قناة المحاورات الفضائية

[Diab]

إعلانات

مصر للطيران

حلق معنا إلي الهااااااااااااااااااااااااااااااااوية

قل لن يصيبنا إلا ما كتب الله لنا

شعارنا

حسنة و انا سيدك

تم تعديل 10 أكتوبر 2007 بواسطة Diab

[Diab]

مسابقة رمضان

المذيع أرسين لوبين

مساء الخير أعزائي المشاهدين دلوقتي مع المسابقة الرمضانية السنوية

شارك معانا علي تليفون

131342597580 2480928408203480293480294820934840239844042424234545090

وجاوب علي الأسئلة حتكسب معانا رحلة عمرة لليونان و خلاط بالكهربا و حاجات كتير كتير

ملحوظة سعر الدقيقة 42342342 ألف جنية

-ومعانا أول تليفون ألو

نجفة هانم الو

مساء الخير مين معايا

أنا نجفة dct::

منورة

الله يخليك

أول مرة تشاركي معانا

بصراحة ايوة وبقالي 3 شهور بحاول أتصل واخير لقط الخط

كويس انه لقط معاكي يلا نبتدي

يلا

السؤال الأول

غنت أم كلثوم

وقف الخلق ينظرون جميعا كيف ابنى قواعد المجد؟

قولينا بقي مين بالظبط اللي كان واقف وبالمرة قوليلنا هي بنت قواعد المجد ولا صبتها حصيرة

أفندم jdw::

جواب نهائي

أنا أساسا لسة ما تيييييييييييييييييييييييييييييييييييييييييييت تييييييييييييييت

واضح ان الخط فصل بس هي ليه ماجوبتش علي السؤال بسرعة مع السؤال سهل جدا hpc:!:

ياريت يا أخت نجفة تقوي معلوماتك شوية في الكيميا ومعانا تليفون تاني

الو

مين معايا

زوهيري ابو إياد :afr:

اهلا مسيو زوهيري نورت الشاشة

منورة بوجودك

واحشنا

الله يكرمك

غريبة بقالك كتير مافرقعتلناش شعر فطحل من بتوع

ماهو انا بتصل عشان كدة أسمع يا سيدي

إنما الحيزبون والدردبيس والطخا والنقاخ والعلطبيس

لغة تنفر المسامع منها حين تروى وتشمئز النفوس :blush2:

يا زوجتي اتشلم العنطيس والصفطار

إني جعان فروحي حضري الإفطار :tease:

باااااااااااااااااااااااس tot:: أديني قافلة ياراجل بقولك رمضان كريم والدنيا صيام عاجبك كدة أهم المشاهدين فطروا لا انا عاوز حاجة فرايحي

مش تقول كدة إسمع يا سيدي ده أسمه في اللغة العربية الغزل العفيف

يا حبشتكة يا حبشتكة .. القلب من الحب اشتكى

يوم دمع وحزن ويوم فرح و هشتكة

اللى يشوفك يفتكرك فارس ف ساحته

ميعرفش انك حتى الشراب شحته

مسيو زوهيري

نعمين :closedeyes:

ممكن طلب

أقفل السماعة فاصل ونواصل

[Ahmad Farahat]

إنت متأكد يا دياب ان الأبيات دي بتاعت عمنا امرؤ الزهيري

أصلي شايف الأبيات النهارده سهلة قوي

وبعدين لا فيه لآطة

ولا أطة

ودي الكلمات اللي عمنا زهيري يعرفها كويس

[MZohairy]

:closedeyes:

هكذا عظام الشعراء اذا شعروا ...يرميهم العامه بحقد ولا شعروا hpc:!:

[Ahmad Farahat]

:closedeyes:

هكذا عظام الشعراء اذا شعروا ...يرميهم العامه بحقد ولا شعروا hpc:!:

طيب شيل العظام لحسن اتمصمصت على الآخر

[حسام يوسف]

ثاوزاند شكر للاستاذة مكاوى

والله العظيم مداخلاتك كلها بتريديوس الاسترس اللى انا فيه

جزاكى الله خيرا

[رمضان]

ازاي تعملوا مسابقة رمضان بدون اذن مني انا صاحب الاسم الحصري في المنتدى

[حسام يوسف]

خلاص يا عم رمضان يبقى انت رمضان الحصرى

[badroora]

قناة المحاورات فرع البحرين

معكم نجفة الضب حسين نفتتح الاعدة بسمفونية صامته منفردة هدية من البرنامج

هلا والله بالحبايب كل عام وانتم بخير وبعودة الايام

طولوا بالكم معايا عشان الموجز طويل وانا عندى كحة ورشح وروحى فى انفي كلمة زيادة او تعليق هاعطس فى الارسال وانتوا احرار

اتشيييييييييييييه اتشية لموؤاخذه يا شباب انا كنت باقول ايه اه

جاتلنا شكاوى كتيرة من إستاذ دياب بيقولوا ان اسئلته صعبة على ناس وسهلة على ناس والرقم اللى حاطة عالشاشة نائص رقمين .

