المحلاوية إشتغلوا الزملكاوية

[se_ Elsyed]

أهو ماجبناش حاجه من عندنا

قولنا الأهلي شديد عالزمالك وعمال يطرقع له رايح جاي ولثالث سنة على التوالي يتلقى منه الهزيمة تلو الهزيمة لحد ما بقت عادة .. وربنا ما يقطع لهم عادة ...

راح طالع لهم عفريت العلبة اللي إسمه المحلة وبعد ما هزم الزمالك في أول مباارة بالدوري هذا الموسم .. قلنا صدفة والزمالك سنفض عن نفسه العُفار وسيخرج المارد من القم قم .. لكن بعيد عن السامعين إمبارح المحلة برضوا وأهو طرقع للزمالك في الدور الثاني وأفلت الزمالك من تحت أنيابه ويادوب طلع بالتعادل وبكده يبقى المحلاوية أخدوا منهم 4 نُقط هذا الموسم ...

ده على سبيل الدُعابة

نتكلم بقى شوية تخليل فني في العضل :

-شالو كاجودا وحطوا رمزي .. شالوا رمزي وجابوا سعد .. شالوا سعد وجابو ميشيل .. برضوا وهو هو نفس المستوى ونفس الروح الإنهزامية ... لعيبه بتلعب بروح موظفين الحكومة وجت ولا ماجتش مش فارقه وخلي الأيام تعدي ...

- نمسكهم واحد واحد ... عبد الواحد السيد أثبت إن عبد المنصف مش حارس مرمى ولكنه كهربائي سليسيون .. وبالفعل أنقذ ناديه من عدة اهداف مُحققة سواء في مباراة الاهلي أو بالأمس أمام المحلة .

- خط الدفاع وده شي غريب جداً فمنذ إحتراف بشير التابعي في تركيا وهو يُعاني الأمرين ويمكن لرابع سنة على التوالي ما فيش مباراة على جميع الأصعدة تعدي عالزمالك إلا ويتلط فيها هدف حتى لو كان فائز وفي نهاية تلك المواسم نجد كمية اهداف في مرمى الزمالك تكاد تساوي الاهداف المُحرزة في أي فريق من فرق الوسط التي ليس لديها إمكانيات وكأن بشير التابعي المُنتقل من دمياط للزمالك ومتعلم كورة عندهم كان هو سوبر مان اللي بينقذهم وشايل الليلة .. ونكاد نرى خط الدفاع بتشكيل مختلف طوال تلك السنوات .. حتى يوم ما يحب الزمالك يدعم صفوفه بلاعب محترم نلاقيهم يجروا ورا إبراهيم سعيد المطرود من النادي الاهلي شر طرده لإنه فيروس فساد .. ولإن ديل الكلب عمره ما يتعدل فوجدناه لا يلعب في الزمالك اللهم إلا 4 مباريات في الموسم ولا حاجه وبعد ده كله يصرح ويقول بعلو حسه " مش لابس فانلة نادي الزمالك بعد مباراة الاهلي !!!!!!!!!!!!

وكأنها تكيه أو هو موظف شغال في بقالة باليومية ومش لاهف ملايين مُقدماً المفروض يحللها ويلعب بها .... وانا لو من نادي الزمالك كنت علقته من رجليه على باب النادي وما خلتوش يلمس كوره لحد ما يرجع الفلوس اللي لهفها عشان يبقى عبرة لأي لاعب يتعالى ويفتكر نفسه بيكنباور زمانه .... مع العلم إنه كان من أسباب فضايح في الزمالك في العديد من المباريات ولا ننسى البطولة العربية العام الماضي مين اللي تسبب في خروج الفريق منها .. وحتى المباراة الاخيرة وأشتباكه مع الجمهور اللي شتمه ومافيش بعدها بثواني جاء الهدف من خطا منه هو شخصياً .. وبعد ده كله بكل بجاحة أمسعه في أحد البرامج يقول إنه لم ياخذ مليم من نادي الزمالك !!!!!!!!!!!!!! تماماً مثلما كان يقول في النادي الاهلي .. اصله عايش في دور بابا نويل بيلعب كوره ببلاش وعشان مزاجه ..

