هل لشرب الخمر تأثير على الجلد ؟

[se_ Elsyed]

من عمل الواحد مع الاجانب - الغربييين -

أو مشاهدة طبقة الفنانيين أو الناس اللي زي دي

لاحظت تشابه نوعية الجلد عندهم

هاوضح أكثر

بصوا كده على دراعات أو رقبة كثير من الناس دي ....

تلاقي عندهم نمش إسود منتشر بشكل غريب

وأنا شخصياً ربطت بين وجود النمش ده بشرب الخمر

فهل هذا صحيح .. أم إنها مصادفة ؟

إلحقينا يا دكتورة سُهيله

[El-Masri]

أعرف ناس كتيرعندهم نمش بس مبيشربوش، النمش عندهم بيزيد فى العدد وبيغمق أكتر كلما تعرضوا أكتر للشمس وبرضه مع التقدم فى السن. ومعظم اللى شفتهم عندهم نمش بيبقوا شقر أو شعرهم أحمر. مش عارف ليه البيض اللى شعرهم إسود أو بنى معندهمش نفس المشكلة.

[nancy]

شوف يا س س

النمش مرتبط فعلا بالتعرض للشمس ويكون الشخص ابيض البشرة

اما الى بيشربوا خمور بيكون عندهم كرش وكمان بيكون لون بشرة الوجة مشربة بحمرة قوية

زى وش حسين فهمى كدة

[سهيلة]

وأنا شخصياً ربطت بين وجود النمش ده بشرب الخمر

فهل هذا صحيح .. أم إنها مصادفة ؟

إلحقينا يا دكتورة سُهيله

se_ Elsyed مشاركة بتاريخ أمس, 10:58 PM

ايوااااااااااا

مين بينادى علية

انا جاىىىىىىىىىىى

بص يا سى السيد

تخمينك المرادى موش ف محلة ابداااااااااااااااااا

فشرب الخمر ليس لة علاقة بوجود النمش مطلقا

لية

النمش عبارة عن تفاعل ما بين الشمس والغدد الصبغية الموجودة في الجلد فينتج عن هذا التفاعل زيادة في كمية صبغة الميلانين في الخلايا الصبغية

فيصطبغ الجلد باللون الغامق

وهو يحدث دائما في الأماكن المعرضة للشمس؛ لذا فإن الحل الأمثل هو تجنب أشعة الشمس قدر الإمكان واستخدام عاكسات الشمس . وهناك دهانات موضعية تستخدم كعاكسات للشمس، وتوضع قبل التعرض للشمس بنصف ساعة على الأقل. كريم حماية من الشمس sunscreen

ويمكنك كذلك استخدام كريمات التفتيح ، ولكن لا بد من استخدامها تحت إشراف طبيب متخصص .

يظهر النمش على شكل بقع بنية صغيرة في بعض العائلات خصوصا ذوي البشرة الشقراء ،

عشان كدة انت بتشوفة ف الاجانب وربطت دة بشرب الخمر؟؟؟

لكن فى ناس كتير مصريين عندهم نمش ذو بشرة شقرا غالبا ولا يشربون الخمر

ولا يعتبر النمش مرضا في حد ذاته إذ انه ينتج عن استعداد وراثي من مجموعات صغيرة من الخلايا الملونة في بؤرات معينة من البشرة إذ تزيد من تكون صبغة الميلانين عند التعرض للشمس ،

ولذلك فان النمش يظهر في المناطق المكشوفة فقط من الجلد ، وتزداد حدته في شهور الصيف وتقل تدريجيا في فصل الشتاء ، وللوقاية من النمش يجب الإقلال من التعرض لأشعة الشمس واستخدام الكريمات الواقية والمانعة لأشعة الشمس

[se_ Elsyed]

شكراً لكم جميعاً

كده أروح اشرب وأنا مطمئن

أنا فعلاً محتاج فنجال قهوة يعدل مزاجي :blink: