اذهب إلى المحتوى
محاورات المصريين

الزواج:معقد أم نحن الذين عقدناه؟

Sherief AbdelWahab

بواسطة Sherief AbdelWahab
في الأسرة و الطفل

 مشاركة

Recommended Posts

Sherief AbdelWahab عضو جديد

Sherief AbdelWahab

بتاريخ:
بتاريخ:

هناك أفكار متعددة في مصر و بلدان عربية أخرى لتيسير الزواج...كلها بعكس فكرة جباية الزكاة أفكار حسنة النية...واجتهادات مشكورة لأصحابها...لكن هل الناحية الاقتصادية فقط هي التي تعوق الزواج؟

هل للتفكك و الأحقاد البينية داخل الأسر و بعض العقليات فيها دور في أن يصبح الزواج مستحيلا رابعا أكثر استحالة من الغول و العنقاء و الخل الوفي؟

هل للمظاهر الاجتماعية الغريبة التي بدأت تنتشر بوحشية في أواسط التسعينيات بعد أن كانت مسيطرة قبلها دور في تعقيد مسألة الزواج؟

هل للتنشئة دور في إعاقة الزواج؟

كل هذه أسئلة يهمنا الاجابة عليها حتى نجد حلا لمشكلة تواجه الكثيرين من جيلي و من الأجيال القادمة...

خلص الكلام

Sherief El Ghandour<br /><br />a furious Egyptian

رابط هذا التعليق
شارك
mnman عضو جديد

mnman

بتاريخ:
بتاريخ:

الاجابة سهلة خالص... اذا دخلت المادة من الشباك هرب الزواج من الباب :cry: :D ..

لو افترضنا شاب من اسرة متوسطة الحال اتخرج سنة 2000 عن عمر 21 سنة اشتغل علطول ولا جيش ولا دوخة لحد ما يلاقي شغل.. مرتبة 500 جنية قول 1000 علشان محدش يزعل... اقل شقه دلوقتي تمليك بحوالي 150 الف جنية .. فرضا جدلا ان الشاب حيحوش 500 جنية شهريا دة معناة 25 سنة لشراء الشقة نقول 15 الي 20 سنة في المتوسط بفرض زيادة المرتب وبالتالي يحوش اكتر... يبقي حيتجوز عن سن من 36 الي 40 سنة ودة بفرض مرتب 1000 جنية وان خلال الفترة دي هما 500 جنيةشهريا للملبس والماكل والفسح (ولا هو مالهوش نفس يتفسح) .

تعالي بقي لو المرتبات زي الاسكندرية مثلا منخفضة ونقول 500 جنية شهريا اول عن اخر دة محتاج كام سنة تحويش..

وعلشان مكنش مبالغ في اسعار الشقق نقول في رخيص ويبقي سن الجواز من 30 الي 35 سنة دة لو ربنا قدرة ومعاة مهر وشبكة وعفش وشقة..

يعني المسالة مادية بحتة... وكان الله في عون شباب مصر..

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
yasser6666 عضو جديد

yasser6666

بتاريخ:
بتاريخ:
يعني المسالة مادية بحتة... وكان الله في عون شباب مصر..

يا عزيزي منمان ..لو كل الناس حسبتها زيك كده يبقي مفيش حد حيتجوز ابدا...احب اؤكد لك ان الحسابات بالورقة والقلم شئ والواقع شئ اخر..مع انهم نفس الشئ ولكن دائما بيكون فيه مساعدات من الاهل والاقارب والاصحاب لم نكن نتوقعها واتذكر انني واصدقائي دائما كنا نتكلم في هذا الموضوع منذ عشرة سنين تقريبا والاحباط يملؤنا وخاصة اننا جميعا من العائلات المتوسطة التي تدفع تمن كل شئ بتحصل عليه...ولكن عندما اتذكر هذا الان ابتسم لاننا جميعا وبدون استنثناء متزوجين ونعول كمان وموضوع تلاتين سنة دة كلام نظري بحت !!!!

