الدعوة الاسلامية علم واسلوب ..

[mekkawy]

بصوا بأة

أنا هأقول اللي أنا عاوز أقوله بالبلدي كدة و الببساطة علشان يوصل لكل الناس و ميطلعش حد يشجب و يندد و يعارض و يمارض و يقول مكاوى مالوش فيها :huh:

انا لما بأقول ان كل الناس دعاة ما أقصدش أن كل الناس هتطلع على المنابر أو كل الناس هتتكلم في الدين و تفتي .. لأ طبعاً .. و إلا تبا ميغة مش دين .. دي حتى في وصية عن النبي صلى الله عليه و سلم بيشدد فيها إننا نتحرى عن مين نأخذ ديننا .. لأن أمر الدين أمر جنة و نار و لازم نتحرى فيه كويس أوي

أنا قصدا بكلامي إننا نقدر نكون كلنا دعاة بأهم شئ عندنا ..... حـــســــــــن الخلــــــــــق .....دي أعظم هبة و ميراث سابهولنا النبي محمد صلى الله عليه و سلم ... حسن أخلاقك تقدر تدعو بيها المسلم و المسيحي الكبير و الصغير و الراجل و الست و العجوز و الطفل .. و كل البشر ... حسن الخلق تقدر تدعو بيه مديرك في العمل و مرؤسك .. تقدري تدعو بيه زوجك و اودلاك .. تقدر بيه تكسب حب زوجتك و أولادك يا أب .. تقدر بيه تكسب احترام جيرانك و فوق كل ده هتكسب نفسك!!!

عاوز أقول إن الكلمة الطيبة دعوة إلى الله ... كلمة شكراً ... دعوة .. كلمة من فضلك ... دعوة ... كنت مرة في إنترفيو و الراجل بتاع الاتش أر سألني إيه هي الكي ووردز في الحياة .. ايه هي مفاتيح الناس .. قولتله مما أعرفش .. قالي ... (من فضلك) و (شكراً) .... كلمتين بيهدوا جبال

مفتاح تاني مهم أوي في الحياة ... الابتسامة ... يااااااااااااه ... تفتح القلوب قبل ما تفتح العقول .. تخيل كدة يا مسلم ... لو ابتسامتك على طول ما بتفارقش وشك الجميل ... ياااااااااه .. هيكون شكلك حلو أوي و الناس هتحب تبا زيك و هيحبوا الدين اللي مخليك على طول مبتسم ... ده قصدي من كلنا دعاة.

لما تكون ملتحي و عسول كدة و مبتسم و انت طالع سلم المترو تشبل الشنطة الكبيييييييييييييرة اللي مع الحاجة الكبيرة .. و شم تاخدها و تجري عشان فيها مانجة :lol: .. لا يا حلو .. تطلعها و تاخد بايدها و توصلها اخر السلم و تقولها بالسلامة يا ماما ... ياااااااااه .. طبعاً طبعاااااااااااااً دي دعوة إلى الله بالفعل و مستحيل يجي حد يقول دي مش دعوة ... إنت دعيت بسلوكك الطيب و أفعالك المحمودة ... دعيت كل الناس اللي شافتك لجمال تعاليم الدين و لجمال الطاعة ... فانت داعية إلى الله.

لما تكوني أخت فاضلة متحجبة بحجابك الشرعي اللي يرضى ربك و متفوقة في دراستك و ناجحة لله أولاً ثم لنفسك ثم لبلدك ثم لاسعاد والديكي ... تفتكري هيكون حال الناس ايه ؟؟؟ كل البنات هتحب تكون زيك ... يبا حضرتك يا أخ يا ملتزمة مطلوب منك التفوق و التميز و التفرد بالمجهود و هو ده جوهر الالتزام و الدافع اللي لازم يكون عند كل ملتزم و ملتزمة ... اسف ... عند كل مسلم و مسلمة!!!

مكاوى

[عبير يونس]

حأقول كلمة وأجري على الله

الناس بيبقوا حذرين من الملتزمين (مع تحفظي على اللفظ)

عشان التعاملات مع أغلبهم إلا من رحم ربي ما تسرش

لأن بجد كتير منهم يا أخ مكاوي بيركزوا على المظهر الخارجي بس

و لما تعاملهم

لا تلاقي لا دين

و لا خلق

إلا من رحم ربي طبعا

يعني ايه المشكلة لما تبقى ملتحي

و الا زوجتك و أختك منتقبات

و انكم ما بتسمعوش أغاني

ده حيضايق الناس في ايه؟؟؟

اللي بيضايق الناس

هو الخواء اللي جوة

ده حتى الشيخ محمد حسين يعقوب

كان مرة قال

الملتحي من دول والا الأخوات المنتقبات بيفكروا

انهم خلاص

باللحية و النقاب حيتفتح لهم أبواب الجنة

افتحوا الجنة عشان فلان التحى

و فلانة اتنقبت

يا جماعة الخير

الشخص اللي بيلتحي

و الأخت اللي بتنتقب

لازم يكونوا عارفين انهم بالفعل ده بيتقربوا إلى الله

و ان ده بيضع عليهم مسئولية كبرى أمام الله

فالإسلام ليس عبادات فقط

و إنما عبادات و معاملات

فالعبادات حق الله علينا

و المعاملات حقوق الناس علينا

فلا يجب أن ننسى أن الله عز وجل

يمكن أن يسامحنا في حقه

و لكنه لا يسامح أبدا في حقوق العباد

الدين المعاملة

تم تعديل 8 مايو 2010 بواسطة مصرية متغربة

[MZohairy]

بينما الغرب هم العدو الحقيقي للإسلام!!!

