فنان قد نختلف عليه

[remy74]

انا عايزه النهارده اتناقش معاكم فى حاجه.......فى فنان الناس من اول ما طلع وهى عماله تتريق عليه بس والله (وده رأيى انا)احساسه حلو أوى وموضوعات اغانيه جديده هو محمد محيى

الناس مش عارفه ليه واخده منه موقف من ساعه ما طلع ...يا جماعه مش عاجبكم شكله (استغفر الله العظيم) اسمعوه ماتشفهوش..... يعنى ماعتقدش ان مثلا لما بيغنى منير(مع العلم انى من عشاقه ) الناس بتقعد هيمانه فى شكله

المهم انا هاحاول احطلكم شويه اغانى لمحمد محيى يمكن تعجبكم

http://www.melody4arab.com/download.php?id=4975

http://www.melody4arab.com/download.php?id=4976

http://www.melody4arab.com/download.php?id=4957

http://www.melody4arab.com/download.php?id=4952

http://www.melody4arab.com/download.php?id=4957

http://www.melody4arab.com/download.php?id=4958

http://www.melody4arab.com/download.php?id=4926

http://www.melody4arab.com/download.php?id=4927

اسمعوا ومستنيه رائيكم........ وشكرا

[remy74]

ايه يا جماعه ماحدش عايز يقولى رأئيه ليه؟

الموضوع ممل؟؟؟؟؟؟؟؟

على العموم بجد عايزه اعرف رائيكم .....

[bassem_2009]

محمد محي صوته من طبقة واحدة بس

صحيح انا مش خبير أصوات إنما أظن إن لي أذن تربت على سماع عباقرة التلاوة والابتهال أمثال الشيخ مصطفى إسماعيل والشيخ نصر الدين طوبار

وعباقرة الغناء أيضا أمثال أم كلثوم

محمد محي ومن على شاكلته لايغنوا إنما هم بيدندنوا بس

[أبو محمد]

إختياره للكلمات والألحان لا غبار عليه .. المشكلة فى الأداء الباكى

[لخبطه]

أول ما نزل عمل حاجه جميله أوي اسمها اعاتبك

كنت بحبها أوي وقتها وكان هو من اقوى الاصوات الموجوده

الاصوات المرتبطة بالاجساد غطت على الكل بقا

المطلوب دلوقتى مش الصوت <_<

[inas]

انا عموما بحب محمد محيي

ولاحظوا انه فنان مقل يعني كل فين وفين لما ينزل شريط وبتبقى الحان وكلمات معظم اغانيه جميله

انا مببصش لشكل المطرب فنبيل شعيل وحسين الجسمي حققوا نجاح كبير رغم بعدهم عن مواصفات فتى احلام المعجبين

لكن فنهم واختيارهم لكلماتهم حبب الناس فيهم.

[Sherief AbdelWahab]

بيعجبني اختيار محيي لكلمات أغانيه ، هو وعلاء عبد الخالق رغم كونهما من غير أصحاب الأصوات القوية ، الكلمات ستحجز لمحيي تحديداً مكاناً وسط طوفان الجدد ..

خلص الكلام

[النسر المصري]

انا عايزه النهارده اتناقش معاكم فى حاجه.......فى فنان الناس من اول ما طلع وهى عماله تتريق عليه بس والله (وده رأيى انا)احساسه حلو أوى وموضوعات اغانيه جديده هو محمد محيى

الناس مش عارفه ليه واخده منه موقف من ساعه ما طلع ...يا جماعه مش عاجبكم شكله (استغفر الله العظيم) اسمعوه ماتشفهوش..... يعنى ماعتقدش ان مثلا لما بيغنى منير(مع العلم انى من عشاقه ) الناس بتقعد هيمانه فى شكله

المهم انا هاحاول احطلكم شويه اغانى لمحمد محيى يمكن تعجبكم

فعلا ياريمي انها قضيه وطنيه خطيره مفادها تمزيق اوصال القطر المصري من مواطنيه الشرفاء :happy:

انا هاتحجب واعمل مظاهرة تضامنا معك على تلك القضيه الخطيره :ph34r:

اللهم ارحنا برحمتك الواسعه يارب :ph34r:

[MZohairy]

ممكن تنزليلنا اغنية ليه الحبيب لما هجرني خلا للعزول كلام

وانا قلتله ياحلو واصل ......مش فاكر باقي الكلام؟؟؟

شكرا

[Diab]

محمد محي مين

عمرو دياب و منير وبس