عقد عمل بالكويت ب 250 دينار شهريا - أطلب مشورتكم

[bentmasria]

سلمى يا غالية

هل تقبلين ان تقومى بعمل بائعة فى مركز تجارى بمصر

هل يسمح وضعك وتعليمك بأن تقومى بوظيفة يقوم بها من هم اهل لها

وصدقينى فى مصر ستظلى محترمة ولن يخضعك نفوذ المال لاى شكل من اشكال التنازلات

سلمى

انتى قلتى انا مستورة والحمد لله استخيرى الله وصدقينى انا اضطررت احيانا ان ادافع عن نفسى بالضرب وانا اشترى فاكهة فى احد الاسواق ولست شابة او جميلة فقط انا انثى فهل تفهمين ما اعنى

مع احترامى لبعض الاخوة الخليجيين فهناك فئة منهم يفهمون لغة المال بشكل مختلف كأن يدخل مكتبا وليس محلا تقابلين فيه من كل صوب وبيئة وتربية ويلقى فى وجهك برزمة المال ويأمرك

سوى لى مثل هذا

تصميم مثل ما فعلتى سابقا لشخص آخر

ولا تملكين سوى ان تشتكى لصاحب العمل والرد يكون يجب ان تفعلى فأنت فى قطاع خاص وستخسريت تقامتك لو لم تفعلى

وربما يعجب احدهم بك فيطاردك طول طريق الذهاب والعودة الى عملك فقط ليثير اهتمامك وان سألتى ماذا تفعل يكون الرد موجعا سيدتى

لو انك محترمة ما خرجت من دارك دون محرم ولو متت جوعا

انت مشاع فى الاسواق هناك فهل تقبلين او انك لم تسمعى عن جثث الفتيات الى يلقى بها فى صحراء الجهرة للتخلص منها بعد الانتهاء من متعتهم

لقد رأيت احداهن بالمستشفى كانت تموت وليس بها عظمة واحدة سليمة لم تكن مصرية حمدا لله لكننى يومها قررت ان افر الى بلدى ولو اضطررت ان اسأل الناس المساعدة

اختى الغالية

لا شىء يوقفهم ان ارادوا والبائعة صيد سهل فى متناول الجميع ومبلغ 5000 جنيه يمكنك تحصيله بعد عدة سنوات من العمل فى احدى الوكالات كعلاقات عامة او ماشابه فقط اختارى مكان عملك بمصر بعناية واهلى نفسك له بالدراسة والكمبيوتر واللغة ولا تقللى من شأن نفسك امام عروض كهذه فما يمكن ان تخسريه هناك

يستحيل استرداده

الا هل بلغت

اللهم فأشهد

استخيرى الله وهو خير معين

[nash]

لا إله إلا الله

أختي سلمي ...أظن بعد الرد الوافي لأخينا النسر المصري..والأخت العزيزة بنت مصريه..أنه يجب أن تفكري مليون مرة قبل الاٌدام علي هذه الخطوة..حبيبتي ماخاب من أستخار..أستخيري رب العباد..ليست أستخارة واحده ولكن مليون أستخارة..

حبيبتي أنا أم..لشابين ..ومع ذلك والله أترعب عليهم من الهواء..مع أني لست بالكويت..ولكن بالرياض..من الفظائع التي تعرض لنا..وللشباب من عمرهم والتعرض الهائل للتحرش والمسائل الأخري ..مابالك بالفتاة؟؟

حبيبتي ..توكلي علي الله ..وقومي بالأستخارة..ورب العالمين إن شاءالله يكتب لك مافيه الخير

أختك ناش

[salma]

جزاكم الله خيرا عني

اعدت التفكير بعد ماقرات كل ارائكم بتمعن

المشكله ان كل انسان يحكي من وجهه نظره والتي ظهر تباين و اختلاف غريب و متناقض

و لكن الشئ الوحيد الذي كان يجمعها هو خوفكم الاخوي علي

و حبكم لبلدكم واهلها

نصائح من شباب اعتبروني اخت لهم

هذا العقد ان صح التعبير لا يطلب انسان للعمل بل يطلب عبيد

نعم عبيد محرومون من ابسط حقوقهم و شروط الامان الاوليه

:)

