عمتى شكرية .. ومشكلة الفول والطعمية ...!!!

[achnaton]

[size=5]بسم الله الرحمن الرحيم

كل سنه والجميع بخير .. ماعدا حكومة الخراب الألكترونى .. باق أيام ويهل علينا الشهر الكريم .. وكان عندى شويه حنين لأيام زمان .. والحقيقة مش عارف لغاية النهارده اكرر مسلسل الافراح اللى كنا بنعيشها فى النجع بين كل الاحباب ..المنتشرين أيامها فىمحافظات المحروسة .. ويهلوا علينا لنفطر جميعا فى أول يوم فى الخيمة الكبيرة اللى كان جدى الشيخ حسن " رحمة الله عليه " بينظمها قدام الدوار الكبير .. وكان الخير كتير .. كنافة وقطايف بكل انواع المكسرات .. وبجانب هبر اللحمه ..كان المحمر من جميع انواع الطيور المتاحه عند القرايب كلهم .. كل واحده جايبة صنية معاها .. لأن جدى كان بيعزم الجميع فى النجع يشرفوه بالاكل معانا .. والنهارده الصبح .. قلت أخفف شوية من أحاسيس الاغتراب .. واطلب قرايبى فى القرية – ما هو النجع كبر قوى واصبح قرية كبيره - اتبادل معاهم التهانى .. تعرفوا عمتى شكرية ردت على بإيه ؟؟ سألتنى هو عندكم يا ابنى فى ألمانيا فول للتدميس .. قلت أيوه يا عمتى .. ولما بنعمله فى حلة البخار بيبقى طعمه جميل .. ابعت لك شويه .. – من باب الضحك - ولكنها أصلقت على كام صاروخ .. ولا صواريخ نصر الله بتاع لبنان .. إبعت لنا يابنى كيله ولا أتنين وحادفع لك المصاريف .. فتعجبت .. مصاريف إيه يا عمتى .. دا أنا نفسى آكل طبق فول منياوى .. من الول المكموره .. قالت .. خلاص يا بنى .. زمن وراح .. والنهارده فى البندر وفى أسيوط دارت الميكروفونات تحذر من أكل الفول .. بيقولوا خطر الصحة .. ومسمم .. !!!!

ونفسى أعرف .. هو ايه اللى بيجرى فى البلد .. اللحمه وقالوا للشعب ما حدش يا كل لحمه .. فقد ظهرت حالات من طاعون البقر .. ثم اتبعوها بأمراض أخرى .. وكلمت عمتى وطلبت منها تبطل أكل لحمه مؤقتا لغاية ما الوضع الحقيقى يظهر .. بعدها قالوا ما تأكلوش فراخ .. ولا طيور .. الانفلونزا منتشرة .. طلبت عمتى تانى وقلت لها وكمان بلاش فراش .. ومن اسبوعين .. نشرت الجرائد أن مكسرات رمضان الموجوده بالسوق مخزنه وفاسده .. ولا تصلح للغذاء الآدمى .. من غير ما اطلب عمتى بعت مع الدكتور شريف شوية مكسرات وبدون بيانات أو حكايات ..

النهارده بقى لما الحكومة تعمل مؤتمرات فى عواصم المحافظات وتروج أن الفول المدمس خطر على صحة المواطن .. أقول إيه .. دا أنا أذكر الشيخ مصطفى سليم عريف الكتاب لما كان يصرخ فىكل صباح ..ياولد بطل أكل فول .. مخك تخن زى جسمك ..ولا أقول الكلام للشيخ حسن عشان يمدك .. وبعدين إيه .. 80 % من الشعب النهاردة بيعتمدوا على الوجبة الرئيسة من الفول المدمس والطعمية .. منكم لله ياللى فى بالى .. ولا حول ولا قوة الا بالله العادل القهار ..

حوش عنى يا رجب .. مرحب بالعودة الجميلة ..

وتأكيدا لكل الكلام ..اليكم ما سيظهر يالجرائد صباح الغد ..

الفول المدمس.. خطر علي صحة المستهلك

أسيوط ـ يونس درويش:

أكدت ندوة »سلامة الأغذية المنتجة وتأثيرها علي المستهلكين« التي اقيمت بجامعة أسيوط أن بعض الاغذية تسبب أخطاراً كيميائية بسبب احتوائها علي بقايا مبيدات ومعادن ثقيلة ناتجة عن عملية الزراعة أو لوجود تلوث بيئي وميكروبي بها ومن بينها »الفول المدمس« الذي تتم زراعته وراثياً حيث يتم اضافة مبيدات غير مسموح لها، ثم خطورة التخزين السيئ، حيث يتم وضعه في براميل تحوي بقايا مبيدات والخطورة الثالثة في عملية الطهي بإضافة ألوان صناعية ليصل المنتج للمستهلك في النهاية محملاً بكافة أنواع الملوثات. أكد المشاركون ان ما حدث العام الماضي لمحصول البطيخ الذي لم تطبق عليه نظم سلامة الأغذية والارشاد الزراعي، هو مثال واضح حيث قام المزارعون باضافة مبيدات للمحصول أدت الي سرعة نضوجه وزيادة حجمه وتسببت هذه المبيدات، مجهولة المصدر، في تسمم عدد من المستهلكين، وأيضا محصول البصل المنتج العام الماضي الذي رفض تصديره بسبب احتوائه علي بقايا مبيدات.

أكد الأساتذة المشاركون أن دولاً كثيرة سبقتنا في اتجاه الحفاظ علي سلامة الغذاء حيث يتم تطبيقه بصرامة منذ عام ،1967 أما في مصر فلم يطبق مبدأ الحفاظ علي سلامة الغذاء إلا منذ خمس سنوات وعلي المنتج المصدر فقط أما المنتج المحلي الذي يستخدمه الناس داخلياً فلم يطبق.

http://www.alwafd.org/front/detail.php?id=...4a0278d354a6701

تم تعديل 11 سبتمبر 2006 بواسطة achnaton