- نيجي لخط الوسط : لو ترجعوا لكتاباتي عن نادي الزمالك في السنوات الأخيرة ستجدوني بإني كنت معجب جداص بلاعب هاف ديفندر ساهم منذا أنتقاله من نادي المنصورة للزمالك في ضبط إيقاع خط الوسط وكان صخرة في هذا المكان وكان سبب الفوز بالعديد من البطولات وهو " تامر عبد الحميد " ولكن للأسف منذ إصابته بالرباط الصليبي العام الماض إنتهى هذا اللاعب وأصبح مستواه مُثير للشفقة ورأيناه بالأمس لا حول له ولا قوة وجميع لاعبي الفرق المنافسة بتاكل على قفاه عيش في الدقائق التي يلعبها .. ولإن الأندية الكبيرة دائماً ما تكون ممتلئة بالمواهب فوجدنا شاب صغير ينطلق بسرعة الصاروخ نحو النجومية وهو " معتز إينو "

لكن للأسف مرة أخرى – أنا هافضل أتأسف طول التوبيك ده " وجدنا نموذج إداري معفن متكرر في كثير وكثير وكثير من مؤسساتنا العربية سواء أندية أو شركات أو حتى محل فول وطعميه وهو " عن الشيخ البعيد سره باتع .. وزامر الحي لا يُطرب " وده عشان النادي بيبص له إنه جه النادي بشورت مقطع وفانله كم وكُم لأ والنادي هو اللي عمل نجوميته .. يبقى لازم يفضل عبد من العبيد يُضرب بالسياط ويخدم النادي من غير ما يفتح بؤه .. في حين إن لاعب أخر مستورد عامل زي شوال القطن ولم يقدم للنادي شيء بيلهف آلاف الدولارات ويتمرد على النادي .. ليه يابا ؟ أصلهم مأجرين لي فيلا في 6 أكتوبر والمدينة بعيده عن النادي وانا باتعب من المشوار .. راحوا قبل ماتش الاهلي مأجرين له فيلا جديدة في المعادي عمر اهله ما يحلموا يعدوا من جنبها حتى .. وهذا اللاعب هو جنيور الكتيان ..

طب بالله عليكو الولد اللي عنده 19 سنة أو أقل ما هو برضوا بني أدم وبيبص للي حواليه وممكن أي حاجه ترضيه حتى لو قلنا العقد شريعة المتعاقدين والكلام ده .. طب ما هو الأهلي والزمالك والأندية الكبيرة مشهورين بمبدأ الترضيات اللي تحت الترابيزة والحاجات دي ..

لكن تم إيقاف الولد وخلوه يكره الكورة وسنينها

ولو قلنا إن أحمد عبد الرؤوف الناشي الجديد سيكون له شأن .. فالأندية الكبيرة أندية بطولات وبالتالي اللاعب محتاج وقت يتخلص من الخضه ويقف على رجليه ..

- نيجي لمركز مهم في أي نادي : صانع اللعب .... ببساطة حازم إمام خلص من زمان والزمالك من بعد رضا عبد العال ليس به صانع لعب ممُيز والعملية ماشيه بالبركة .. وبرشو للأسف يوم ما يشتري لاعب بتلاته تعريفة وماكلفوش حاجه وهو " مجدي عطوه " والولد ده هايبقى صاروخ .. نلاقيه بره النادي خالص بسبب المشاكل الغير مُعلنه لنا ....

- أما عن جمال حمزه .. فحدث ولا حرج ... فنقدر نسميه " أبو كيفه " لاعب بيلعب على سطر ويسيب عشرة سطور ولا يُعتمد عليه ..

نيجي لخط الهجوم : الزمالك النادي الوحيد في الدوري اللي عنده كتيبه كاملة من رؤوس الحربة .. خدوا عندكو " عبد الحليم علي ، وليد عبد اللطيف ، مصطفى جعفر ، عمرو زكي "

وبيعاونهم برضوا مثلثات رؤوس الحربه المقلوبة سواء جنيور أو حازم أو حمزه

ومع ذلك برضوا مشاكل للرُكب

- لاعب له مستقبل باهر وقوة ومهارة مدفوع فيه 13 مليون جنيه " عمرو زكي " يادوب يلعب شهرين تلاتة ويقول مش عايز أكمل ومش هالعب بعد يناير .... يا سلام ؟!!!!