بناشد ونقول ل إستاذ دياب ابقي سهل الاسئلة عشان الناس مش تزعل .

النشرة الجوية

الجو الايام دى صج والله ماليه سالفة استهبال بالليل على رطوبة واستعباط بالنهار واحنا ضايعين لا عارفين نشتى ولا نصيف ولا نخرف والعطس منتشر الايام دى

بليز يا عزيزى المشاهد والمشاهدة خدلك ساتر وانت فى الشارع وانت فى الشغل وانت فى المواصلات وانت فى البيت تجنب الحديث المباشر بين الاشخاص المصابين ويا ريت تحاجيهم من خلف ستار .

الحركة المرورية

عزيزى الاتى من المنامة الى الرفاع خالى بالك فى لجنة عالدوار

عزيزى السائق تجاه مدينه عسيى خد راحتك ايشارة المورو معطلة يعنى اكسر ولا يهمك

عزيزى المتجة من كبري الملك فهد خد رحتك اوى مافيش ايشارات بس تك كار الردار المسروق رجع تانى

عزيزى الجاى من السلمانية خالى بالك ن الايشارة الضوئية ام كمرة خفية .

اخبار خفيفة

عادت الغالية امانى من الاراضي المقدسة بعد اداء مناسك العمره ولسه جارى التهانى بعودتها سالمة غانمة وانا من هنا بقولها ويلكم باك امانى .

الزعيم المنجار كوكومن كان عيدة ميلادة ولسه جارى التهانى وبنقوله عيد سعيد وعمر مديد

اخبار المغتربين

الكل مقبل على الهجرة بشكل فظيع ومحدش عاوز يقعد فى البلد .

اخبار المسابقات

فاز معنا الطيارالمصري بالجائزة الكبرى نقول له الف مبروك .

اخبار السيارات

بعد الحصول

على الدريكسيون المفقود ظهرة سرقة جديدة للمساكات والمرايات ادى جازاء اللى يسيب عربيته مفتوحة العربية بقت عالبلاط :rolleyes:

مرة تركت طيارتى السيات والمروحة شغالة قولت تهوى للى ماشي اتسرقت المروحة

بابي اشترالى طيارة فيات بوينج 132 ومن ساعتها وانا مقضياها شبابيك مراوح نووووووووو

ننتقل الى ركن المرأة

عزيزتى المرأة عيد خلاص علابواب كل سنه وانتى طيبة وقلبي عندك من تنفيض لغسيل لتلميع

عزيزتى بعد التنفيض والغسيل فى العيد هتتعبي سيدتى وتكون منهكة القوة وزوجك والعيال هيكلوا الكحك ويبهدلوا الشقة وانتى طريحة الفراش

نصيحتى الحقي من ناو لفي راسك بفتلة صوف واستموتى :rolleyes: وابكي وقولى تعبانه خالى زوجك الحبوب يساعدك فى التنفيض بليز سيدتى تاك كار العيد فرخة لا تقضيها فى السرير

بس حاولى قبل تنفيذ الخطة الذهاب للسوق اشترى ملابس ومجوهرات وكل اللى نفسك فيه وبعدين استموتى وابقي طمنيني

ركن الرجل

بليز يا مان تاك كار اوف يور وايف وساعدها فى التنفيض مش تنفضلها لاء نفض معاها .