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك
الطفشان عضو جديد

الطفشان

بتاريخ:
بتاريخ:
اقل شقه دلوقتي تمليك بحوالي 150 الف جنية .. فرضا جدلا ان الشاب حيحوش 500 جنية شهريا دة معناة 25 سنة لشراء الشقة  نقول 15 الي 20 سنة في المتوسط بفرض زيادة المرتب وبالتالي يحوش اكتر... يبقي حيتجوز عن سن من 36 الي 40 سنة

و دة برضه يفترض ان سعر الشقة حيفضل ثابت لمدة 15 او عشرين سنة

و برضه يفترض ان التضخم صفر، و ان القوة الشرائية للفلوس حتفضل هي هي

و لذلك اضرب في (مثلا) من 3 الى 5% في السنة، و شوف حتطلع كام

حتطلع اكثر طبعا

و بعدين لسة العربية، و الاجهزة الكهربائية، و المهر، و الفرح الخ

الشعب اراد الحياة و القيد انكسر

رابط هذا التعليق
شارك
mnman عضو جديد

mnman

بتاريخ:
بتاريخ:

عزيزي ياسر.. اعذر فضولي بس لو والدك قدر يساعدك للحصول علي شقة ولو بـ50 الف فدة مش متوفر لواحد علي عشرة من شباب مصر.. والمرتبات تعبانة دة لو لقيت شغل.. انا لية زميل عزيز اتخرج في نفس السنة معايا بيشتغل الان في مصلحة الكمياء بمرتب200 جنية بالله عليك دة حتي لو توفرت لة السكن يعيش منين.. ربنا موجود لكن اعقلها وتوكل..هل بالمرتبات دي يقدر حتي يدخل سينما ولي الميزانية تخرب.. الموضوع مش جواز والسلام .. صدقني ياعزيزي المسالة مادية بحتة.. والعشر سنوات الفرق دول الي انت تزوجت فيهم الاسعار زادت متين المية ويمكن اكتر.. زيارة صغيرة لنت لاي شركة سمسرة وانت تشوف اسعار الشقق بلاش نقول المهندسين ومدينة نصر خليها 6 اكتوبر الاسعار من 50 الي 100 الف وسلم لي عي المواصلات... هو الشباب المصري احبط من شوية.. ياراجل خلي الواحد ساكت.. والحمد لله علي كل شئ..

الطفشان Posted: Tue Nov 26, 2002 7:03 pm    Post subject: 

و دة برضه يفترض ان سعر الشقة حيفضل ثابت لمدة 15 او عشرين سنة 

و برضه يفترض ان التضخم صفر، و ان القوة الشرائية للفلوس حتفضل هي هي 

و لذلك اضرب في (مثلا) من 3 الى 5% في السنة، و شوف حتطلع كام 

حتطلع اكثر طبعا

فتتني حكاية التضخم دي.. عفارم عليك ياطفشان ياخويا..

:D :D :D

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
Cleo عضو جديد

Cleo

بتاريخ:
بتاريخ:

فى رأيى أن السبب الرئيسى وراء فشل مشاريع الزواج هو انتشار العنف فى الفكر المصرى.....

يعنى ربنا بيقول " و جعلنا بينكم مودة و رحمة" إنما احنا بقينا بنتجوز على طريقة "وأعدو لهم ما استطعتم من قوة"

يعنى الناس بتدخل المواضيع دى أصلا مستبعدة النية الحسنة فى الطرف الثانى و كل طرف بيكون متحفز للطر الآخر من أو لقاء .....!!!!!!!!!!!!!!!!!!

بعد ما ربنا ييسر و يبقى فيه موافقة من الطرفين و الموضوع يمشى... يبتدى كل واحد يحاول يثبت وجوده... فالشاطر هو اللى يسيطررررر على الثانى و هو اللى يعرف ياااااااخد من الثانى أحسن بضاعة (!!!!!!!!!!!!!!) و يا سلام لو قدر انه يكسر الثانى مش بس يسيطر عليه (!!!!!!!!!!!!)

و كثيرا ما نجد أن أحد الطرفين (الولد أو البنت) بيشكل عصابة منظمة مع أهله لا هم لها سوى انهم يقرفوا الثانى فى عيشته و ينكدوا عليه و يسقوه الأمرين (والله و بيعملوا كده بقصد ...!!!!!!!!!!!!!!!!!!!!!!!!)

