الامارات : توطين وظيفتي مديري الموارد البشرية والسكرتارية في القطاع الخاص

[Tafshan]

أصدر الدكتور علي بن عبدالله الكعبي وزير العمل قرارين وزاريين الأول بشأن توطين وظيفتي مديري الموارد البشرية ومسؤولي شؤون الموظفين، والثاني بشأن توطين وظائف السكرتارية في القطاع الخاص.

وجاء في المادة الأولى للقرار الأول: منح منشآت القطاع الخاص مهلة أقصاها 18 شهراً من تاريخه للعمل بالتنسيق مع هيئة تنمية وتوظيف الموارد البشرية الوطنية (تنمية) لتوظيف مواطنين ليحلوا محل مديري الموارد البشرية ومديري ومسؤولي شؤون الموظفين العاملين حالياً مع تلك المنشآت.

ويشمل التنسيق مع “تنمية” توفير برامج التدريب اللازمة للمواطنين للقيام بمهام الوظائف المطلوبة في مجال الموارد البشرية وشؤون الموظفين، والتنسيق في ذلك مع كل من برنامج التأهيل الوظيفي لسوق العمل في امارة أبوظبي وبرنامج الامارات لتطوير الكوادر الوطنية في امارة دبي وتنمية الموارد البشرية في امارة الشارقة.

وجاء في القرار الوزاري الخاص بتوطين وظائف السكرتارية في القطاع الخاص (المادة الأولى): وقف منح أي تصريح عمل لوظيفة سكرتير او سكرتيرة لأي منشأة في القطاع الخاص بالدولة، ويشمل ذلك عدم منح نقل كفالة او بطاقة عمل للمقيمين على ذويهم من غير المواطنين او تصريح بالعمل المؤقت او العمل لبعض الوقت او تصريح مهمة لهذه الوظيفة.

ونصت المادة الثانية للقرار على أن يستمر شاغلو وظائف السكرتارية حالياً الذين يحملون بطاقات عمل سارية المفعول بموجب عقود عمل مصدقة من الوزارة في وظائفهم الى نهاية مدة العقد إذا كان محدد المدة او نهاية مدة بطاقة العمل أيهما أقرب أجلاً ولا يتم تجديد عقد العمل او بطاقة العمل بعد ذلك.

المصدر

بدأت الامارات توطين ابنائها بدأً بوظيفة مندوب العمل و العمال و الان اعمال السكرتارية و البقية تأتى ...

العيب مش عليهم .. العيب علينا احنا عشان عايشين زي اللاجئين كده

[eastsoul]

مفيش احساس بالآمان ... لا برا بلدك و لا جواها :angry2:

ربنا يستر على الايام الجاية

[محمود الشاعر]

طبعا انت مستني ايه ما هما كمان عندهم بطالة وعندهم شباب اتعلم واتخرج وعاوز يشتغل فى بلده وهما شيفين ان العمالة الوافدة بتاخد خير البلد وتمشي

العيب مش عليهم ما هما لازم يحلوا مشاكلهم العيب علينا احنا اللي مش عارفين نحل مشاكلنا

[Blue_mind]

((وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ))

[eastsoul]

و نعم بالله يا Blue_mind

بس لو قعد كل واحد مننا يفكر العيب في مين .. هيلاقيه في الآخر على بلادنا ..

بس اسهل حاجه بنعملها ان احنا نطلع نفسنا غلطانين و خلاص :angry2:

[se_ Elsyed]

طب ما هي هنا متوطنة بقى لها فترة لكن الكل وخاصة القطاع الخاص بيتحايل على الموضوع ده عن طريق المُسمى الوظيفي في التأشيرة

يعني يبقى مثلاً مندوب مبيعات وشغال أساساً سكرتير

أو محاسب وهو مدير موارد بشرية

ومن الأخر يعني يا طفطش .. مالناش عيش عندكو ولا إيه ؟

[Tafshan]

مفيش احساس بالآمان ... لا برا بلدك و لا جواها :excl:

ربنا يستر على الايام الجاية

على فكرة ..

قوانين دائرة العمل و العمال لا تسري على عمال المناطق الحرة و الشركات الشبه حكومية التى تتعامل مباشرةً مع الهجره دون التعامل مع دائرة العمل و العمال ..

طبعا انت مستني ايه ما هما كمان عندهم بطالة وعندهم شباب اتعلم واتخرج وعاوز يشتغل فى بلده وهما شيفين ان العمالة الوافدة بتاخد خير البلد وتمشي

العيب مش عليهم ما هما لازم يحلوا مشاكلهم العيب علينا احنا اللي مش عارفين نحل مشاكلنا

المشكلة انها عمالة تقفل مع المصريين ...

نروح فين يعنى .. نقدم على بوركينا فاسو :P

((وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ))

و نعم بالله ..

طب ما هي هنا متوطنة بقى لها فترة لكن الكل وخاصة القطاع الخاص بيتحايل على الموضوع ده عن طريق المُسمى الوظيفي في التأشيرة

يعني يبقى مثلاً مندوب مبيعات وشغال أساساً سكرتير

أو محاسب وهو مدير موارد بشرية

ومن الأخر يعني يا طفطش .. مالناش عيش عندكو ولا إيه ؟

و الله شكلها كده يا عم س ..

هنا برضو بنعمل كده و موضوع التحايل ده شغال .. بس عاملين ضوابط على حجم الراتب بالنسبه لكل وظيفة .. بمعنى ان ال HR المحترم لو كتب نفسه مندوب مبيعات مثلاً ح يلاقى نفسه ليه اجر محدد ما يقدرش يحط اعلى منه في عقد العمل .. و ممكن الوظيفة دى ما تكنش من الوظائف اللى تسمح بأسطحاب الزوجه و بالتالى ح يضطر يسفر عائلته و يتبهدل ...

يلا ..

و اللى ما لوش اهل ... الحكوووووووووووومه اهله :lol:

[yasovinas]

يلا ..

و اللى ما لوش اهل ... الحكوووووووووووومه اهله

يا ضنايا يا ابني ؛؛؛ والله قطعت قلبي يا طفطف

شوف يا غالي المفروض اي واحد فينا وبقول المفروض لان للاسف انا اول واحد بيقول ومش بيعمل - المفروض ان اي واحد فينا بيجي الخليج او الغربة بيتعامل على انه الى زوال او الى رجوع وطبعا مع الرحرحه والتعود على الحياة السهلة بيكون النتيجه الشعور بالامان ونسيان شعور الغربة او شعور التأهب للعوده الى المحرقة آسف الى مصر علشان كده لما بتحصل اي هزه ولو بسيطه في سوق العمل سواء من ناحية قوانين الاقامه او نقل الكفالة او التوظيف بتكون بمثابه الهزه او الصيحه التي تنبهنا للوضع

[عطر]

كان مصيرهم هيعملوا كدة علشان ولادهم العاطلين اللي مش لائيين شغل ولازم نعرف انهم بيستغلوا خبراتنا علشان يدربوا اولادهم للمستقبل

الرزق على الله وسدئني الأمان مش موجود برة مصر وجوا مصر يعني احنا كمان عايشين على شبح تخفيف العمالة في أي لحظة

الله يعين بس

[Hammer]

يا ساتشر علي شباب اليومين دول .... ما عندهمش صبر و عاوزين السهل دايماً

يا جماعة و الله مصر مليانة فرص شغل فعلاً بس مش للناس العادية اللي بتدور علي السهل

و إذا كنا بنتكلم تحديداً عن تخصص HR فدا بيعتبر الأن من صفوة الوظائف في مصر و فعلاً بيضربوا مرتبات قد تفوق مثيلاتها في الخليج بس طبعاً لازم تكون مدعمة ببعض الكورسات من أماكن معترف بها في حالة عدم و جدود خبرة طويلة في هذا المجال .

بجد يا طفشان موضوعك ده جاء علي الجرح بالنسبة لي .... ماحدش بقي يمسكني علشان انا مبقوق من زمان و صارر في قلبي و ده بسبب إني فعلاً - عفواً يعني - بأحس بغيظ شديد من مشاركات البعض في هذا المنتدي من المغتربين ... فهم أكثر الناس نقداً لحال البلد و ظروفها الإقتصادية مع إن هذا الموضوع لا يعنيهم في شئ .... و لم يعطوا التجربة حقها في العمل في مصر حتي تكون أرائهم موضوعية .

أنا عن نفسي بدأت في مصر ... و كبرت في مصر ... و رفضت أن أترك مصر حتي في بدايات العذاب و أيام الهباب لغاية ما وصلت لما أتمناه بل أكثر مما كنت أتمناه ... صحيح الطريق ما كانش مفروش بالورد و لا كنت وارث و لا عندي واسطة ... بس إستعديت للفرصة جيدأ و لما جت مسكت فيها بإيدي و سناني و ربنا كرمني أخر كرم و أصبح متوسط الدخول في الخليج أقل مما أحصل عليه في بلدي .

أنا مش حالة شاذة و لا ضربة حظ أو توفيق ... فمثلي الألاف من شباب البلد ( الغير تقليدي ) الذي يعرف جيداً إن ما يسمي بالحظ ما هو إلا نقطة تقاطع الفرصة مع الإستعداد لهذه الفرصة .

ماحدش يزعل مني ... و إياكم حد يحدف طوب :rolleyes:

[عطر]

يا ساتشر علي شباب اليومين دول .... ما عندهمش صبر و عاوزين السهل دايماً

يا جماعة و الله مصر مليانة فرص شغل فعلاً بس مش للناس العادية اللي بتدور علي السهل

و إذا كنا بنتكلم تحديداً عن تخصص HR فدا بيعتبر الأن من صفوة الوظائف في مصر و فعلاً بيضربوا مرتبات قد تفوق مثيلاتها في الخليج بس طبعاً لازم تكون مدعمة ببعض الكورسات من أماكن معترف بها في حالة عدم و جدود خبرة طويلة في هذا المجال .

بجد يا طفشان موضوعك ده جاء علي الجرح بالنسبة لي .... ماحدش بقي يمسكني علشان انا مبقوق من زمان و صارر في قلبي و ده بسبب إني فعلاً - عفواً يعني - بأحس بغيظ شديد من مشاركات البعض في هذا المنتدي من المغتربين ... فهم أكثر الناس نقداً لحال البلد و ظروفها الإقتصادية مع إن هذا الموضوع لا يعنيهم في شئ .... و لم يعطوا التجربة حقها في العمل في مصر حتي تكون أرائهم موضوعية .

أنا عن نفسي بدأت في مصر ... و كبرت في مصر ... و رفضت أن أترك مصر حتي في بدايات العذاب و أيام الهباب لغاية ما وصلت لما أتمناه بل أكثر مما كنت أتمناه ... صحيح الطريق ما كانش مفروش بالورد و لا كنت وارث و لا عندي واسطة ... بس إستعديت للفرصة جيدأ و لما جت مسكت فيها بإيدي و سناني و ربنا كرمني أخر كرم و أصبح متوسط الدخول في الخليج أقل مما أحصل عليه في بلدي .

أنا مش حالة شاذة و لا ضربة حظ أو توفيق ... فمثلي الألاف من شباب البلد ( الغير تقليدي ) الذي يعرف جيداً إن ما يسمي بالحظ ما هو إلا نقطة تقاطع الفرصة مع الإستعداد لهذه الفرصة .

ماحدش يزعل مني ... و إياكم حد يحدف طوب :rolleyes:

طب قول ماشاء الله يا هامر بدل ما تجيك هامر عين قوية <_<

ماشاء الله لا قوة الا بالله

وفعلا معك حق اعرف كتير وانا منهم الحمد لله لائينا فرص عمل اكتر من ممتازة ودخلنا ممكن يكون زي الخليج لو مش احسن لأننا وسط اهلنا واحبابنا

[White heart]

موضوعك هذا يا عزيزى Tafshan ... ذكرنى بتلك المواضيع:

السعودية تقصر 29 مهنة على المواطنين

أيها العاملون في السعودية -الباقي من الزمن قليل

السعودة تعيد لنا "بعض" كرامتنا !!!

تغيير قانون العمل والعمال السعودي

و منذ عدة أعوام شرعت الدول الأوروبية فى إنتهاج نفس السياسات - خاصة بعدما قامت بالإتحاد و تكوين ما يسمى السوق الأوروبية المشتركة - و تطبيق معاهدة " شنجن " ( حرية إنتقال الأفراد و البضائع ) و العمل بعمل موحدة على أرض الواقع ... أعتقد ان هذا هو الإتجاه العالمى الجديد، لمجابهه حدة أخطار " العولمة " من ناحية، و إتفاقيات التجارة العالمية و غيرها من ناحية أخرى .....

ثم الا يمكن أن يكون من أحد أسباب بدء لجؤ دول الخليج لهذه السياسة هو حرصها لمرحلة ما بعد النفط و نضوبه، و إتجاه الكثير من دول العالم الى مصادر بديلة للطاقة شيئا فشيئا، مما يستدعى معهم البدء فى الإستعداد من زوايا عديدة، و منها ما تحدث عنه الخبر بشكل عابر:

.... برنامج الامارات لتطوير الكوادر الوطنية في امارة دبي وتنمية الموارد البشرية في امارة الشارقة

انا أتفق مع آراء الأعزاء " محمود الشاعر " و " Hammer " ...

أعتقد ان بلدنا كانت لتتخذ مثل هذه القرارات لو كنا فى نفس الظروف .. بل أعتقد انه من حيث المبدأ فقد أقدمت بالفعل إحدى الوزارات منذ عدة أعوام على إجراء مشابه .....

تحياتى.

تم تعديل 26 يونيو 2006 بواسطة White heart

[Hammer]

طب قول ماشاء الله يا هامر بدل ما تجيك هامر عين قوية :blink:

ماشاء الله لا قوة الا بالله

وفعلا معك حق اعرف كتير وانا منهم الحمد لله لائينا فرص عمل اكتر من ممتازة ودخلنا ممكن يكون زي الخليج لو مش احسن لأننا وسط اهلنا واحبابنا

تفتكري يا عطر العين بتنتقل خلال النت <_<

لما أكلم الأخ بتاع ال IT يركب لنا أنتي حسد علي الأجهزة :rolleyes:

نتكلم جد بقي .... أنا أوردت هذه القصة مؤكداً إن الطريق ليس مفروشاً بالورد .... يعني قصدي الواحد شاف أيام سودا و جبنا البلد من أولها لأخرها صيف شتاء ... إنما بجد من غير صبر و تصميم ما فيش نجاح .

[Tafshan]

نتكلم جد بقي .... أنا أوردت هذه القصة مؤكداً إن الطريق ليس مفروشاً بالورد .... يعني قصدي الواحد شاف أيام سودا و جبنا البلد من أولها لأخرها صيف شتاء ... إنما بجد من غير صبر و تصميم ما فيش نجاح .

معك حق ..

لكن انا ح اسألك سؤال : كام واحد في مصر قدر يوصل لده ؟؟

يا عزيزي انا كنت في مصر و جربت حظى فيها 5 سنين بعد ما اتخرجت من الكلية و ما لاقيتش الفرصة اللى بتقول عليها دى غير في دبي .. و بالتالى سافرت و مسكت فيها بأيديا و اسنانى .. مش لأنى مش عايز ادور في مصر .. لأن ده اللى كان متاح ساعتها ..

الموضوع مش موضوع مقارنه خالص ... مصر زي ما انت بتقول كده بالضبط : يا فوق يا تحت .. و حتى لو جت وظيفة بمرتب عالى فده مش دايم ده بيبقى مرتبط بعامل الحظ و الفرصة و الخ الخ ... لأن ببساطة جداً ممكن الشركة الضخمه تنهار في ثلاث اربع ايام و ضاعت الفرصة و نبدأ من الاول ..

على فكرة هنا برضو بقى كده و لذلك احنا عايشين في الخوف ده لأننا كلنا عارفين ان البدائل قليلة ..