- عبد الحليم علي من ساعة ما ماشي الفزاعة بتاعته واللي كان مشعوذة وبيخليه يطلع كل اللي عنده ( حسام حسن ) وهو ما بيلعبش بتعريفه وبقى موظف أرشيف حكومي ليس لديه ما يعطيه وتقريباً طلع معاش مُبكر .

- مصطفى جعفر لبسوه السلطانية ومش راضيين يدفعوا له باقي حقه وما بقاش يلعب إلا نادراً

- وليد عبد اللطيف .. أنا من زمان مش مقتنع به

يُتبع ونسمع رأي الزملكاوية اللي بيحبوا الكورة

[otaka]

الزمالك مشكلته الاساسيه انه مش بيلعب كورته

يعنى الزمالك معروف طول عمره انه معظم اهدافه و حتى بالفرقه دى بتيجى من على الخطوط نظرا لتميزه بناحيه شمال جامده على مدار يمكن اخر 20 سنه لكن للاسف الزمالك فقد الميزه دى و بقى بيلعب من العمق

كرويا مفيش حاجه اسمها 5 3 2 باتنين هاف دفندرز فى فرقه كل راس مالها المهاره الفنيه و ليس الجسديه و يمكن واضح اللى بيجيب اجوال هو عمرو زكى و بس لان الوحيد اللى طريقه اللعب موافقه امكانياته

هو مفيش امل ياخده بطوله لكن المفروض يبطلوا يلعبوا الجيم العقيم الدفاعى ده و خصوصا انه الدفاع مهزوز و مش من مصلحتهم اى فرقه تمسك عليهم كوره بالظبط زى ما بيحصل فى تشيلسى فى اخر خمس ماتشات

مورينيو بيضيق الملعب علشان الدفاع واقع بيلبس

فى الشوط التانى بيوسعه و بيكسب الى ان اتصاب الحاج ارين روبن و مش لاقى حل الا من النص النتيجه 3 تعادلات و مع فرق عاديه

[drhouba]

يُتبع ونسمع رأي الزملكاوية اللي بيحبوا الكورة

شفت بقى يا سين سين أنا قاعد فى حالى مش بأتكلم عن الزمالك و إنت اللى بتنكشنى بس إنت لو حاولت تناقش هذه المأساه بصراحه حتلاقى إن الزمالك هو صوره مصغره من مصر و حأسيب خيالك يشتغل فى الجزء ده و تقولى أوجه الشبه و إعتبر ده هووووم وووورك

إذا جينا للزمالك كزمالك الكوره و اللعب و الفن و الهندسه حنلاقى إن المشكله إداريه و فنيه و إعلاميه و ليست فنيه بس ... إداريا بدأت من سنين و بفعل الجمعيه العموميه للنادى لما جابت رئيس و نائب مش طايقين بعض و لأننا مش بنتعلم بالساهل أول بمعنى أصح مش بنتعلم خالص فى الإنتخابات التاليه كررت نفس الخطأ و زاد الطين بله إن رئيس جهاز الرياضه الجديد اللى لم يثق فيه أعضاء النادى نااااااااااااااااااااااااااائبا للرئيس ففوجئت به مصر كلها مسئول عن رياضة مصر كلها و لا حول و لا قوة إلا بالله فتفرغ الرجل مشكورا لتصفية حساباته من أعضاء ناديه و مجلس إدارته اللى ما عرفش يدخله فقعد لمرتضى على الواحده لغاية ما وصلنا لوقتنا الحالى و ما حدش عارف إيه اللى حيحصل بكره و إن كنت يا زعيم متيقن تماما إن مرتضى كان من أخلص الرجال و أشجع الرجال و أكثرهم حبا لنادى الزمالك و لكنه ليس زمن مرتضى منصور رغم تحفظى على أسلوبه عند الغضب و التى إستغلها أعدائه مع العلم أنهم لم يعطوا الرجل أى فرصه ليعمل فى النادى و أكبر فتره قضاها رئيسا للنادى منذ إنتخابه هى شهرين و كل مره بيشيلوه بيطلع لهم تانى مع إن من الممكن إما تمكينه من أداء حقه الشرعى كرئيس للنادى أو الدعوه لإنتخابات جديده و الناس تختار الأصلح من وجهة نظرها بما إننا فى بلد ديمقراطى واخد لى بالك من ديمقراطى دى ؟ عدم الإستقرار الإدارى طبعا يتبعه عدم إنضباط أخلاقى و فنى فى الفريق لأن مفيش حد بيحاسب حد زى كل حاجه فى بلدنا