و يمكن كل ده بيرجعنا لموضوع "طلقنى" الذى أثارته الأخت شعنونة و ما أورده الأخ الطفشان عن الدين الطقوسى.... فالناس أصبحت لا تعامل بعضها بالحسنى و لا تدفع السيئة بالحسنة...... يعنى معاملة جاهلية مش معاملة إسلام....

ربنا يهدينا جميعا.....

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Sherief AbdelWahab عضو جديد

Sherief AbdelWahab

بتاريخ:
  • كاتب الموضوع
بتاريخ:

وأضيف:

أصبحت العديد من العائلات في مصر مفككة...وانتشرت الأحقاد و الكراهية بين أفراد العائلة الواحدة...إلى حد رسخ في الأذهان مقولة أن الأقارب ...عقارب!

و مشكلة الشاب و الفتاة مع الأقارب يمكن إيجازها كالتالي:

حفاظا على المظاهر...يجبر الشاب على أن يعرف الفتاة على أهله...وتجبر الفتاة على أن تعرف زوج المستقبل على أقاربها......وعشان "دول أهل"..مفيش مانع يتدخلوا في التفاصيل الفارغة بين الطرفين "أنا قريبته و عايزة أشوف الشبكة عشان أدي رأيي فيها"-مثلا...قبل دعوتهم الاجبارية إلى الفرح...علما بأن منهم من يكره العريس ...وأبا العريس...وأمه...و منهم من يكره العروسة و أباها و أمها...و منهم من هو مستاء من الزيجة...والكل يصطنع مشاعره في ليلة الزواج التي لا بد أن يدعى فيها كل البشر!...و إلا أونكل فلان يزعل...أو تانت فلانة تطق!...و بناء عليه سيتحدد موقع العروس أو العريس في الحر(و)ب العائلية الداخلية...والذي يبدأ من بعد الفرح بالسخرية من العريس أو العروس أو أهلهما أو بعض أهلهما "شوف شعر العروسة وحش إزاي...أهل العريس يا تانت "بيئة" خالص...وهكدا"!

و لأن الكثيرين من السادة الأقارب في تلك الحالة "عالم فاضية"...أو ينتمون لأسر مفككة..أو فاشلون عائليا...فـ"بالبلدي" "يعملو ا العريس و العروسة الجداد اشتغالتهم"...و يمسكوا لكل طرف على الواحدة...و يشنعوا عليه بأبشع الكلام...و...و...

للشاب و الفتاة الحق في أن يترددا قبل اتخاذ أي قرار ارتباط...فالزواج في تلك الحالة يحتاج لدبلوماسية خارقة تجعل الطرفين مرضيا عليهما من الجميع...وتتيح لهما الفرصة لبناء بيت المستقبل...أو لاتخاذ قرار صعب بتقفيل الباب على الكل إلا أقارب الدرجة الأولى...يعني وجع دماغ لحد ما تأمن جبهتك الخارجية....

هذا المناخ العائلي البشع الذي يؤدي إلى مزيد من الكراهية و التفكك الأسري تسبب أيضا في انتشار الزواج العرفي...و الطرفان يعتقدان أنه حل منطقي من أجل حياة مستقرة بدون منغصات عائلية..."وهذا غير صحيح خصوصا لو افتضح الموضوع"....كما تسبب أيضا في أن يكبر بعض الشبان و الفتيات-المستريحون ماديا و المستريحات-دماغهم عن مسألة الجواز...و كفى الله المؤمنين شر القتال!

أعرف أن البعض سيتهمني بالحديث عن حالات فردية...وأرد بأنني أثبت واقع موجود على الأرض في بقاع مختلفة من بلادنا...كما أن المناخ العائلي و خرائط التباديل و التوافيق السياسية العائلية التي لم تكن موجودة أيام أجدادنا لها عامل بلا شك في أن يبدو الزواج صعبا للشاب و للفتاة...فكل منهما و هذا حقه و حقها يريد ألا تصبح أسرته مفككة مثل أسرة أونكل فلان و تانت علانة!

الحروب العائلية سبب من عدة أسباب ...

عذرا للإطالة..