و يا للوهم

أنهم لا ينامون ليل نهار حقدا علينا

و يقضون همهم في حبك المؤمرات علينا

ما هذه الغطرسة؟؟

الشرق خدم لنا

و الغرب أعداؤنا

منتهى العُجب يا أمة الهادي عليه أفضل الصلاة وأتم التسليم

منتهى تقديس النفس و تنزيهها

و كأننا شعب الله المختار

ألا فأحذروا

و أفيقوا

فلا يمكن أن نكون خير أمة أخرجت للناس

و نحن بهذه الأخلاق

أفيقوا و أعلموا أن هناك بشر آخرون غيرنا

من حقهم علينا أن نصل إليهم

و ما أسهل الوصول في هذا العصر المتقدم

ثاني نقطه مهمه في كلامك يا أخت مصريه تستحق التعقيب المفصل

هروح البيسين اضرب غوطسين و ارجع اعقب

[mekkawy]

السلام عليكم الأول

عارفة يا أخت مصرية و يا اخويا زهيري المشكلة فين؟

مشكلة الدعوة إلى الله و المسلمين عامة و الملتزمين خاصة (و دي الشريحة اللي هتكلم عليها دلوقتي) ايه ؟؟

إن للأسف الناس خلاااااااص حطتهم بلاك ليست و معندهومش أي استعداد يشيلوهم من اللست دي ... الناس مش متقبلة فكرة إن الفكر الديني و ان الملتزمين تغيروا للأفضل ... في كل شئ .. و طبيعي جداً إن يكون فيهم فئة مش 100% .. لكن لسة الناس مش قادرة تتعامل بسلاسة مع الملتزمين و للأسف ده له عوامل كتيرة .. منها على سبيل المثال لا الحصر ... سوء خلق بعض الملتزمين فعلاً هداهم الله و مش هنقطع فيهم ... الاعلام ثم الاعلام ثم الاعلام ... التيارات المختلفة و المتطرفة ... الخلفيات السابقة عن شكل الملتحين و المنتقبات ... حاجات كتير أوي ... حاجات مخلية الناس لسة مش قادرة تتكيف و تتخيل ان في ملتحي مثلاً جنتل و ذوق و فاهم في الموضة مثلاً .. حاجات مش مخلية الناس قادرة تتعامل مع منتقبة رقيقة و جميلة و شيك في كلامها و تعاملاتها ... لكن ده مش ذنب الملتزمين أبداً .. ده ذنب الناس اللي عقولهم تحجرت عند حقبة معينة من الزمن فات عليها ما يزيد على 15 سنة و هم لسة متقوقعين فيها للأسف!!!

اللي عاوز أقوله ... ليه يا مسلمين بنعمم الحكم على كل الملتحين بخطأ ملتحي واحد ... ليه بنعمم الحكم على كل المنتقبات بخطأ منتقبة واحدة ... ليه لما بنيجي نقول (زي ما حضرتك قولتي) ان الملتحين فاكرين كذا و كذا ... يا جماعة مش عشان واحد ملتحي تصرف كدة نقول الملتحين كلهم بيفكروا كدة ... ظلم أوي و الله .. و مش عشان واحدة منتقبة عندها خطأ في حاجة معينة .. نقول المنتقبات كلهن كذا و كذا ... و الله ظلم بردو!!!!

ثم أصلاً أصلاً ليه نقعد نذكر مساوئ القلة أو المجموعة المسيئة من الملتحين و المنتقبات ... كتر النواح يعلم البكاء زي ما بيقولوا .. لما نقعد نقول و نعدد في المساوئ دي إحنا بنكره الناس أكتر و أكتر في الدين ... أو في الصورة دي من الدين ... أنا اذا شفت مثلاً أخ ملتحي بيضرب عيل صغير في الشارع .. أنصحه و أخد على ايده بالحسنى بردو .. مش أقعد أقول الملتحين دول قساة غلاظ القلب .... بصي الشيخ محمد حسين يعقوب بيقول ايه في الحتة دي:

تأمل العيب معيب ... فلا تسرف في إظهار العيوب

و فيه هنا بيت شعر بيعجبني أوي بيقول : ليس الغبي بسيد قومه .. و لكن سيد قومه يتغابى

تعالوا نتغابى عن عيوب إخواننا و ننصحهم فيها بالحسنى .. لكن لا نعين الشيطان على إخواننا و نظل نذكر في العيوب دي ليل نهار ... خلاص يا جماعة .. و الله العيوب ظهرت و بانت و وضحت وضوح الشمس ... بالله وقفة عدل مع نفسنا .. خلاص كفاية تقطيع في إخواننا ... العيوب ظهرت و شكلها وحش ... تعالوا بأة نشتغل و نصلحها فيهم و فينا و ننصحهم فيها بالحسنى و نقولهم انتوا عنوان الدين و صفه الأول و انتوا الواجهة اللي لو لمعت لمع الدين و لو غبرت غبر الدين

دي رسالتي و دي دعوتي اللي اتعلمتها و اللي حاسس بيها و مشيلاني المسؤلية تجاه ديني و تجاه إخواني

مكاوى ... يتبع

[عبير يونس]

شوف يا أخ مكاوي

كلامك طبعا صحيح

و على العين و الراس كمان

و طبعا لازم الناس تنظر ليكم نظرة عادلة

و لا تعمم إطلاقا

في حاجة بتضايق الناس منكم

حتى لو كنتم على خلق و دين

انكم دايما عايزين تبدأوا

باللحية و النقاب و تحريم الغناء

الأول

و بعدين نتفاهم

ما تقوليش مش كلنا بقى

ده الهدف الأول ليكم جميعا

و اوعى تنكر

طبعا لا أشكك في نواياكم

و طبعا حضراتكم عايزين لنا الخير اللي ربنا هداكم ليه

و قلوبكم بتتقطع لما تشوفوا عاصي

و بيبقى نفسكم ربنا يهديه

ده كله أنا ما بأشكش فيه

لكن ليه البداية دايما واحدة للكل؟؟؟

الأسلوب هو هوة

الناس عارفة الأساليب دي على فكرة

و عشان كده بتصدكم

تعرف يا أخ مكاوي

كنت أعرف مجموعة من الأخوات الفضليات المنتقبات

و كنت بأحضر معاهم مقرأة جميلة جدا للقرآن الكريم

و كنا بنتدارس فيه العلوم الشرعية

بس الأخت صاحبة المقرأة

كانت بتركز جدا على الرقائق

و على حسن الخلق

مش بس حاجات نقرأها من كتب

لا

سلوكيات يافندم

مرة كنت بأحضر معاهم

و دخلوا بنتين

مش حأحكي همة كانوا لابسين ايه

و بصراحة كنت خايفة عليهم لا يعملوا فيهم حاجة

أو على الأقل يمسحوا بيهم الأرض

زي ما شفت شخصيا قبل كده

و كنت في مرات من الناس اللي بيتمسح بيهم الأرض

المهم خبيت وشي و لا كأني شايفة

:huh:

بصراحة محدش اتعرض لهم نهائيا

بل على العكس

بعد الدرس اتلموا عليهم بابتسامات يتعرفوا عليهم

البنات دي اتحجبت بعد كده بفضل الله

الناس دول كانوا منتقبات

بس عمرهم ما جابوا سيرة فرضية النقاب في مجالسهم

و أزواجهم ملتحين

و عمرهم ما تحدثوا عن حرمة حلق اللحية

و أكيد ما بيسمعوش أغاني

لكن عمرهم ما جابوا سيرة حكم الغناء في مجالسهم

كان كلامهم كله

حب في الله

و حب لرسوله صلوات الله و سلامه عليه

الواحد اتعلم منهم حاجات كتير

جميلة

كنا بنقعد مع بعض نتفكر و نتدبر في معاني القرآن الكريم

و الحديث الشريف

كانت السيدة الفاضلة صاحبة المنزل اللي فيه المقرأة

فاتحة بيتها لكل الناس على اختلافهم

كنا بنروح بأطفالنا

و كانت عاملة غرفة ألعاب عشان الأطفال يلعبوا و احنا بنتدارس كتاب الله

و أخت تتبرع تقعد معاهم ترعاهم

عمرهم ما بصوا لحجابي

و لا لابسة ايه

و لونه ايه

و لا يجوز يا أختي و الكلام ايه ده

بسمين يقدر تصل روحه للشفافية دي معاهم

و تبقى لابسة حجاب مش كويس

مين تصل لمراحل عالية زي دي

و تبقى لسه فيها رواسب من اللبس اللي ما يرضيش ربنا

مننا إحنا

من نفسنا

لا نجترئ على أي مظهر يفسد الجو الروحاني المليان نور ده

و هو ده جمال الدعوة

ألا أفرض عليكي منهجي أنا

أنا فقط أعرفك بربك

حق المعرفة

و أعرفك برسوله الكريم

و الباقي انت حتعمله بنفسك

لما تعرف إن حلاوة الإيمان

أن يكون الله و رسوله أحب إليك من نفسك

و هديهم أولى أن يتم اتباعه من اتباعك لهوى نفسك

و قتها بس حتقول

سمعنا و أطعنا

من كل قلبك

من غير اجبار

من غير نفاق و لا رياء

على فكرة أغلب المسلمين في الغرب

بالمنظر ده

عندهم استعداد يعرفوا ربنا

و يحسوا بنوره في قلوبهم

و لما بيسلموا

بيعيشوا روح الإسلام فعلا

الجمعة عندهم عيد بجد

رمضان عندهم شهر العبادة و القربى من الله

مش شهر الفوازير و المسلسلات و الكنافة و القطايف

الصلاة عندهم لها قدسية

و المساجد عندهم بتشع نور

همة كمسيحيين أساسا

تعاليمهم كلها تهتم بعلاقة الإنسان بأخيه الإنسان

و بجد لما بيدخلوا في الدين

بيبقوا رائعين فعلا

دول اللي محتاجين الجهود

نفسهم

يشوفوا نور ربنا

و احنا غافلين عنهم

وارثين كراهيتهم أبا عن جد

متخيلينهم أعداء

و همة ما يعرفوش عننا حاجة أساسا

من تقصيرنا في نشر دين الله

[mekkawy]

الفاضلة مصرية متغربة

حضرتك قولتي .. و رديتي على نفسك بالمجموعة الممتازة اللي تكلمتي عنها

يعني فيه اهو ناس كويسة مش الأوللوية عندها للحية و النقاب و الغناء

تقدري حضرتك تعتبري أكتر الملتزمين دلوقتي من المجموعة دي ... انا مش عاوز أقول نفسي ... لكن صحابي كلهم تقريباً كدة و احنا واخدين على كاهلنا نغير الفكر ده ... واخدين على كاهلنا نكون زي المجموعة الرائعة اللي حضرتك قرأتي معاهم في المقرأة ... و الدائرة بتوسع و بتنتشر

بردو بأرجع أقول لحضرتك و لكل العالم ... مش كل الملتزمين بيبدأوا باللحية و النقاب و الغناء و الأمور دي ... و صديقات حضرتك خير دليل ... و أصدقائي خير دليل :huh:

و أرجع و أقولك .... لما القلب بيتفتح و الهداية تحصل من الملك ... كل شئ بيدخل بسهولة أوي أوي و بيكون جميل و مثل الشفاء على القلب ... و الله الالتزام جميل أوي ... و دي شغلتي في الحياة أنا و آلاف زيي و أحسن مني بمراحل ... بس يمكن دائرة معارفي أو معارف حضرتك او معارف اكس من الناس ضيقة لدرجة انه ما شافش غير المجموعة دي بس اللي كدة ولا يتخيل وجود مثلهم .... موجوووووود كتيييير أوي و الله و أفضل و أفضل

الدين بخير و الله يا أخت مصرية متغربة و هيفضل بخير رغم كل الأخطاء اللي حواليه من أوليائه أو من اعدائه .... و وجود حضرتك خير دليل على الخير الموجود في الدين

و بأوعدك .... الفكر ده هيتغير هيتغير ... مش شعارات ... إنما نية خالصة و عزيمة و توفيق من الله ... و بشرى

طلب أخير من أخ صغير ... بالله عليكي ... بلاش إحنا و أنتوا ... و منكم ... و كل الالفاظ الانفصالية ....

