متى ينزل الرجل من عين زوجته ومتى تسقط هي من نظره؟

[yacho]

ياشو انا اتالمت جدا

لما شفت الى كتبتية وانا معاكى ان مفيش حاجة تغفر النوع دة من الاهانة ولا الحب ولا المساعدة فى البيت ولا برة باهلة دى تخليكى تستمرى

لان الاهانة مش حاتقل لا حتزيد

راى لو كنت مكانك ان لازم انظم دماغى

يعنى لو نزلت مصر بيتك الى حتعيشى فيه

مدارس ولادك

شغلك والدخل الى ممكن يجى من وراة

لو كل دة مظبوط وممكن انزلى مصر

ومتتطلقيش سبية يجرب الحياة من غيرك سنة

وارفضى اى كلام معاه او حوار او عتاب

سبية يراجع نافسة ويرتب اوراقة

لازم يروح لدكتور نفسى ويتكلم لحد ما يوصل اصل الحكاية دى اية

وازى يسيطر على اعصابة

بعد السنة دى تقررى وهو يعرف غلطتة

تعيشى معاه فى مصر 6 شهور وتجربى متروحيش معاه فى الغربة تانى الا لو اتاكدتى انة اتغير

لية باقلك ادى فرصة

علشان الولاد الطفل الى بيحصل طلاق بين الاهل بيتكسر حاجة جواة مش ممكن تتصلح

وكمان حتة الحب الى كانت بنكم قبل كدة يمكن تنور تانى

لو دة محصلش وامورك مستقرة انفصلى عنة وافتحى صفحة جديدة فى حياتك

الطلاق مش اخر الدنيا دى حاجة ناس كتير بتمر بيها

والحياة من غير زوج احسن من الحياة مع عذاب متحرك امام عيونك

وردى على مدهش من غير كلام كتير

الراجل بينزل من عين مراتة لما ميبقاش راجل

والست بتنزل من عين جوزها لما متبقاش ست

كلمة راجل وكلمة ست مليانا بالمعانى لو تحققتش يبقى متنطبقش على هذا الانسان المنسوبة الية الكلمة

نانسى ربنا يخلليكى .. على فكره احنا بنفكر شبه بعض كتير .. اللى انتى كتبتيه هو بالضبط اللى انا بدأت افكر فيه من فتره

مشكله البيت اللى حاعيش فيه اتحلت بأن امى لما عرفت ربنا يبارك فيها وف صحتها وعمرها يا رب .. اتنازلت عن شقه

باسمها ليا بعد موافقة اخواتى .. الشغل انا لسه معنديش شغل لكن ممكن ان شاء الله اشتغل فى المركز الثقافى الفرنسى

انا علاقتى بيهم وبمديره المركز هايله والديبلومات اللى معايا تؤهلنى لده والحمد لله .. لو ما اتوفقتش يبقى ان شاء الله مدرسه

فرنساوى مؤقتا .. مدارس الاولاد هي المشكله الكبرى ويا رب اقدر احلها وممكن الموضوع ده يكون هو اكتر حاجه شاغلانى.

بصى يا نانسى انا قعدت فى مصر سنه بعيد عنه لان هو كان هنا عشان شغله كانت احلى سنه فى عمرى وعمر الولاد ..

مفيش قلق ولا توتر .. كنت بعرف انااااااااااااااااام وانا مش قلقانه من المشاكل والخناق على كل حاجه هايفه وما لهاش معنى

ولما رجعت تانى هنا فى الاول كل حاجه جميله وبعدين كل حاجه رجعت تانى زى الاول .

اهم حاجه فى الموضوع جوزى مايحبش صورته تتهز خصوصا ادام اهلى .. وهم لغاية دلوقتى ماتكلموش معاه فى اى حاجه .. ثقى وتاكدى

وانااكتر واحده عارفه اللى حيحصل لو اتفتح كلام وعرف ان اعمامى واخويا وماما على علم وحصلت المواجهه دى مش ممكن

ارجع معاه تانى واقعد معاه فى بيت ويتقفل علينا باب.. انا الوحيده اللى عارفه اللى حيحصللى.

