بنت شعنونة بتاريخ: 26 يناير 2003 كاتب الموضوع تقديم بلاغ مشاركة بتاريخ: 26 يناير 2003 سي السيد.. بس انا افسر الذكاء الاجتماعي الى "تملق" بلاش نفاق مادام كبيرة عليها :D يعني مثلا.. حماتي(اللي كانت) استلمتني مرة (الله يسامحها بقى) وقعدت توريني اكتر من 500 صورة ليها وهيا شباااااااااااااااااب؟؟؟؟؟؟؟؟ والله فعلا 500!!!!!!!! وهيا على البحر وهيا في حفلة ابصر مين وهيا في فرحها وهيا في الخطووووووووبة الخ الخ الخ لما دماااااااااااغي ورممممممممممممممممممت بذمتك دي اقولها ايه؟؟؟؟؟؟؟ في الأول قعدت اقولها الله يا طنط امورة خالص... حلوة تسريحة حضرتك هنا ... كلام كنت عاوزة اقوله فعلا وبعد الصورة ال 200 سعدتك انا ابتديت ازهق؟؟؟؟؟ خصوصا انها ابتدت تسال ابنها مين احلى يا ولد انا والا خطيبتك شعنونة؟؟؟؟؟؟؟؟؟؟ :twisted: :twisted: :twisted: وعديتها وبعد الورة ال300 ما قدرتش بجد كانت جاتلي حالة ملل جبارة خصوصا اني كنت جايا انا وخطيبي ومالحقتش اتهنى اقعد معاه يعني لقيت نفسي بقف وبقوله وكل وشي باين عليه الملل معلش انا مضطرة استاذن عشان زمانهم قلقوا في البيت وما استنتش اسمعها ومشيت..... موقف تاني.. هيا نفسها برضه..كان يوم عيد الأم انا نسسسسسسييييييييته من زماااااااااان لأن والدتي متوفية بقالها 9 سنين واكتر ايه ها يفكرني بيه بقى؟؟؟؟؟؟؟ المهم حظي النحس كنت عندها هناك فوجئت بيها بتبص في ايدي وبعدين ضربت بوز وهيا بتقولي الا ما قولتي كل سنة وانتي طيبة يا طنط!!!!! انا افتكرته عيد ميلادها فقلتلها كل سنة وانتي طيبة با طنط وعقبال مية سنى راحت قالبل وشها وقالتلي لا دا عيد الأم يا شعنونة "انتي مش عايشة في الدنيا"!!!!!!!! :( (طب ما هو انا فعلا مش عايشة في الدنيا :() يمكن لو ماما كانت عايشة كنت بقيت انا كمان عايشة..:( نزلت بعدها بنص ساعة والله واشتريتلها برفان محترم ماركة وغالي راحت بصت فيه ورمته على السرير......... طب قولي بقى اتصرف ازاي في الحالتين دول "بدكاء اجتماااااااعي"؟؟؟؟ وارجع واقو لالكلمة اللي دايما اقولها لوالدي لو كانت والدتي عايشة ماكنش حلي كل دا من حمواتي..:( اقتباس وانا من البلد ديييييييييييي رابط هذا التعليق شارك المزيد من خيارات المشاركة
se_ Elsyed بتاريخ: 26 يناير 2003 تقديم بلاغ مشاركة بتاريخ: 26 يناير 2003 يا شنشن جامليها يا ماما مافيهاش حاجة ... الله يسامحك .. اومال إن ماكنتيش عارفة طبع الستات يا أختي .، أسألينا أنا هما بيحبوا المجاملات دى. :D وبرضوا ماتسميهاش تملق وخلى المركب تمشي ، ده انتي كده تتعبي بجد ... وبعدين يعني والدتك الله يرحمها كانت هاتعمل أيه ؟ تروح معاكي فى كل زيارة أو تتكلم بالنيابة عنك !!! يا شنشن ماحدش بيعيش لحد ومصيرك هاتروحي بيت ابن الحلال وياما هاتشوفي من الحموات اللى بيبقوا عاملين زى الأطفال ، بكلمة أو مجاملة بسيطة تكسبيها فى صفك وهى تبقى من أكتر المدافعين عنك فى أى موقف ، وبكلمة تانية او تطنيشه - زى بتاعت عيد الأم كده - تعلن عليكي الحرب وتحطك Black Listed ويتم تصنيفك ضمن محور الشر وخدى عندك بعد كده ما لذ وطاب من التلاكيك. اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Spider بتاريخ: 27 يناير 2003 تقديم بلاغ مشاركة بتاريخ: 27 يناير 2003 اتذكر برضه مرة كنت بتفرج على برنامج هالة سرحان عن موضوع اللمبي وكانوا بتكلموا على ام كلثوم انها "كــــــــــــوكـــــــــب الـــــشــــرق"زي ما تكون الــــــــــــــه الشرق؟؟؟؟؟ يومها ما قدرتش وبعتلها ايميل وهيا تفضلت مشكورة قريته انه بلاش عظم المغنين كدا لأنه زيها زي اي حد مجرد "مؤدية" او مغنية وليست مطربة كمان وغيره وغيره لى بس تعليق على الجزء ده يا أخت شعنونة ولا تعتبريه دفاعا عن هالة سرحان أو برنامجها لأنى أكرهها بشدة هل فعلآ أم كلثوم كانت فقط مجرد مؤدية حتى ليست مطربة فماذا تسمى أنت صوت أيهاب توفيق التى تعجبى به... أعتقد أن العرب لم يجتمعوا على شىء كما أجتمعوا على سماع صوت أم كلثوم العذب فكان يوم الخميس الأول من كل شهر يستعد الجميع فى كل البلاد العربية بالأنتظار الى جانب الراديو لسماع أغنيتها الجديدة. وأيام الكلية كان عندنا دكتور كان دائما ما يقول أنك تجد الناس فى دولة مثل باكستان يستمعون الى أغنياتها رغم أنهم لا يعرفون العربية . وأتفق معكى أنها لم تصنع تلك الأغنيات بنفسها ولم تضع لحنا بنفسها ولكن ألا تتفقين معى أن أختيارها لأغانيها كان صائبا .لقد كانت تغير بعض الكلمات التى لا تستطيع أن تتذوقها وحدث هذا فى قصيدة أنت عمرى .تلك السيدة أيضا جلبت 2 مليون جنية لصالح المجهود الحربى فى عز الرخص من حفلاتها فى كل أنحاء العالم وده كان أيام الملهم الله.........بيته اللى خربها وقعد على تلها وكون أنها لا تصنع أغانيها لا يقلل من شأنها لأنه ببساطة مش أى حد يقدر يغنى ولا يأدى بالشكل ده تلك السيدة كانت حينما تقف بجانب الميكروفون تقف على بعد متر كامل منه وأنت عرفة الصوت كانت شدته ازاى وهذه الأيام أنظرى الى المؤديين بتوع اليومين دول الميكروفون لازق فى بؤهم ده أذا مكانش حيبلعه . أنا أقصد أن تلك السيدة بالذات تستحق لقب كوكب الشرق عن أستحقاق وكفايا أن قصائدها لسا عيشة الى الآن بيننا وأن لم أقصد بهذا أن أضع شخصا ما فوق النقد ولكن بجد الست دى مطربة ونصين تلاتة وأستثناء من الجزء الذى أقتبسته من مداخلتك فأنا أتفق مع ما قلتيه فى باقى الماخلة لما وصلنا اننا بقينا مقدسين ومقدسات مش معجبين ومعجبات :? أتفق معك بان هذا هو الخلل اقتباس ربنا لا تؤاخذنا بما فعل السفهاء منا. With great power comes great responsibility وحدة المرء خير ......... من جليس السوء عنده وجليس الصدق خير ... من جلوس المرء وحده رابط هذا التعليق شارك المزيد من خيارات المشاركة
بنت شعنونة بتاريخ: 27 يناير 2003 كاتب الموضوع تقديم بلاغ مشاركة بتاريخ: 27 يناير 2003 يا سي السيد كل شيء وله حد :( عموما هيا كانت حاطاني في دماغها من غيرحاجا :? سبيدر :D طب تصدق لما فكرت فيها فوجئت اني مش لاقيا ولا واحدا ممكن اقول عليها "مطربة" ام كلثوم صوت قوي جدا كصوت.....يعني علميا.. انا فاكرة اني مرة قريت انهم عملوا بحث عليه لقوه اقوى صوت نسائي بس انا في رائي انها مش مطربة على راي صافيناز كاظم لما قالت " دي ام كلثوم كانت بتقول حب اييييييييه اللي انت جااي تقوووول عليييييه" زي ما تكون بتتخانق :) انا مش بقول ان بتوع اليومين دول عدلين بس كل وقت وله ادانه :) اقتباس وانا من البلد ديييييييييييي رابط هذا التعليق شارك المزيد من خيارات المشاركة
Spider بتاريخ: 27 يناير 2003 تقديم بلاغ مشاركة بتاريخ: 27 يناير 2003 انا فاكرة اني مرة قريت انهم عملوا بحث عليه لقوه اقوى صوت نسائي ده صحيح وأنا قرأت عن هذا البحث فى كتاب زمان أيام الثانوى يعنى تقدرى تعتبرى صوتها ظاهرة لن تتكرر على راي صافيناز كاظم لما قالت " دي ام كلثوم كانت بتقول حب اييييييييه اللي انت جااي تقوووول عليييييه" زي ما تكون بتتخانق أنا برده أتذكر واحد صاحبنا كان فى برنامج حوار صريح من كام رمضان فات وكان مشهور أنه هاجمها أو مبيحبش يسمعها وحينما سألته المذيعة حد يكره سومة قال لها بدون أنتظار وكأن الأجابة جاهزة على لسانه "أنا مش مستعد أعد أشوف وحده لمدة ساعتين بتأطع فى منديل" :? شوفى سبحان الله يعنى المنديل هو المشكلة عنده بصراحة يا أخت شعنونة هناك من هم دائما أعداء النجاح حتى لو على منديل يبقى الشخص وحش قصائد أراك عصى الدمع ،من أجل عينيك، حديث الروح (وهى أغنية دينية) ومرت الأيام وهذه ليلتى كلها روائع ملهاش حل هل سمعتى المقدمة الموسيقية لهذه الأغانى أو لأغنية أنت عمرى والله يا أخت شعنونة شىء خرافى شىء ياخدك لعالم تانى أنا عارف أن الموسيقى أذواق وأنا لى بعض الأصدقاء لا يستمعون اليها ولكن يا أخت شعنونة أذا لم يطربك صوتها فأننى أشك أن تجدى أى صوت آخر يطربك ألا أذا كنت من كييفة سماع نجاة مثلا صاحبة الصوت الهادىء لكن بجد مرة أخرى أم كلثوم وأغانيها وصوتها وأسطول الملحنيين العباقرة فى زمانها شىء سبيشيال جدا ولن يتكرر اقتباس ربنا لا تؤاخذنا بما فعل السفهاء منا. With great power comes great responsibility وحدة المرء خير ......... من جليس السوء عنده وجليس الصدق خير ... من جلوس المرء وحده رابط هذا التعليق شارك المزيد من خيارات المشاركة
mnman بتاريخ: 27 يناير 2003 تقديم بلاغ مشاركة بتاريخ: 27 يناير 2003 الله يكون في عونك يا شونشن .... الظاهر انك موعودة بالحموات الفاتنات.... أية رأيك ان والدتي أيام ما أخي الكبير كان خاطب كانت معجبة جدا بخطيبتة سابقا و زوجتة حاليا... و كانت هي الي بتشترلها هدايا و تدافع عنها لو في مشكلة بينها و بين أخويا.... ويوم الشبكة مراتة أختارت شبكة أغلي من المتفق علية و أجبرت أمي والدي علي دفع الفرق هدية للعروسة لآن أخي مكنش عامل حسابة أو بالاصح مكنش معاة فلوس.... و مازالت أمي معجبة بزوجة أخي لدرجة أنها بتدعيلي في التليفون كل ما أتصل بيهم و تقولي ربنا يرزقك ببنت حلال زي مرات أخوك... وتعد ترصصصصصص قصيدة مدح... اللهم لا حسد... و حاليا كل ما تنزل والدتي القاهرة و اتصل بيهم هناك يرد أخي و يقول دول خرجوا يشتروا شوية حجات ... أنا حكيت لية الموضوع لان لية شقين الاول الاعجاب حيث ان والدتي وزوجة أخي بصراحة سمن علي عسل... ثانيا مش كل الحموات زي بعضها... وان شاء الله تلاقي بن الحلال و حمة زي السكر..... الاخ العزيز ... سي السيد.... اعجبتني ردودك جدا. شعنونة.... أعجبني ردك المفحم علي بعض المداخلات. الاخ عمروا.... اعجبني أيمانك و التزامك... بس و متفهمنيش غلط... الاعجاب مش حرام لو بالاصول... اقتباس إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
بنت شعنونة بتاريخ: 28 يناير 2003 كاتب الموضوع تقديم بلاغ مشاركة بتاريخ: 28 يناير 2003 منمان :lol: الله يكرمك ويوعدك بواحدة سكرة كدا زي مراة اخوك انما انا :lol: :lol: لالالالالالالالالا اعلنت راية الأضراب عن الزواااااااااااج للأبد :lol: :lol: لا ابن الحلال ولا الحماة يا عم انا نااااااااااااقصة.. كفايا اللي شفتوووووووووا :( اديني رافعاها من سنتين وزيادة اهو... اللهم اذا اصروا على اني اتجوز ها اتجوز اي "كائن" يجيبوهولي لزوم تكميل المظهر الأجتماعي والخروج من دايرة "بنتك عنست يا دكتر"....زي ايام ما وافقت على العريس المعهد خدمة اجتماعية عشان اخلص وخلاص :? اقتباس وانا من البلد ديييييييييييي رابط هذا التعليق شارك المزيد من خيارات المشاركة
بنت شعنونة بتاريخ: 28 يناير 2003 كاتب الموضوع تقديم بلاغ مشاركة بتاريخ: 28 يناير 2003 معلش يا جاماعا حصل خطا مطبعي وانا بنقل الكلام سووورررررررريي عدوا الفقرة الطويلة اللي في النص دي خطأ مطبعي :lol: :lol: :lol: :roll: :roll: :roll: :roll: :roll: اقتباس وانا من البلد ديييييييييييي رابط هذا التعليق شارك المزيد من خيارات المشاركة
mnman بتاريخ: 28 يناير 2003 تقديم بلاغ مشاركة بتاريخ: 28 يناير 2003 شونشن كتبت: منمان الله يكرمك ويوعدك بواحدة سكرة كدا زي مراة اخوك الله يخليكي.... بس انا مش مستعجل لسة ملفتش العالم كلة... ناقص كام دولة و بعدين أبداء أحوش للجواز.... :cool: :cool: :cool: شونشن كتبت: انما انا لالالالالالالالالا اعلنت راية الأضراب عن الزواااااااااااج للأبد لا ابن الحلال ولا الحماة يا عم انا نااااااااااااقصة.. كفايا اللي شفتوووووووووا اديني رافعاها من سنتين وزيادة اهو... اللهم اذا اصروا على اني اتجوز ها اتجوز اي "كائن" يجيبوهولي لزوم تكميل المظهر الأجتماعي والخروج من دايرة "بنتك عنست يا دكتر"....زي ايام ما وافقت على العريس المعهد خدمة اجتماعية عشان اخلص وخلاص اسمحي لي ياشانا ... لو في دماغك مثلا هدف معين او حلم نفسك تحققية قبل الجواز نقول ماشي أنما أضراب كدة علشان شوية مواقف ... لآ .... و نصيحة أخ سيبك من حكاية عنست دي.. اقتباس إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
freefreer بتاريخ: 28 يناير 2003 تقديم بلاغ مشاركة بتاريخ: 28 يناير 2003 بكل أسف خرج الموضوع عن مسارة .. و تطرق الى اهانات مباشرة و غير مباشرة للمشاركين و تجريح .. و لقد صبرت على امل انفراج الموقف .. فلم يحدث .. و لذا تم حذف الماخلات الخارجة و الردود عليها .. مع اعتذارى لكل من قمت بحذف و تعديل ردودة .. ارجوا عدم الخروج عن الموضوعات مرة اخرى .. و يمنع منعا باتا اهانة المشاركين .. و رجاء لمن له شكوى ان يرسلها عن طريق الماسينجر .. و شكرا اقتباس بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 ) رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.