باوجه لحضرتك و لكل مسلم حريص دعوة صادقة للانخراط و الانصهار في كيان واحد ... كيان بعيدا عن التحزب و التفرق .. بعيد عن إحنا و إنتوا و مننا و منكم ... كيان تحت مظلة واحدة سواء ملتحي أو لأ ... منتقبة أو لأ ... بس يجمعنا شئ واحد

مظلة الاسلام

مكاوى .... يتبع

[MZohairy]

موضوع الدعوى ده بالنسبالي كان محل تفكير عميق لفترات طويله

و كنت بشوف طرق شديدة السلبيه و مش قادر اهضمها

فبعض الطرق كانت تعتمد على تحقير الديانات الآخرى أو المعتقدات الأخرى ...معتقدا بذلك ان معتنقي هذه الديانات سيقرأون هذا التحقير او النقد او التخطيئ فيقومون فورا بالدخول الى الاسلام

و بعض الطرق الأخرى تعتمد على الاسطنبات الجاهزه ...جمل محفوظه فري سايز للجميع معتقدين انها اذا نجحت مع البعض فإنها ستنجح مع الكل...مع المتعلم و الجاهل مع الغني و الفقير مع المسلم و غير المسلم مع المثقف و قليل الثقافه مع المصري و الاجنبي...و هذا مستحيل بالطبع

طرق أخرى تعتمد على نظام التثبيت بتاع البوليس....يعني يقولك انت مش مسلم و مؤمن بالله؟ تقوم انت ترد ببداهه : آه طبعا ..يقوم يقولك يبقى لازم تقتنع باللي بقوله......و ده أمر غير منطقي

و طرق أخرى تعتمد على الإقرار بأن ما يقتنعون هو الحق الأوحد ...يعني احنا احسن دين و احسن ناس و احسن اخلاق و تعالى معانا عشان تبقى زينا....و طبعا تتناسى هذه الطريقه ملايين الأمثله السيئه الموجوده

عموما موضوع الدعوى موضوع ليس بسيطا ابدا و لا يجب ان يكون حرفة الجميع

اشكركم

دول اربع ملاحظات ذكرتها سابقا عن سلبيات الطرق المتبعة في الدعوى حاليا من وجهة نظري

ازاي ممكن يا مكاوي نغير الطرق دي في رأيك بطريقه عمليه؟

و بالمناسبة رأيت فيديو على اليوتيوب لأحد شيوخ السلف المصريين المعاصرين المشهورين (مش حذكر اسمه عشان ماضايقش حد من محبيه)

ما رأيته اقل ما يوصف به انه هزلي مضحك مؤسف

فقد كان يحكي قصة غربي اراد الدخول في الاسلام و سأل احد المسلمين الأذكياء (على حسب وصف الشيخ له) هل الخمر محرم في الاسلام ؟ فأنا لا استطيع الحياه بدون خمر

فأجابه المسلم الذكي : لا توجد مشكله فإنه غير محرم

فأسلم الرجل الغربي

ففاجأه المسلم الذكي بأنك طالما اسلمت فإن الخمر محرمة في الاسلام و لا يمكنك شربها

فقال له اذا سأخرج من الاسلام

فقال له المسلم الذكي لو خرجت وجب عليك حد الرده و ستقتل

و انتهى الموضوع بإيمان الغربي و انتصار المسلم الذكي

و القصه كما ترون شديدة البلاهه و أرى انها تؤثر بالسلب على المتلقي (اللي بيفكر) سواء مسلم او غير مسلم و راغب في الدخول للإسلام

كيف يمكن ان نراعي التوقف عن القصص الهزليه الطفوليه في الدعوى لدين الله؟

شكرا

[عبير يونس]

و القصه كما ترون شديدة البلاهه و أرى انها تؤثر بالسلب على المتلقي (اللي بيفكر) سواء مسلم او غير مسلم و راغب في الدخول للإسلام

كيف يمكن ان نراعي التوقف عن القصص الهزليه الطفوليه في الدعوى لدين الله؟

شكرا

شوف يا أستاذ زوهيري

محدش يقدر يمسك لسان حد

و لا يمكن حنقدر نوقف الأساليب اللي مش عاجبانا دي بالمرة

حيفضلوا يتكلموا

مش حنقدر نوقفهم

بدل ما نقعد مهمومين

و نلومهم في تأخر الإسلام

و نضع مسئولية انهيار القيم فوق راسهم

و نحملهم مسئولية كل حاجة

لازم احنا اللي نتوقف عن إلقاء اللوم عليهم

احنا مهمومين بالدعوة

و همة كمان

و كل واحد على طريقته

و زي ما قالت الفاضلة ضحى قبل كده

ليه تعتبرهم بيوجهوا الكلام لحضرتك

الناس مختلفين

و عقولهم تختلف عن بعض

كل فولة و ليها كيال

اللي ما يعجبش حضرتك يعجب ناس تانية

و ممكن يكون هو اللي يخليهم يهتدوا و يقربوا من ربنا

الدعاة كتير

و ده شيء طيب

كل واحد فينا له مدخل

يفضل يسمع لده و يسمع لده

لحد ما يلاقى الكلام اللي يحرك قلبه

و يؤدي بيه للنتيجة المرغوبة من القرب من الله عز وجل

الحل مش في إسكات الدعاة اللي مش عاجبينا

بدل ما نلعن الظلام

نقيد شمعة

الحل اننا نعمل

و همة كمان يعملوا

{وَقُلِ اعْمَلُواْ فَسَيَرَى اللّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ }التوبة105