[المدهش]

مش عارف يا ياشو اقول لك ايه ..لكن صدقيني أنا ما عرفتش امنع نزول الدموع من عيني لما قرأت رسالتك ..وقرأت كمان ردود اصدقائنا وصديقاتنا في المنتدى ..حسيت إننا بقينا فعلاً عيلة واحدة..واننا ممكن نستوعب بعض ونفضفض لبعض بدون حساسيات ..وصدقيني طبعاً مشكلتك كبيرة ..لكن فيه بيوت كتير مقفولة على مشاكل زيها وأكبر ..واللي خلاكي تستحملي السنين دي كلها ..يخليكي تستحملي كمان علشان الاولاد..ما تهديش البيت يا ياشو..حاولي مرة وعشرة ومائة مرة..صحيح أنا مبسوط من خطوتك العملية بتسليح نفسك بالدراسة والحصول على الشهادة وفي مجال مطلوب للعمل علشان اسوأ الظروف..لكن أنا مع الدكتورة شانا ومع نانسي ومع كل اللي قال لك تحاولي تاني معاه وتحاولي تعرفي ايه اللي حصل وايه سبب التغيير ..ولو كان فعلاً الفارق في الثقافة والوعي والشهادة بينكم حاولي تاخدي بايده وترفعيه معاكي ..لكن الطلاق ده شئ بشع..وخصوصاً إن الاولاد بيحبوه رغم الضرب والزعيق والنرفزة ..يعني فيه حاجات حلوة في زوجك كما قالت شانا لكنها مستخبية ..ربنا معاكي ..ولو نزلتي مصر وحبيتي تشتغلي في الصحافة أو الترجمة ..أنا بإذن الله ممكن أساعدك وتحت أمرك..كلام نانسي مضبوط ارجعي عيشي في مصر ..يمكن البعد يخليه يراجع نفسه..وحاولي تشتغلي"لكن بدون طلاق" يمكن الشغل يبعدك عن التفكير في الانفصال ويشغلك بأمور أخرى غير التركيز في عيوبه ومنغصات الحياة معه..وربنا معاكي.

[yacho]

مش عارف يا ياشو اقول لك ايه ..لكن صدقيني أنا ما عرفتش امنع نزول الدموع من عيني لما قرأت رسالتك ..وقرأت كمان ردود اصدقائنا وصديقاتنا في المنتدى ..حسيت إننا بقينا فعلاً عيلة واحدة..واننا ممكن نستوعب بعض ونفضفض لبعض بدون حساسيات ..وصدقيني طبعاً مشكلتك كبيرة ..لكن فيه بيوت كتير مقفولة على مشاكل زيها وأكبر ..واللي خلاكي تستحملي السنين دي كلها ..يخليكي تستحملي كمان علشان الاولاد..ما تهديش البيت يا ياشو..حاولي مرة وعشرة ومائة مرة..صحيح أنا مبسوط من خطوتك العملية بتسليح نفسك بالدراسة والحصول على الشهادة وفي مجال مطلوب للعمل علشان اسوأ الظروف..لكن أنا مع الدكتورة شانا ومع نانسي ومع كل اللي قال لك تحاولي تاني معاه وتحاولي تعرفي ايه اللي حصل وايه سبب التغيير ..ولو كان فعلاً الفارق في الثقافة والوعي والشهادة بينكم حاولي تاخدي بايده وترفعيه معاكي ..لكن الطلاق ده شئ بشع..وخصوصاً إن الاولاد بيحبوه رغم الضرب والزعيق والنرفزة ..يعني فيه حاجات حلوة في زوجك كما قالت شانا لكنها مستخبية ..ربنا معاكي ..ولو نزلتي مصر وحبيتي تشتغلي في الصحافة أو الترجمة ..أنا بإذن الله ممكن أساعدك وتحت أمرك..كلام نانسي مضبوط ارجعي عيشي في مصر ..يمكن البعد يخليه يراجع نفسه..وحاولي تشتغلي"لكن بدون طلاق" يمكن الشغل يبعدك عن التفكير في الانفصال ويشغلك بأمور أخرى غير التركيز في عيوبه ومنغصات الحياة معه..وربنا معاكي.

اهو انا بقى بسببك يا مدهش عيطت العياط االى حابساه من سنين .. لمجرد انى لقيت حد حاسس بيا .. تعرف يا مدهش ان من الاسباب اللى كانت بتمنعنى اتكلم

انى مش بحب اعيط ادام حد وانا عارفه ان اى حد كان حيتعاطف معايا ولو بكلمه حانهار ادامه .. احساس العيله اللى فى المنتدى دى حاجه مش ممكن

الاقيها فى اى مكان تانى غير هنا

ردا على كلامك هو جميل جدا لكن صعب التنفيذ فى حالتى ومانكرش انى حاولت اخلليه يهتم بحاجات مهمه بس بجد هو والله وربنا يسامحنى ماعندهوش الرغبه فى التطوير اصل حب المعرفه وارتقاء الانسان بفكره دى رغبه داخليه مش ممكن تطلبها من حد مش حاسس اصلا انه محتاجها وشايف انه احسن انسان فى الدنيا وكل الناس فى نظره حشرات وكلهم عيوب.

انت كده معايا ومع نانسى وشانا فى فكره انى ارجع مصر واحاول احل المشكله بدون طلاق .. جميل جدا .. انا بصراحه باجمع الاراء حوالين موضوع

رجوعى مصر وواضح انها فكره كويسه.. ربنا يخلليكوا يا رب.

اشكرك على تجاوبك معى وعلى عرضك الكريم بمساعدتى .. وثق وتاكد انى اذا احتجت اى حاجه حابعتلك اقولك بس اوعى تلغى العضويه هنا وماعرفش

اجيبك بعد كد ه :blush:

تم تعديل 31 مايو 2006 بواسطة yacho

[Hammer]

ياشو ...

للأسف هناك نوع من الرجال من يعتقد أن الرجولة تكمن في التعامل بفظاظة و خشونة مع زوجته و خاصة إذا إفتقد إلي مقومات الإقناع و في نفس الوقت عارف إنك ( مضمونة ) بسبب الأولاد و السفر .

المواجهه المباشرة ... صياح أمام صياح ... غير مفيدة بالمرة

و الأفيد أن يري مدي تصميمك علي الإنفصال ... بكل هدوء و بدون مشاجرات حتي لا يعتبر طلبك مجرد رد فعل عصبي.

كثير من الرجال بيتراجع و يغير إسلوبه عند الوصول لنقطة الإنفصال .

و إذا ده ما غيرش ....

ما تضيعيش وقتك و إخلصي

و ربنا فعلاً - لو كنت مظلومة -ح يعوضك عنه ألف خير

تحياتي عزيزتي

[المدهش]

العزيزة ياشو

الحمد لله انك ارتحتي قليلاً بعد أن تحدثت عما كان بداخلك ..ويبدو أنك اقتنعت مبدئياً بفكرة العودة إلى القاهرة والتفكير بشكل أفضل من هناك..وطبعاً أنا لا يمكن استغني عن المنتدى وأعضائه وعضواته الرائعين ..ومع ذلك يمكنك مراسلتي على هذا الاميل

REFAT20032003@YAHOO.COM

[yacho]

ياشو..

انتي سكككككككككككككر :huh:

معلش عارفا مش وقته بس كان لازم اقولها :blush:

طب يا ستي اعتبريني واحدا حشرية وعمالة ترغي معاكي.. ماشي..

