نص أغنية شعبان عبد الرحيم الجديدة ضد بنديكتت السادس عشر

[eltayer]

أنا عندى عتاب بجد لـ بابا الفاتيكان

من غير ما أضايق حد ولا حد يكون زعلان

المسلم والمسيحي والكل زعلانين

عشان ماكنش ينفع تهين المسلمين

أسلامنا دين محبة إسلامنا دين سماح

وما انتشرش أبدا بالسيف ولا بالسلاح

الناس مش ناقصة فتنة الناس عاوزين أمان

وكفاية الدنيا ولعة على يد الأمريكان

رسومات تهين نبينا والسنة والقرآن

وكل يوم إهانة من ناس ليهم سكان

دينا مش دين عداوة وما تفتروش عليه

واللي حصل في قانا وفى غزة اسمه إيه

في مصر الكل عايش وحاسس بالأمان

الجرس ليه احترامه المدنه والأدان

رسولنا ماكنش دموي ولا كان خبيث النية

وماكنش عنده نووي وقنابل عنقودية

كان يهودي تمللي بيرمى زبالته جاره

ولما كان تعبان سأل عليه وزاره

المسلم والمسيحي في كل شئ صحاب

بصراحة ماكنش لازم تتهور فى الخطاب

نص الاغنية منشور في موقع إيجيبتي واغاني اخرة له

الموقع

[rar]

رائعة و مسبوكة... بس مش فاهم معني البيت:

وكل يوم إهانة من ناس ليهم سكان

يعني ايه ليهم سكان؟