إهداء إلى محبّي الموسيقى الكلاسيكية

[متفائل]

شكرا موديست على الموضوع جميل

أنا عن نفسي نزلت شهرزات (رمسكي كورساكوف)

بس الملف التالت محجوب في السعودية زي ما قال س س

وياريت فعلا كارمينا بورانا لان المرش فظيع ..

وشكرا مرة تانية

تم تعديل 1 يونيو 2006 بواسطة متفائل

[se_ Elsyed]

وياريت فعلا كارمينا بورانا لان المرش فظيع ..

إيه يا متفائل؟ .. سلامة الشوف

السينفونية بتاعت إعمل حيطه الشهيرة بكارمينا بورانا موجوده في المداخلة رقم 13 من الموضوع

والله موديست ما جصر ورقبتنا منه قد السمسمة

[Modest]

موديست

موديست

هو الـ The Kalander Prince كان قليل الأدب لا سمح الله ؟

أصل حملت كل المقاطع إلا ده بيقولي الصفحة ممنوعة :huh:

جرب كده م انت في السعودية معانا

يظهر شافوا كلمة Prince قاموا حجبوها يا س س :blush:

الموقع اللي رفعت عليه المقطوعة دي عَمَل حاجة عجيبة .. قبل يرفعها و جيت أحملها منه قال لي اجري العب بعيد الرفع مسموح لكن التحميل محجوب :blush:

أنا رفعتها تاني و عملت تعديل في المداخلة بوضع الرابط الصحيح.

يمكنك الآن تحميلها من المداخلة أو من هنــــــــــــــــــــــــا

[Modest]

------------------------------------------------------------------------------------------

شكرا موديست على الموضوع جميل

أنا عن نفسي نزلت شهرزات (رمسكي رورساكوف)

بس الملف التالت محجوب في السعودية زي ما قال س س

وياريت فعلا كارمينا بورانا لان المرش فظيع ..

وشكرا مرة تانية

الشكر لك يا متفائل

و تفضّل كارمينا بورانا من هنــــــــــــــــــــــا

و The Kalander Prince من هنــــــــــــــــــــــا

مع أرق تحياتي

[متفائل]

شكرا موديس يا بو الزوق

شكرا يا س س والله ما أخدت بالي

أنا بنزلهم دلوقتي

[nancy]

مرسى يامودست على كارمينا بورانا

بس انا كنت عاوزة الى بالوركسترا الى تخليك تعلى الموسيقا على الاخر لحد ما تحس ان الطبول دى حتكسر البيت (وفى مش مهم الجيران)

بص تعرف اشترى الحاجات دى سى دى منين لانى عوزة اسمعها فى الكاسيت فين فى القاهرةاو الاسكندرية

او جدة

انا باكتبلك وبسمعها هى حلوة اوى بس هادية شويتين

:happy:

[وليد صفوت]

ايه الحلاوة دىىىىىىىىىىى :) :D :happy: :blink:

ميرسى يا ابيه موديسسسسسسسست بحيرة البجع بجد تجنن الناس دى كانت رايقة اوى تعمل مزيكا بالشكل ده :wub:

و الله انا مش عارف اقولك ايه على كل الهدايا دى ..... زى ما قالت كليو .... انت مكسب لكل من يعرفك.... -_-

كليو ... :o

عليا بمليون إلا مية الف B)

[Modest]

مرسى يامودست على كارمينا بورانا

بس انا كنت عاوزة الى بالوركسترا الى تخليك تعلى الموسيقا على الاخر لحد ما تحس ان الطبول دى حتكسر البيت (وفى مش مهم الجيران)

بص تعرف اشترى الحاجات دى سى دى منين لانى عوزة اسمعها فى الكاسيت فين فى القاهرةاو الاسكندرية

او جدة

انا باكتبلك وبسمعها هى حلوة اوى بس هادية شويتين

:P

الأوركسترا خلال أيام إن شاء الله هاتكون بين إيديكي .. و تكسري البيت و كل البيوت اللي حواليكي :P

كل المقطوعات اللي موجودة في الموضوع إلى الآن و المقطوعات القادمة أيضاً صوتها زي ما تحبي بالضبط (ماعدا صوت كارمينا بورانا).