خلص الكلام

Sherief El Ghandour<br /><br />a furious Egyptian

رابط هذا التعليق
شارك
mnman عضو جديد

mnman

بتاريخ:
بتاريخ:

عزيزتي كليو عزيزي شريف ... مع موافتي التامة لكل ماقلتوة ولكن الكلام دة بيكون المرحلة التانية من رحلة الجواز.. بمعني ان الشاب قدر يوفر الشقة وجميع مصاريف الزواج ولقي عروسة مناسبة ييجي بعد كدة دور الاهل والاقارب والحروب والكر والفر.. لاكن حتي تصل لهذة المرحلة وتحاول تتجنبها لازم تعدي المرحلة نمرة واحد الا وهي انك تكون جاهز ماديا... مش كدة ولا اية..

الشباب دلوقتي ماشي بمبداء الي ممعهوش مايلزموش.. ونظرا لضيق ذات اليد الشباب عزف عن الزواج او اتجة للزواج العرفي ودة بردة احد اسباب انتشار الزواج العرفي بين الشباب..

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
  • بعد 2 شهور...
freefreer عضو جديد

freefreer

بتاريخ:
بتاريخ:
يعنى ربنا بيقول " و جعلنا بينكم مودة و رحمة" إنما احنا بقينا بنتجوز على طريقة  "وأعدو لهم ما استطعتم من قوة"

:) :) :) :oops: :) :) :cry: :cry: :cry: :cry: :cry: :cry:

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك
Masrawy Abroad عضو جديد

Masrawy Abroad

بتاريخ:
بتاريخ:

الموضوع يتلخص في العقلية المصرية اللي بتحب تعقيد كل حاجة وتبعد عن البساطة..وتعيش في جو وأفكار قد لا تتسق عن واقعها أو وضعها...وتجد موضوع التعقيد والمغالاة اللي يبعد عن البساطة في كل شيء في حياتنا بدأ من ملبسنا وصولاً إلى الزواج....وخاصة اسرة الفتاة..اللي تجد معظمهم بيتشرط ويطلب طلبات عجيبة ومبالغات..كأن الفتاة من النسل الملكي أو انها عبقرية زمانها...وينسى الاب والام وضع البلد السيء والشباب اللي مش لاقي يشتغل حتى بـ 250 جنيه في الشهر وعاوز يتجوز بالحلال...رغم وجود الحرام بسهولة ولاّ يضحك على نفسه ويتجوز عرفي، ولكن تقول ايه...وينسى أبو العروسة ان عنده صبيان برضه ها يجوزهم وها تلاقيه محطوط نفس الموقف ولكن بالعكس في يوم ما لما يخطب لابنه....

احنا صعبناهها على نفسنا فصعبها ربنا علينا...

when_born.jpg
رابط هذا التعليق
شارك
الطفشان عضو جديد

الطفشان

بتاريخ:
بتاريخ:
الموضوع يتلخص في العقلية المصرية اللي بتحب تعقيد كل حاجة وتبعد عن البساطة

صح

التعقيد عامل مهم

و لكن هناك دوافع اخرى

اولا: المادية

يعني الجواز في صالونات، و الولد و البنت ما يعرفوش بعض من الاول

و بالتالي كل جانب غير مستأمن الجانب الاخر، و يريد ان "يؤمن" لابنه او بنته "مستقبلهم" و لذلك يطلب مؤخر كبير الخ عشان لو سابوا بعض يبقى فيه تعويض مادي!

ثانيا: المنظرة

الفرح في المكان الفلاني، امال حنعزم فلان و علان و نقصر رقبتنا؟

العفش يكون كذا و كذا، عشان الناس لما تزور تقول ما شاء الله

الشبكة بقد كدة الماظ، عشان توريها للناس

و لا ينظر الناس الى الشخصية او التدين او الحنان او تحمل المسئولية و ما هو مهم، الا كعامل ثانوي

للاسف

الشعب اراد الحياة و القيد انكسر

رابط هذا التعليق
شارك
Farida عضو جديد

Farida

بتاريخ:
بتاريخ:

على فكره انتم نسيتوا حاجه مهمه ان البنت هى كمان نفسها يبقى عندها بيت و زوج محب و أطفال سعداء و مش كل البنات ماديات لكن ممكن تتحمل مسئوليه البيت و الأسره و العمل ان كانت ترى ان الحاله الماديه يمكن ان تتحسن و ان عملها يمكنهما من تسديد اقساط الشقه و غيره و لكن الشاب من دول يبقى على حالته الماديه التعبانه و بابا و ماما بيصرفوا عليه و يقول للعروسه انا مراتى ما تشتغلش انا سي السيد هنا ارجع من الشغل الاقى البيت نضيف و الأكل جاهز و هو مرتبه كله على بعضه ما يجش 700 جنيه ..... انا أفهم ان يقول هذا شاب وارث او رجل أعمال مهم او طبيب ناجح ... لكن الشاب مش عايز يفهم انهم لازم يتعاونوا مع بعض و يساعدوا بعض على الحياه الكريمه خارج المنزل و داخل المنزل و يشجع مراته على كده ... و البنت كمان ما عندهاش مانع تترك دراستها و تقعد فى البيت حتى من قبل الزواج و الخلفه و غيره ... ما هو الكسل حلو برضه

المشكله ان الإتنين بيضحكوا على بعض .و على نفسهم من قبل ...... هى عايزه تتستت و تاخد شاب صغير و تدخل عيالها مدارس لغات و تلبس زى جاراتها كل ده بفلوس الأستاذ وهى بتصرف بس .... وهو عايز يبقى سى السيد و يسمع كلام اللى حواليه اوعى تسمح للمدام بالشغل القرشين اللى حاتجيبهم حا تصرفهم على اللبس و المواصلات .. لا زم تبقى راجل حمش و النتيجه الدوران فى ساقيه لا تنتهى لتلبيه احتياجات الأسره لإن البيه عايز بيقى زى جدى و جده و الهانم عايزه تبقى زى ستى و ستها . وده مش ممكن دلوقت و خصوصا للشباب الصغير اللى عايز يعف نفسه و فى نفس الوقت يعيش عيشه كريمه ......

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
Cleo عضو جديد

Cleo

بتاريخ:
بتاريخ:
المشكله ان الإتنين بيضحكوا على بعض

وهو ده مربط الفرس....

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
freefreer عضو جديد

freefreer

بتاريخ:
بتاريخ:

بسم الله ما شاء الله .. التحليلات كلها هايلة و 100% .. طيب اذا كنا عارفين مربط الفرس و أين تكمن العقدة .. مش ريبة اننا لا نستطيع حلها .. ؟؟؟؟ !!!!!!!!!!!!!

أم اننا لا بد ان ننتظر حتى يحلها الجواز العرفى .... ؟؟؟؟؟!!!!!!!! حل مؤلم مش كدة ؟؟؟؟؟؟؟؟؟

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك
Cleo عضو جديد

Cleo

بتاريخ:
بتاريخ:

بسم الله ما شاء الله .. التحليلات كلها هايلة و 100% .. طيب اذا كنا عارفين مربط الفرس و أين تكمن العقدة .. مش ريبة اننا لا نستطيع حلها .. ؟؟؟؟ !!!!!!!!!!!!!

أم اننا لا بد ان ننتظر حتى يحلها الجواز العرفى .... ؟؟؟؟؟!!!!!!!! حل مؤلم مش كدة ؟؟؟؟؟؟؟؟؟

هو المنتدى ده بكل أعضاءه يمثل نسبة كام % من المجتمع؟؟ شيل منهم المغتربين و المتزوجين (لأن دول خلاص خليهم فى اللى هم فيه.. :D ) يتبقى نسبة المقيمين من غير المتزوجين... هل هم دول بس اللى هايقدروا يحلوا مشكلة الجواز فى البلد؟؟؟؟؟

:wink:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:

الموضوع فى غاية الأهمية و الطرح تقريبا كامل و لا تنقصه الا عملية تعديل حجم المشكلة بالنسبة للفئات المختلفة و هذا من الناحية المادية فقط.

فكل منا يتصور المشكلة من منظوره هو الشخصى - او اتصور ذلك - فقد رأيت فى الشهور القليلة الماضية عدد من الزيجات التى تمت و لم يتطلب الأمر شراء شقة تمليك بل تم الأمر بشقة ايجار قانون جديد !!!

و اذكر الجميع بان الشقق فى كل القاهرة حتى بداية الثمانينات لم تكن تزيد مساحتها عن 90 متر ( باب الشقة يؤدى لصالة مفتوح عليها ابواب اربع غرف )

ما اريد قوله تكلفة الزواج تتفاوت حيب المستوى الإجتماعى او قل العقلانى للعروسين فلا يمكن لمن يبدأ حياته ان يكون ذلك على مستوى شقة مامى او دادى المنطق يرفض ذلك.

