حوار صريح جدا جدااااا...

[بنت شعنونة]

هيا فكرة انا كنت عملتها في منتدايا

وقلت اتشجع واعملها هنا

ف ياريت تقولوا ايه رايكم نعملها ونبتدي فيها والا نسكت؟ :) :roll:

الفكرة عبارة انه

ها نختار شخصية من المنتدى ونسالها اسالة ..شخصية سياسية دينية اي حاجا على طريقة برنامج حوار صريح..;)

وهوا مفروض يجاوب عليها من باب التعرف اكتر على الشخصية

اللي ها يحصل انوا لو انتوا موافقين اول خمس اشخا ياريت يكتبوا اسم الشخص الي عاوزين يسالوه ويعرفوه اكتر

والأسم اللي ها يتكرر اكتر هوا اول ضحية ;)

مع مراعاة انه يكون شخص يتواجد في المنتدى عشان الموضوع مايخدش سنييييييينعلى ما نسمع ردوده :D

يالله ميييييييين اول ضحية؟؟ :cool:

على فكرة... صاحب الموضوع برا الموضوع اوكككككككي :wink: :)

انا عاوزة ارشح شخصيااااااات كتييييير بس اول واحد ها اكتبه بعد ما اسمع رايكم

اللي موافق يكتب اسم واحد فقط لو سمحتم :D

[se_ Elsyed]

لأ إزاى يا شنشن لازم تشربي من نفس الكاس ، وأنا عن نفسي هارشحك أنتِتبقي أول واحدة . لا تراجع ولا استسلام . :D

[mnman]

انا كمان ارشح شونشن.... شونششششششششن شونششششششن هو هو هو .... :D :D :D

[disappointed]

شفتى بقى يا شعنونه؟؟؟؟

:roll: :roll: :roll:

على رأى عادل امام :

بتحطّوا نفسكم فى مواقف بااااايخاااااا

:D :D :D

[mnman]

أول سؤال يا شونشن:

أي مهنة احب الي قلبك الطب ولا العمل الحر (زي ماقلتي فانتي كان عندك ميكروباص او شريكة علية و بعدين محل خضار).. وما مدي الضيق لو ناداكي حد بمثلا يامعلمة؟ وهل اثرت هذة المهن علي سلوكك الشخصي بمعني اكتساب خبرة في التعامل مع الناس كل علي حسب مستواة الفكري والثقافي.. فمع سائق الميكروباص او باياعين الخضار انت المعلمة شونشن و مع الاصدقاء الدكتورة المثقفة شونشن؟؟

الاجابة بالتفصيل الممل لوسمحتي.... :D :D :D

[se_ Elsyed]

لي إضافة بسيطة وهامه على سؤال الاخ مانمان ... هو الميكروباص كان شغال على انهو خط يا شنشن ؟ ... تفرق كتير طبعاً وأرفع يابنى الربع جنية اللى على الأرض ( هأ هأ هأ ) بتوع الميكروباص بيبصوا للزبون على انه ربع جنية أو نص جنية حسب الخط :wink:

[بنت شعنونة]

لالالالالالالالالالالا

:D :D :cry:

لا والله انتوا بتهرجوووووووواااااااا

ها اعييييييطططط :cry: :? :?

لا بجد رشحوا....... ما تبقوش متفريين على الغلبانة شعنونة :wink: :shock: :D

انا عن نفسي كنت ناوية ارشح.....

د.محبط :) :D

شفتوا نيتي كانت سلييييييييمة ازاي :wink: :roll:

رشحوا بقى بجد... وانا والله ها يجي عليا الدور ..

بس بلاش الأحراج دا من اولها كدا :D :D :D :D :D :D :D :D :D :roll: :roll: :roll: :roll:

[se_ Elsyed]

اوكى اوكى ... نبقى جد شويه .. برضوا نختارك أنتِ يا شنشن .

[mnman]

وبعدين يا شنشن حنحمرق من اولها ..... جاوبي علي السؤال من غير حمرقة........ :D :D :D

وربنا معاكي... دا انا محضرك شوية اسئلة :D :D :D :D

[abofasad]

حسب معلوماتي، فإن كلمة شعنونة كانت تطلق على البنت اللي كانت عاوزة تطلع ولد، يعني شقية زي الولاد

فهل انت فعلا شعنونة يا شعنونة؟

ولازم يكون ردك صريح لأننا في حوار صريح

[بنت شعنونة]

اوباااااااا

:D :D

كلكم علياااااااا والا ايييييييييييه :mad:

ماااااشي مااااااااشي

ها ابتدي انا...