لا علم لي بالنسبة للشراء من مصر و أتمنى أن يفيدنا أي من الأخوة و الأخوات المقيمين في القاهرة أو الاسكندرية.

معظم ما لدي أحصل عليه من الخارج سواء عند سفري بنفسي أو أطلبه من أحد زملائي الأوروبيين في الشركة التي أعمل بها و يرسله لي.

في جده أنصحك بـ "ميجا ستار" الموجود في المساعدية - في المربع الأول الموجود فيه "البيك" و "سوني" - و يوجد هناك شخص فلبيني إسمه Jeff أعتقد أنه مدير المحل و لدي رقم تليفونه إذا أردتيه لتسألي عن ما تريدين أو بالتأكيد انا تحت أمرك لأقوم بالسؤال بالنيابة عنك و أبلغك.

[Modest]

-----------------------------------------------------------------------------------------------

ايه الحلاوة دىىىىىىىىىىى :D :D :P

ميرسى يا ابيه موديسسسسسسسست بحيرة البجع بجد تجنن الناس دى كانت رايقة اوى تعمل مزيكا بالشكل ده :P

و الله انا مش عارف اقولك ايه على كل الهدايا دى ..... زى ما قالت كليو .... انت مكسب لكل من يعرفك.... :P

كليو ... :D

عليا بمليون إلا مية الف B)

مع إنك مستخسر فيا المليون مقفولين :P ...... لكن و الله انتم اللي مكسب يا وِل :wub: :wub:

و مادام عجبتك بحيرة البجع هاهديك حالاً الروقان كله في "الجمال النائم - Sleeping Beauty"

[Modest]

الجمـال النائـم

The Sleeping Beauty

لـ Tchaikovsky

و هي مؤلفة من 5 مقطوعات

(1)

Sleeping Beauty Suite

"Introduction"

(2)

Sleeping Beauty Suite

"Adagio"

(3)

Sleeping Beauty Suite

"Pas De Caractère"

(4)

Sleeping Beauty Suite

"Panorama"

(5)

Sleeping Beauty Suite

"Valse"

تم تعديل 29 ديسمبر 2007 بواسطة Modest

[وليد صفوت]

مششششششششششش ممكننننننننننننننننننننن

ابيه موديست ....

كليو ...

خليهم اتنين مليون إلا 200 الف :P

[se_ Elsyed]

نداء إلى الموسيقار القاطن في دير النحاس وهارب من العدالة زي عم حسين صدقي في فيلم La More Street

بص يا مودي .. عايز الحتة بقى بتاعت الناس لما بيطلعوا يرقصوا سلو في فسحايه واسسسسسسسعه كلها رُخام وتلاقي الست من دول ماسكه ديل جلابيتها بإيد ومعبطى على الرجال بالإيد التانية والراجل بيبقى محفلط ولابس سموكن وماسك إيديها وميزنب ورافع إيده فوق والإيد التانية معبط عليها عشان ما توقعش ..

بص هأقربهالك

النوتة بتاعتها هو دي

" تيرررا را را .. تانتان تانتان ... تيرررا را را ... تانتان تانتان " ويفضلوا ماشيين على كده لحد ما يفرهدوا من التعب

ها عرفتها ولا هاتتعب قلبي معاك ؟

[nancy]

مش عرفة برضة يا س س

دة فالس الدنوب الازرق

الله يكون فى عونك يا محمود ربنا وعدك بشوية مستمعين متعبين جدا

وانا منهم طبعا :blush:

[وليد صفوت]

قصدك الـBlue Danube يا س س .

هى اشهر الموسيقات الراقصة ..... هى و الكومبارسيتا ..... :blush:

[nancy]

ياى يا س س

كلنا صلحنا لك اية ياعم هو انت من مستمعى الكلاسيك عبر الاوزاعة :blush:

[Modest]

النوتة بتاعتها هو دي

" تيرررا را را .. تانتان تانتان ... تيرررا را را ... تانتان تانتان " ويفضلوا ماشيين على كده لحد ما يفرهدوا من التعب

ها عرفتها ولا هاتتعب قلبي معاك ؟

دة فالس الدنوب الازرق

قصدك الـBlue Danube يا س س .

هى اشهر الموسيقات الراقصة ..... هى و الكومبارسيتا ..... :lol:

ما شاء الله :blush: ... من كل الفالسات اللي في الدنيا أول ما س س قال تيرارارا تانتان تانتان تيرارارا تانتان تانتان ..... قلتوا ده الدانوب الأزرق على طول

اضغط هنــــــــــا كده يا سيكو سيكو زيادة تأكيد إنك تقصد الدانوب الأزرق (ده جزء 40 ثانية منها).

سؤال إلى وليد و نانسي

ايه هيا المقطوعة اللي بتقول:

تاريرا رورو .. بوم بوم .. طاخ دش :blush:

.

تم تعديل 3 يونيو 2006 بواسطة Modest

[se_ Elsyed]

تاريرا رورو .. بوم بوم .. طاخ دش

أولا إنت كنت ماشي صح في النوتة من حيث تاريرا رورا بوم بوم

بس كسرت درجة من السلم في طاخ دش

عامة إسمحوا لي أجاوب وأقول إسم السيمفونية ..

دي يا سيدي إسمها " العقاب البيتي "

وده لما الزوج بيرجع البيت متأخر بعد الشاعة 9 كده ... بيسمع ويحس بالسيموفنية دي ... اللي بتبدأ بـ تاريرا رورا .. وتنتهي بكسر عدة أطباق صيني واللي بتعمل صوت " طاخ دش "

..... قلتوا ده الدانوب الأزرق على طول

ما أنا عارف إنه فالس " الناب الأزرق " بس كنت بأختبر معلوماتكو الموسيقية

بس أنا حاسس إنك بتقرطسني يا موديست .. لإني لما سمعت جزء من الأسطوانة .. حسيت كإنك جايب طبق من المطبخ وبتنقر عليه وتقولي يالله إسمع

يا عم أنا عايز أسمع الحاجة زي الكتاب ما بيقول .. يعني بالعزف الأوركسترالي

" شحات وبيتأمر "

[Modest]

موديست : الموبيل عندي ما بيقبلش أضافة نغملت بالإم بي ثري .. ممكن تفقعني حاجة Wav

جهزت لك واحدة WAV أتمنى تعجبك كـ Ringtone :blush:

The Lonely Shepherd - WAV Ringtone

[Modest]

بس أنا حاسس إنك بتقرطسني يا موديست .. لإني لما سمعت جزء من الأسطوانة .. حسيت كإنك جايب طبق من المطبخ وبتنقر عليه وتقولي يالله إسمع

ما عاش و لا كان اللي يقرطسك يا معلم :blush:

دي كانت عينة 40 ثانية يا س س للتأكد إنك تقصد "الناب الأزرق" :blush: لغاية ما أجيب لك بقية الحلل و تسمع و تهيص :lol:

.

[nancy]

سؤال إلى وليد و نانسي

ايه هيا المقطوعة اللي بتقول:

تاريرا رورو .. بوم بوم .. طاخ دش

لا دة مش العقاب البيتى

لا دة س س دخل المطبخ فى الضلمة والحلل عندة على رف وقعت كلها على دماغة ومن يومها وهو بيحب

الموسيقى الايقاعة فى الاوركستر السيمفونى وبيدور علية بشمعة :blush:

سؤال إلى وليد و نانسي

ايه هيا المقطوعة اللي بتقول:

تاريرا رورو .. بوم بوم .. طاخ دش

لا دة مش العقاب البيتى

لا دة س س دخل المطبخ فى الضلمة والحلل عندة على رف وقعت كلها على دماغة ومن يومها وهو بيحب

الموسيقى الايقاعة فى الاوركستر السيمفونى وبيدور علية بشمعة :blush:

انا نزلت الرنج تون الى بعتها ل س س

دى تجنن انا باسمعها دلوقت الفلوت فيها جميل اوى

بس اعتقد دى موسيقى رومانتيك مش كلاسيك

صح ولا انا غلطانة

ودى تنفع تنزل على الموبيل انا موبيلى سونى اريكسون