نقطة تانية يا عزيزي معدلات البطالة في بلادنا لا تخفى على احد و بالتالى البديل العملى بالنسبة لشباب لا حول له و لا قوة في خلق فرصة عمل لنفسه هو البحث عن عمل في الخارج ... شباب بالالاف هنا في دبي بقى بيشتغل الشغل اللى سابه الهنود :D ... موظفين امن .. سواقين تاكسي ... بوابين ... الخ الخ ...

تفتكر قبلوا بكده هنا ليه طالما الموضوع قابل للتحقيق زي ما انت بتقول ؟؟ كل واحد و ليه ظروفه ... و انت لو مرتبك و مركزك كويس في مصر اسئل حيبقى كام ضعف في دولة اخرى عشان تبقى عادل مع نفسك

[القرموطى]

السلام عليكم

على قدر ما الواحد كان متوقع الخبر ده على قدر ما اثار فى الواحد الشعور بعدم الامن والاستقرار وان فعلا زى ما الواحد بيقول ممكن يصحى فى يوم يلاقى نفسه عوافى وباى باى

بس برده نرجع للكلام الاصلى هما كده بيحولوا انهم يحلوا مشكله عيالهم عشان انما الدور والباقى على المصريين الى ملهمش اهل يحلوا مشاكلهم واعتقد ان الامارات فى خلال ال 5 او 4 سنين القادمه هتكون اوبابها كلها اتقفلت فى وش العرب واصبحت مفتوحه للامريكان والاوربيون وده الى بداء يحصل تدريجيا يعنى نجهز نفسنا من دلوقتى

ولكن نرجع تانى لاهم شىء

"فى السماء رزقكم وما توعدون " يعى مش فى الامارات فى السماء ورب السماء هو صاحب الكرم والجود وهو مقدر الارزاق يعنى مفيش خوف على الرزق الله هو الازق مش الامارات سيبوها على الله .

[Hammer]

طفشان يا حبيبي ... هناك مقولة أعتبرها - من غير فلسفة - من أهم الحكم في الحياة و هي ...

Your attitude .... Will determine your altitude

و معناها .. نظرتنا للأشياء هي التي تحدد إرتفاع تحليقنا

فإذا كنت أعرف شخصياً عشرات الحالات الناجحة ... و أعرف أن دخلهم ((أعلي)) من زملاء لهم في الخليج و أري السيارات الفارهه في شوارع القاهرة مع الشباب و أري الشباب اللي عايش مرتاح من عملهم .. فلا حاجة لي لكي أعيد التفكير في إن العمل في مصر يستطيع أن يوفر حياة كريمة جداً.

برضه ... تاني ... الموضوع مش سهل ... و لكنه ليس مستحيلاً

[كمبورا 6]

العزيز محمود الشاعر

الزملاء اعضاء المحاورات الغير مغتربين

ذكرت يا سيد محمود فى مشاركة 3 ان هما شايفين ان العمالة الوافدة بتاخد خير البلد وتمشى اسمح لى يا سيدى الفاضل اخالفك فى الراى

مفيش حد بيطلب مصرى او بيشغل مصرى حبا فى سواد عيونه

ان ما كانش المصرى افضل من غيره بمراحل وان ماكانش بيستفيد منه ومن مجهوده وخبراته فى اى مجال كان عمره ماكان شغله

وبالتالى لما المصرى ياخد اجره عن عمله يبقى ما بياخدش خير البلد

وصدقنى لما اقولك انه لولا التواجد المصرى فى بلاد عربيه كتيره كان حيبقى هناك تواجد تانى بس مش زى المصريين وحيبقى الوضع مختلف كتير بالنسبة للبلاد دى

وبعدين ياسيدى خلينا نبص للموضوع من ناحية تانية خالص

التوازن الديمغرافى واتمنى انك تفكر فى الكلمة دى على مهلك

مع الاحترام

[نفسي احبها]

تم حذف المداخلة بالكامل باعتبارها سبا فى حق شعب بأكمله .. ولاحتوائها الفاظا غير مسموح بها فى محاورات المصريين

أعتذر عن عدم ملاحظة تلك المداخلة من قبل الإدارة وألوم الزملاء لعدم إبلاغهم عنها ..

الإدارة

عصام شوقى

[محمود الشاعر]

العزيز محمود الشاعر

الزملاء اعضاء المحاورات الغير مغتربين

ذكرت يا سيد محمود فى مشاركة 3 ان هما شايفين ان العمالة الوافدة بتاخد خير البلد وتمشى اسمح لى يا سيدى الفاضل اخالفك فى الراى

مفيش حد بيطلب مصرى او بيشغل مصرى حبا فى سواد عيونه

ان ما كانش المصرى افضل من غيره بمراحل وان ماكانش بيستفيد منه ومن مجهوده وخبراته فى اى مجال كان عمره ماكان شغله

وبالتالى لما المصرى ياخد اجره عن عمله يبقى ما بياخدش خير البلد

وصدقنى لما اقولك انه لولا التواجد المصرى فى بلاد عربيه كتيره كان حيبقى هناك تواجد تانى بس مش زى المصريين وحيبقى الوضع مختلف كتير بالنسبة للبلاد دى

وبعدين ياسيدى خلينا نبص للموضوع من ناحية تانية خالص

التوازن الديمغرافى واتمنى انك تفكر فى الكلمة دى على مهلك

مع الاحترام

الاخ العزيز كمبورا معرفش ليه حاسس بنبرة تهكمية فى كلامك لو عاوزني اشرح التوازن الديمغرافي مفيش مانع بس ليه انا بالذات ثم لما انا قلت ان الوافد بياخد خير البلد ما كنتش بدافع عنهم ده رؤيهم وهما احرار يدفعوا عنه او ميدفعوش

ثانيا انت بتتكلم كأنك مغترب وفى اكثر من مكان وصدقني انا احترت فيك فعلا مرة تكتب انك مواليد 56 وانك مسافر من ثلاثين سنة ومرة تعرف نفسك كالاتي

إقتباسعمرو 20 سنة ...

طالب بكلية الهندسة جامعة حلوان ... قسم القوي الكهربية ..ops: :D

اده ده احنا زمايل بأه :angry2:

أنا كمان فى هندسة حلوان فى قسم اتصالات

أسمى محمد حسن محمد

السن 21 عاما

عازب طبعا .........هو حد لاقى :angry2:

سعيد جدا بانضمامى لهذا المنتدى الطيب :inlove:

من موضوع نعرف بعض اكثر

فصدقني انا مش عارف اتكلم معاك لاني حاسس انك بتكذب عليا متزعلش دى مشكلتي مش مشكلتك

وشكرا

[كمبورا 6]

[color=#FF0000

الاخ العزيز محمود الشاعر

الزملاء اعضاء المحاورات

]

يمكن انا ماعرفتش اختار الالفاظ المناسبة للتعبير عن اللى عايز اقوله او يمكن انت فهمتنى غلط انما على كل الاحوال مفيش ابدا نبره تهكميه فى كلامى ولا انويها لك او لغيرك .

اولا- انا مواليد 54 مش 56 .

ثانيا- فعلا انا مغترب من 30 سنة تقريبا .

ثالثا- انا شفت الاقتباس الى حكيت عنه وانا نفسى مش عارف جه ازاى وافتكر انه كان بعد انضمامى للمحاورات بيوم اويومين . انما كل اللى اقدر اقوله لك انى كنت اترك الجهاز مفتوح فى الشركة اللى انا فيها انما بعدها حطيت باس وورد ولعلمك انا جديد تماما على استخدام الكمبيوتر والنت .

رابعا- صحيح الكلام كان موجه ليك انما كمان لكل الزملاء فى المحاورات لان بدات موضوعى باقتباس من مداخلتك

خامسا- موضوع التوازن الديمغرافى مش اختبار لمعلوماتك او مستوى تفكيرك اوتوجهاتك . الكلام كان ليك ولكل الزملا ء وكل قصدى انه بيتحط فى الاعتبار عند اختيار العمالة فى اكتر من دولة وكان منهم العراق والاردن

سادسا- الموضوع مش مشكلتك باعتقد انه كمان مشكلتى لان لازم يكون التواصل بين الجميع على اساس واضح وسليم

ارجو قبول اعتذارى عن اى ازعاج سببته لك او لغيرك من الزملاء

مع الاحترام