وانا لا اعرفه ولا اعرفك ف اكيد ها اكون محايدة على ضوء " كلامك"

دلوقتي الحاجات اللي انتي قلتيها دي محاسنه حاجات صععععععب جدا انها تبقى تمثيل والأصعب انها تتبدل للأسوأ

وان كان لها مدلول فهي تدل انه فيه شيء طيب جوا جوزك وشيء اصيل وكيته كويسة جدااااا كمان

لكن...

وهنا دا المهم

ممكن الواحد في الغربة يتغير وقلبه يقسى

لكن استحالة يتحول في الحاجات " المحاسن" اللي ذكرتيها

وخاصة ان فيها شق ديني بعلاقته بوالدية وبوالدتك

ف دي تعتبر بداية خيط جيدة جدا بالنسبة ليا..

انا بتكلم معاكي بصوت عالي و يجوز يكون كلامي مش مرتب بس استحمليني..

الأسئلة تاني..

تفتكري هوا سعيد معاكي دلوقتي؟ وايه بيسعده منك دلوقتي وايه الحاجات اللي بتضايقة منك دلوقتي؟

فكري كووووووووووويس وحطي نفسك مكان جوزك قبل ما تجاوبي..

لو جيتي بكرا في وقت يكون هوا هادي وسالتيه بعفوية فجأة وقلتيله ... انت زعلان مني في حاجا؟ طب نفسك في حاجات اعملها ها تخليك مبسوط مني؟

تفتكري رد فعله يكون ايه و رده عليكي ها يكون ايه..

هل المحاسن اللي ذكرتيها دي لسه موجودة لحد النهاردا؟

كلامك اللي قلتيه في اول مداخلة يتلخص كله في كلمة انتي قلتيها " خايفة"

والكلمة دي تحتها مليووووووووووووون خط احمر

بس خديني على قد عقلي وانا جيالك في الكلام واحدا وحدا

استاذ اسد...

اعرف حالة زوجية فيها نفس الكلام تقريبا بس بدون غربة

تعرف السر كان في ايه؟

انه كان دااااااااايما حاسس انها احسن منه فكان الحل الوحيد انه يعاملها بغباء عشان يحس انه احسن منها...

وها ابقى اقولكم ازاي اتحلت مشكلتهم على يد طبيب نفسي وهما دلوقتي عايشين سعداء فعلا رغم انهم كانوا على حافة النهاية ...

عشان نحل اي مشكلة

لازم صاحب المشكلة يحط كل المعطيات قدام عنيه عشان يعرف يختار حل صحيح

الكافر بيتوب

و المدمن بيخف

و السرطان بقاله علاج

يبقى نحاول الف مرة وبعدين نتصرف :)

والله انتى اللى سكر .. وبعدين انتى بتطلعينى من مود العياط وتخللينى اضحك ليه .. انتى خلليتينى اقرا الموضوع من اوله عشان احاول اعرف ايه السكر اللى فيه الصراحه مالقيتش سكر غير طريقتك فى الكتابه .. اقولك باتخيل ايه وانا بقرا اسئلة التحقيق بتاعتك ان انتى مسكانى من ياقه القميص اللى انا لابساه .. وعماله تقولى لى :انا مين ياااااااااااااااه :blush: .. انا اقولك انتى شانا .. تقولى لى لا انا شعنونه .. ردى عالاسئله بالتى هى احسن .

اجابات اسئلتك يا ستى

-جوزى سعيد معايا .. لا طبعا .. تفتكرى ازاى ممكن يكون سعيد بعد ما طلبت منه الانفصال ولو عالاقل مكانيا .. اكيد من جواه فقد شئ من سعادته كزوج وكرجل .. لان الست لما تعترف بحاجه زى دى هو بيبقى عارف ان فى حاجات كتير هى بتعملها غصب عنها عشان الحياه تمشى .

-ايه اللى بيسعده منى دلوقتى وعلى طول اهتمامى بالاولاد وانى قادره بمشيئه الله وفضله انى احقق حلمه فيهم .. وانى باساعده فى شغله واوراقه المهمه

وباقوم بحاجات كتير هو اللى المفروض يعملها لكن لظروف شغله انا اللى بحلها واخلصها.