نيجى بقى للمصيبه الكبيره اللى مالهاش أول من آخر الفريق نفسه هذا الفريق يا سيدى حاله مستعصيه فريق مترهل بمعنى الكلمه و مفيش حد فى النادى عاوز يواجه نفسه بهذه الحقيقه نصف الفريق أو أكتر بيلعب أكل عيش و سبوبه و النصف التانى مجاملات و دم خفيف على الإداره و إلا ما هو سبب وجود حازم و أبو العلا و محمود محمود و خط الدفاع بالكامل إلا المجاملات و الكارثه لما تقرا إنهم عاوزين يجددوا لحازم بمليون !!! بمناسبة إيه و بأمارة إيه و آخر ماتش كويس لعبه حازم إمتى و على أى أساس عاوزين يجددوا له و بالمبالغ المستفزه دى حازم يا سيدى إعتزل لعب الكوره من 3 سنين على الأقل مع إبراهيم حسن أما أبو العلا فلا داعى للكلام عنه لأن سيرته مذكوره فى مراجع الطب كسبب من أسباب ضغط الدم و السكر و كل الناس عارفه العيب فين فى الزمالك و عارفين محتاج إيه إلا مجلس إدارته لأنهم ببساطه قاعدين مش على بعضهم خايفين مرتضى يطلع لهم و ده كان سبب التجديد لكاجودا و بالشرط الجزائى اللى قرفونا بيه يا سيدى الفاضل أبو شرف حارس العماره اللى عندى و ماجنو العامل البنجالى اللى ماسك باركنج المستشفى هنا عارفين إن الزمالك محتاج خط دفاع كامل بالإحتياطى و هاف دفيندر و صانع لعب متميز و حارس مرمى بيشوف كويس و رأس حربه مهارى و قناص بس تقول لمين و مين يسمع كله خايف ياخد أى خطوه و يرمم الفريق أحسن مرتضى ينط لهم و ياخد الفريق بيضه مقشره بإختصار يا سيدى القائمين على النادى حاليا بيحبوا نفسهم أكتر ما بيحبوا النادى و اللى بيتحرق هو الجمهور الغلبان اللى عايش على أمل إن الأحوال حتتغير و مفيش حاجه بتتغير ( مش بأقول لك حتشوف مصر فى الزمالك ) بس المشكله كمان إن النادى الأهلى الشقيق مش سايب أى لاعب مصرى عدل إلا و أخده حتى و لو بيركنه عشان محدش يستفيد منه و الأمثله كتير يا معلم و بالتالى كل لعيبة مصر دلوقتى لو عاوز تاخد أى حد منهم صف تانى

أما الإعلام فحدث و لا حرج إعلام إحترف الكيل بمكيالين إعلام متحيز بكل ما تحمله الكلمه من معانى من إعلام مرئى إلى مسموع إلخ إلخ إلخ بيموت كده و يهدى النفوس و ده ممكن أكتب عنه مجلدات إعلام كل همه تمجيد الأهلى و إظهاره بلا أخطاء حتى و لو كانت واضحه زى الشمس و فى الوقت ذاته إصطياد أى كارثه من اللى متوفره فى الزمالك و إبرازها ..... أنا تعبت من الكلام منك لله يا شيخ قلبت علينا المواجع و للحديث بقيه

