى واحدة بلا عقل ودين...ممكن تربى اجيال من الرجال ...اصحاب 

عقل ودين. 

لااله الا الله 

ولاحول ولاقوة الابالله

فعلا

سؤال محير

[KWA]

أمهات آخر زمن : أم مصرية تبيع طفلها في المزاد !

حقا نحن في زمن العجائب، فلم تعد العجائب تقتصر علي الساحة العربية السياسية، بل تخطتها لتكسو معظم مناحي الحياة.

فقد كثر في الآونة الأخيرة عدد الجرائم الغريبة والتي ربما تكون غير منطقية ولا يمكن ان يستوعبها شخص عاقل، فبعد جرائم قتل الأبناء للآباء والأمهات وتشريدهم والتنكيل بهم وهم من اوصانا بهم الخالق احسانا، انتقلت العدوي اليهم ايضا وكأنهم يحاولون تقليد الابناء الجاحدين او الانتقام منهم لا ادري، ام ان القيامة قد اقترب موعدها؟

اولي القصص او الجرائم: تجردت سيدة من مشاعر الامومة، وقامت بطرد طفلها البالغ من العمر 3 سنوات فقط وتركته في احد شوارع العاصمة المزدحمة وحيدا يواجه المجهول، الي ان التقطه احد فاعلي الخير وعلي الرغم من ضيق معيشته والظروف الصعبة التي يعانيها، الا انه اشفق علي الطفل الذي وجده يبكي فقام برعايته وابلغ العديد من الجهات الاعلامية كي تساعده علي ايجاد اهله، ظنا منه ان هذا الطفل قد ضل الطريق.

وفي احد البرامج التليفزيونية التي يذيعها التليفزيون المصري ويقدمه المذيع المعروف طارق علام، اذاع خبرا عن الطفل وعرض صورته علي الشاشة وطلب ممن يتعرف عليه الحضور لاستلامه، الي هنا والامور تسير وفق المنطق، وبالفعل وصلت عدة مكالمات للتليفزيون، وتم التعرف علي من انجبت هذا الطفل، وظهرت في الأسبوع التالي بصحبته مع الشخص الذي وجده ورعاه طوال مدة غيابه.

وقد فجرت هذه السيدة مفاجأة مدوية اذهلت كل من تابع البرنامج، حيث قالت بأنها هي التي سربت ابنها عن عمد، وعندما استغرب المذيع اجابت ان زوجها هجرها، وليس لها مصدر دخل، فقررت التخلص من الطفل، وقد بدا الطفل مستغربا وقام بالالتصاق بالشخص الذي وجده وكأنه يقول له لا تتركني اعود الي هذه القاسية التي تركت فلذة كبدها، ورفضت ايضا ان تكمل تربيته ورعايته وسط ذهول كل من تابعوا البرنامج.

http://www.gn4me.com/mamnoo3/article.jsp?I...D=19463&order=1

[ragab2]

فقررت التخلص من الطفل، وقد بدا الطفل مستغربا وقام بالالتصاق بالشخص الذي وجده وكأنه يقول له لا تتركني اعود الي هذه القاسية التي تركت فلذة كبدها،

هذا

هو الفرق بين أطفال الأمس وأطفال اليوم