الهدايا الهدايا الهدايا

[Alex Lover]

طبعا غالبيتنا نازلين مصر السنة دي باذن الله .. تعالو نتشارك الأفكار ونستفيد من خبرات بعض ،، هتجيبو هدايا طبعا ، ايه رأيكم في الموضوع ده ؟؟؟ بتتصرفوا فيه ازاي ، وبتجيبوا منين وهل بتعملوا له ميزانية و لا لأ .. هل عندكم افكار ... ؟

ياريت كل واحد يساهم برأيه وافكارة

[رمضان]

شكلك كده يا اليكس بتفكري تكنسلي الهدايا السنة دي

[زعلان]

أفضل الهدايا على الاطلاق هي ما يحتاجه الشخص الذي توجه له الهدية على قدر نفع الهدية وحاجة الشخص لها تكون سعادته بها وتقديره لها ولمن منحه اياها

اذا انظر لما يحتاجه الشخص وعلى ضوء احتياجاته وامكانياتك ومعرفتك به قرر هديتك سواء جلبتها له معك او اشترتها من مصر او اشتريتها بصحبته فلا بأس اطلاقا

أما الهدايا الرمزية و العادية كالعطور والساعات والمجوهرات والكتب فهي هدايا مستهلكة لا جديد فيها تخضع لامكانيات المهدي وعلاقته بمن ستذهب له الهدية

بالنسبة لأبناء الاخوة والاخوات وما شابه في مختلف مراحل الدراسة قد تكون الملابس والاكسسوارات (من ساعات ومجوهرات ,...) هدايا مناسبة او قد يكون اعطاء مبلغ مالي معقول لكل منهم لشراء ما يناسبه او اعطاء قسائم شرائية لمركز تجاري كبير يمكنه من خلاله شراء ما يريد من بين عدد كبير من المحلات أمر جيد ايضا وعملي ولا اجد في ذلك حرج كونهم مثل الابناء فلا بأس بذلك

شخصيا ابناء أخي ما زالوا صغار جدا ولم اجرب هذا الشيء بصورة مباشرة معهم لكني احبذه

وعموما عليك ان تفكر هل هي مجرد هدايا ام هي هدايا ذات قيمة نفعية وحاجة للاشخاص المهداة اليهم

انا شخصيا وصلني في عيد ميلادي الاخير عدد من الهديا رغم عدم انتظاري بل وعدم توقعي لها عبارة عن قميصان (الدولاب لم يعد يتسع للملابس ) + زجاجتان عطر( هدية متكررة بصراحة مللت منها لقد توقفت عن شراء العطور مؤخرا من كثرة زجاجات العطر التي احصل عليها)+ كتابان ( هدية جيدة بالنسبة لي اذا كان الموضوع مناسب او يغري بالقراءة ) + 3 رسائل نصية قصيرة :copied:

الهدية التي قد تسعدني مثلا رحلة لشخصين لبلد جديد او مكان جميل :sofa:

[Alex Lover]

رمضان ... دايما فاهمني كده ؟؟؟

[ابن الصعيد]

انا كل ما انزل مصر اجازة وأدي حد هديه حتي اصدقائي يبصلي من فوق لتحت ويقلي هيه دى الهديه

وفي سنة طلبت من كل واحد يطلب هديته كلهم طلبوا احدث موبايل يعني عاوزلك شغلة 1000 دينار

طبعا لم اشتري وزعل الجميع

نصيحة ماتشتريش هدايا وادي فلوس

[ابو ايمان]

يعنى لازم تفكرينا بالهدايا

دى هم كبير سواء اخذت هدايا ام لا كده كده بيزعلوا

وما بالك ان لى ثمانية اخوات بزوجاتهم وازواجهم واولادهم غير الاهل والنسايب والاصدقاء

بس نعمل ايه الكل عشمان حتى اقرب الاقربين لك

بس احلى ما فيها فرحة الاولاد الصغار بهداياهم دى بتنسينى كل شيئ

[أبو حميد]

الهدايا ما تتكنسلش يا جماعة لازم الهدايا وخصوصا الصغار أنا فاكر الهدايا اللي كانت بتجيلي وانا صغير ولأنكم معايا في الكويت أنا أنصحكم بالملابس للأطفال لأنها رخيصة في الكويت "لو عرفت تشتري أمتى ومن فين" وغالية في مصر والمقاس لو كبير شوية يمشي حاله وكمان الملابس ها تنفع الأخوة الأصغر بعد كده.

