حـــــــــــــــــ مائدة الزعيم ــــــــــــــول

[Diab]

مشهد ( 1 )

المنظر نهار داخلي

المكان داخل قصر الزعيم

الزعيم يجلس علي طاولة الطعام يتناول إفطاره و حوله أسرته المكونة من

سوزي : زوجة الزعيم لولو : الأبن الأكبر جيمي : الأبن الأصغر

الزعيم : صباح الخير يا أولاد عاملين أيه النهاردة

لولو (ضاحكا ) : عاملين كوسة وقرع يا داد

الزعيم : بتقول أيه يا ولد أيه قلة الأدب دي منين جبت الكلام ده

جيمي : يا داد أصل أنا و لولو قرأينا الكلام ده في جريدة ( الكاستور ) الأربعاء اللي فات أصلهم بيقول أن أحنا عاملين في البلد كوسة وقرع يا داد

الزعيم : الله الله شايفة ولادك يا ست هانم ، بيقروا جرايد من ورايا

سوزي : خلاص بقي يا أبو العيال متتحبكهاش أمال

الزعيم ( غاضبا) : محبكهاش أزاي الجرايد دي متتدخلش هنا تاني أنا راجل وكلمتي لا ممكن تنزل الأرض أبدا

سوزي :happy: : حنفي... قصدي خلاص .. تنظرا أليه شرزا وتكلمه بصوت هاديء عميق : قلت خلاااااااااااااااااااااااص

الزعيم :angry: : هه أه طيب خلاص بقي يا ولاد سماح النوبة دي ... ينظر لهم مبتسما ( من تحت الضرس ): بس دي آخر مرة ....... ثم يوجه كلامه إلي سوزي : حتعملي أيه النهاردة

سوزي تتراجع إلي الوراء و تعدل جلستها علي الكرسي قائلة : أنا رايحة عند الكوافير( طبعا عشان صبغة الشعر)

وبعدين حفتتح كام مدرسة كده في طريقي لنادي المرأة المتوحشة وبعدين حأستقبل مرات رئيس وزراء بوركينا فاسو

و أوديها الهرم ( ما هو سبيل بقي) وبالمرة نستفتح بكام مليون من هدايا الناس دي دي عندها شوية حيونات في الغابة يجننوا قلتلها تجيب معاها حبة عشان نبعهم

الزعيم يهز دماغة موافقا لها ثم يتلفت ل لولو : طبعا أنت شغال من تحت لتحت و لا حاسس بيك عمال تقسم مع مديرة المدرسة إيراد الكانتين من ساعة ما قولتها ده زي إبنك

لولو : جري أيه يا داد أنت حتقر بقي

الزعيم : هه يا جيمي أخبار لجنة سياسات المدرسة اللي عملتهالك أيه

جيمي : مش عارف يا داد في عيال معايا بحس أنهم متضايقين مني مش عارف ليه بس الشهادة لله الواد محمد عزت

اللي أنت عاينتهولي في اللجنة واد جامد كيك مثبت كل العيال وطول النهار يطلع لسانه ليهم ويقولهم

سياخنا طولها كام ............ سياخنا طولها صح

الزعيم يقهقه : الواد محمد عزت ده خلبوص كبير ههههههههههه

فجأة يدخل كبير الخدم بالتليفون : يا حضرة الزعيم الشيخ الأزعر و عاوز سعادتك ضروري

الزعيم يلتقط السماعة : نعم يا شيخ فانوس عايز أيه

الشيخ فانوس : يا فندم في مشكلة عايزين رأي سعادتك فيها

الزعيم : أتفضل يا فانوس صدع دماغي

الشيخ فانوس : دلوقت يا فندم فرنسا لغيت الحجاب في المدارس والجامعات و الناس كلها ثايرة و عمالة تقول فين الشيخ الأزعر و بصراحة مش عارف أرد

الزعيم : طيب خليك معايا شوية ............. يفكر قليلا ثم يلتقط السماعة و يقول : بص قولهم أن الحجاب في فرنسا شأن داخلي

الشيخ فانوس : و تفتكر حتخيل ع الناس طيب لو قلولي أيه دليلك

الزعيم : بص قولهم " و لا تزر وازرة وزر أخري"

الشيخ فانوس : بس الأيه دي ملهاش علاقة بالموضوع هنا

الزعيم : يا عم هي دي الأيه اللي حافظها جنب الفاتحة و قل هو الله أحد ثم يعني بغباوتك هو حد فاضي يناقشك

ده الناس مشغولة بتجري ورا رزقها أمال أنا بخصخص البلد ليه مش عشان بكده تبقي كل الناس ملهية

الشيخ فانوس: ده انت طلعت داهية مسيحة سعادتك ده الشيطان نفسه حياخد كورس عندك .... بقول لسعادتك أيه يا زعيم

قشطططططططططططططة عليك

الزعيم للشيخ فانوس : قشطططططططططططططططة يا مااااااااااااااااااان

و أغلق الزعيم الهاتف منتشيا فهاهو قد حل مشكلة عويصة لا يتصد لها إلا هو

الكاميرا تبعد ومنظر العائلة حوله تنظر إليه

الكاميرا تبعد أكثر و أكثر

_____________________ قطع _________________________ يتبع >>>>>

تم تعديل 3 يوليو 2006 بواسطة Diab