اذهب إلى المحتوى
محاورات المصريين

عايز موقع لتنسيق الحدائق وزراعة نباتات الزينة

se_ Elsyed

بواسطة se_ Elsyed
في خدمات عامة

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

اللهي ما يرميكم في أي حته صحرا

يارب يجعل سكتكم خضره

يربى ما يجيلكو جفاف

ويكتر الميه في إيدكو

ويارب لكم في زراعتكم ( أولادكم )

يارب كل البطيخ اللي بتاكلوه يبقى من غير بزر عشان ما تتعبوش نفشكو

يارب يحبب فيكو العنب البناتي

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
واحد تاني عضو جديد

واحد تاني

بتاريخ:
بتاريخ:

عايز موقع لتنسيق الحدائق وزراعة نباتات الزينة

Queen_Josephine.highlight.jpg

حدد ... أفصح ... أبن

وانا اقولك اللى انت عاوزه...

عايز تعمل ايه بالتحديد ؟

P5090041.highlight.jpg

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

ما تيجي تاخدني قلمين أحسن

إنت بتتعامل معايا بعنف ليه يا واحد .. ولا عشان ربنا مديك شويه صحة ؟

بص يا سيدي

أنا عايز أزرع بنفسي نباتات زينة وكده

ولو إنت مذاكر محاورات من زمان .. فهاتلاقي في صفحة 67 قسم الأحلام والأُمنيات أمنية لشخص إسمه سين سين الشهير بـ " عربية سخصيه " بيقول فيها إنه نفسه يبقى عنده جنينة في البيت وألبس شورت وبرنيطة زي سليمان بك نجيب في فيلم فيشار البنات قصدي غزل البنات وأقعد طول اليوم أزرع في سبايط موز وفجل رومي وحاجات من دي

إمبارح كنت رايح أشتري فلتر ميه أخدوا معايا مصر .. وبعدين عديات على محل بيبيع مستلزمات الحدائق وكنت هاتهبل بصراحة من الحاجات اللي شوفتها هناك وخصوصاً المكنه بتاعت جز الحشيش دي ( عارفها ؟ ) اللي بتشتغل بالمنافلة وإنت تسوقها عشان تسوي الحشيش في الجنينة ..

طب أنا لسه ماعنديش جنينة !!!

مش مهم بس لازم أكون مستعد ومحضر المقص - ده متوفر بكثرة عندي في الصالون - وخراطيم المية ومكنة جز الحشائس وكمان لازم أقرا وأدرس د بحيث أول ما تيجي الجونينيه أدخل أنا بتُقلي وولا أحتاج لشركة اللند سكيب ولا لجنانيني ولا يحزنون

فهمت مشكلتي يا واحد تاني ؟

أرجوك ساعدني .. أنا بامر بمرحلة حرجة من مراحل حياتي وعايزكو كلكو جمبي ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Modest عضو جديد

Modest

بتاريخ:
بتاريخ: (معدل)

مش عارف كنت هاتعمل ايه من غيري 39.gif

أهو "واحد تاني" دخل شخط فيك و مشي :D

اتفضل يا عم سين سين يا جنايني شوية مواقع على ما أثُم :P

INDOOR GARDENING

Indoor Planting

Indoor Plants

Indoor Plants - Cleaning, Fertilizing, Containers and Light Requirements

Indoor planting kits and garden tools

النباتات المنزلية

النباتات المنزلية بالصور

نباتات الزينة وطرق رعايتها

أنواع النباتات المنزلية

ملف النباتات المنزلية بالصور

و ماتنساناش في حزمتين فجل و جرجير على مزاجك :huh:

---------------------------------------------------------------

الكلام اللي فات ده على فرض إنك هاتزرع نباتات منزلية .. و لما تشتري الغيط لينا كلام تاني <_<

.

تم تعديل بواسطة Modest

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
nancy عضو جديد

nancy

بتاريخ:
بتاريخ:

اولا اشكرك يا س س انك سالت عن الموضوع دة

ومرسى جدا جدا لمحمود مودست

لان حط كم معلومات كبير جدا عملت عندى ملف كامل منه واكيد حاحاول استفيد منة بس بعد مارجع من مصر

وبعدين يا واحد تانى الراجل عاوز يحط زرعتين على سور البلكونة او وراء شباك

لازم تعملة فيها وكيل نيابة :D

ناقص تمسكلة خرزانة وتقولة حتحط الزرع فين شاور بنفسك محدش حيجى جنبك

( بهدى النفوس على طريقة زهيرى ) :huh:

وياريت يا واحد تانى لو عندك مواقع تانية غير الى حطها مودست تفدنا بيها (وش واحد مؤدب)

وشكرا لكم كلكم

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

أنا قولت مش هايبجبها غير موديست

فلاح أصيل وإبن فلاح

وأني فلاح .. وما بيفهمش الفلاح إلا الفلاح

بالمناسبة .. مِسعده بتسلم عليك وبتجولك هي جهزتك الفاطير الموشلتيت والجبنة ( بتعطيش الجيم ) الجديمة أم دود اللي بتحبها .