لا لن ازجي بنفسي في هذه الهوه المظلمه

الاخ قديم

لن اكون فتاه غلاف لاحد و ذلك للانني و ببساطه محجبه و الحمد لله متدينه شكرا لنصيحتك

الاخ mizo

ارجو منك معرفه ماهي مجلات العمل في افريقيا و التي تصلح لفتاه مثلي او حتي للشباب

و هل مالا امن شره في الكويت أمنه في افريقيا؟؟؟؟؟؟؟؟؟؟؟؟

و اين هي تلك الجهات التي يمكن ان نلجأ اليها ؟؟؟؟

ان العمل في مصر امر صعب للغايه هناك الملايين من الشباب العاطل

ارجو الا ازاحمهم المكان !!!!!!!!

كما ان العمل في بلدي الصغيره مستحييييييييل بمؤهلي هذا

لن اقنط من رحمه الله

و سوف استمر في تسليح نفسي بالشهادات النافعه

ادعو لي ولكل شباب المسلمين ان ننفع امتنا هذه بما درسنا و تعبنا و شقينا خلال سنوات عمرنا

و عشان متقفلش بزعل دورولي علي عقد و النبي :) :)

[النسر المصري]

أحسنت الاختيار يا أختي سلمى

كم انشرح قلبي وسعدت جدا لقرارك هذا....

نعم بالفعل لن تأتي ليتغلوك كالعبيد...يكفيك شرفا بانك مصريه مسلمه.... فانت لم يغرك تلك الحفنه القله من المال

وبناء على هذا...رجاء ان تبعثي بالسي في خاصتك لي...وسأعمل جاهدا على ان ابحث لك عن وظيفه محترمه

إلا انني أؤيد بكل شده انن تكملي مسيرتك التعليميه......

فأ نت انسانه انعم الله عليها بنعمة الإيمان والأخلاق الحميده.....وطلب العلم واجب عليك ياسيدتي

ودمتم لنا سالمين

[MZohairy]

كان نفسي ادخل أهدي النفوس :)

[ايهاب سالم]

عمار يا قطر

[Folana]

السلام عليكم ورحمة الله.ز

المصريين اهمااااااا....شهامة وشرف واخوة...

أنا مش داخلة اكتب نصيحة ..لانى ماعنديش خبرة عن الكلام ده ...أنا داخلة اشكر كل اخ وكل اخت كتبوا هنا....انا سعيدة جدا والله ياجماعة...سعيدة بكم وسعيدة بوجودى بينكم ...

انا اكاد اسمع صوت حروفكم ..واشعر بقلقكم النابع من القلب وخوفكم على سلمى ..والتفافكم حولها ..بطريقة مشرفة ومفرحة....

ومصر لسه بخير ياولاد...

ربنا يكرمكم ويسعدكم جميعا يارب..............

تيتا فلانة.:wub:

[nancyezat]

الاخت سلمى :

انا فعلا سعيدة لما قراته من نصائح الاخوة والاخوات لكي فعلا الدنيا لسا بخير , انا ممكن اقولك انتي فعلا ربنا بيحبك انه بعتلك الناس ي كلها اللي عندها خبرة في الحياة تنصحك وتفيدك بتجاربها واللي اقدر اضيفه انك عمرك ما تضحي بمستقبل عشان انتي مخنوقة احنا اللي نقدر نخرج نفسنا من الخنقة اكيد في مليون حاجة ممكن تعمليها في مصر وتكون مفيدة ليكي ولغيرك فكري وان شاء الله ربنا هيهديكي للطريق السليم

[mizo]

مجلات العمل فى افريقيا متعدده وكل حسب قدراته واهتماماته

1-مجالات الاستثمار فى افريقيا لها فرص كبيره جداً بشرط جديه المشروع وحاجه الدوله له ,الدول الافريقيه تشجع الانتاج المحلى ومن السهوله ان تحصل على 80% من راس مال المشروع كقرض من البنك المحلى فى حاله ثبوت جدوى المشروع ووجود شريك محلى.