بس الي بعدي ها يكون اللي انا اختاااااااااااره

سامعني يا منمااااااااااااااااااان

:wink: :wink: :cool: :cool: :cool:

[بنت شعنونة]

حسبي الله ونعم الوكيل فيييييييييكووووو :roll:

منمان....

بص يا سيدي..

الميكروباص كان بتاعي شخصيا... هوا مربح جدا يعني انت بتطلع في الشهر بحوالي 2000 جنيه

مشاكله بقى السواقين كلهم حرامية و المرور حرامية اكتر منهم

بس مشكلتي الرئيسية كانت في التعامل مع السواقين :?

اصل انا ازعة بعيد عنكم وياااااااادوبك ابان من الأرض

فكانوا بيسرقوني عيني عينك وانا مش عارفا ولا فاهما

فرحت بايعاه :neutral:

موضوع الطب بقى والعمل الحر

انا بكره لطب عمىىىىىىىى

ليه بقى...

انا امشي على مبدا من عمل منكم عملا فليتقنه

ماعنديش استعداد اني ابقى دكتورة نص كم او من غير كم خالللللللص

اديني عيان دوا وهوا وحظة بقى خف او لا

اففففففف

بكره الموضوع دا قوي خوصا اني عارفا اني جاااااااهلة طب...مع ان اساتذتي دايما يقولولي

يا شعنونة يا بنتي انتي مابتذكيش خالص لكن في العملي انتي ممتازة و المرضى بيحبوكي

منيييييييييين معرفش!!!! :?

عشان كدا عايزا اشتغل ايييييييي حاجا في الدنيا غير المهنة دي

لأنها انسااااااانية بحتتتتتة ولو انت مش انسان و :فــــــــــأهم" انت بتعمل ايه يبقى خليك برا احسن...:(

موضوع الخضار بقى دا كان متعععععععة

كنت بتهددددد فيه فعلا باخرج من 5 الفجر اروح الوكالة اجيب الخضار طبعا لابد من لبس خاص للوكالة والا مش ها يفهموني

وطبعا زي ما قلتلك قبل كدا كنت "الأنسة" الوحيدة هناك وسموني الحجة ام سمر :? :D

كلامي كان بلدي زيهم

يا عم... اخويا... "يا حجيجة" اتعلمتها هناك دي... اخوياا بكااااام دي

حجات كدا وبدل ما بقيت اقول جنيه كنت اقول جنييي زيهم المهم كان لازم اكون منهم

اذا اردت ان تامن مكر قوم فلابد ان تتعلم لغتهم

ايه يعني لما ينادوني معلمة!!!

حرام؟ ولا عيب؟؟

طول عمري بعمل اللي في مزاجي وبس مادام مش حرام يبقى ما يهمنيش

بالنسبة ليا

احب اعيش كل حاجا واي حاجا..

العمر قصير قوي فلازم نلحق نعمل اللي عاوزينه...

على فكرة يا منمان

ازيدك من الشعر بيت...

انا مرة سقت السوبرجيت وانا عندي 19 سنة :D

بس سقته لأخر الشارع بس :D

واشتغلت مندوبة مبيعات.. سكرتيرة كمبيوتر..Dj....

واييه كمان اييه كمان... هممم والله ما فاكرة دول اللي فاكراهم دلوقتي

ااه افتكرت اشتغلت ممرضة لدكتور سنان لمدة اسبوع بس :D

الأخ ابوا الفصاد

انا اول مرة اعرف ان معناها كدا؟؟؟؟؟!!!!!

معلوماتي انها بنت خفيفة مرحة شقية سريعة الحركة

وانا دول :D :roll: :D

بس مسترجلة دي!! اول مرة اعرفها

ولو اني مش ها انكر اني مسترجلة :D

عشان اعرف اعيش في دنيا عجيبة زي دي

كدا فينيتووووووووواااااااااااا

:D :roll:

[amoun]

على قد ما انا معجب بذكائك يا شعنونة لكنى حزين انك بعد السنين الطويلة فى دراستك تتخلى عن مهنتك

[الطفشان]

شعنونة معناها حسب ما اعرفه هو

بنت شعنونة، يعني كل شوية يطلع لها جنونة و تطيح في اللي حواليها

جات لها الشعنونة، يعني ابعد من وشها الساعة دي احسن مش حيحصل كويس

[بنت شعنونة]

استاذ امون..

ومين سمعك..:(

لكن بالعقل انه ارحم

اني اضيع كام سنة من عمري كهواية و الا اني اضيع حياة انسان لمجرد قلة خبرتي!!!