-الحاجات اللى بتضايقه منى دلوقتى انى بانسى رغم الورق اللى عالتلاجه وتليفونى اللى باسجل عليه كل حاجه .. لكن انا بانسى بشكل فظيع وباخد ادويه دلوقتى عشان الموضوع ده .

حاجه تانيه .. صورة الست فى مخيله جوزى هى ست تانيه غيرى خالص .. والست دى مش ممكن حاكونها فى يوم من الايام .. لانى ماعرفش اتقمسها عشان ارضيه .. لانى كده حابقى خسرت اخر حاجه ممكن تكون فاضله لى من احترامى لنفسى .. ده اذا كان فضل حاجه من الاحترام اصلا.

حاجه كمان .. انا مبقيتش اهتم بيه يعنى مش بقلق لما يتاخر بره مابسالش كان فين ..مش باكلمه اتطمن عليه بالتليفون .. وهو حاسس بعدم الاهتمام ده طبعا

اما عن الجزء الاخير انى اساله اذا كان زعلان منى وان فى حاجه عايزنى اعملها عشان يكون مبسوط فصدقينى حصل قبل كده وبيحصل حاجه من اتنين لو يا اما ياخد الكلام ده على انه ضعف منى .. او تقلب بخناقه .

اما عن المحاسن اذا كانت موجود ه لغايه دلوقتى .. مش كلها يا شانا مش كلها.

ياشو ...

للأسف هناك نوع من الرجال من يعتقد أن الرجولة تكمن في التعامل بفظاظة و خشونة مع زوجته و خاصة إذا إفتقد إلي مقومات الإقناع و في نفس الوقت عارف إنك ( مضمونة ) بسبب الأولاد و السفر .

المواجهه المباشرة ... صياح أمام صياح ... غير مفيدة بالمرة

و الأفيد أن يري مدي تصميمك علي الإنفصال ... بكل هدوء و بدون مشاجرات حتي لا يعتبر طلبك مجرد رد فعل عصبي.

كثير من الرجال بيتراجع و يغير إسلوبه عند الوصول لنقطة الإنفصال .

و إذا ده ما غيرش ....

ما تضيعيش وقتك و إخلصي

و ربنا فعلاً - لو كنت مظلومة -ح يعوضك عنه ألف خير

تحياتي عزيزتي

رجل مختلف وتفكير مختلف

بجد اشكرك

العزيزة ياشو

الحمد لله انك ارتحتي قليلاً بعد أن تحدثت عما كان بداخلك ..ويبدو أنك اقتنعت مبدئياً بفكرة العودة إلى القاهرة والتفكير بشكل أفضل من هناك..وطبعاً أنا لا يمكن استغني عن المنتدى وأعضائه وعضواته الرائعين ..ومع ذلك يمكنك مراسلتي على هذا الاميل

REFAT20032003@YAHOO.COM

حقيقى وبجد .. اشكرك من كل قلبى يا مدهش.

[Cleo]

أختى العزيزة ياشو..

بداية أحييك على شجاعتك وصراحتك وتأكدى أن ذكرك الحقيقة لا يؤثر على صورتك أو يمتهن من كرامتك إطلاقا...

بالنسبة لنصيحتى لكى، تعالى نتأمل قول الله تعالى :بسم الله الرحمن الرحيم

الروم - 21

من الأية الكريمة نلاقى إن أساس الزواج هو السكينة والمودة والرحمة، فإن انتفى وجودهم ينتفى سبب استمرار الزواج

وعليك بدعاء الرسول عليه الصلاة والسلام "اللهم إنى أعوذ بك من غلبة الدين وقهر الرجال"

ربنا يقويكى ويصبرك ويهديكى للقرار اللى فيه الخير لكى ولأولادك

[yacho]

أختى العزيزة ياشو..