2-السوق الافريقى ممتازه للمنتجات المصريه ومن الممكن انشاء شركه للمنتدى تباشر الاعمال من مصر ومن عندى هنا لكن لازم حد فى مصر شريك لانى قبل كده استوردت من مصر اول شحنه ممتازه خلصت واخذت طلبيه الشحنه التانبه اجارك الله فهلوه يعنى اما ضحك عليا كسب كام الف زياده طظ بس عمره ماهيصدر للبلد دى تانى وبعض بلاد اخرى اول ماتيجى سيره منتجه عالطول احكى الحكايه

المشكله الفهلوه

عندك دى

ايوه عندى

اكيد

طبعاً

ابعت عينه

ياعم مش ده المطلوب (مثلاً طالب صلصه علب صاج 60 جرام يقوم يبعت صلصه بواكى 50 جرام)

ياعم مش ده اللى قلنا عليه

ماهى زيها وكلها صلصه

تنفعش

ب ده انا بعت عينه DHL

وكلفتنى مبلغ كذا ادفعلى حق العينه وطبعا لازم يكسب من مصاريف شحن العينه

فهلوه

وعليه حاولى القيام بتسجيل شركه بالمنتدى وبعد ذلك نتراسل وتتم المقابله بين جميع الافراد ودى على فكره احسن من فوائد البنوك وممكن ايجاد فرص عمل لشبابنا ,ممكن مجموعه استثماريه من المنتدى بمشروع جيد يحتاج تمويل اعرضه هنا

لكن ال700 يويو لا

[bentmasria]

انا سعيدة بقرارك يا سلمى وحاسة انى اتطمنت على بنتى ربنا يرزقك بشغلة كويسة فى القريب العاجل ان شاء الله وارجو ترسلى لى سيرتك الذاتيه على ايميلى وربنا ييسر الخير يارب

وملاحظة صغيرة

انا سعيدة اننا رجعنا نشوف ميزو الف حمد لله على سلامتك

شفتى يا سلمى رديتى اخوانك الغايبين ينصحوكى وبكل حب صدقينى كلنا خايفين على بنوته مصرية من الغربة واى تجارب سيئة لا قدر الله ربنا يحميكى يا قمر

[مصريه بالكويت]

بصراحة أنا مكسوفة من نفسي جدا لانى مشاركتش في هذه المداخلات الأكثر من رائعه

فعلا جزاكم الله كل خير على نصيحتكم لأختي سلمي .

مع أنى مقيمة بالكويت لكن بصراحه لم تتح لى الفرصة الاحتكاك بالاخرين كثيرا لاقول رأى في مجال العمل.

فيما عدا طبعا رأيى في مجالى وهو التدريس

ولانه من افضل المجالات هنا لعمل المرأه مع انى بصراحه يا جماعه اعرف مدرسات مغتربات آنسات مثل سلمى وكمان

متزوجات ومقيمات في سكن خاص بهم جماعات .

ان شاء الله ربناهيعوضك خير بافضل من هذا العقد يا سلمى .

[mizo]

الاخت الفاضله بنت مصريه

شكرا جزيلا على الترحيب

وربنا يسهلك ياسلمى وانتى لسه صغيره وياما هايجيليك فرص والرزق ده والله بتاع ربنا و الرضا باللى قسمه ربنا راحه

والحمد لله شوفى ربنا اداكى ايه مش عند ناس تانيه واقولك سر نجاح الحياه بالنسبه لى

اول ما الشيطان يلعب فى دماغى اما اشوف واحد ربنا عاطي له من وسع على اطول ابص على اولادى ومراتى والصحه واللى عندى واقول ده انا ابقى ناكر للنعمه كل ده يارب ده فيه ناس نفسها فى الصحه وناس نفسها فى الاولاد وناس نفسها فى زوجه صالحه وانا عندى كل ده وزياده الملك لك ياصاحب الملك تعز من تشاء وتزل من تشاء استغفرك واتوب اليك .