كلام حضرتك ممكن يحرك ناس

و كلامي يحرك ناس

و كلام الأخ مكاوي يحرك ناس

و هكذا

ليه نوقف الأساليب اللي متعجبناش

ما دامت عاجبة ناس تانية و بتجيب نتيجة معاهم؟؟

خليهم يدعوا لربنا

كل بطريقته

حضرتك مثلا معتبر دي قصص هبلة

بينما غيرك قد يجد فيها منتهى العبرة

و تكون سببا في هدايته

سبحان الله

إذا كان رب العباد

الخالق العظيم

الناس مش متفقة على وجوده أساسا

في المؤمنين بوجوده

و في المنكرين و العياذ بالله

و اللي متفقين إنه موجود

لا يتفقون على طريقة عبادته

اللي مسلم واللي مسيحي و اللي يهودي

و اللي متفقين على طريقة عبادته

يختلفوا في المناهج

مسلمين و موحدين

بس بيتقربوا له بطرق متعددة

في اللي كثير الصيام

و في اللي كثير الصلاة

و في اللي يكثر من العمرة و الحج

و في المنفق في سبيل الله

و في المجاهد في سبيل الله على اختلاف أنواع الجهاد

سبل كتيرة بنقرب فيها من ربنا سبحانه و تعالى

طرق كتيرة للوصول إلى الله تعالى

تعالوا نتفق

ما نقفش لبعض

و نقيّم بعض

تعالوا ما نحاولش نشوف مين فينا صح و من فينا غلط

تعالوا ندعو إلى الله

كل بطريقته و كل بأسلوبه

تعالوا نوحد الهدف

من غير ما نناقش السبيل للهدف

الهدف هو الوصول إلى الله تعالى

و المطلوب إخلاص و عمل للوصول

الدعوة جهاد

{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ }العنكبوت69

[MZohairy]

طيب و لو كانت قصه زي دي فيما تسقطه من معاني على المسلم الذكي كالكذب و الخداع

و ما تسقطه على الاسلام من انه كالفخ من دخله بحسن النيه لن يلقى الا القتل اذا تراجع

والكثير من العبر السيئه التي قد تمنع الكثيرين من اخذ الفكره الحسنة عن الدين الاسلامي و ربما النفور منه

هل بسبب وجود بعض البسطاء عديمي الفكر القادرون على تصديق مثل هذه القصص ننفر عدد من العقول الجيده المفكرة من الدخول في دين الله؟

بأي منطق؟

شكرا

[عبير يونس]

طيب و لو كانت قصه زي دي فيما تسقطه من معاني على المسلم الذكي كالكذب و الخداع

و ما تسقطه على الاسلام من انه كالفخ من دخله بحسن النيه لن يلقى الا القتل اذا تراجع

والكثير من العبر السيئه التي قد تمنع الكثيرين من اخذ الفكره الحسنة عن الدين الاسلامي و ربما النفور منه

هل بسبب وجود بعض البسطاء عديمي الفكر القادرون على تصديق مثل هذه القصص ننفر عدد من العقول الجيده المفكرة من الدخول في دين الله؟

بأي منطق؟

شكرا

ما هو ده بقى دور حضرتك

وجود واحد زي حضرتك في كندا

و ربنا فاتح عليك من فضله

و وضع فيك محبة و فهم و رغبة في القرب منهم

واجب حضرتك هوالاجتهاد في الدعوة بما يناسبهم و يناسب عقولهم

فلو حد من المحيطين بك سمع قصص زي دي

و خد فكرة غلط عن الدين

لما حيشوف حضرتك

و يعرف إنك مسلم

و تعامل معاك

و لقاك مش كذاب و لا مخادع

أكيد حيغير رأيه في اللي سمعه قبل كده

و ده الجزء الموكل لحضرتك من مسئولية الدعوة

اجتهد فيه

و جهز نفسك للإجابات الشافية لكل من يسألك منهم

هو ده المطلوب

و ريح دماغك من الناس التانية

لو مخلصين ربنا حيكافئهم

و لو ضالين ربنا يهديهم

و لو مضلين أكيد ربنا حينتقم منهم

و ما تقلقش حضرتك على الناس

ليهم رب ينور بصيرتهم

و يهديهم للي يريح قلوبهم و ما ينفرهمش

حضرتك بس اعمل اللي عليك

و عليك بالمحيطين بيك سواء من المسلمين أو غيرهم

وضح لهم الصورة بما يناسب عقولهم

و هنا كمان في المحاورات

اجتهد في عرض أفكارك

اللي حتلاقي قبول عند البعض

و نفور عند البعض

شوف حضرتك

الناس عمرهم ما حيجتمعوا على رأي

و لا يمكن نرضيهم

فاكر حضرتك

حكاية جحا و ابنه و الحمار أعزك الله

لما ركب الحمار و ساب ابنه

الناس قالت شوف الراجل القاسي القلب راكب هو و سايب ابنه ماشي

راح نزل و خللى ابنه يركب

قالوا شوفوا الراجل حيفسد ابنه مخلليه راكب و ماشي هو

راح ركب هو و ابنه على الحمار

الناس قالوا شوف الراجل اللي معندوش رحمة بالحيوان الضعيف

راح نزل هو وابنه من ع الحمار

قالوا أما راجل سفيه صحيح

اشترى الحمار عشان ما يركبهوش

:ninja:

تم تعديل 9 مايو 2010 بواسطة مصرية متغربة

[عنبو]

طيب و لو كانت قصه زي دي فيما تسقطه من معاني على المسلم الذكي كالكذب و الخداع

و ما تسقطه على الاسلام من انه كالفخ من دخله بحسن النيه لن يلقى الا القتل اذا تراجع

والكثير من العبر السيئه التي قد تمنع الكثيرين من اخذ الفكره الحسنة عن الدين الاسلامي و ربما النفور منه

هل بسبب وجود بعض البسطاء عديمي الفكر القادرون على تصديق مثل هذه القصص ننفر عدد من العقول الجيده المفكرة من الدخول في دين الله؟

