اعتذار واجب من النسر لعازفه على اوتار من الدهب

[النسر المصري]

قامت الصديقة الغالية الراقية الازفه على اوتار من دهب ..بعمل حفلة عيد ميلاد مخصوصه لي.......

بل هي على الرجح اكبر حفلة عيد ميلاد اتعملت لي (خصوصا انها جابتلي عروستين أمامير ببلالاين ..وحاجة ايه بقى ...تحووولللل) :wub:

وانا طلعت ندل وجبان ومارديتش عليها...ازاي....ماعرفش والله :wub: :wub:

اول مره وقعدت اقرأ اسم اسم باترتيب وارد على واحد واحد ..وسقط اسمها مني

تاني مره لقتها مسجله مداخلة تانيه....وانتبهت للفعلة الشنيعه اللي قمت بها ...فرديت باعتذار وجبتلها قطيتين شاشيلا اسباني هديه وعربيه فراري وقسيمة مشتريات بمليون جنيه من موسيمو دوتييه وفيلا في شرم الشيخ وواخرى في نيس بفرنسا....

وسجلت المداخله...وأفاجأ النهارده بفتح اوضة الحفله عشان اوضبها.....لقيت مداخلتي بردو مش موجوده

طبعا مالقيتش حل الا اني اعتذر لها في موضوع منفصل ...وحفله خاصه لوحدها

وعلني امام احبائي المحاوراتيين..اعلن انا النسر المراخيري ....باعتذاري التام والخالص والمكسوفي :wub: ....للست الستات العالزفه على اوتار من دهب

واعلن ان اي حاجة تطلبها مني فهو مجاب.....حتى لو عاوزه تسترد الخمسة جنية وربع اللي استلفتهم منها من تلات سنين ...هارجعملها مش مشكله

وانا حاضر ياست الستات....بس سمعينا انت مقطوعة ذهبيه كده..وياسلام لو حته من فيروز :wub:

(النص الأصلي لمشاركة العازفه على اوتار من دهب في حفله عيد ميلادي)

عيد ميلاد النسر المصري....

الف مبروووووك...

:blink:

قصدي كل سنه وانت طيب...

وعقباااااال مليييييييييون سنه......

وآدي التورته بتاعتك يانسر المحاورات...

وآدي كمان بلالين ...

وآدي الصواريخ....

ايه رأيك في البارتي ده...

كل سنه وانت طيب...

تم تعديل 17 يناير 2007 بواسطة النسر المصري

[عازفه على أوتار الذهب]

:wub:

:blink:

ايه ده كل ده عشاني...

بجد كسفنتي

متشكره قوي يا نسور...

انا كنت حزينه جدآ وقلت هو معبرنيش ليه هو اشمعنى انا يعني

مع اني عملتلك با رتي وصواريخ وجايبالك عروستين مع البلالين وانت ولا انت هنا...

بس خلاص...وبما اننا اتصالحنا ايدك بقى على ال

قطيتين شاشيلا اسباني هديه وعربيه فراري وقسيمة مشتريات بمليون جنيه من موسيمو دوتييه وفيلا في شرم الشيخ وواخرى في نيس بفرنسا....

وال 100 جنيه اللي كنت مسلفاهملك....

وخلي الباقي عشانك.... :wub:

وكده نبقى خالصين...

*****************************

كل سنه وانت طيب يا نسر وعقبال ملييييييون سنه....

وآدي لمقطوعه ذهبيه مني

وآدي فيروز...

سهر الليالي

فيروز حبيبتي انت جبت اجمل صوت انا كنت لسه ناويه انزل موضوع عن عشاق فيروز....

سهر الليالي للإحتفال بعيد ميلادك وكل سنه وانت طيب وبألف خير يارب....

ومتشكره جدآ يا نسر المحاورات على إهتمامك...

النسر المصري بحاله بيعترلي بجد ده كتير قوي ربنا يخليك يارب ويديمك لنا بكل خير....

بجد متشكره قوي قوي يا نسر مش عارفه اقولك ايه بس بجد ده كتير قوي شكرآ يا نسر ...

.

.

.

تحياتي....

تم تعديل 17 يناير 2007 بواسطة عازفه على أوتار الذهب

[مصرية يعني مصرية]

:blink:

الحمد لله

ربنا يديمها علينا نعمة يا رب

:wub:

[Ahmad Farahat]

بصراحة أنا لو مكانك لازم أداري وشي منها في الأرض...........

ده كفاية الأمورتين...........

بس يا دهب...........