تلاقى الدنيا فتحت ليك ابوابها

على فكره انا مش شيخ ولا ملتزم زى بعض الاخوه الافاضل (صبح او ايهاب) انا انسان بصلى و ازكى و اصوم رمضان بس ده اللى لاحظته فى هذه الدنيا من خلال خبرتى مافيش واحد يملك رزق واحد باب رزق اتقفل ربنا يفتح تلاته بدلا منه وايه احسن ميت مره.

لامؤاخذه ياجماعه انا تقريبا خرفت

سلام

[مصري في الكويت]

ههههههه جننتوني بجد

السلام عليكم أهل المنتدي الجميل ده ادام الله التواصل بينكم معلش دي يمكن ثاني مشاركاتي في المنتدي ده لما قرأت الموضوع وردود الأخوة الأعضاء رد وراء رد ووجدت كل شخص هنا بيحلل الموضوع بعمق اكشتفت بأني حاسس أني مش عايش في الكويت من عام ونصف مضي وذلك لتضارب الأراء بينكم بين مؤيد ومعارض لكن انا هحاول أقول نصيحتي انا كمان زيكم اشمعني انا يعني هو انا علي كفالة وزراة الصحة والحمد لله السكن علي حساب الوزراة والمواصلات لكن من ناحية الأدخار أعتقد أن ده بيرجع للشخص نفسه يعني فيه أخت اتفضلت وقالت ان الأكل 100 دينار انا معاها لو 3 افراد او اربع في شقة واحدة ممكن فعلا يكفيهم المبلغ ده او ازيد منه حاجات بسيطة يعني هتكون التكلفة من 30 إلي 40 دينار زي ما بنعمل هنا مع بعض .....

المواصلات غالبا الباص مش هينفع علشان مواعيده او المناطق المحددة اللي بيروح لها يعني هتشتركوا في سيارة ميكروباص جماعي ممكن يكلفك من 15 إلي 20 دينار الأتصالات دي بقي بترجع لشخصية الانسان وتحكمه في مصاريفه يعني انا في أول سنة كانت فعلا مشكلتي في الاتصالات كان الكارت 3 دينار هو وظروفه وعلي حسب الحالة المزاجية من 3 ايام لأقصي شئ 5 ايام وبعدين بقي فيه اختراعات غريبة كده كروت مضروبة علي التلفيونات الارضي بتديكي 40 دقيقة ب 3 دينار وبتديكي ساعة علي الكمبيوتر بس هو اسلم شئ يعني انتي تتصلي بيهم انا كويسة ومحدش يقلق وبلاش تتابعي اخبار مصر علي الموبايل لأن الراتب بتاعك مش هيكفي تابعي بس اخبار حياتك

بالنسبة للحياة كويسة ولي وقفة صغيرة مع مدام قالت انها لم تسلم من اشخاص اغراضهم دنيئة طبعا ده وارد في كل مكان اساسا سواء في الكويت او في مصر عموما ربنا يوفقك وتنبسطي هنا والراتب بالنسبة لشركة مش وحش وماشي الحال

[bentmasria]

بالنسبة للحياة كويسة ولي وقفة صغيرة مع مدام قالت انها لم تسلم من اشخاص اغراضهم دنيئة طبعا ده وارد في كل مكان اساسا سواء في الكويت او في مصر

