ذكريات حُلم الطفولـــــــــــة.....البريئة :)

[nancy]

وحياتك يا محمود كلنا كدة دة حتى البنات بيموتوا من الضحك من جنانى الى بيطلع فاجاءة

كلنا كدة اخر عقل بره واخر جنان جوه :huh:

وبيضحكوا اوى لما يلاقونى بتناطط واجرى فى ممر فى الشقة بس هو طويل شوية فبحب العب وانا ماشية فية

اى واحدة منهم تعدى تضحك او تشارك حسب الموقف :sad:

[se_ Elsyed]

إخوتي واخواتي .. أطفال عنبر البراءة

أنا من هنا ورايح أي حد جه إسمه هنا لو كان ولد هاقوله يا أونكل ولو كانت بنت هاقولها يا أبله

ده أنا ماكنتش طفل .. ده أنا كنت تفل

[محمود الشاعر]

انا غاوي اتسلق واتشعبط فى الحاجات من صغري كنت لما اروح البلد اطلع الشجرة القديمة بتاعة الجميز واعد ادور على الجنية اللي شعرها طويل وفى يوم طلعت فوق قوي وراح غراب تقريبا عبيط راح جاي وعاوز يقف على كتفي اهشه يروح واقف على راسي المهم رحت بحركة غبية سايب ايدي ورحت واقع بس ربنا ستر واتعلقت فى فرع شجرة شبك فى هدومي وفضلت متعلق كدة كام ساعة والله والغراب الاهبل وقف على راسي وينقر فى راسي وانا بعيط لحد ما جه صاحب الغيط مش ينزلني لأ راح جاب عصايا طويلة معرفش جبها منين واعد يضربني علشان بوظت الجميز طب ما هو الغربان بوظته اساسا وسبني وراح نداه لأبويا وكانت علقة محترمة وغرزتين فى راسي من نقر الغراب

بس تعرفوا المنظر من فوق احلا بكتير

[CAMPS]

احنا وصغيرين :blush: انا واتنين من اقربائي كان نفسنا نصيد سمك من الترعة :o ولكن معندناش تمن السنارة وكانوا بنات العيلة فرحانين فينا ولكن بعد الحيل الماكرة جبنا السنارة وصيدنا سمكة مكانتش كبيرة :lol: ولكن احنا كنا كتير دخلنا فى حوش البيت وعملنا نار وشويناه بالرده وكل واحد خد جزىء منها :sad: وبعدين طلعنا نلعب واكتشفنا احنا وبنلعب دخان كثيف متصاعد واعمدة نيران والسنة لهب من الحوش :ph34r: فهبينا وجمعنا كل قوتنا وسمينا وشدينا الخرطوم وطفينا النار :D كل ده والاهل كانوا نايمين نومة القيلولة ولكن تاني يوم اكتشفوا :angry: لما شافوا بقايا دخان تتصاعد من القش

[Folana]

السلام عليكم ورحمة الله ....

للرفـــــــــــــــــــع ياللى طلبتم الرفع...حد يجى يرفع معايا بقى

احسن انا نينة مسكينة متقاعدة ما اقدرش ارفع لوحدى....

[نيرون]

المعلم سى السيد....

الراجل الوحش..

الى مسألش عنى..

بعد ما غرغر بيا.. ورمانى!!!

ماشى يا معنمى....

النوضوع ده نونتاااااااااااااز صراحه..

أذكر وانا فى الاصلاحيه كان فيه شاويش دايمنا يضايقنا ..

قوم انا والعيال حطيناله سم فيران فى الشاى بتاعه.. ومات... :rolleyes:

بس

مذكرات سيكوباتيه :)

[nash]

فولانه تسلم أيدك الصراحه ...إمتحانات نص السنه بدأت والإكتئاب بيزيد وحاجه أخر جمال :rolleyes:

.........................................................................................................

أرجع بأة لأيام ثانوي برضه....بصراحه فترة ذهبيه في حياتي....مرت عليه زي النسمه :)

.....................................................................................................

أستاذ اللغه العربيه...ياسلام كان رائع في مادته.....الصبح بيدرسني في المدرسه...وبعد العصر درس خصوصي في البيت ..

طبعا علشان ماما الغاليه ماتكونش قلقانه علي مستوانا الدراسي......

بس الحقيقه هوة كان في مشكله بسيطه جدااااااا...كان أستاذي أول ما يدخل الفصل الصبح يشاور علي باب الفصل ويقول بلغه عربيه فصحي......ناش...( برة )...بدون أي كلمه زياده......وبعد العصر عادي جدا ولا كأنه بيعمل حاجه.... وكلنا الحقيقه تآلفنا مع هذا الوضع..

لكن مرة ضميرة صحي وماذكرش كلمته الشهيرة ( برة )....وسابني كملت الحصه عادي وأعطانا واجب كالمعتاد...وبرضه كالمعتاد عمرة ما صححه ولا سأل عليه أصلا....

في اليوم التالي أيضا تركني أحضر الحصه وما قالش ( برة ) برضه أنا الصراحه كنت مستغربه شويه....ومش هانكر أني كنت قلقانه :rolleyes:

يقوم في نص الحصه وببرود متناهي يقول....طلعوا كراسات الواجب واللي ماجابتش الكراسه ولا حلت الواجب تتفضل تقف ( بمنتهي التهذيب الصراحه ) تقريبا كل الفصل وقف .....شويه وقال العقاب ........يالهوتي العقاب كان عشر عصيان علي الأيد بحافه المسطرة

بدأ من الشمال ومن أول الفصل .....وأنا مش عارفه أعمل أيه ....أنا كنت في النص بس أخر كرسي لإني بالمقاييس طويله ....

الغريب هيييييييييييييييييه ضرب الجرس وقلت أتفكيت من العشر عصيان.......لقيته ساب الصف الشمال كله أو المتبقي منه ...وبيندهلي بالأسم .........أخدت العشر عصيان بس الصراحه بالمسطرة من غير الحافه ...وكنت بنظر له نظرات كلها ( موده ورحمه وحب )

أنتهي الفاصل والبنات اللي أنضربوا كارهني علشان التفرقه العنصريه في الضرب ......

طبعا الأستاذ كان معاده عندنا بعد العصر وماكنتش حبيت أحكي لماما علشان برستيجي ماينهارش أكثر من كده.....

بس سمعت الحوار الجميل ....

ماما : خير يا أستاذ ناش جايه مش طايقه نفسها حاجه حصلت ؟

الأستاذ بسعاده المنتصر : أة أصل أخيرا عرفت أوصلها وأضربها :rolleyes:

ماما : والله كثر خيرك وربنا يعينك عليها .....ويصبرك

أنا : نعم , أفندم , مش واخده درس النهارده ....

أنكل: هاتاخديه ياناش ( بس قال الحقيقه الأسم الحركي بتاعي ) بصتلهم كلهم بحقد وعادي جدا أخدت الحصه ....

وتاني يوم لقيته بيدخل الفصل وبيشاور علي الباب ........وهو تقريبا واقع من الضحك :blink:

[Folana]

السلام عليكم ورحمة الله ...

كابتن ناش.....ايه الذكريات البرررريئة دى بس......بقى ماكنتيش عارفة المدرس ماضربكيش ليه بسن المسطرة؟....طب عينى فى عينى كده...

مش هو خاف احسن لما يروحلكم البيت مايتغداش...ولا حتى يشرب قهوة؟...

وبعدين المدرس بقى انكل؟.....

اه يانىىىىىىىىىىى.......الكوسة ملت البلد....

حافتكر لكم ذكريا بريئة جدا من بتوعى وارجع لكم بعد الفاصل....

قال انكل قال :blink:

[nash]

أهلا يا فولانه

....................

لا يا عمري...أونكل ده يبأة خالي ...بس كان بيقضي فترة التجنيد معانا...في نفس المدينه.. :blink: :blink:

تقريبا كل خيلاني عملوا كده...علشان ظروف وفاة بابا...

ومانفضلش لوحدنا...وخصوصا أن ماما كانت صغيرة ...واحنا كمان كنا صغيرين..وفيه بوادر تشرد مبكروأحداث كمان

فأهل ماما اللي هما خيلاني وجدي وجدتي كانوا بيخافوا عليها مننا ...يعني حاجات من هذا القبيل :lol:

.....................................................................................