بأي منطق؟

شكرا

متفق تماماً مع الكلام ده

فالغايه لا تبرر الوسيله

فلابد ان تكون الوسيله اشرف وانزه ما تكون

قال الله تعالى

ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ

وقال الله تعالى

إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ

شكراً

[عبير يونس]

طيب و لو كانت قصه زي دي فيما تسقطه من معاني على المسلم الذكي كالكذب و الخداع

و ما تسقطه على الاسلام من انه كالفخ من دخله بحسن النيه لن يلقى الا القتل اذا تراجع

والكثير من العبر السيئه التي قد تمنع الكثيرين من اخذ الفكره الحسنة عن الدين الاسلامي و ربما النفور منه

هل بسبب وجود بعض البسطاء عديمي الفكر القادرون على تصديق مثل هذه القصص ننفر عدد من العقول الجيده المفكرة من الدخول في دين الله؟

بأي منطق؟

شكرا

متفق تماماً مع الكلام ده

فالغايه لا تبرر الوسيله

فلابد ان تكون الوسيله اشرف وانزه ما تكون

قال الله تعالى

ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ

وقال الله تعالى

إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ

شكراً

أولا أهلا بالحج عنبو بلدياتي

ثانيا

كلامكم انت و أستاذ زوهيري صح والله

بس ايه الحل

الناس اللي بتدعو إلى الله بالطريقة اللي مش مناسبة دي

زي ما قلت في مداخلة سابقة

لو مخلصين ربنا حيكافئهم

و لو ضالين ربنا يهديهم

و لو مضلين أكيد ربنا حينتقم منهم

احنا بقى ليه نهدر طاقتنا معاهم؟؟؟!!!

ما ندعو احنا بالحكمة و الموعظة الحسنة

حنضيع طاقتنا عشان نكشفهم

طب و في الآخر عملنا ايه؟؟

كشفنا انهم مش صح

بس ما قدمناش احنا الصح

أنا رأيي

نجتهد احنا

نعرض اللي احنا شايفينه صح

و نسيب الآراء التانية

و الناس تاخد اللي يناسبها

و بعدين في أمر إلهي

بيقول

{خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ }الأعراف199

لازم نجتهد عشان نوصل لنتيجة

مش بس نوضح خطأ الطرق الأخرى و نسكت

احنا زي اللي

شايفين حد بيسأل على عنوان

وواحد عمال يوصف له غلط

و كل اللي احنا بنعمله

عمالين نقول له خد بالك بيوصف لك غلط

و عمالين نقول للي راي و اللي جاي

شوفوا الراجل بيوصف العنوان غلط

طب ما نوصف احنا العنوان صح

و أجرنا على الله

و الراجل بقى براحته

ياخد الوصفة اللي تريحه

بس احنا نبقى عملنا اللي علينا

خلينا ننصح و نجتهد بطريقتنا

و همة بطريقتهم

بس لازم نعمل

و ربنا سبحانه و تعالى هو المكافئ

{قُلْ يَا قَوْمِ اعْمَلُواْ عَلَى مَكَانَتِكُمْ إِنِّي عَامِلٌ فَسَوْفَ تَعْلَمُونَ مَن تَكُونُ لَهُ عَاقِبَةُ الدِّارِ إِنَّهُ لاَ يُفْلِحُ الظَّالِمُونَ }الأنعام135

[MZohairy]

ماتنسيش يا مصريه ان دول مشايخ او علماء دين و من المفترض ان قطاع عريض من المشاهدين بيتبعهم و يصدقهم

ده غير كونهم ممثلين للدين في نظر البعض

[احمد هادي]

المشكلة ان هؤلاء الاغبياء اصبحوا اغلبية هذه الايام يا أخي

زميل لي عربي مسلم ...دعا احد النصارى العرب إلي الاسلام

تعرف ماذا رد عليه الرجل

مش لما تسلموا انتم الأول

مش معاه حق برضوا ....

لا يا أستاذ أحمد ما معهوش حق برضوا !!!!

و لو إنت شايف إنه معاه حق برضوا ... أسلم أنت وجهك لله كما يريد الله و أخرج نفسك من سجن الإلهاء اللي وضعنا فيه أعداء الدين و هأرد عليك بآية من كتاب الله عشان تفهم اللي ورا رد الراجل اللي مش مسلم ده

(ربما يود الذين كفروا لو كانوا مسلمين)

مصدق ربك يا أستاذ احمد ولا لسة مصدق الأكاذيب اللي بتتقالك ليل و نهار ؟؟

مكاوى

:ninja:

???????

تم تعديل 9 مايو 2010 بواسطة احمد هادي

[عبير يونس]

ماتنسيش يا مصريه ان دول مشايخ او علماء دين و من المفترض ان قطاع عريض من المشاهدين بيتبعهم و يصدقهم

ده غير كونهم ممثلين للدين في نظر البعض

و في برضه علماء و مشايخ تانية لها آراء مخالفة ليهم

و برضه ليهم اتباع بيصدقوهم

العلماء و الدعاة اللي بيجتهدوا بجد

ما بتلاقيهمش يتكلموا على التانيين المخالفين ليهم أبدا

و مستمرين في طريقهم

لا يلقون بالا لمن يسيء إليهم أو يحقر من شأنهم

لأنهم مهمومون بالدعوة فقط

فلا يضيعون وقتهم في الخلاف

أولا و أخيرا

ربنا سبحانه و تعالى واقف عند طريق الهدى

يهدي من يشاء الهداية

و يضل من يشاء الضلال

اللي عايز يهتدي بيهديه

و اللي بيختار الضلال برضه بيضله

{وَلَوْ شَاء اللّهُ لَجَعَلَكُمْ أُمَّةً وَاحِدَةً وَلكِن يُضِلُّ مَن يَشَاءُ وَيَهْدِي مَن يَشَاءُ وَلَتُسْأَلُنَّ عَمَّا كُنتُمْ تَعْمَلُونَ }النحل93

[mekkawy]

حنضيع طاقتنا عشان نكشفهم

طب و في الآخر عملنا ايه؟؟

كشفنا انهم مش صح

بس ما قدمناش احنا الصح

احنا زي اللي

شايفين حد بيسأل على عنوان

وواحد عمال يوصف له غلط

و كل اللي احنا بنعمله

عمالين نقول له خد بالك بيوصف لك غلط

و عمالين نقول للي راي و اللي جاي

شوفوا الراجل بيوصف العنوان غلط

طب ما نوصف احنا العنوان صح و أجرنا على الله

و الراجل بقى براحته

ياخد الوصفة اللي تريحه

بس احنا نبقى عملنا اللي علينا

خلينا ننصح و نجتهد بطريقتنا

و همة بطريقتهم

بس لازم نعمل

و ربنا سبحانه و تعالى هو المكافئ

{قُلْ يَا قَوْمِ اعْمَلُواْ عَلَى مَكَانَتِكُمْ إِنِّي عَامِلٌ فَسَوْفَ تَعْلَمُونَ مَن تَكُونُ لَهُ عَاقِبَةُ الدِّارِ إِنَّهُ لاَ يُفْلِحُ الظَّالِمُونَ }الأنعام135

و الله كفيتي و وفيتي .. و الكلمتين دول هم اللي أنا نفسي و منى عيني ننتقل ليهم بأة و نبطل كلام على الاتجاه المخالف لينا أو اللي مش عاجبنا .. الكلمتين دول هم اللي نفسي اشوفهم بيتحققوا بأة و ننتقل بيهم لمرحلة العمل و نترك مرحلة الكلام.

الله المستعان

اللهم استعملنا ولا تستبدلنا

مكاوى

[عبير يونس]

الله المستعان

اللهم استعملنا ولا تستبدلنا

آمين يارب العالمين

[mekkawy]

السلام عليكم و رحمة الله و بركاته

كنت ناوي أكتب المداخلة دي من فترة و دفعني ليها أكتر سؤال أخونا زهيري عن الطريقة العملية لتغيير الفكر المتحجر عن الدعوة .. و أستعين بالله و أقول:

أولاً لازم أن يكون لديك القدر الكافي من المهارات الاجتماعية علشان تدعي الناس على قدر عقولهم ... لكن اللي هأقوله ده أشياء بسيطة جداً ممكن كل واحد إنسان يعملها بمنتهى السهولة و البساطة

1 - الابتسامة: الابتسامة دي سحر .. حاجة كدة تأخذ القلوب و تستحوذ على الأذهان .. أنا ادعو كل إنسان مسلم أن يتخذ من الابتسامة طريق لقلوب الناس ... ما تشيلهاش من على وشك ... هيسخروا منك و هيتخدوك و هيتعبوك ,.. ابتسامتك سلاحك ... هييجي يوم و الناس هتحبك .. عشان كل ما تتبسم في وش الناس ربنا هيحبك و لما هو سبحانه يحبك الناس هتحبك.

2 - فكرة بسيطة دائماً تراودني: يا أخ يا مسلم .. اخر النهار .. خلي زوجتك تعملك صنية بسبوسة ولا كيكة بأ5 جنيه ... خبط على جارك اللي قصادك بعد المغرب كدة (جارك و خلاص مش مهم نوعه ايه ولا دينه ايه) و قوله سلام عليكم .. دي علشانكم .. يا رب تعجبكم و انا عارف انها مش أد المقام بس على قدي و ضحكة خفيفة و دنك راجع لشقتك .... يااااااااه .. تخيل الراجل ده هيكون في دماغه ايه دلوقتي ناحيتك.

3 - واقف في السوبر ماركت ... بتشتري حاجات و في الحاجات دي عصير و الجو حررررر ... و اللي واقف جنبك بردو شاري عصير ... طلع واحد و اديله ... طلع علبة عصير و قوله دي علشانك ... و الله تاخد عشان أنا عاوز أسقيك ... و الله ليحبك ... و الله العظيم ليحب الدين ... و يحب الملتزمين و يحب شكلك أي كان شكلك .. ملتحي مش ملتحي لابس جلابية لابس بدلة .. هيحبك علشان انت حبيته :ninja:

4 - عملت أنا و أصحابي قبل كدة مشروع السقا ... السقا الاسلامي ... كل واحد فينا شايل معاه ازازة مية ساقعة معدنية في عز الحر ... و ماشي في الشارع يسقى الناس ... في الصيف الناس بتموت على بق مية ... يمكن في مصر أكتر ... الناس ساعات كانت بتفكرني مجنون او هأخطفهم و المية فيها حاجة ... و ساعات كانوا يدعولي دعوة جميلة أوي و هم مبسوطين ان فيه حد بيفكر فيهم في الحر ده ... في ناس حبت تشترك معانا و في ناس اتصاحبت علينا و دامت الصداقات لزمن .... شئ جميل لما تحس ان حد بيفكر فيك.

الأمثلة و الطرق اللي فوق دي حقيقية و على سبيل المثال لا الحصر ... و كل ما قلبك يحب الدعوة .. عقلك هيبتكر كمان و كمان ... و هتلاقي نفسك يوم ما تقول ... كذا حرام ... الكل هيسمعلك و يحبك و يؤمن بدعوتك ... بس ابدأ بالود و المحبة و البساطة و ما تبدأش بالحرام علشان الناس دلوقتي بتتخض من كلمة حرام ... بقي فيه في مجتمعنا تيار اسمه (الأنتى حرام) ناس كل ما تسمع كلمة حرام تتشنج .. يمكن من الطريقى اللي الكلمة بتتقال بيها .. يمكن من قلوبهم اللي ناكرة الأمر الالهي .. الاسباب كتير و مش هنخوض فيها ... اللي عاو أقوله إننا نأجل كلمة حرام دي شوية و نفتح قلوبهم الأول و بعدين نديهم تعاليم الدين الصحيحة أو نوصلهم للي هيديهم التعاليم دي لما يكونوا جاهزين فعلاً لتلقيها.