سلمى العزيزة اسمحى لى ارد على اخونا مصرى فى الكويت من سنة ونصف

انت رجل سيدى الفاضل ولا يمكن ان تتخيل او تشاهد ما تتعرض له الفتاة او السيدة منفردة هناك وصدقنى ملتزمة تماما وربنا يعلم كمان كنت حامل المشكله اننا نفترض ان الامر سواء لكن سيدى الفاضل الامر مختلف جدا ولولا رحمة الله تعالى ووجود بعض الاخوات الفضليات لاختلف الأمر برمته اللهم اعف عن صغيرتنا ولا تعرضها لما رأيناه

والافضل لانسة صغيرة ان لم تكن مهنتها التدريس او مضطرة للسفر ان تحاول ان تجد عملا بشروط ومواصفات اكثر امانا وحماية لها او فى بلد لا يساء فيه فهم الابتسامة العفوية سيدى

سلمى اللهم يسر لك الخير

[مصري في الكويت]

انا معك اختاه واشعر بمدي المأساة ان كان يصح ان اطلق عليها لقب مآساة

لكني ايضا بحكم عملي اعمل مع زميلات مصريات واجانب وأري أنه يجب دائما أخذ الحيطة والحذر وليس الا علي كل حال اختي بنت مصرية بدعي من ربنا ان النفوس ربنا يهديها والناس تفتكر البنت اللي بتعاملها في شغلها وحياتها ممكن تكون اخته او امه اوبنته

[اسكندرية]

اطلعت على الموضوع الآن فقط ، والحقيقة انها فرصة جيدة لتوجيه الشكر الجزيل للأستاذة بنت مصرية على نصائحها الصادقة للأخت سلمى .

وبصراحة شئ يسر جداً ان نرى نساء وبنات مصريات بهذه القوة وهذا النضج الفكري ، و يستطعن الوقوف بحزم وقوة في وجه الجبناء .

ويا اخت سلمى انت حصلت على خدمة كبيرة جداً باستجابتك الى النصيحة ( الأختوية ) من الأستاذة وعدولك عن خوض هذه التجربة .

واخيراً ياريت يتم إطلاع اكبر عدد ممكن من الأخوات على هذا الموضوع للفائدة ...

[star]

اخي الفاضل انا شاب مصري واعمل بالكويت وشركة الشايع من الشركات الكبيره بالكويت والراتب جميل جدا لانه يساوي بالمصري تقريبا 4900 جنيه مصري

المهم اذا كنت أعزب او بفردك فالراتب كافي جدا لمعيشه كويسه وتقدر توفر من الراتب أما اذا كنت متزوج وحتجيب زوجتك معاك فالراتب كافي ولكن قد لا توفر لا توفر شي لانك في هذه الحاله ستحتاج الي شقه للسكن وليس غرفه وهنا الشقق علي الاقل بايجار شهري 160 د ك اي ضعف ايجار الغرفه

[bentmasria]

شكرا لردك ستار فقط احب ان انوه ان سلمى آنسة صغيرة وخريجة جامعية من كلية الاعلام والعمل لدى الشايع المعروض عليها كان بائعة باحد المحلات التجارية

اتمنى ان الرحمن الهمها الصواب ويسر لها الخير من امرها

دمتم بود

[salma]

شكرا ليكم يا جماعه انا مسافرتش و سبحان الله هو العالم الخير فين يمكن يكون ده سبب لحاجه كويسه هتحصل بعد كده

ادعولي

[khedr]

شكرا ليكم يا جماعه

وأنا ايضا اشكر الجميع علي هذا الموضوع

الذي يستحق الأحترام والتقدير وتحياتنا

لكل شخص كتب فيه حرف

انا مسافرتش

وهذا قرار يدل

علي انك انسانه ممتازه

تستاهلي كل خير

وتسيري وراء عقلك

والماده لا تجرك ابدا ورائها

و سبحان الله هو العالم الخير فين

يمكن يكون ده سبب لحاجه كويسه هتحصل بعد كده

ادعولي

وربنا يوفقك في كل خطوات حياتك

وربنا يجازي جميع الاخوه بالخير

علي كرمهم في النصح والتوجيه