أما أشوفك في عيد ميلادي هتعملي إيه............

وهو قرب...........

22 أبريل.........

ياريت كوارع........... :wub:

[عازفه على أوتار الذهب]

الحمد لله يا احلى مصريه بيننا...

الفضل يرجع لك... :wub:

متشكره جدآ يا سهام......

يا أحلى سهام فالدنيا...

[عازفه على أوتار الذهب]

آرسين لوبيييييييين....

يا مرحبا يا مرحبا آرسين لوبين عندنا....

يا سلالالالالام بس كده احسن عيد ميلاد لآرسين لوبين...

وكوارع وفته ولحمة راس كمان لو عايز...

وكل المحاوراتيه الحلويين معزومين....

*******************************

انا مبحبش الكوارع :closedeyes:

********************************

بس المفاجأه ان انا عيد ميلادي قبلك....

17 مارس.....

عارفين يا ولاد حد ينسى عيد ميلادي...

انا عن نفسي هعملك بارتي محصلش يا آرسين لوبين ....

ونسر ابقى انسى عيد ميلادي يانسر هااا...ابقى انساه...

************************************

عمومآ انا متشكره قوي عالحب اللي لقيته بينكم ربنا يديمكم ليه بالخير يا رب....

تحياتي لكم جميعآ....

[Ahmad Farahat]

والله عارفك صاحبة واجب.........

وان شاء الله بس لما ييجي عيد ميلادك.........

هاوريكي............

اللي عمرك ماشفتيه........

[النسر المصري]

ونسر ابقى انسى عيد ميلادي يانسر هااا...ابقى انساه...

************************************

الكلام دة لاينكن يحصل ابدن ابدن..... قال انسى قال!!! :angry2:

اتفرجي هاعملك اية ف حفلة ميلادك....ان ماوريتك يا عازفة ....ان ماخليتك تنسي اسمك .....دة هاوريك المشمش في عز المانجا!!!!

استني علي بس!!!

[عازفه على أوتار الذهب]

لما نشوف الاحتفالات اللي سابقه أوانها دي..

روتانا سينما اوعى تغمض عنييك...

والمشمش في عز المنجا....

ولاينكن....

ربنا يستر... :closedeyes:

[se_ Elsyed]

عفواً

الغدارة لازم تتدخل

فهناك خطا حدث من عازفة على جسر الذهب وهو إنها قالت على دي صواريخ

مع ان دي الصواريخ مش دكهوما

شكراً

تقدروا ترجعوا تكملوا حفلتكم

[النسر المصري]

معلش ياسيسو :rolleyes: ...ممكن تبطل بحلقه وبصبصة :closedeyes:

عشان سعادتك عارف ان دول تبعي :angry2:

[محمود الشاعر]

يا نسر هو عيد ميلادك كان امتى والله ما اعرف انا اسف جدا مش عارف اودي وشي منك فين سامحني يا صاحبي

انت عارف غالوتك عندي

كل سنة وانت طيب

[النسر المصري]

يا نسر هو عيد ميلادك كان امتى والله ما اعرف انا اسف جدا مش عارف اودي وشي منك فين سامحني يا صاحبي

انت عارف غالوتك عندي

كل سنة وانت طيب

غالوتك عندي !!!! :rolleyes:

ايه الغالوت ده ياصاحبي!!! :closedeyes:

آآآ فهمت......البتاع ده اللي بيحطوا في الزبادي :unsure:

طب مش قول ياراجل ...!!!..وسايبني كده محتاس مش عارف احط ايه فين!! :huh:

عموما انا هاقبل الغالوت كهديه من سعادتك!!

حبيبي محمود الشاعر....تهنئتك وصلت في القلب من زماااااااان........لما اتعرفت على سعادتك!!! :angry2:

بس ماتنساش تجيب الغالوت بتاعي -_- !!!

[عازفه على أوتار الذهب]

س س..

فاتتني حتة الصواريخ دي...

هبقى آخد بالي بعد كده وافرق بين الصواريخ دكهه ودوكاهوما...

وشوكرن عالتوضيح.... :wub:

وبعدين بلاش تبص عالصواريخ بتاعت نسر مينفعش كده... :sad:

و كل سنه وانت طيب....... :wub:

تم تعديل 25 يناير 2007 بواسطة عازفه على أوتار الذهب

[النسر المصري]

قلويله ياعازفه قوليله :huh:

دايما سين سين كده حاطط عينه على صواريخ الناس :huh:

اما حاجة غريبه والله!! :huh: