أكسبوا الأجر والثواب...في محو أمية ( نورا )

[nash]

أخواتي وأخواني الأعزاء.... :wub: :wub:

السيدات والساده أعضاء وعضوات منتدانا الكرام :) :blush:

مطلوب...وبشكل عاجل مدرس لغه عربيه متمكن وله طولة بال وصبر....ولا يريد بتدريسه للأخت نورا

إلا الأجر والثواب وإبتغاء وجه الله تعالي...

.............................................................................................................

الحقيقه العملية زادت ......وأنا خايفه ........أجدها مرة واحده بتشاركنا بصفحه بيضاء تماما :sad: ...نتيجه أكلها للحروف....

وأستخدام حرف الواو بدل الضمه...والياء بدل الكسرة....وباقي الحروف الحقيقه مش مفهومه...يعني نظام نخمن أحنا هي كاتبه أيه بالظبط..... :blink: :blink:

طبعا مأساة الأخت نورا ...دليل واضح وقوي...علي فشل نظام التعليم الليلي في مصر...ونظام محو الأميه..ونظام الكتاتيب :blush: :wub:

...................................................................................................................

فيا ليت من يتصدي لهذه المهمه العسيرة.......طبعا غيري :ph34r: ...لإني هلكت معاها....ويقوم بهذه العمليه الشاقه

وإن شاءالله

ربنا معاه

تم تعديل 20 فبراير 2007 بواسطة nash

[أبو زياد]

لأ الموضوع كدة حيكبر يا أختى العزيزة و حتفتحى على نفسك باب ..

يالله فين الزباين ؟؟؟

الموضوع مش موضوع نورا دول ناس كتييير قوى ..

بيكتبوا الزين ( ز) ذال ( ذ ) و بمنتهى الإصرار !!

والتاء طاء

والمدة فى آخر الكلام ( ا ) بيكتبوها ياء بطة : ى ( إنت شايفنى ؟ )

هما اكيد مش واخدين بالهم بس واجبنا ننبههم مع الإحترام و التقدير ..

ليه بس تطلعى اللى ف قلبى ما كنت ساكت ؟!!

ملحوظة :

أختى ناش ( بينى و بينك ) كلمة تكريس بالسين و ليست بالثاء زى مثلا : تكريس النظرة الخاطئة للمرأة !!

شكرا لك و فى انتظار حد يعملنا تصحيح كلنا ..

[أبو حميد]

مش عارف ليه يا ناش أنتي متحاملة على نورا مع أن يادوب 20% من كلامها لا يمت للغة العربية بصلة و60% عربي بأخطاء املائية و20% صح جدا.

أنا هأحاول لكن لو زعلت نورا أنتي المسئولة انا هاديها أول درس مع اني مش كويس في اللغة العربية لكن على قدر أستطاعتي وأدي مشاركة ليها مع التصليح ما عدا السهو والخطأ والباقي عليها تذاكر وعلى باقي المحاورين يكملوا دروس

هو ده الموضوع الي عرفني بالمنتدى اسمو أسمه بنطلون للايجار للإيجار

ده وصلني على الاميل ويمها يومها مت مش عارف أكتب الصح بتاعها يمكن موتت من الضحك ومبقتش ما بقيتش قدرة قدرة دي للفول بس قادرة ورحت اعدت قعدت ادور أدور على المنتدى في النت لحد لما لقيتو لقيته ولو قالت وجدته لكان أفضل لنا ولها في الاول الأول كان كل اهتمامي أهتمامي متابعت متابعة الموضوع ده بس بعد كده دخلت ولقيت ان أن الموضوع كبير اوي أوي او قوي وبدات اتفرج لحد لما نرفزني خبر في الجرنال وشدني ورحت كتبت كان الموضوع عن ترحيل المصريين المخالفين من الكويت بس واعدت قعدت لأن كلمتها تعني الإعادة مده مدة طويله طويلة سعات ساعات اكتب وسعات ساعات كتير مكتبش لا أكتب أو ما أكتيبش لظروف الشغل بعد كده عدم توفر النت عندي في البيت لحد لما وفرت توفرت عندي الانترنت بقيت مدمنه مدمنة لدرجه لدرجة ان ان سعات ساعات بحس بأحس أو بأشعر ان جالي لوسه لوثة وجوزي يقولي المحاورات بتاعتك كلت أكلت دماغك بس انا منظمه منظمة نفسي مش بدخل غير وهو نايم او أو مشغول بره كده يعني ...........

شكرا بجد انكم أنكم خلتوني افتكر الكلام الجميل ده

[النسر المصري]

واللهي ي نش انا حاساس انتي مطقلاها حبطين على نور :) ا

موش عاراف انتي لي كدا !!! :wub:

اي ياعني لام ناور طغلت ف كم حارف....هيا دي موشكلاه :blush:

[nash]

أبو زياد الطيب

..................

بلاش قدام نورا دلوقتي.......

وهانتفاهم في الموضوع ده....ولعلمك....

مشكله الزال والذين والياء البطه....والهاء اللي عليها نقط والغير منقوطه من نورا....

برضه بلخبط فيها.......( ماتجيبش سيرة )

لحسن شكلها هاتموتني...

.........................................................................................................

بس أصل لازم يعني بما أن روح التعاون بينا طيبه....نشوفلها حل مش معقول نسيبها كده......

ونتبهدل أحنا في الترجمه

[nash]

أبو حميد يا طيب

لما تشوف داركر في الأجتماع ....سلملنا عليه....

واشكرة بالنيابه عنا وعن أعضاء المحاورات ...

الحقيقه كان دايما يصلح لنورا أخطائها...والظاهر هو مشغول اليومين دول..

مافيش مانع حضرة سيادتك تأخذ الدور مؤقتا..

............................................................................................

بالنسبه لإقتباسك...لإحد ردود الأخت الكريمه نورا...

أحييك بشده علي طولة بالك وصبرك....ومحاولتك الحثيثه...لإيضاح...أوجه القصور...

ومكمن المشكله....في هذه الحاله المستعصيه...والتي حيرت علماء اللغه وعلي رأسهم....

أخونا الفاضل ( سيبويه )

............................................................................................

أخي الكريم .... أبو حميد

لو زعلت الأخت نورا.....أنا معرفكش...ولا أعرف مين اللي كتب الموضوع أصلا....

أة ( الجري نص المجدعه ) <<<<<<عاجبني المثل ده وكان نفسي أستخدمه من زمان

.........................................................................................................

[أبو زياد]

واللهي ي نش انا حاساس انتي مطقلاها حبطين على نور :ph34r: ا

موش عاراف انتي لي كدا !!! :)

اي ياعني لام ناور طغلت ف كم حارف....هيا دي موشكلاه :blush:

:blush: :blink: :sad: :wub:

سؤالين للفاضلة ناش :

ليه إخترتى نورا بالذات ؟

ليه حطيتى الموضوع فى باب الأسرة و الطفل و مش فى التعليم و العمل ؟ :blink:

ليه نورا ماردتش لحد دلوقت ؟

السؤال الثالث مش عايز أعرف رده دلوقتى خاااالص .. :wub:

[nash]

أستني يابو زياد...

أنا مش فاضيه....أصلي بحاول ...أوصل للنص الأصلي لمداخله النسر...

هوة فيه أيه بالظبط ( وش مذهول ) من الصدمه العصبيه...

.............................................................................................

[Scorpion]

بل سرة و تعليم .. بل تعليم و عمل ...

لموضوع ده مكنه لطبيعي هن ....

و نور سيبك منهم ... الكل فهمك .. و حسس بيكي ... علم حكودة بقي تعملي ايه ...

بس علشن محدش يفتح بقه بعد كده .. بقي بس ضيفي حرف الألف من فترة للتنية يا ستي .. و بقي دعيلي ...