اولا اشكرك يا س س انك سالت عن الموضوع دة

يا فندم أحلام سعادتك هي عناوين مواضيع جديدة تتوارد دائماً إلى خواطرنا ...

طب تحبي أفتح لك موضوع النهاردة في باب الأسرة والطفل عن الأكل اللي هاتطبخية النهاردة ؟

أعمل إيه مضطر أثبت في نانسي لحد ما أفاتحها في موضوع السبوبة اللي هانعملها قريب .. يعني لازم أمهد للموضوع وأحاول عدم الإصطادم بها وبعدين نضرب ضربتنا

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
nancy عضو جديد

nancy

بتاريخ:
بتاريخ:

شوف يا س س

ولهى لو كتبت فى انهى باب( حتى لو باب العمارة)

برضة حادخل واغلس عليك وارد

اعمل اية باعزك و خفة دمك ملهاش حل

ومن غير سبوبة ولا حاجة :closedeyes:

رابط هذا التعليق
شارك
واحد تاني عضو جديد

واحد تاني

بتاريخ:
بتاريخ:

ما تيجي تاخدني قلمين أحسن

إنت بتتعامل معايا بعنف ليه يا واحد .. ولا عشان ربنا مديك شويه صحة ؟

:o : أنا !!! :sad:

أهو "واحد تاني" دخل شخط فيك و مشي :P

:P وحياة طنط كيمات ما حصل ... :o

وبعدين يا واحد تانى الراجل عاوز يحط زرعتين على سور البلكونة او وراء شباك

لازم تعملة فيها وكيل نيابة

ناقص تمسكلة خرزانة وتقولة حتحط الزرع فين شاور بنفسك محدش حيجى جنبك

الحق يا زهيري ...

دي الناس كلها ناوية تقطع عليك ... :huh:

ماشي يا نانسي .... مااااشي :)

أنا قولت مش هايبجبها غير موديست

خللى بقى موديست ينفعك ... :P

وانا اللى كنت بسألك وناوي ابعت لك ناس بكتالوجات ... وعينات ... وحاجات من اللى قلبك يحبها ...

بس ياللا بقى هنعمل ايه ... خيرا تعمل ... :)

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك
سمـ مصر ــا عضو جديد

سمـ مصر ــا

بتاريخ:
بتاريخ:

أنا كمان بشكر موديست

لانة أتحفنا بالمواقع الجميلة دى

بس أنا عندى سؤال مختلف .. عندى نباتات ظل فى البيت كثيرة ومسافرة مصر قريب

اية العمل فيهم محدش يقولى اديهم للجيران كل سنة برجع الاقى الزرع منتحر وفى الرمق الأخير

جربت أعمل رى بالتنقيط يدوى (( ازازة مية مخرومة )) لقيتها خلصت فى 6 ايام

يبقى اية الحل حد كدة يقدح فكرة ويمخمخ ليا فى فكرة

بس متطولوش عايزة حل سريع

wh_445995754.jpg

رابط هذا التعليق
شارك
nancy عضو جديد

nancy

بتاريخ:
بتاريخ:

شوفى يا سما

انا مرة واحدة كانت قالت لى انها بتحافظ على الزرع بانها بتحط كل الشوالى الفخار فى البانيوا مثلا وتملاه 10 سم مياه وبعدين هو الاصيص حياخد مياة تكفى تحى الزرع

ومش عرفة ان كانت حققت نتيجة اد اية بس حاولى

انا شخصيا كل مانزل اجازة اجيب شوية شوالى حلوة وانا ماشية اوزعهم

واحد تانى انا مش قاصدى تزعل انا قلت احفزك فتحطلنا مواقع رهيبة

واهو فى الاخر احنا والمنتدى كلة كسبان لما يكون فية اكتر من زميل

بيعرف ينزل مواقع جميلة ومفيدة

رابط هذا التعليق
شارك
سمـ مصر ــا عضو جديد

سمـ مصر ــا

بتاريخ:
بتاريخ: (معدل)

والله يانانسى فكرة حلوة

أنا مفكرتش فيها قبل كدة

بس تفتكرى ممكن تنفع الحكاية دى لمدة شهرين ومن غير مكيف وانتى عارفة الجو النار الموجود فى الخليج

تم تعديل بواسطة سمـ مصر ــا

wh_445995754.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...