دلوقتي أعمل أنا أيه في الصندوق اللي أتفتح ده؟؟؟

[Folana]

السلام عليكم ورحمة الله ....

ناش...نااااااااااااااش.....واحدة واحدة على الله يخليك....يعنى انكل مايبقاش المدرس..ويبقى خالك...صح كده؟...انا كده فاهمة...

لكن ده مايمنعش ان المدرس كان بيجى يديكى درس فى البيت ويتغدى...صح؟....يبقى تفسيرى المنطكى سليم...هو كان خايف على الشندوشتات احسن يتحرم منها ..فكبر معاك ....

وتانى يوم راح يضحك لانه اكل لحمة فى اليوم السابق....كويس جدا....انا كده فاهمة.... :blink:

ولى عودة

[nash]

فولانه......

يافولااااااااااااانه :blink:

تفتكري ده السبب ؟؟ بس هي ماما كانت أعطيته الضوء الأزرق ...إن شاءالله حتي يقتلني :lol: ......

ده حتي تاني يوم وهو بيضحك...برضه بيشاور علي الباب ويقولي ( بره ) بنفس اللغه العربيه الفصحي :lol: :blink:

[Heinrich]

أهي صفحة ذكريات الطفولة . . كما أفهمها من عنوانها فقط أم صفحة مدونة مذكرات . . فإن كانت ذكريات فإنها لن تنتهي بالسهولة ان أبتديت في سردها كون معظم فترات طفولتي قد قضيتها بالريف ومليئة بذكريات لا تنسى . . :wub:

لا اعرف هل أكتفي بقصص الطفولة من الريف حتى 1989 .

.

الألعاب الأسرية الشعبية التي تتنافس عليها بلدات الولاية .

.

او بالقط المسكين الذي وجدته امي بين الحياة والموت في اول عهدنا بالعاصمة " ميونيش " الذي كدت اقضي عليه بمساعدة شقيقتي 1980 .

ام بقصة اللص الشاب الذي اراد ان يشتري صمتي بمارك واحد عند محاولته السرقة فأعطاه ابي مالا 1982 .

ام بقصة الضياع لنصف يوم في الغابة السوداء 1981 .

.

.

وسأكتفي بواقعة او واقعتين في مشاركتي القادمة . .

[Folana]

السلام عليكم ورحمة الله...

اخى الكريم Heinrich.....منور الموضوع ..الموضوع عن ذكريات الطفولة..واكتب كل اللى تحبه ...حنكون سعداء جدا بقرءاته ومش مشاركتين بس...لا...ياريت تحكى لنا عن كل اللى ذكرته واكتر كمان...

ولك منى تحية خاصة ... :wub:

[عازفه على أوتار الذهب]

أنا من ذمان وانا عايزه اكتب في الموضوع ده بس بقول الطيب احسن وخلي برستيجي يفضل محافظ على رونقه احسن بس بما الإخوه الاعضاء كلهم

تقريبآ كتبوا ذكريات الطفوله السعيده :) هنا وهيكون الموضوع ده مرجع لكل من سولت له نفسه...مش عارفه بإيه....ما علينا المهم....

احنا و صغيرين ..على راي كامبس ...في ابتدائي.. كان باص المدرسه بيوقفنا قدام البيت في نهاية اليوم وانا بلا فخر كان لي شعبيه جامده جدآ في

المدرسه فكان لازم كل يوم وانا نازله من الباص أحيي الجمهور... :wub: .....قصدي يعني اكتر الطالبات في الباص كانوا بيبقوا اصحابي فبيقعدوا

ينادوا من الشبابيك دهاااب باي دهاااب باي وانا كان لازم طبعآ وفي عنتضه أدير ابص ورايا واشاورلهم وكل يوم على الله انسى اني وقعت امبارح بنفس

الحركه لأن كان بيبقى قدامي مكان منحدر( اللي مستغرباله انه كان قدام بيتنا يعني المفروض اني حافظاه) :wub: ماعلينا المهم كنت با اقوم وشي

وخصوصآ مناخيري متخرشمه وطبعآ مع توقف الهتافات لأن الموكف محرج المهم اني با اقوم بنفس العنتضه ولا كأن حاجه حصلت وبكمل طريقي عادي

بعد ما اختي تكون نفضت الهدوم وقامت باللازم :D

وبكتم العياط لحد ما اروح....بس الحمد لله بعد كده قدرت احل المشكله وآخد بالي وقاطعت اصحابي... :P مهو كان لازم عشان مقعش... :o

لي عوده مع ذكريات الطفوله اييييه يا ناش رجعتينا لأيام المدرسه....