مكاوى

[abaomar]

السلام عليكم

الاخوه الكرام جزاكم الله خيرا

.

يا زهيرى يا حبيبى كل يؤخذ من كلامه و يُرَدُ عليه إلا المعصوم صلى الله عليه و سلم ..

انا موافقك فى ما ذكرته رغم انه ليس بتلك الصوره او الانتشار بدليل معدل التحول الى

الاسلام العالى فى كل مكان داخل مصر و خارجها و ذلك دليل اكيد على النتائج الطيبه

للدعوه الحسنه الى الاسلام بفضل الله ..

وجود نماذج منفره امر طبيعى فلا تنسى ان هناك شيعه و متصوفه و معتزله و قرأنيين و بهائيين

و علمانيين يلتحفون عباءه الدين و غيرهم من الفرق الضاله المنتسبه الى الدين و يتكلمون بلسان الدعوه و اهم اضل خلق الله

ماذا تتوقع منهم ..إذا كان الله عز و جل حدد مقومات الداعيه و طرق الدعوه فى القرأن

الحكمه و الموعظه الحسنه و قبل ذلك العلم ....العلم بالدين و لو بأيه واحده كما قال المصطفى شرط ان يكون

ناقلها و الداعى بها عالما بها ..حتى و لو أيه ..

قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَاْ وَمَنِ اتَّبَعَنِي وَسُبْحَانَ اللَّهِ وَمَا أَنَاْ مِنَ الْمُشْرِكِينَ

هذه هى المشكله يا زهرورتى ..الكثير ممن يتصدون للدعوه ليسوا على علم و للاسف يتأثر بهم جمهور

تواق الى الدين و يتأثر باللافتات ..المفكر الاسلامى ..الدكتور العلمانى المزور المفكر الكبير .....الداعيه الاستاذ الكبير ..

و هكذا رأينا جمال البنا ..سيد القمنى ..طه حسين ..المهندس عدنان الرفاعى ..عبد الفتاح عساكر ..عمرو خالد

و الكثير من الاسماء التى تحمل القاب و يافطات عريضه و تتكلم فى الدين و هى اجهل ما يكونون به..

.

و على الجانب الاخر تعال ننظر الى النماذج المشرقه المضيئه فى سماء الدعوه التى ما إن أُتيحت الفرصه لها للظهور

و لو على استحياء فى الفضاء الاعلامى انجذبت لها الملايين التواقه الى المنهج الحق

منهج القرأن و السنه الصحيحه و الذى هو حاكم على الجميع و يمكنك متابعه ذلك من خلال قناه الرحمه و الناس

و الحكمه مثلا و مدى الانتشار و الاقبال على منهجها ليس فى مصر و حسب بل فى العالم الاسلامى كله

و انظر الى نماذج محمد حسان و يعقوب و الحوينى و غيرهم من الدعاه و العلماء الذين كان يستحيل

على الكثير الوصول اليهم كيف هو الاقبال عليهم او قل بشكل محدد الاقبال على منهجهم ...

[احمد هادي]

المشكلة ان هؤلاء الاغبياء اصبحوا اغلبية هذه الايام يا أخي

زميل لي عربي مسلم ...دعا احد النصارى العرب إلي الاسلام

تعرف ماذا رد عليه الرجل

مش لما تسلموا انتم الأول

مش معاه حق برضوا ....

لا يا أستاذ أحمد ما معهوش حق برضوا !!!!

و لو إنت شايف إنه معاه حق برضوا ... أسلم أنت وجهك لله كما يريد الله و أخرج نفسك من سجن الإلهاء اللي وضعنا فيه أعداء الدين و هأرد عليك بآية من كتاب الله عشان تفهم اللي ورا رد الراجل اللي مش مسلم ده

(ربما يود الذين كفروا لو كانوا مسلمين)

مصدق ربك يا أستاذ احمد ولا لسة مصدق الأكاذيب اللي بتتقالك ليل و نهار ؟؟

مكاوى

:ninja:

???????

يا سيدي انا رجل عشت في سبع بلاد مختلفة وعملت مع حوالي ثلاثين او اربعين جنسية

واستطيع ان اقول بكل ثقة

ان المسلمين هم أحد اهم اسباب صرف غير المسلمين عن الاسلام

كنت في المدينة المنورة من اسبوع

شاب من فنزويلا يحكي انه اسلم دون ان يري مسلما واحدا

لكنه لما ذهب الي المسجد

وجد نظرات المصلين له تملأها الشك والريبة ويقول

لولا انا ربي أراد بي الخير لكنت الآن في مكان آخر

عندي من هذه القصص الكثير

رأيته بنفسي

زاملت استراليه في الامارت لعدة سنوات

قرأت القرآن 11 مرة ولم تدخل في الاسلام بعد

تحكي عن صدمات تتعرض لها في تعاملها مع النساء من صديقاتها من اهل البلد

وعن مجتمع النساء وما فيه من تجاوزات لكل شرع او دين او عقل

ولأنها إمراة شقراء جميله وعلي الرغم من انها متزوجة وغير مبتذله واصلها ريفي وبالتالي لها تقاليد معينه مثل ابناء القري في العالم

فأن أكثر ما رأته هو عروض مخزية

بل ومجنونة احيانا

من يلام هنا ؟

المرأة التي لم تري مسلما واحدا يعاملها معاملة الاسلام

أم المسلمون الذين أساءوا الي دينهم بعد ان اساءوا الي انفسهم

فلماذا اذا كانت لي وجهة نظر مختلفة أكون في نظرك لم أسلم وجهي لله كما يريد

ومسجون في سجن الالهاء

ولا أصدق الله وأصدق أكاذيب تقال لي ليل نهار

لماذا تعتقد يا أخي انني اجادلك .....فترد علي بأية من القرآن

الآمر اهون بكثير

لك مني كل الحب والاحترام

تحياتي