شر البلية ما يضحك

[الأفوكاتو]

وصلتنى هذه فى البريد الألكترونى

عاوز تموت ازّاي

عاوز تموت شهيد؟

يا تركب طياره............... يا تركب عبارة

‏عاوز تموت م الجوع؟

‏يا تشترى شقه................يا تشترى عربيه ‏بالقسط

‏عاوز تموت م الحسرة؟

‏ياتتفرج ع الفاترينات في سيتي ‏ستار...........ياتروح زيارة لمارينا

‏عاوز تموت م الغيظ؟

ياتتفرج ع القنوات المحلية.............. ‏ياتتفرج ع النشرة الجوية

‏عاوز تموت م الزهق

ياتستنى الأشاره لما تفتح .......... ياتستنى ‏دورك في طابور التأمين الصحي

‏عاوز تموت م الهبل؟

‏يا تخش ع النت..........يا تسمع نجوم إف إم

‏عاوز تموت مخنوق؟

‏يا تروح مصلحه حكوميه..........يا تقرا الجريدة ‏اليومية

‏عاوز تموت مفروووس؟

‏يا تركب تاكسي.............يا تركب دش

‏عاوز تموت مرعوووووب؟

‏‏يا تستنى نتيجة الثانويه العامة.......يا تستنى ‏نتيجة التحاليل عند الدكتور

‏عاوز تموت مشهور؟

‏يا تتجوز رقاصه............يا تنصب على بنك

‏عاوز تموت مليونير؟

‏يا تعمل فيديو كليب.............يا تلعب كوره

‏

عاوز تموت ورا الشمس؟

‏يا تشغل مخك............يا تفتح بؤقك ....

‏عاوز تموت منكد؟

‏يا ترشح نفسك في الانتخابات.......يا تخش ف ‏اتفاقيه الجات

‏عاوز تموت م الحزن؟

‏يا تفكر دايما ف أحوالك..........يا تحط ‏الحكومة ف بالك

‏عاوز تموت م الضحك؟

يا تتجوز أتنين.........ياتشتغل مع ‏المجانين ....

‏عاوز تموت ف حالك؟

‏أعمل نفسك دايما .... مش واخد بالك

--

No virus found in this incoming

[nancy]

استاذى افوكاتوا

انا كمان وصلنى الاميل دة ونزلتة فى نفس الباب بعنوان تحب تموت ازاى

بس انا سعيدة ان لفت نظر حضرتك وعجبك لدرجة انك تنزلة فى الباب دة

[الأفوكاتو]

نانسى العزيزة,

لقد نجح الشعب المصرى فى إخفاء الحزن بالإلتجاء إلى النكت التى تعبر عما يحسون به أغلب تعبير,

و هذا هو ما أعجبنى, فى هذه "لنكتة" , لأنها صيحة ألم , مغلفة بالفكاهة.

تقبلى تحياتى.

تم تعديل 4 يونيو 2006 بواسطة الأفوكاتو