[Heinrich]

كنت في الخامسة من العمر وحانت ساعة ذهاب ابي إلى العمل وسيغادرنا ومعه اخي الاكبر للمدرسة بعد الإفطار . .

وماهي إلا بضع ساعات حتى رجعت امي إلى النوم مجددا فأنفردنا انا وشقيقتي الصغرى لبعض من الوقت قضيناها في المرح داخل منزلنا الجديد وبحديقته الجميلة المحيطة به . . بالحديقة نظرت قطا ينظر إلينا ويتتبعنا بنظراته ونحن نمرح فيها وكأنه يطلب منا طعاما . . وماهي إلا لحظات حتى رأيت شقيقتي تطعمه جزرا وخبزا :blink: فقلت لها انه قطا وليس بأرنبا او سنجابا او ماعزا كما في بلدتنا بالريف .. فلنفتح الثلاجة ولنقتطع له قطعة من اللحم ولكن اللحم بعد ان توصلنا إليه بصعوبة بالغة كان بعيدا عني ومتجمدا وذا كتلة واحدة متماسكة وصلبة وثقيلة فصعب علي إنزالها كما صعب علينا اقتطاع أي قطعة منها فحاولت بشتى الطرق إيجاد حلا . . وفكرت بعد عجزي وتوصل بي تفكيري إلى طريقة عبقرية :huh: قلت لماذا يجب ان أوصل اللحم إلى القط ؟ ! فعليه هو ان يأتي إلى اللحم في الثلاجة :wub: وبهذا التفكير البسيط وضعت القط بالثلاجة :) واغلقتها عليه ليأكل من اللحم كيفما يشأ تحت درجة التجمد فهل هناك افضل من هذه الطريقة :D ؟ !

في بادئ الأمر لم توافقني شقيقتي التي تصغرني سنا على هذه الفكرة الثورية ! . . فعدم موافقتها ليس نابع عن وعيها بالمخاطرة التي سنقدم عليها وما سيعكسه من رعب لاحقا وإنما هو ناتج من خوفها بأن القط لن يترك شئيا بالثلاجة اذا ما جعلناه منفردا بداخلها :) ! . . فرجعنا إلى الحديقة مجددا لإكمال المرح . . ثم عدنا إلى غرفتنا لاحقا واغلاقنا الباب الخارجي للمنزل بعد ما فرغنا من اللعب ونسينا القط بالثلاجة لوحده يواجه مصيره . .

مرت الساعات . . الاولى والثانية فالثالثة ولا احد يعلم كم من الوقت مكث ضيفنا المسكين بالثلاجة . .

وعند " الظهيرة " فتحت امي الثلاجة لتتفقد الخضار وغير الخضار قبل ذهابنا للتسوق بالجوار لشراء لوازم لأعداد الغداء قبل مجئ ابي وشقيقي . . صدمتها المفاجأة بمنظر القط المتجمد بين الحياة والموت على هيئته تلك وبنظراته وسكناته وحركاته الغير الواثقة . . لمسته على انه قطعة من اللحم في أول الأمر . . كونه مغطى بالثلج فملمسه ليس بملمس لحم متجمد قاس أوصلب . . هنا اصيبت بصمت تام وبرودة في اعصاب يديها ثم ببكاء خافت او صامت فتراجعت للخلف قليلا . .

قد أفزعها المشهد . . فهنا لحم بقر وبالقرب منه لحم سمك وبجواره قط مكسوا بالبياض لا يعرف من اين أتى . . ظلت عينيه بعيني أمي لفترة من الزمن دون ان يصدر صوتا قبل ان تعلم بأنه قط يستنجد بها وهي تسأل في نفسها أهي تحلم بما تراه ام هي حقيقة ماثلة امامها ؟ ! :o تيقنت بأن ما تراه ليس بحلم فتسألت سريعا :

عن كيفية تواجده بالثلاجة . . من اين أتى ؟ ! وكيف ومتى تسلل ووصل إلى داخلها :huh: ؟ !..!