يعني مثلآ .. ضيفي حرف الألف علي ي كلمة مش فهمه هنا و نتي حتعرفي قصدي يه

[Diab]

هي أرحم من كيوت تين :blush:

[darker19]

يا جماعة أتمنى انكم تسامحوني, أنا حاسس اني أخطأت في حقكم لما سبت نورا تبرطع في المنتدى كده براحتها ولما فكرتها بالمنتدى بعد غياب حقبة من الزمن....

وتقديرا مني لجهودكم الجبارة في التحمل أنا حبيت أضيفلكم عينات بسيطة من الكوارث اللغوية بتاعتها عشان لما يحب حد يتطوع لتعليمها يكون مدرك مدى تأخر الحالة...

يلا تعالو لعبه جار من الجحيمNeighbours From Hell 3 من موضوع

جبتلكم لعبت Neighbours From Hell 3 الجزء التالت لعبه لزيزه اوي للكبار قبل الصغار

(لعبت-لزيزه-التالت)

من موضوع القبض على جاسوس كندي مصري لصالح اسرائيل

حسبي الله ونعم الوكيل فيهم ايه ده

فعلا الاب هو السبب جنى عليه لو كان حاول يربيه ولا حتى يصلح منه مكنش ده حالو جي يرميه طول العمر ودلوقتي كمان يقول انا اشنقو ما انت الي مرضتش تتعب في تربيته عيل 5 سنين مكنتش عارف تعدل فيه فاسد ايه الي عمرو خمس سنين ذنبو في رقبت ابوة هو الي ضيعو والام محدش قال ازاي فسدتو امو لا جاب سيرتها حسبي الله

(حالو - اشنقو - عمرو - رقبت - ضيعو - فسدتو - امو لا جاب)

الله يكون في عونكم سبع غلطات في سطرين!!!

من موضوع هو و هي والخرس الزوجي (الطامة الكبرى و من تحليلي هو غالبا السبب الرئيسي الي خلى ناش تتحرك من مقاعد المذهولين الى العاملين على إنقاذ نورا من الأمية)

الموضوع جميل جدا ويستاهل الحوار

انا شيف ان احد اسباب الخرس هو تجنب المشاكل وان كل واحد واقف على الوحده وبرضو بالاكتر الراجل لاني مش عرفه ليه الراجل دايما بيحاول دائما ان يجعل لنفسو عالم منفصل عن اهل البيت سواء ده بخصوصياتو او اقاربه ودائما تجد انه يجعل دائما حاجز وجدار كبير صعب ان الواحده تتخطاه مش القصد بالتخطي انها تكون بالتدخل الغير مرغوب او التطقل بس خلاص هي الزوجه بقت طرف من اسرتو ومنو هو شخصيا فليه الانفصال النفسي فتلاقي الزوج يمنع التدخل في عملو وتلفوناتو وراح فين وجه منين وخرج مع مين وسهر فين وتاخر ليه وكانو عايز يعيش في لوكنده يتلقي فيها الخدمات اكل وشرب وغسيل ومكوى ولو الخدمه مش اد كده يلا شوية نكد والزوجه تجري في طاحونة ارضاء الزوج والابناء متناسيا ان هي ايضا محتاجه لحد يسمعها تشوفو تخرج معاه تسمع منو كلمه كويسه وتاخد وتدي معاه بس ده راي الصراحه في الصمت الاجباري وذلك نتيجه الحظر المفروض على الزوجه او احد الطرفين علشان مكنش جنيت على الرجل لو كانت الزوجه هي الي بتعمل العكس

(شيف - لنفسو - بخصوصياتو - التطقل - اسرتو - منو - فليه - عملو - تلفوناتو - وتاخر - كانو - لوكنده - راي)

للحديث بقية وبقيه كتير كمان, انا شايف ان مدرس واحد مش كفاية احنا محتاجين كونسولتو مدرسين عشان يلحقوها وجاري البحث عن متطوعين....

تم تعديل 20 فبراير 2007 بواسطة darker19

[nash]

أيوة يا أبو زياد يا طيب

.............................

شوف يا سيدي ...أخترت نورا...لإن النهارده الصبح الحقيقه...أرسلت لي رساله خاصه...مافهمتش منها نفنوفه....