ننتكل الى امثال وطرائف

افضل تعليق كان على قناة ام بي سي 1

فى حاجة اسمها بينيى وبينك

مطعم بيبيع اكل ومسعر الامخاخ

المخ الصينيى ب 100 ريال

الخ اليابانى ب 100 ريال

المخ الكورى ب 100

المخ العربي ب 20000000 ريال

طبعا انا اول ماشوف قولت يسلام فعلا مخنا يتائل بدهب

واتضح ان المخ العربي لن يستخدم بعد يعنى بخيره وغير مستهلك :rolleyes:

امثال مختارة

وجع البطن ولا دلق الطبيخ

جبت الأقرع يونسني كشف عن قرعته وفجعني

شنب ما تحته فلوس يحتاج له موس

الناس طبائع فيهم وديع وطائع وفيهم وضيع وضائع

مزاح وطعن رماح دا بقي لما تحب تأنب حد بكلام متغطي

اتشي

سورى يا شباب شكلى بانهى الموجز اصل العطس مش هيبطل

وفى نهاية الموجز

بنقول لكم شكرا على استماعكم وكل عام وانت بخير

وعيد سعيد عليكم جميعا

ولا تتئلوا من الحك عالعيد عشان الكوليسترول

مع باقة ورد مهداة من القناه

كانت معكم نجفة

باي باي تاك كار

بااااااااااااااااااااااااااي :closedeyes:

تم تعديل 11 أكتوبر 2007 بواسطة Badria Mekkawy

[badroora]

ثاوزاند شكر للاستاذة مكاوى

والله العظيم مداخلاتك كلها بتريديوس الاسترس اللى انا فيه

جزاكى الله خيرا

يا فندم لا شكر على واجب

دا وجبنا رسم البسمه على شفاه الجميع :closedeyes:

ربنا يجعل كل ايامك سعادة ويبعد عنك الاسترس

وكل سنه وحضرتك طيب

عيدك مبارك :rolleyes:

اختك نجفة استرس ريليفر :rolleyes:

[Diab]

ههههههههه

حلوة رمضان الحصري دي جامدة موت

يا بدرية هو انت هتقدمي كل حاجة لوحدك سيبي حاجة لباقي الناس

فولانة هانم

ممكن تقدميلنا فقرة المطبخ

تم تعديل 13 أكتوبر 2007 بواسطة Diab

[Ahmad Farahat]

فولانة هانم

ممكن تقدميلنا فقرة المطبخ

ممكن أقدمها أنا خصوصا وإني كفء للفقرة إذ أنني لا أدخل المطبخ إلا لإحضار كوباية مية فاضية عشان أملاها بالمية

وجبتنا النهارده هتكون طريقة عمل الشوربة

ومحدش يقلي ان الشوربة دي سهلة

بس نحط مية على اللحمة تبقى شوربة

أبدا

الشوربة حاجة معقدة جدا

وصعبة جدا

وعويصة جدا

مش أي حد يعمل شوربة

ومش أي حد ياكل شوربة

بس قبل ما نقدم طريقة عمل الشوربة نحكي حكايتها التاريخية في الأول

اختلفت المصادر في تحديد سبب التسمية

الشيء المشهور إن الشوربة دي اتسمت عشان جاية من الشرب يعني بتتشرب

فيه ناس بيقولوا عليها حساء

لكن بيقال إن ليها أكتر من سبب (التسمية يعني)

بيقاك سنة 1901 ومع بدء التفكير في اختراع الطائرة كانوا الأخوين رايت ميبتدوش يشتغلوا قبل ما الخادمة بتاعتهم تعملهم شوربة

وكان اسم الخدامة دي مسز شاروب

شاروب دي كانت ست كويسة قوي بس كان عندها عيل مغلبها عمال يسقط في المدرسة ويضرب العيال وكل يوم تروح لحضرة الناظر تستعطفه عشان يرجع ابنها بس هوا مكانش بيوافق كتير جايز برضه عشان حضرة الناظر ده كان متجوز واحدة مطلعة عينه وكانت كل يوم تاخد فلوسة وتديها لأخوها الصايع اللي كان بيصرفهم على النسوان ويسكر بيهم المهم أخوها ده بالمناسبة وللصدفة يعني كان ناصب على رسام أسباني والرسام ده كان عامل لوحة ممتازة

والله أنا مش عايز أصدعكوا بالحواديت دي خلينا في موضوعنا يعني الي هوا ايه

لأ مش الشوربة :wub:

مدام شاروب

المهم الست دي كانت دايما تعمل للأخوين رايت شوربة هما يشربوها ويناموا وميخترعوش لحد ما مدام شاروب في يوم نسيت تعمل الشوربة راحوا طاروا بطيارة لمدة دقيقتين

قعدوا يفكروا إحنا طيرنا المرة يبقى السبب في ان احنا مشربناش شوربة

المهم الأخوين رايت طردوا مدام شاروب

راحت مدام شاروب تشتغل في مطعم هناك بقى عملت الشوربة كانوا الزباين يشربوا ويناموا

فالمطعم عمل بنسيون المطعم نجح وبقى أشهر من نار على علم

من الآخر الشوربة اتسمت على اسم مدام شاروب

فيه حكاية تانية بيقولوا انها السبب في ان الشوربة اسمها شورب والحكاية دي نحكيها في الحلقة الجاية علشان وقت برنامجنا انتهى