محدش ها يحس اللي انا حسيتوا لما ماما اتوفت بسبب غباء دكتور غبي..:(

استاذ طفشان

الله الله الله :D

لبه بس كداااااااااااا

دي كدا اسمها مجنونة مش شعنونة :D :D :roll: :D :D

ما تشبهوناش والنبي :D :D :cool:

[الطفشان]

و الله يااااااااااا اخت شعنونة داااااااااا المعنى اللي اعرفه

اسالي حد من قرايبك العواجيز زيي، و شوفي حيوقولولك ايهههههههه

[علي]

الشَّعَنُ، محرَّكةً‏:‏ ما تَنَاثَرَ من وَرَقِ العُشْبِ بعدَ يُبْسِه‏.‏

وأشْعَنَ‏:‏ ناصَى عدُوَّهُ‏.‏

وشَعَرٌ مَشْعُونٌ‏:‏ مُشَعَّثٌ‏.‏

واشْعانَّ شَعَرُهُ اشْعِيناناً،

فهو مُشْعانُّ الرَّأسِ‏:‏ ثائِرُه، وأشْعَثُه‏.‏

ومجنونٌ مَشْعونٌ‏:‏ إتْباعٌ‏.‏

http://www.al-eman.com/Islamlib/viewchp.as...=142&CID=622#s1

[amoun]

استاذ امون..

ومين سمعك..:(

لكن بالعقل انه ارحم

اني اضيع كام سنة من عمري كهواية و الا اني اضيع حياة انسان لمجرد قلة خبرتي!!!

محدش ها يحس اللي انا حسيتوا لما ماما اتوفت بسبب غباء دكتور غبي..:(

عارفة يا شعنونة ان الماس يحتاج صقل بعد استخراجة من باطن الارض؟

كذلك الطبيب و اعذرينى اذا قلت لك ان عذرك غير مقبول

مش معنى ان دكتور غبى تسبب فى وفاة والدتك رحمها اللة(وجعلنا لكل اجل كتاب) تقومى تسيبى الطب

الخبرة تيجى بالقراءة و الممارسة و الاطلاع والاحتكاك مع الاطباء الاكبر منك و مش معنى انك اتخرجت تبقىقادرة على ممارسة المهنة دون اخطاء صدقينى اتشجعى كدة و اقرءى و مارسى مهنتك و سجلى للدراسات العليا فى تخصص تكونى بتحبية و ربنا يوفقك ان شاء اللة.

[se_ Elsyed]

تصدقى بالله يا شنشن أنا باحسيبك كله ده بتهرجى بخصوص الميكروباص ومحل الخضار ، لأن أنت قولت انك كنت عايشه فى السعودية فلحقتي تشتغلي ده كله أمتى ، بس عن نفسي عمرى ماشفت بنت شجاعة اقتحمت المجالات دى ... برافو عليكي والله

بس ياترى عندك كام عجلة ماشية فى السوق دلوقت ( ماهم بيسموا الميكروباص أو التاكسي عجلة بلغة السواقين ) ؟

وبما أنك عندك عقلية تجارية فخلينا نبقى نعمل مشروع سوى أنا امول وأنت تديري بس بعد إذنك ناخد معانا " ست أمينة " كممول تانى علشان أنا وهي فكرنا فى مشروع نعملوا سوا .

اما بالنسبة لتركك لمجال دراستك وخاصة لما يكون الطب فحرام حرام حرام ، وبعدين الاعمار بيدي الله وأى مجال بيكون الخطأ وارد فيه دا احنا بشر ن وإذا كان على الفوط والمقصات اللى بتنسوها فى بطن العيانين فيا ستي " جل من لا يسهو "

فيه ناس أصدقائي أطباء غيروا مجالهم وبقوا مندوبين مبيعات مستلزمات طبية ، وانا متضايق منهم جداً وفى الرايحة والجاية أبكت فيهم ، مع ان الشغل بالتأكيد فى اى مجال حلال مش عيب لكن أنا فى أعتقادى مجال الطب من المجالات اللى صعبة الواحد يسيبها بسهولة ويغير لأى حاجة تانية.

[mnman]

شونشن كتبت:

سامعني يا منمااااااااااااااااااان 

:) :lol: :lol:

سا سا سا سامع يامعلمة شنة. :lol: :lol: :lol:

شونشن كتبت:

اصل انا ازعة بعيد عنكم وياااااااادوبك ابان من الأرض

:D :D :D

شونشن كتبت:

وبدل ما بقيت اقول جنيه كنت اقول جنييي 

مرحب ام اسكندر.... :D :D :D

بس بجد بجد عفارم عليكي :wink: :wink: ... و موضوع الطب انصحك تفكري تاني زي كل الاخوة منصحوكي....