مواطنين لا متفرجين


رابط هذا التعليق
شارك
freefreer عضو جديد

freefreer

بتاريخ:
بتاريخ:

ازاى مافيش مشكله ؟؟ !!

تسعة مليون عانس فى مصر

http://www.egyptiantalks.org/phpBB2Plus/vi...opic.php?t=4009

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:

ازاى مافيش مشكله ؟؟ !! 

تسعة مليون عانس فى مصر

http://www.egyptiantalks.org/phpBB2Plus/vi...opic.php?t=4009

الفاضل فريفرير

كنت اتوقع ان تقرأ مداخلتى بطريقة اكثر عمقا.

أنا أمنت على كل ما قيل عن مشكلة الزواج و تحفظت فقط على المشكلة المادية المتمثلة فى الشقة و الجهاز على اعتبار ان الفئة التى تطلب شقة تمليك ب 150 الف جنيه ليست هى الفئة السائدة اضف لذلك ان الزواج يتم كل يوم فى الأرياف و الأحياء الشعبية.

و لكن على كل حال شكرا لأنك أوردت الرابط للموضوع الأصلى و كرجل اهتم بالإحصاء لفترة طويلة فمن هذه الأرقام أرى فعلا أنه لا توجد مشكلة عنوسة فى مصر

9 ملايين فى سن الزواج ( 18 50) غير متزوجين من شعب تعداده 68 مليون اعتقد انك لو قارنت هذا الرقم الهلامى مع ارقام اى دولة اخرى لوجدته عادى جدا.

و فعلا المجتمع هو الذى يصعب الزواج بما فيه نفس المقدمين على الزواج .

مواطنين لا متفرجين


رابط هذا التعليق
شارك
Sherief AbdelWahab عضو جديد

Sherief AbdelWahab

بتاريخ:
  • كاتب الموضوع
بتاريخ:

فعلا..المشكلة في المجتمع بأكمله..وفي المناخ الاجتماعي الغريب الذي تهرب وسائل الإعلام من الحديث عنه..أو تحديدا الشلة إياها التي زرعت نفسها في وسائل الإعلام و أصبحت تتحدث باسم صحفها و مؤسساتها رسميا بإسم مصر و المجتمع المصري!

المواجهة هي الحل!

خلص الكلام

Sherief El Ghandour<br /><br />a furious Egyptian

رابط هذا التعليق
شارك
فنكوش عضو جديد

فنكوش

بتاريخ:
بتاريخ:

ازاى مافيش مشكله ؟؟ !!  

تسعة مليون عانس فى مصر

http://www.egyptiantalks.org/phpBB2Plus/vi...opic.php?t=4009

قال الرسول عليه الصلاة والسلام(اذا جائكم من ترضون دينه فزوجوه)

المشكله ان الاهل عاوزين واحد يحافظ على بنتهم وفى نفس الوقت قادر بس ايه هو ه معيار القدره؟؟؟؟؟؟

*شقه في القاهر ه بشرط لا تكون ايجار جديد ؟؟؟؟؟؟؟!!!!

*فرش 4 غرف ليه؟؟؟ ممكن اهلها لو ميسورين يجيبوا 2 وبشرط ان كل ما ارتفعت قدره العريس ارتفع سعر الجهاز يعنى لازم ندبحه؟؟؟

*كل الاجهزه الكهربائيه

*الشقه تكون سراميك فاخر وبعدين نشتر سجاد فاخر نغطى بيه السراميك

*الديكور لازم يكون مكلف وبعدين ستاير a1

*اللى معاه وعاوز يتجوز يفكر 1000 مره يا تري لو ما اتوفقتش كل ده يروح

*الاهل لو العريس طلع ابن 70*80 ايه نعمل ايه

*الشباب :? :? :? :? :twiste :twisted:

ضاقت فلما استحكمت حلقاتها فرجت وكنت اظنها لا تفرج

قالوا لى انت متشائم بتشوف بس النص الفاضي بص على النص المليان لما شوفته قلت مفيش فايدة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...