ونتمنى إنكم عرفتوا ازاي تعملوا شوربة

وإلى اللقاء في حلقة قادمة

مع الشيف أحمد فرحات

تم تعديل 14 أكتوبر 2007 بواسطة Ahmad Farahat

[miramar]

ايه ده يا احمد انت لو شيف بجد المطعم هيقفل بدري بدري :wub:

بس انا مفهمتش لما هما طردوها هي جابت فلوس منين عشان تفتح مطعم الشوربة اكيد كانت بتخنصر ولا ايه؟؟؟

و أنا متاكدة ان الست دي الي بتسقي المصريين شوربة اول ما يصحوا عشان كدة لا هنطير طيارات ولا حتى نخترع تكاتك :110:

الشيف ارسي الحلقة الجاية انا عايزة طريقة عمل الكوسة المحشية

ويلا ربنا يستر هبقى اكلها جنب المستشفى

مرمر

[Ahmad Farahat]

ايه ده يا احمد انت لو شيف بجد المطعم هيقفل بدري بدري :lol:

يا ماما دانا باعلمك كويس عشان منظرك يبقى كويس لما تتجوزي دانتي لو مشيتي على الوصفة بتاعتي كنتي هتعملي أحلى شوربة في مصر

بس انا مفهمتش لما هما طردوها هي جابت فلوس منين عشان تفتح مطعم الشوربة اكيد كانت بتخنصر :lol: ولا ايه؟؟؟

يا ماما هيا كانت بتشتغل عند الناس دي بس شوربتها خلتها تخش مع بتوع المطعم بنسبة

و أنا متاكدة ان الست دي الي بتسقي المصريين شوربة اول ما يصحوا عشان كدة لا هنطير طيارات ولا حتى نخترع تكاتك :lol:

لأ مش دي السبب في نوم المصريين

السبب في ده الطباخة العالمية الشهيرة اللوذعيه مدام فوليز مخترعة طبق الفول المشهور ودي ليها حكاية نحكيها بعدين

الشيف ارسي الحلقة الجاية انا عايزة طريقة عمل الكوسة المحشية

ويلا ربنا يستر هبقى اكلها جنب المستشفى :lol:

مرمر

دلوقـــــــتي بس صدقتك ....خدعوني قلبي وعنيا :lol:

واللي انكتب جوا ف قلبك.....أتاريه لغيري مش ليا :lol: :lol:

بتحبي الكوسة يا مرمر mfb:

إنتي من بتوع الكوسة

أستغفر الله العظيم

إلا دي يا مرمر ...إلا الكوسة

برة (وش عماد حمدي في فيلم الخطايا)

كت يلا

المشهد اللي بعده smk:

تم تعديل 14 أكتوبر 2007 بواسطة Ahmad Farahat

[miramar]

إلا دي يا مرمر ...إلا الكوسة

يا عم دا أنا من هواة الكوسة

أحبها محشي

بالدمعة

او حتى سوتيه متفرقش

المهم انا بموت في الكوسة

[رمضان]

كده الحزب الوطني يزعل منك لانهم احسن ناس بتعمل الكوسة وبتطبخها كويس قوي

[miramar]

بص برضو بحب الخيار

الخيار الاستراتيجي

الخيار السلمي

الخيار المخلل

خيار السلطة

(بضم السين وفتحها)

مرمر

[Ahmad Farahat]

الآن سيداتي آنساتي سادتي نلتقي مع البرنامج الرياضي اللوذعي من القاهرة يقدمه لكم المقدم العبقري الفصيح أرسين لوبين

(موسيقى وإعلان موبينيل بتاع القرد)

أرسين لوبين (بيضحك) : الحقيقة دايما باضحك على الإعلان ده ياسمين بصراحة متفوقة

أعزائي المشاهدين تابعتم اليوم مباراة الفريق المصري مع المنتخب الياباني وقد ظهر فيها فريقنا الوطني تائها في الملعب فمن الواضح أنهم كانوا لا يستطيعون التفرقة بين ملامح الفريق الياباني فاختلط عليهم الأمر ...كما ظهر المعلم شحاته وكأنه لا يفقه شيئا في التدريب معنا في الإستدويو قاطرة فريق مانشستر يوناتيد السابق ومشجع الأهلي الكبي السيد س.س