وساعتها أضطريت متأسفه أخرج من مقاعد المتفرجين إلي مقاعد الفاعلين....يمكن نقدر نلحق أي حاجه...

حطيته في الباب الغلط من ذهولي وأسبهلالي من الحاله المترديه اللي وصلت لها نورا أختنا الكريمه العزيزة الطيبه :blush:

السؤال الثالث بأة....أنا كمان مش عارفه أجاوبه الحقيقه.......وبصراحه قلقانه شويه :ph34r: :)

...............................................................................................................................

Scorpion

بالأمانه أحنا ناس حاقده علي نورا

دي ست الكل ...,نوارة المنتدي

يوة ده برضه أسمه كلام :wub:

أنقل الموضوع عادي ولو حبيت ترسله لوزير التعليم هانكون ممنونيين

بس شوفوا حل :blush:

تم تعديل 20 فبراير 2007 بواسطة nash

[عبده بيه]

يا جماعة الخير

انتم تقصدوا

الاخت نورا

مدرسة التربية الدينية في المنتدي

فعلا هموت من الضخك الله يخليكم لبعض ويفرحكم

تحياتي لها وصاحية الهجمة

اقصد الضحك احسن توقعونا في المحظور

[nash]

أخي الكريم عبده

شوف ....حاله نورا مستعصيه الحقيقه...هي أة تخصص كومبيوتر وحاجه جميله.....

وخريجه الأكاديميه البحريه أة برضه ماقلناش حاجه...... :blush:

بس يعني ......حرام عذابنا في الترجمه...وكل شويه رسائل خاصه أطلب منها ترجمه للعربي يعني...ولا أيه؟؟

تعبت الحقيقه.... :wub: :)

[نانو]

وفجأتون صرخ اينشتاين ...وجدتها ....وجدتها

بصي يا نورا يا حبيبتي ....انتي عارفه معزتك عندي ( اللي بتقول ماء ...ماء ) علشان كده انا قررت ادلك علي بدايه الطريق

وبعدين تكملي لوحدك بقي :angry:

يا جماعه .....نورا بتحط الحركه مكان الحرف ..... والحرف مكان الحركه

يعني ايه ؟؟؟ :blink:

سؤال وجيه

هنا يا نورا لما بتحطي حرف مكان حركه

مثلا .....اسرتوا .....طبعا حرف (الواو ) حرف حطتيه مكان ( الضمه ) ....و المفروض تبقي اسرتهُ

كمان واحد يا نورا حياتي .......حالو حرف( الواو ) حطتيه مكان ( الضمه ) .....و المفروض تبقي حياتهٌ

اوكي تعالي بقي .....نشرب شويه بيبسي دايت علشان الريجين ونكمل mfb:

ونشوف هنا لما بتحطي حركه بدل حرف

كلمه عيزه حضرتك بتكتفي بفتع العين يعني بتستعملي حركه (الفاتحه ) بدل ما تحطي حرف (الالف ) ... والمفروض تكون عايزه

مثال تاني كلمه شيف بتكتفي بفتح الشين يعني برضه بتستعملي حركه( الفتحه ) بدل حرف ( الالف ) .... والمفروض تكون شايف

نانو ....موجه عام لغه عربيه قسم فارماكولوجي

اظن ملكيش اي حيجه انك تغلطي تني :D

تم تعديل 20 فبراير 2007 بواسطة نانو

[واحد تاني]

واللاهي انا بصرحة مستغراب من موقفكو ده ... :angry:

يعني عشن كل وحد فيكو ربنا فتح عليه بشويت علم يقوم خلاص بئا يفتري عناس كدهو ؟

سيبك منهم ينورا واللى عاجبو علا كدا عاجبو مش عاجبو ينزل بترجما :blink:

[نيرون]

اذا نزرنا للموضوع من الناحيت العلميت البحتت

فقد يرجع السبب الي احد الاسباب الاتية :-

1 - ان تكون اللغة العربية كانت عندها اختياري مش اجباري لما كانت في المدرسة :angry:

2 - ان يكون العيب في لوحة المفاتيح الخاصة بالكمبيوتر ممكن تكون بتتهتته mfb:

3 - عينينا احنا اللي بتشوف غلط. :o

ام عن العلاج فهو بسيط خالص ( زي السكينة ف الحلاوة )

علاج السبب الاول

- دي حاجة ملهاش يد فيها (بعد ما شاب ودوه الكتاب) :D

علاج السبب الثاني

- نعين مشرف جديد باب وشباك من المحاورات تخصص حرف ( أ ) للتصحيح (زي ما بيحصل في المسلسلات العربية) :P

علاج السبب الثالث

- نرووح كلنا لدكتور العيون :)

شفتوا عندما نقوم بمناقشة الموضوعات بصورة موضوعية نتوصل الي حلول عبقرية ;)

والموضوع مش محتاج لمدرس ولا اي حاجة من الكلام ده

كله يقول معايا

ث ضمة

ع فتحة

ب سكون

ا ضمتين

حنشااااننننننن:blink:

تم تعديل 20 فبراير 2007 بواسطة نيرون

[عبده بيه]

الله والله هاموت من الضحك ومش قادر اسكت الله يفرحكم من ناش الي المجموعة الجميلة دي الله يبارك فيكم

احلي كوميديا

والله ما اقصد حاجة انا شايفة صاحبة الفرح جاية اهي استلموا بقي

اقصد شايف

[إبن مصر]

تم حذف المداخله لخروجها عن الموضوع الاصلى وهو مقبول من كل الاطراف

أحمد محمود

[nora]

عقلي الباطن :

يا لهوي انت اتشحورتي يا نونو ومنضرك وحش خالص بس عادي ده التميز بعينو كفايه ان الناس كلها عرفت نورة و بقت شيء فريد من نوعه

هاي شله

معلش انا كنت نايمه ولسه صاحيه ولقيت حمله قوميه شغاله ربنا يخليكم وانا من هنا من خلف هذا المنبر اشكر كل من بذلك من الوقت والجهد الكثير علشان يترجم mfb:

بصو بأه انا بكتب بسرعه وبيبقى العيال حوليا فمش بركز اوي في الحجات الصغننه دي فاعتبروها هفوات :angry:

يعني ده جزائي اني بشارك في مواضيع بنائه حتى جبتلنا الكلام وبقيت مدرسة ديني مع اني مديش خالص :blink:

بس بجد انا مت من الضحك لما شفت الكلام وخاصة طريقة سكوب والنسر وواحد تاني يا خبر هو انا ضيعه كده مش ممكن ده انت غلابا على كده

وشكرا لمجهود كل من داركر و ابوحميد خليكم للترجمه وخاصة انكم متابعين جيدين لكتاباتي فيزيع بجد انا مت من الضحك لما شفت كم الاخطاء بس يا ابو حميد مش معقول كمان اكتب الهمزه يبني انا بكتب بصباعين بس

نيجي لنانو .....

تعلم العربيه على يد نانو القويه ( معلش يا نانو القفيه تحكم )

انا متابعه يا مث الدرس وجبت ورقه وقلم وبكتب وهسهر طول الليل أحفظ وسمعيني بكره طب بذمتك مش ملاحظه ان كتابتي اتحسنت شويه صغننه

نيروز نسيت تقول سبب تاني مش يمكن العيب في صباعي او في النظارة

اما انتي يا نونوش يا حبيبتي اسمها كمبيوتر مش كومبيوتر

استاذ محمود

بجد شكرا لكلماتك بس احب اطمنك انا مزعلتش دول كلهم اخواتي وانا عرفه انهم بيهزرو وشكرا ليك ولموقف برضو حضرتك عملت احطياتك بس زي ما توقعت انا بتقبل الهزار طول محدش اتريق في شخص انا بالعكس كل واحد بين كلماتو بيعكس اعجاب واحترامه ليا فكرا ليك مرة تنيه

تم تعديل 20 فبراير 2007 بواسطة nora