وزي ما قال أبو ايمان فرحة الأولاد بالهدية هاتنسيك كل اللي دفعته وهاتقول يا ريتني كنت جيبت هدايا أكتر.

[Alex Lover]

طيب يا جماعة قولولي بعض الافكار ...

وعلى رأيكم ياريته بيعجب بالعكس ده يسال جبتي لفلان ايه وده يقولى اشمعنى هو لما خلااااااااااااااص هاتجنن

هي فعلا هم كبير وربنا يعديه على خير

[عبده بيه]

الهدايا هدايا

يا جماعة بقت مشكلة عندي اسمها هدايا

كنت بشيل اوزان وبدفع فلوس عليها وكل واحد مش عاجبه اي شيء او يقول يا ده ارخص من كده بلاش كنت تجيب

اخر مرة اجهدت من الهدايا في الشراء وفي الشيل وفي الاخر كالعادة

ومن هنا فكرت ان اعمل هدايا للصغار فقط فهم احسن ناس وهم دائما في انتظارك

يبقي الصغار ملابس والعاب وكان الله بالسر عليم

واجازة سعيدة يا بيه

[بنت النيل]

الهدايا الهدايا

ايه يا اليكس انتى شوفتينى وانا بشترى الهدايا ولا ايه :copied:

فعلا هى هم كبير بالنسبة للكبار بس لكن انا بحلها برده :sofa: قبل ما اشترى حاجه بتصل هااا عوزين ايه من هنا لو حد طلب يبقى ريحنى شوية من الحيره ولو ما طلبش بحاول اجيب حاجات تنفع والحمدلله معنديش غير اتنين اخوات واحد منهم بس اللى متزوج يعنى بسيطة انا عن نفسى مش بجيب هدايا لحد غير اهلى واقرب الاقربين فقط لا غير

وكمان شوفى ياستى بالنسبة لهدايا الستات معروفه العبايات والشيلات والمكياج واذا ممكن اكسسوارات للبنات

للاطفال طبعا الملابس والالعاب ولكنى بفضل الملابس احسن والاحذيه وبيكون لهم النصيب الاكبر فى الهدايا لانى هما اللى بيفرحوا الواحد فعلا اكثر من الكبار

اما الرجاله بسألهم لانى بحتار فى هدياهم شوية

ومش بحدد يوم للشراء لا يعنى ممكن اكون خارجه والاقى مثلا تخفيضات فى اى مكان بشترى فرصه طبعا

الاقى حاجه عجبتنى فى مكان تانى اشترى يعنى فى اى وقت حتى لو هتعنيها شهرين ثلاثه لميعاد الاجازة مش هتخسر طبعا

المهم بقى ذى ما قلنا هو يارب بعد كل ده يعجب

[Alex Lover]

بنت النيل ... ها هتنزلي السنة دي ولا مش هتنزلي ؟؟؟

والله يا جماعة ان الموضوع ده عامل زي الهم على القلب وخصوصا ان الهدايا لو كانت ملابس باروح اتفاجا ان الاولاد كبرت ومقاساتها اتغيرت ... انا محتارة خالص

بس انا بافكر اجيب للرجاله كلهم قمصان والستات كلهم عبايات والاطفال بقى مش هاعرف اجيبلهم لبس علشان المقاس ممكن اجيب لعب ولا ايه رايكم

[Tafshan]

دقى يا مزيكا ... بس حزينى wst::

من كلمات زوجتى المأثوره " نفسي اعرف مين اللى اخترع موضوع الهدايا ده wst:: "

توصلنا الى حل جيد الى حد ما ..

عملنا ميزانيه شهريه للهدايا .. بمعنى مبلغ معين كل شهر نجيب بيه شوية هدايا : طبعاً بنجيب لحمايا و حماتى و لاخوات زوجتى و زوجاتهم و واولادهم و لاخواتى و ازواجهم و اولادهم wst:: و بالتالى الطريقه دى بتبقى حلوه .. لاننا بنستفيد من مواسم التخفيضات في البلد و بنجيب براحتنا و مش بنحس بالحاجه ...

بالنسبه للرجال و السيدات (الكبار ) : برفان .. معروف القيمه و غالى الثمن جداً في مصر و بالتالى ابقى خلصت من مشكلة التهكم .. في دبي في اسواق بتبيع البرفانات الفرنسيه الاصليه بالجمله .. و لذلك بيبقى نزلة البرفانات دى في يوم واحد ببقى عامل فيه الليسته الماتينه و اتكوع التكويعه التمام lmo: طبعاً ده زائد كرفته هنا على قميص من هناك ... الخ و ده يغطى بالميزانيه الشهريه

بالنسبه للعيال : هدوم طبعاً .. و بجيب اكبر سنه .. و طبعاً لو ما اتلبستش السنه دى بتنفع السنه اللى بعدها .. مهم جداً في مصر الماركات .. هم بيبقوا عارفين المحلات هنا اكثر منى رغم انهم عمرهم ما جم .. ما تفهميش ازاي .. المهم .. مواسم التخفيضات بتنفع بقى في الحاجات دى ... و كلها بتتغطى بالميزانيه الشهريه ... قبل السفر .. تتلم الهدايا في شنطه و ع المطار cld:

بالنسبه لاللعب .. ما انصحكيش .. ح يقولوا عايزين PSP و الخ الخ ... بلاش :wub:

[nash]

أهلا يا أليكس.....

ممكن أشارك....

أوك...

بالنسبه لي...الأطفال .....هم أهم عنصر في موضوع الهدايا...أحاول دائما...أن أحضر لهم ما غلا ثمنه.....وخف وزنه....بمعني....في أحدي الصيفيات أشتريت لكل واحد فيهم...بالنسبه للأولاد جهاز الجيم بوي...كجهاز شخصي....إلي جانب طبعا البلاي أستيشن...لكل أسرة....

أعرف أنه طبعا شيء باهظ الثمن...لكن لا يغلي علي أولاد وبنات شقيقاتي....

هذا العام فكرت في سيارات الهامر بالريموت .....فوجئت من صديقه عزيزة لدي في مصر أن ثمن الواحده...تقارب ال400 جنيه...طبعا مبلغ خرافي إذا ضربنا الرقم في أربع أولاد....

هنا مثلا....في موسم التخفيضات ...تصل إلي حدود ال160 ريال....يعني أرحم شويه....

لا تسأليني كيف سأخذها معي...فأنا لا أعرف حتي الأن...

أيضا...وطبعا لن تكون السيارات وحدها....

لذلك أفكر في حاجه أخري..لإني بالنسبه لهم خالتوا حبيبتهم...ممكن الأم بي 3 أسعارة متفاوته..لكن القرود فاهمين علي الاشياء المحترمه....

بالنسبه لشقيقاتي...هما أثنين فقط....ودائما ما أسألهم..ودائما مايقولون..لا تحضري شيء..وأنا أفرح طبعا....ويطلع عيني في البحث عن أشياء وهميه.....لكن برضه بتعدي...

لا أحبذ الملابس في الهدايا لإن الطفل لا يفرح بها كاللعبه........

الغاليه ....هي فقط من تحيرني...ولكن هديه من الذهب...قد ...أقول قد...توفي القليل من حقها....

أليكس...كل عام وأنتي بخير...

بس بليز إذا قررتي للهدايا...قولي..علشان...نتشارك الرأي

[Alex Lover]

انا عجبني اوي موضوع الهامر اللي بالرموت ده بس انا معرفش سعره كام في الكويت ، بس انتم معايا ان فيه ناس بتقيم الهدايا بعددها وليس قيمتها ، وبالتالي الموضوع ده بينفع كتير لو جبت كذا حاجة بربع ثمن حاجة واحده غالية ، وطبعا فيه ناس بتفهم ولو جبتلهم حاجة مش قد كده بيعتبروا تقليل من شانهم ولو مكنتيش جبتي كان احسن ...

والله يا جماعة انا باقول

ابنات اجيبلهم شنطه بناتي + عروسة باربي والأولاد لعب صبياني زي ما تطلع والرجاله كرافاتات او قمصان اما الحريم فحدث ولا حرج وربنا يستر مطلعش من هنا على المأذون

[مكرمعبدة]

السلام عليكم ـ واللة هذ الموضوع مهم بس كما قال بعض الاصدقاء شيل وتفكير ودفع وزان وبعد هذ كل واحد زعلان ومش عاجب واشمعنة دة وانا لا وحاجة تكسر الراسى انا على العموم انذل كل 3 سنوات او2 او اكثر لان متزوج وعندى 4 اولاد والزوجة ليس مصرية وانا فى بلد اربية بس زوجتى واللة مسلمة والحمد للة من بلد عربية ممكن هذ احسن وللعلم لا اذهب الى بلدة الا مرة وحدة من 30 سنة زوج وكونت لوحدى وهى ذهبت الى مصر كثيرآ والاولاد ممكن 3 مرات لان كل شخص يعرف مصريف السفر وعلى العموم انا كونت طناش مع بعض الاخوة بس ممكن حاجة صغيرة للا طفال لان بالحق انت فى غربة والعمل قاصى ليس مثل العمل فى مصر قاعد على المكتب والجريدة والشاى والقهوة لا هنا العمل عمل وتعب وشاقة وبلا طبع كل واحد فى مصر يفكر انا احنا قعدين والفلوس تهبت من السماء ولو واحد منكم سوف يرجع الى بلدة لبود التفكير فى المستقبل لان الحالة الان غلية جدأ ولو تفكر فى احد واللة هو ليس يفكر فيكهو عيز احسن هدية وبس وتكون غالية وكل واحد مثل الاول ؟؟؟ هل انت ذهبت الى الخارج والعمل فى الخارج لتحضر هداية كل عام يبقة احسن حلجة لا دعى من السفر لان واللة تحضر هداية او لا مثل بعض لو فى ام ممكن هداية لة والاب مثلة ولو اخ ممكن شوية من الفلوس مع الاولاد او شرلء كل الاولاد مثل بعض لان كل واحد سوف يقول اشمعنة دة احسن منى و ابن دة احسن ؟؟ واحسن حاجة النقود وبس وعدم تكسير الراس ولكن الاقارب والاصدقاء هذ غلط لا ولا داعى هداية هو سلام واسف بس وانظر الى مستقبلك وبس لان لو فكرت فى الاصدقاء والاقارب والجيارن يعنى مرتب 4 او 5 شهورحتى لو شهرين يعنى فى الاصل واللة حرموحرم وهذ كلة كلم فارغ وحضرت هداية ام لا ليس عجاب يابقة فلوسك فى جابك احسن وهذ عين العقل لان عقل العرب ليس تتغير على طول الى الخلف وارجو اخى الكس او ابو احمد او اى اخ متغرب انظر الى المستقبل لان الان ليس حد يسعد حد فى هذ الزمان الاخ ليس يعرف اخية والجار لا يعرف جاروة حتى اى الصديق المخلص الان للاسف وللاسف الاسلم فى التاخر وليس فى اسلم حق لان القلوب الان يقول لية نفسى واللة مش عرف ماذا حصل لهذة البلد فى كل مكان مشكل اطلب من اللة ان يهدى شعب مصر ونحب بعض مثل زمان :waving: والان اسف لانى تكلمت كثيرآ ولكم شكرى واللة معكم وسلامى الى الاسكندرية واهل الاسكندريى وطبعآ جميع انحا ء البلد وسلامى

[Guest عابر سبيل]

لا تشتري خيط في إبرة كل حاجة موجودة هنا و بسعر أرخص كتير من برة  و بجودة عالية ، لو أهلك في الصعيد ٠٠٠٠٠ من المطار استأجر بيجو من المطار لبلدكم  بس قبل الانطلاق قم بالمرور على الموسكي أي نعم  الموسكي و الغورية  و يمكن كمان حمام التلات ٠٠٠

انتقي ما شئت من البضائع  ٠٠ أكيد ليس منها موبيلات و الذي منه

ثم بعد ذلك أكمل الرحلة إلى بلدك