أهلا بيك

س.س : أهلا بيك يا دكتور أرسين وأشكرك على المقدمة الجميلة

أرسين لوبين: مباراة سيئة شاهدناها اليوم ماذا ترى في أداء المنتحب الوطنى؟

س.س: بص يا عم الدكتور .... أنا شايف ان ماتش النهارده مكاسبه كبيرة جدا ...جايز منكونش شايفينها

أرسين لو بين: عفوا سيدي المحلل ما هي المكاسب؟

س.س : أولا احنا شفنا محمد عبمنصف لابس شارة الكبتنة غير كده دخل فيه 4 أهداف من حد تاني غير أبو تريكة ومتعب وفيلافيو ولا مش شايف ان التغيير حلو

أرسين لوبين: حسنا سيدي ....لعبنا اليوم بثلاثة مهاجمين ...أولم يؤثر هذا على الأداء الدفاعي؟

س.س: الفيفا بتقول ايه في صفحة 10 من كتابة الكورة ....بتقول بلاي تو وين.....يعني إلعب للفوز ...يعني متدافعش ...بالعكس يا داكتور إحنا كنا المفروض نلعب بعشرة مهاجمين وكفاية حارس المرمى ....أنا أصلا مش عارف احنا لعبنا بحارس مرمى ليه

أرسين لوبين: كيف وجدت أداء لاعبي الدوري المصري عبد الرحمن محيي وعاهد عبد المجيد لاعبا الترسانة وجمعة مشهور لاعب الجيش؟

س.س : انا شايف إنهم كويسين جدا وأنا أنصح نادي الزمالك يشتريهم ((نصيحة مخلصة جدا)) وبقول بلاش نضغط على المعلم حسن شحاته ده كفاية إنه قاعد تحت بيلعب مع اللعيبة....مش قاعد يعني زي جوزيه بيتفرج.....ده يا حبة قلبي كل ما تيجي هجمة ألاقيه فط من ع الكرسي....بعدين ده المعلم يا اخوانا...ورمز من رموز نادي الزمالك

أرسين لوبين: هل تأثر فريق منتخب مصر بغياب لاعبي النادي الأهلي؟

س.س : بالعكس أنا شايف ان لعيبة النادي الأهلي النهاردة كانت هتلعب وهيا خايفة على رجلها علشان مبااة النجم الساحلي بعدين لعيبة الأهلي لعيبة محلية كلها ...قلي كده بذمتك عملوا ايه للمنتخب

أرسين لوبين: يعني اللي لعبوا النهارده دوليين

س.س: طبعا يا داكتور كفاية انهم بيلعبوا أربعة اربعة اتنين..... مش مهم نتغلب بيها....مش مهم نتمرمط من طوب الأرض بيها....مش مهم نتخنق بيها...المهم نلعبها وخلاص ....عشان الصحافة ترضى عننا ويقولوا ان احنا مسايرين الحدث

أرسين لوبين: نشكر محللنا الرياضي الممتع س.س والآن مع إعلان موبينيل مع ياسمين عبد العزيز والقرد وهيق هيق هيق هيق

(موبينيل رخصت الأسعار........وانت رخصت نفسك)

[Diab]

[badroora]

النشرة الذكية المذيعة بدرية

إصباح الخير على السادة المشاهدين والسيدات المشاهدات .

اليوم نشرتنا خفيفة جدا جدا إيمة تمن كيلو كدا .

ويا رب تستحملونا وتستمتعوا معانا !!!

نبتدى النشرة باخبار حول العالم

نبتدى بالعواصم للدول الكبيرة

دولة المحاورات المتحدة

باب الموضعات الجادة

تعلم اللغة العربية

Learn Arabic Language

النقاش الجاد حول اللغة العربية وشعارنا اتعلم اتنور .

ولا للأُُمية ولا تحدث الانجليزية .

وسوف يتم عقد حملة اعلامية يقودها نُخبه من اكبر مثقفي المحاورات للمحو الامية والحرص التام على ايجادتنا للغة العربية

يلا جميعاً نتحد لنكون مستقبل افضل

محاورات العطاء

,,,,,,,,,,,,,,,,,,

باب الابتسام

وما زال البحث مستمر على العضو السري .

ولكن من الملاحظ يا اخوانى ان العضو السري اختفي من يومين ولن يتم العسور عليه .

وفى انتظار الفآز بالمسابقة اللى يقولنا من هو العضو السري .

باب الاجتماعيات

عاد اليوم ساداتى انساتى شخص عزيز اوى علينا

إستاذ ياسوفيناوس وبنقوله حمدالله على السلامة ولا تغيب مرة ثانية

نورت بيتك الثانى .

باب الموضوعات الخفيفة

ولا زال يا اخوانى العزيز الغالى كوكومن جالس على كرسي الاعتراف نتمنى له انقضاء المدة وترشيح ثلاثة اعضاء يقوم هو باختيارهم .

واتمنى ان يختيار

الفاضل ابو محمد

او

الفاضل عادل ابو زيد

او الفاضل

دياب

طبعا مع كامل الحرية الشخصية للاختيار مجرد هينت بس .

,,,,,,

باب هدى الاسلام

من الملاحظ اخوانى منذ مدة كبيرة لن يتم طرح مواضيع او مناقشة اى مسائل دينية فى هذا الباب .

وانا اتسأل هل يا ترى خلاص الناس فهمت الدين ومبقاش فى حاجة نناقشها ولا مشغولين بمواضيع اخرى الله اعلم .

باب الطبيخ

بصراحة مدام فولانه والعزيزة بنت الشاطيء ما قصروا

دايما ممتعنا بشوربات واكلات

ربنا يديهم الصحة يا رب

وانا يا حبايبي

عجبتنى اكلة لذيذة لاكبر شيف بمستشفي ام المصريين بالجيزة ونقلتهالكم اليوم

مش خسارة فيكم .

المضروبة

المقادير

فرخة مخلية العضم والجلد

3 اكواب ارز

بقدونس واى نوع اخضر تحبوا تضيفه

بهارات حسب الرغية

ماء

زيت

صلصة

طماطم مصحصة

ملح

بوتجاز

وحلتين

وقفشة اللى هى ملعقة

وشخص عشان يطبخ

الطريقة

نجيب الحلة ونولع النار ونضع الحلة على النار

نقطع البصل قطع صغيرة ونرميها فى الحلة

ونودلق شوية زيت عليهم

ونتركهم حتى يصفر اللون وبعدين

نيضف البقدونس المقطع عليهم

وبعد ما البقدنوس يحمر معرفش ازاى من اخضر لاحمر بس ماعلينا هى قالت كدا وهى صادقة

نجيب الطماطم ونقطعها اطع صغيرة

ونضيف عليها الصلصه الجاهزة

ونضيف الفراخ المخليه الى التركيبة اللى حضرناها

وبعدين نضيق مقدار لتى ونص ماء الى التركيبة

وننتظر حتى نضج الفرخة جيدا

وبعدين نضيف الارز الى التركيبة

ولابد ان يكون الماء كتير وهانعرف السبب ليه

ونترك التركيبة على النار لحين نضج الارز وبعدين اول ما الارز يتعجن يبقي كدا التركيبة نجحت ونضجت

بعد تعجين الارز نقوم بلت الارز كمان وكمان ولو فيه مضرب يبقي خير عشان تبقي اسم على مسمى

ولا تنسوا اصافة البهارات حسب الرغبة والملح اثناء عملية التحضير

وهذه الوصفة جيدة جدا لكل من يتعجن الارز معاها واللى مبتعرفش تطبخ الارز واهى بدل ما يترمى الارز يمكنها

الان ان تنتفع به

ملحوظة

هذه التركيبة تقدم ساخنه وفى اطباق مفلطحة عشان العجينه تبرد

الارشادات

الرجاء حفظ التركيبة بعيدا عن متناول يد الاطفال لانها من طعمها اللزيز ممكن الاطفال والكبار يلتهموا كمية كبيرة ويصير لهم تلبق معوى

كانت معكم الشيف نجفة

من مطبخ مستشفي ام المصريين بالديزة

الرجاء من الجميع وضع رقك تليفون الاسعاف فى المطبخ للضرورة

او اعطاء الشيف نجفة رنه وهى تحللكم المشكلة او تقول لكم على الانتى دوت فى حالة حدوث اى مشكلة تنتج من الافراط او اكل جرعة زيادة من التركيبة .

,,,,,,

والى هنا ساداتى انساتى

قد انتهينا من تقديم الموجر والنشرة بعد قليل

كانت معكم بدرية مكاوى

من امام باب المحاورات

هذا الموجز من اعادى

وسناريوهى

وقراتى

وتاليفي

واخراجى

وتحت اشراف

إِِ ستاذ دياب

ساحب القناه

شكرا على حسن قرأتكُم

ويلا تشاو md2:

تم تعديل 25 أكتوبر 2007 بواسطة Badria Mekkawy