بل كيف دخل إلى البيت ؟ ! . . بل ان الثلاجة كانت خالية من القطط بعد افطارنا في ذاك الصباح الباكر . .

اصيبت أمي بحالة من الأرباك مما جعلها تتصل بأبي لتسأله عن الحادثة . . فكثيرا ما يفاجئنا أبي من وقت إلى أخر بأمور فوق العادة ولكن ليست بأمور خارج نطاق التصور . . فما زالت أمي لم تستوعب الموقف ولكنها متماسكة . . وانا وشقيقتي فوق الشبهات بالطبع كوننا بالداخل ولا يمكن ان تفكر بنا لصغر سننا بل رؤية أمي لأبواب المنزل المغلقة صرفت نظرها بأن القط قد أتى من الخارج . . وعندما أقبلنا على امي وجدنا الثلاجة مفتوحة والقط ليس موجودا بها فسألتها اين ذهب القط عندها ظهر الإستغراب والإندهاش على وجهها ثم الأرتياح . . فكان رد شقيقتي على الفور بأن القط لم يأكل شئيا :) . . هنا اصيبت امي بنوبة من الضحك وهي تحمل شقيقتي وتردد أعلم انه لم يأكل إلا ثلجا . . قبل ان يأتي ابي وشقيقي ليكملا مسلسلا من الضحك طيلة المساء . . .... " فأغفري لنا ذلك "....

انتهى . . .

:)

[CAMPS]

انا الصراحة عجبتني اللغة اكتر من القصة

[Folana]

السلام عليكم ورحمة الله....

أخى الكريم Heinrich.......اضحكتنى من قلبى...صدقا....طفولة بريئة نادرة...اول مرة تمر على الموضوع...:angry2:

والاجمل زى الاخ CAMPS لغة الحوار ..واللى امتعتنا فعلا...وجعلتنا نتذوق الذكرى بشكل اجمل...

باشكرك على ذكرياتك البريئة.....وباشكرك على تشريفك لنا فى الموضوع...

وفى انتظار المزيد....واخيرا باشكرك بشدة على الابتسامة اللى أضفتها ليومنا...ربنا يسعدك ويدخل السرور الى قلبك دائما....

[Heinrich]

شكرا لكما :lol: وسأحاول المتابعة ما أمكني من ذكريات حسب ماتبقى لي من وقت . .

[شاهد]

تحياتي,,

ارى انك في كتابة روايات الاطفال :lol: تكون افضل من المجال السياسي

ولكن ممكن تقل لي ماذا تقصد بالعاصمة (ميونيش)؟؟؟ سؤال لا غير :lol:

[Heinrich]

مازلت في الخامسة من العمر وذكرياتي تعود بي هذه المرة إلى واحدة من عدة مواقف طريفة والتي أحرجت بها أسرتي كثيرا :lol: . .

بدأت بدعوة مبسطة من أمي لمن يسكنون بالقرب منا لتناول القهوة من أجل التعرف على من حولنا من ساكني الحي . .

وعند الأنشغال بالتحضير للقهوة ثم بتناول الجميع لها وما يأتي بعدها من الأحاديث . . أخذت صندوقا أجمع فيه أحذية الضيوف :excl:

الحذاء تلو الحذاء ( حذاء واحدا من كل زوج أحذية ) تعبيرا عن سخطي منهن ( لا أذكر السبب بالضبط الذي دفعني لفعل ذلك ) . .

فأخفيتها عن الأعين . . ثم ذهبت للنوم مطمئنا . . هكذا ترجمت سخطي على ذلك النحو !

وحينما هم الضيوف بالمغادرة تفاجئوا بعدم وجود أحذيتهم كما تركوها عند الباب الداخلي عند مقدمهم . .

تغيرت ملامح وجوههن :blink: :o فخرج بعضهن ذلك المساء مشيا على الأقدام من غير أحذية :D

بعد فقدانهن للأمل من العثور عليها وبعد بحث شاق في كافة أرجاء المنزل . .

تم تعديل 8 فبراير 2007 بواسطة Heinrich