أسئلة وإستفسارات مطبخية أو منزلية .. أنت تسأل و فُلانـــه تُجيب

[se_ Elsyed]

سامحيني يا فُلانه .. كان لازم أعمل كده عشان مصر وعشان الغلابه

إخوتي الأعزاء

خلال الأسابيع والشهور الماضية مرت مصر بفترة عصيبة من تاريخها المعاصرة

ولكن خلال تلك الفترة ظهرت معادن كثير من الرجالة اللي وقفوا وقفة رجالة مع مصر

وبرضوا كثير من الستات اللي وقفوا وقفة ستات برضوا مع مصر ( ورونا بقى وقفت الستات )

ومن الستات اللي وقفوا الوقفة دي وكان لهم دور في باب المطبخ خلى ريحة الصواني المفحفحه واللحوم المتشوحه والزبدة والسمنة المتسيحه و كده يعني تعبأ الدنيا .. هي . الشيفه فلانه هانم الخربوطلي سليلة عائلة الخربوطلي بالأناضول وكوم الشقافة والتي أظهرت خبرات نادرة في المطبخ تجعل لعاب الملهوف يسيل لمجرد شمه رائحة الطبخ .. فما بالنا إذا أكله

لذا وطبقاً للدستور ومواد العقوبات وكما ورطنا المهندسة نانسي من قبل في موضوع الديكور

فلقد قررنا نحن سين سين وكيل نيابة قسم الجمالية .. قررنا توريط بنتنا الغالية فولانه في هذا الموضوع

وكل واحد عنده أسئلة مطبخية وياريت نركز على الأسئلة المعقربة اللي بتيجي في الإمتحانات .. زي ما أخونا الكنج هشام سألها عن كيفية أكل الأفوكادو وخليل باباظ ( إيه الحاجات دي .. ده الواحد كبيره قوي العنب البناتي وبيفتكر نفسه من العيلة المالكة لما بيضرب له ربع كيلو كمان ) يضع تلك الأسئلة هنا مع ظرف فيه اللي يجود به .. وينتظر الإجابة ... وهنيالك يا فاعل الخير والثواب

نقول يارب يا هادي

[Folana]

السلام عليكم ورحمة الله..........

:unsure: :sad: ..عايزة احط صورة زينات صدقى وهى عندها حول وبتصوت وماسكة ايد الهون فى ايدها بتدور على اى راس تبطحها....

الصراحة يعنى اذا كان سى السيد ولا الاستاذ احمد محمود مش عارفة اودى جمايلهم فيييييييييييييييين ...

احنا فى الخدمة ..........

[نانو]

طيب اذا كان الموضوع كده يبقي خدي عندك

بصي يا فلانه هانم الخربوطلي .....مشكلتي تكمن في ان الماشروم الي بشتريه طازه اول ما بعمله علي النار بيسود

في حين ان اللي بيبقي محفوظ بيقي محتفظ بلونه زي ما بناكله في البيتزا بره البيت

و انا طالما عملت الاكل في البيت مش بحب اجيب اي حاجه معلبه او محفوظه..... و انا بستعمله في كل حاجه فاضل شويه احطه في الخشاف :wub:

فكيف اتغلب علي مشكله السواد ديه

[Folana]

السلام عليكم ورحمة الله.............

ايه الاسئلة دى بقىىىىىىى...انتم مونطهدننى ولا ايهه...(طبعا ماحدش عارف يقرأ الكلمة =يعنى مضطهدينى)

انا لسه ما اخدتش درس المشروم ..ان شاء الله فى تالتة رابع حاخده..اصلهم غيروا المناهج زى ما انت عارفة.........

بس مع شوية تفكير وصلنا للاتى ...طبيعى ان المشروم لونه يسود..ولو مش طبيعى ..انا باقول اهو انه طبيعى ..عايزة حد يعترض بقى ...

ولكن مع شوية تفكير اكتر شوية - ولو انى مش متعودة على كده - وجدنا نحن فلانة الاول انه ممكن جدا يكون المشروم ده زى الخرشوف ..يعنى ياخد نصف سلقة الاول مع عصير ليمون على المية ..وبعدين تعملى به اللى انت عايزاه بقى ...ده حتى المشروم المعلب بتلاقى لونه غامق...يعنى هو كده ...خلقته كده..( وش حسن فايق)..

بس حاكتب وصفة للمشروم المحشى سبانخ..ووصفة كمان للمشروم المقلى بانية ....

هه ايه رأيك فى الاختراع العجيب ده....

وانا لى كلام مع سيادة اللوا س.س.

[نانو]

تسلميلي يا جميله

عندك حق ممكن يكون حل

عامه هاجربه و اقولك .....انتي عارفه انا مش بتفرق معايا انا هاكله لو حتي محروق

انا بس عايزه البنات يحنوا عليا و يرضوا ياكلوه...و النهارده قالولي مالو كده اسود يا مامي؟؟؟؟؟

ماشروم محشي سبانخ. :wub: ..سبانخ يا فولانه.. :wub: .الظاهر فعلا انك روحتي في الكازوزه.... :wub: من يوم الاشراف ده :wub:

و بعدين انتي قلقانه من كلمه مونطهدني ....لا ..ما تقلقيش خالص

انا من يوم ما قريت لك كلمه المنطتشئه....و انا اتوقعك منك اي حاجه.... :wub: .