تم تعديل 6 يناير 2007 بواسطة drhouba

[otaka]

للاسف احنا شعوب لا تعترف بالشرعيه

انا مش بحب مرتضى و متاكد من جوايا ان المر اصلا اهلاوى

المهم الشرعيه لازم ترجع بغض النظر عن الكوره و اللى بيعمله حسن صقر بلطجه على القانون

و لا زلت اكرر كلمه العظيم وحيد سيف افتح على الونجيين يا حلبسه

مش عارف هيبطلوا يلعبوا 2 هاف دفندرز امتى بقت كورتهم ممله

ما هو لتلعب 4 4 2 و تحط اتنين فى النص لتلعب 5 3 2 و الليبرو يسند فى نص الملعب لكن اسلوب السبعه مدافعين و تلاته مهاجمين ده اسلوب عقيم جدا جدا خصوصا مع اللعيبه بتاعه الزمالك لانهم اصلا واخدنها مزاج

على راى واحد معرفه بيلعبوا زى الاهلى :wub:

تم تعديل 6 يناير 2007 بواسطة otaka

[kokowawa1979]

بصراحة سي السيد على الرغم من أهلويته الشديدة لكن كلامه في الصميم .

90% من لاعبي الزمالك محتاجين يتسرحوا وأولهم حازم إمام وجمال حمزة وعبدالحليم علي اللي غاوي ضرب من غير كورة ورفع إيده على الفاضي والمليان يطلب إنذار اللاعب الذي يقطع منه الكرة !!!!

فريق الزمالك بوضعه الحالي بيفكرني بالأهلي من 4 سنين بل الأهلي كان ألعن وأضل سبيل لكن الصحافة كانت تخاف تكتب عن الأهلي لإنهم مطعمين من الأهلي بصراحة والكل يعلم هذا!!!

النقطة الثانية والهامة إن حسن صقر باعتباره ساقط انتخابات سابقا في الزمالك فهو يريد أن ينتقم من النادي الذي صنع اسمه وجعل له شأن ومنصب كبير فبعد إبعاد مرتضى منصور جعل شخصية لاتستحق أن توصف إلا بأنها شخصية متخلفة وهو رؤوف جاسر رئيسا بالنيابة وكل همه كان فعل أي شيئ يدمر النادي في حالة عودة العو أو المر فقام بعمل شرط جزائي لحلاق صحة يقوم بتدريب الزمالك على أن يحصل على باقي كامل مدة العقد في حالة تفنيشه !!! وكان الغرض الأساسي توريط مرتضى منصور وللأسف الذي تورط ولي نعمته ممدوح عباس الشهير بالط....... لإن رؤوف جاسر يعمل ك أوفيس بوي في شركة ممدوح عباس !!!!

وهكذا نجد من ينتسبون للزمالك يقومون بتدمير النادي وبذلك يثبتون أنهم أهلوية مقنعين لإن الانتماء داخل النفس والتصرفات تفضحه صدقوني !!!!!!

المشكلة الرئيسية في الزمالك وكذلك الأهلي هو أن قطاع الناشئين جثة هامدة - فانت كل عدة سنوات ترى لاعب أو اثنين من قطاع الناشئين ينضم إلى الفريق الأول من كل من الفريقين - وكان هناك قول مأثور للراحل صالح سليم حينما قال شرا العبد ولا تربيته !!!

الأهلي ترك حسن مصطفى للاتحاد ثم عاد واشتراه وكذلك ترك أحمد صديق وعاد واشتراه !!!

الأهلي يعثي فسادا في منظومة الكوره المصرية ومع ذلك يجد من يشجعه ويبرر له !!!!

نعود لموضوعنا الدوري ضاع بالفعل من الزمالك ولو كنت من مسئوليه لقمت على الفور بتصعيد خط دفاع الناشئين بالكامل لتكملة الدوري بدلا من أصحاب العاهات الموجودون في الوقت الحالي ولن يخسر الزمالك أكثر مما يخسره الآن -بل قد يكسب جيلا جديدا من لاعبي الفريق قد وأقول قد يكون لديهم الانتماء !!!!!

[se_ Elsyed]

فريق الزمالك بوضعه الحالي بيفكرني بالأهلي من 4 سنين بل الأهلي كان ألعن وأضل سبيل لكن الصحافة كانت تخاف تكتب عن الأهلي لإنهم مطعمين من الأهلي بصراحة والكل يعلم هذا!!!

كده أزعل منك يا كوكو

لإن حتى لما كان الاهلي في أسوء حالاته كان بينافس لأخر لحظه .. ولو أقنعت نفسك إن لما الزمالك أخد الدوري برمية من غير رام عندما أنهزم الاهلي 1/0 امام أنبي وبعد ما كان لاعبي الزمالك مروحين . لموهم تاني من على القهوة وقالولهم تعالو إنتوا كسبتوا يبقى كده الزمالك حلو والاهلي وحش .. تبقى غلطان يا عزيزي

أو لما الإسماعيلي كسب الدوري لما الأهلي إتعادل مع فاروق جعفر اللي كان بيضرب المحلة فالإسماعيلي لقى نفسه برضوا كسبان الدوري .

يبقى كده إنت غلطان برضوا .. لأ يا كوكو لأ .. لأ مالكش حق

الحاجة المهمة

الزمالك عنده فيروس غريب جداً : لما بينهزم بينهار والسبحة بتكر منه

طب خلال الأربع سنين دول .. شوفت الدوري بينتهي بـ Double Score زي ما حصل الموسم قبل الماضي أو بذلك الفارق زي السنة اللي فاتت أو زي ما هايحصل السنة دي ؟

أو شوفت الاهلي بيبقى في المركز السادس وطوب الأرض اللي لسه طالعين من المظاليم بيسبقوه ( أنظر الكتاب صفحة أسمنت السويس ) ؟

حتى في تلك السنين العجاف كسبنا كأس أفريقيا وكأس السوبر

أما عن كلامك عن قطاع الناشئين في الناديين

فده كان زمان يا مان يعني أيام الكورة ما كانت بتتلعب للكورة وللهواية

أما دلوقت فاللي تكسب به إلعب به

بمعني إيه :

- شوف نادي يوفونتوس وبرشلونه ومانشستر يونايتد .. هل تقدر تقول إنهم فاشلين لإن قطاع الناشئين ما بيخرجش لعيبه على مستوى عالي كل موسم ؟

مع إن عندهم مدارس بتستلقط العيال الأفارقه وهما لسه بيرضعوا وكذلك الأوروبيين .. لكن لإنهم فرق بطولات فماحدش هايرحمهم لحد ما يدوا للناشيء فرصته أو يقول : طب أنا السنة دي مش هانافس لكن هاعطي ناشئيني الثقة

وللحديث بقية إن كان في العمر بقية عشان أرُد على اوتاكا ودكتور هوبا

وعن قذنكم أروح اتفرج على الحتتين بتوع النهاردة ( الأهلي والدراويش .. والزمالك والأهلي بس النسخة السعودي )

[أبو حميد]

وعن قذنكم أروح اتفرج على الحتتين بتوع النهاردة ( الأهلي والدراويش .. والزمالك والأهلي بس النسخة السعودي )

ما بــــــــــــــــــــــــــــــــــــــــــــــــــــــــــــــــــــــــــــــــــــــلاش

تم تعديل 7 يناير 2007 بواسطة أبو حميد

[drhouba]

فريق الزمالك بوضعه الحالي بيفكرني بالأهلي من 4 سنين بل الأهلي كان ألعن وأضل سبيل لكن الصحافة كانت تخاف تكتب عن الأهلي لإنهم مطعمين من الأهلي بصراحة والكل يعلم هذا!!!

كده أزعل منك يا كوكو

لإن حتى لما كان الاهلي في أسوء حالاته كان بينافس لأخر لحظه .. ولو أقنعت نفسك إن لما الزمالك أخد الدوري برمية من غير رام عندما أنهزم الاهلي 1/0 امام أنبي وبعد ما كان لاعبي الزمالك مروحين . لموهم تاني من على القهوة وقالولهم تعالو إنتوا كسبتوا يبقى كده الزمالك حلو والاهلي وحش .. تبقى غلطان يا عزيزي

أو لما الإسماعيلي كسب الدوري لما الأهلي إتعادل مع فاروق جعفر اللي كان بيضرب المحلة فالإسماعيلي لقى نفسه برضوا كسبان الدوري .

أو شوفت الاهلي بيبقى في المركز السادس وطوب الأرض اللي لسه طالعين من المظاليم بيسبقوه ( أنظر الكتاب صفحة أسمنت السويس ) ؟

حتى في تلك السنين العجاف كسبنا كأس أفريقيا وكأس السوبر

لا يا حبى كوكو قصده لما الأهلى كان بيشيل أربعات بشكل متواصل من الدراويش قبل ما تخربوا الفرقه دى و تشتروها و قصده لما كان الزمالك بيكسبكم رايح جاى و بتنسحبوا من البطوله العربيه قبل ما تقابلوه هروبا من فضيحه متوقعه و مؤكده أكيد هو قصده كده بس إنت مش واخد بالك زى كل الأهلاويه و إعلامهم الحكومى الخاص المحايد جدا و طبعا الأهلى خسر النهارده لأنه مجهد و الحكم وحش و الدنيا مطر و العيشه بقت غاليه نار مش فاهم قصة الإجهاد دى جديده و اللا شافوها فجأه بمعنى لو كسبوا يبقوا أحسن فرق العالم و لو خسروا تبقى الكوره اللى لعبوا بيها مربعه و بتعايبوا علينا سين سين حبيبى ده جين فينا المصريين لا بنعترف بالخطأ و لا بنتقتنع إن حد تانى عنده رأى ممكن يكون أحسن من رأينا و لا عزاء لتالت بطولة تويوتا

تم تعديل 7 يناير 2007 بواسطة drhouba

[drhouba]

فريق الزمالك بوضعه الحالي بيفكرني بالأهلي من 4 سنين بل الأهلي كان ألعن وأضل سبيل لكن الصحافة كانت تخاف تكتب عن الأهلي لإنهم مطعمين من الأهلي بصراحة والكل يعلم هذا!!!

النقطة الثانية والهامة إن حسن صقر باعتباره ساقط انتخابات سابقا في الزمالك فهو يريد أن ينتقم من النادي الذي صنع اسمه وجعل له شأن ومنصب كبير فبعد إبعاد مرتضى منصور جعل شخصية لاتستحق أن توصف إلا بأنها شخصية متخلفة وهو رؤوف جاسر رئيسا بالنيابة وكل همه كان فعل أي شيئ يدمر النادي في حالة عودة العو أو المر فقام بعمل شرط جزائي لحلاق صحة يقوم بتدريب الزمالك على أن يحصل على باقي كامل مدة العقد في حالة تفنيشه !!! وكان الغرض الأساسي توريط مرتضى منصور وللأسف الذي تورط ولي نعمته ممدوح عباس الشهير بالط....... لإن رؤوف جاسر يعمل ك أوفيس بوي في شركة ممدوح عباس !!!!

وهكذا نجد من ينتسبون للزمالك يقومون بتدمير النادي وبذلك يثبتون أنهم أهلوية مقنعين لإن الانتماء داخل النفس والتصرفات تفضحه صدقوني !!!!!!

الأهلي يعثي فسادا في منظومة الكوره المصرية ومع ذلك يجد من يشجعه ويبرر له !!!!

يا سيدى مشكلة مرتضى الوحيده إنه كان بيقول لأ بصوت عالى و هم عاوزين رئيس نادى الزمالك يكون تحت جناحهم و ما يعملهمش صداع و ما يقرفهمش فى الصفقات لأن كما تعلم كل اللعيبه اللى دلوقتى فيهم أمل نبنى عليهم فريق مرتضى اللى جايبهم من عينيهم عمرو زكى و مصطفى جعفر و أسامه حسن و مجدى عطوه و بعدين ما بيسكتش و ما بيخافش فتكتلوا عليه كما رأيت و سيستمر المسلسل لأن ما ينفعش حد يقول لأ فى البلد دى