بداية أحييك على شجاعتك وصراحتك وتأكدى أن ذكرك الحقيقة لا يؤثر على صورتك أو يمتهن من كرامتك إطلاقا...

بالنسبة لنصيحتى لكى، تعالى نتأمل قول الله تعالى :بسم الله الرحمن الرحيم

الروم - 21

من الأية الكريمة نلاقى إن أساس الزواج هو السكينة والمودة والرحمة، فإن انتفى وجودهم ينتفى سبب استمرار الزواج

وعليك بدعاء الرسول عليه الصلاة والسلام "اللهم إنى أعوذ بك من غلبة الدين وقهر الرجال"

ربنا يقويكى ويصبرك ويهديكى للقرار اللى فيه الخير لكى ولأولادك

انا سعيده بيكى قوى يا كليو عشان شاركتينى مشكلتى وعلى فكره هى دى الايه اللى كنت بقولها لجوزى فى محاوله منى لاقناعه بالانفصال بهدوء

واشكرك على مشاعرك ونصيحتك الطيبه :blush:

[dr khaled]

لقد سمحت لنفسي ان اقرا معظم مداخلات yacho و دلك في محاوله بسيطه لرسم صوره تقريبيه عنها

مع ملاحظه انها يبدو انها انسانه صادقه مع نفسها و لدلك هدا سوف يساعد في التقرب قليلا من شخصيتها

مازالت تحتفظ بقدر كبير من العاطفه و الرومانسيه بالرغم من المشاكل التي تحياها و دلك يبدو في عده مداخلات لها

اقربهم مع مصريه يعني مصريه

الثقه بالنفس و الاعتداد بها و دلك يبدو في المداخله الجميله ( المرأة بلا ماكياج ..كالطاووس بدون ألوان...!)

شعور السخريه واضح في مداخلات عديده ( هل دلك نتيجه للمشاكل ؟ )

العقلانيه فهي لم تعطي راي قاطع في عمرو خالد حتي استمعت اليه و قامت بعد دلك بوصف ماله و ماعليه

_________________________________________________________

المهم مش عايز اطول بس و صلت للاحساس اللي انا عايزه

الحياه صعبه جدافي مثل هده الظروف ولابد من وضع حل نهائي لها للحفاظ علي ادميتك

اتمني لكي النجاح في الطريق الجديد و اكيد ربنا هايوفقك لانك انسانه صافيه من جوه

قد تواحهي بعض المشاكل اولا في البدايه و لكن ثقتك بالله ثم ثقتك بنفسك ستجعلك تتغلبين عليها

ادا واجهك احد باللوم قي يوم من الايام لما فعلتيه زكريه ان رسول الله ( صلي الله عليه وسلم )

وافق علي طلاق امراه لمجرد انها لاتطيق زوجها و لم تدكر اي عيبا فيه و انتي ياعزيزتي تحملتي كثيرا فشكرا لك

و الان انظري الي الامام و ضعي ثقتك بالله و ابداي حياه جديده

تحياتي

د.خالد

[ocha]

عززتى ياشو لقد تالمت كثيرا بحكايتك المؤلمه هذه خاصه انى بقالى فتره طويله مدخلتش المنتدا فكانت صراحتك موفجا لى مش عارفه لا حطيت نفسى مكانك مع انى والحمد لله لى زوج طيب وحياتنا مع اولادنا الثلاثه عاديه وخده الشكل الطبيعى للحياه الزوجيه ما علينا نرجع لمرجوعنا مع احترامى الشديد لكل من تدخل فى مشكلتك ونصحكى بلصبر ان يسالك هذا السؤال ولكى طبعا حريه الرفض فى الرد هناك جانب نحن جميعا نفتقدة او نتجاهل اهميته مع انه النقطه الفاصله فى هذا الموضوع سؤالى يا ياشو هل ما زلتى تكنى شئ من الرغبه فى هذا الزوج بعد كل ما قلتيه عنه فما الذى يجبر المراه على العيش مع رجل تفتقد فيه الحب واللاحساس والامان والفهم والتكافؤ فى رايى انتى الوحيده ايلى فى ايدك الحل لو خرجتى من زجاجه الخوف منه وتمسكتى جيدا بسيف الحق وكلام الله ايلى بيعطيكى الحق فى شراء ادميتك اتمنى لكى الحياه التى تفضلينها لكى وللاولادك فلكى كل الحب

[yacho]

النقطه الفاصله فى هذا الموضوع سؤالى يا ياشو هل ما زلتى تكنى شئ من الرغبه فى هذا الزوج

اختى العزيزه اوشا

حمد الله عالسلامه و متغيبيش عننا كده تانى..

المهم انا مش فاهمه انتى تقصدى ايه بكلمه الرغبه .. بس عموما اى علاقه بين زوجين هى اخد وعطاء ولكن فى حالتى مع هذا الزوج

هى اخذ من طرف واحد واكيد مش انا ولذلك انعدمت الرغبه.

تحياتى لكى وربنا يباركلك فى جوزك واولادك.

[ocha]

النقطه الفاصله فى هذا الموضوع سؤالى يا ياشو هل ما زلتى تكنى شئ من الرغبه فى هذا الزوج

اختى العزيزه اوشا

حمد الله عالسلامه و متغيبيش عننا كده تانى..

المهم انا مش فاهمه انتى تقصدى ايه بكلمه الرغبه .. بس عموما اى علاقه بين زوجين هى اخد وعطاء ولكن فى حالتى مع هذا الزوج

هى اخذ من طرف واحد واكيد مش انا ولذلك انعدمت الرغبه.

تحياتى لكى وربنا يباركلك فى جوزك واولادك.

عززتى ياشو من خلا ل ردك على سؤالى

يبقى انتى كدا

قطعتيلى الشورت فى البيسين على رائ اللمبى وياريت تسمعينى احلى ضحكه

تم تعديل 31 مايو 2006 بواسطة ocha

[yacho]

لقد سمحت لنفسي ان اقرا معظم مداخلات yacho و دلك في محاوله بسيطه لرسم صوره تقريبيه عنها

مع ملاحظه انها يبدو انها انسانه صادقه مع نفسها و لدلك هدا سوف يساعد في التقرب قليلا من شخصيتها

مازالت تحتفظ بقدر كبير من العاطفه و الرومانسيه بالرغم من المشاكل التي تحياها و دلك يبدو في عده مداخلات لها

اقربهم مع مصريه يعني مصريه

الثقه بالنفس و الاعتداد بها و دلك يبدو في المداخله الجميله ( المرأة بلا ماكياج ..كالطاووس بدون ألوان...!)

شعور السخريه واضح في مداخلات عديده ( هل دلك نتيجه للمشاكل ؟ )

العقلانيه فهي لم تعطي راي قاطع في عمرو خالد حتي استمعت اليه و قامت بعد دلك بوصف ماله و ماعليه

_________________________________________________________

المهم مش عايز اطول بس و صلت للاحساس اللي انا عايزه

الحياه صعبه جدافي مثل هده الظروف ولابد من وضع حل نهائي لها للحفاظ علي ادميتك

اتمني لكي النجاح في الطريق الجديد و اكيد ربنا هايوفقك لانك انسانه صافيه من جوه

قد تواحهي بعض المشاكل اولا في البدايه و لكن ثقتك بالله ثم ثقتك بنفسك ستجعلك تتغلبين عليها

ادا واجهك احد باللوم قي يوم من الايام لما فعلتيه زكريه ان رسول الله ( صلي الله عليه وسلم )

وافق علي طلاق امراه لمجرد انها لاتطيق زوجها و لم تدكر اي عيبا فيه و انتي ياعزيزتي تحملتي كثيرا فشكرا لك

و الان انظري الي الامام و ضعي ثقتك بالله و ابداي حياه جديده

تحياتي

د.خالد

حقيقى يا دكتور خالد انت اثبت لى ان ممكن تكون عايش مع انسان فى بيت واحد سنين طويله لكن عمره ما فهمك .. فى حين ان ممكن انسان تانى

ماتعرفهوش ولا عمرك شفته يفهمك من بين السطور .

كلامك ادانى ثقه جامده جدا فى نفسى .. وقوه اول مره احسها وانا بحاول اخد قرارى الصعب ده .. لن انسى ابدا ما كتبته لى هنا .

تحياتى لك

[بنت شعنونة]

الصراحا يا جماعا انا مصدومة!!!!!! :wub:

يعني مفروض نهدي الجو وناخد الموضوع تاتا تاتا... مش نساعدها على هدم بيت؟

وكمان انا مش بقول اصبري

لالالالالالالالالالالالالا

لا تصبري ولا تستحملي ولا تهدمي!!!

عارفا تعملي ايه؟

تستذكيييييييييييييييييييييي

وصدقيني في الكلمة دي

انا طبعا اكييييييد مش عارفا كل حاجا ولا انا علامة لكن انا بقالي سنة ب استذكى اهو ولسا ها استذكى كمان وكمان عشان اعيش سعيدة..

واسمحيلي " بمنتهى التواضع" اعلمك شوية خدع بصرية على سمعية ها تفرق معاكي كتير

وجربي

مش ها تخسري اي حاجا

بس برضه خليكي واخداني على قد عقلي؟

ماشي :blink:

اكتر حاجا خضتني اجاباتك على اسئلتي الأخيرة

انتي عارفا ان كلللللللللللللها تدل على انه امكانية الصلح بينكم عالية جدا؟

لو رحتي لأي دكتور تفسي وقلتي الكلام دا ها يقولك نفس كلامي تمام

بس خلينا نكمل واحدا واحدا..

اولا .. شيلي من دماغك فكرة الطلاق لمدة شهر من النهاردا

وشيلي من دماغك فكرة انك ضعيفة او خايفة

وشيلي فكرة انك لما ها تنزلي مصر ها تعملي وتعملي او انك تبعدي عنه

لالالالالالالالالالالالالالالالالالالا

الخطة مش ها تكون كدا ابداااااااااااا

وعلى فكرة انا بتكلم جد جداااااااا جداااااااااااااااا

عندك اعصاب و ذكــــــــــــــــــــــــــــاء انك تنفذي اللي ها اقوله بالنص و بالحرف وتبلغيني بالنتايج اول ب اول؟

لو تقدري ها اقولك على خطة جهنمييييييييييية " بتكلم جد والله العظيم" واديكي مش خسرانة حاجا يمكن تكسبي B) -_-

المهم

انا عاوزة اعرف شكل الست اللي تسعد جوزك وهوا بيحلم بيها ... صفاتها ايه؟ شخصيتها؟ صوتها شكلها.. اي حاجا ممكن تخليه سعيد من خلالك انتيييييييييي مش من خلال كائن حي تاني " يعني مش تقوليلي جيهان نصر والا مادلين طبر" لا انا عاوزة ياشو لو عملت ايه تبقى ست الحسن و الجمال في نظر وجوزها وممكن يطب ساكت لو شافها كدا او تعاملت معاه كدا " من فرحته طبعا"

نكمل اسئلة..

انتي بتقولي جربتي كل حاجا معاه.. زي ايه؟ كان كله نقاش او خصام والا حاولتي من ناحية ايجابية انك تعملي حاجات او تتنازلي؟

هل هوا حاول يتنازل مرات او يصلح من نفسه عشانك؟

هل في الغربة اللي انتوا فيها فيه حد بيوزه او بيقوله كلام يعمله وياثر على حياتكم؟

هل انتي بتستفزيه حتى لو غصب عنك سواء من ناحية انه اقل منك او غبي او مش طموح او اي مصيبة سودا تانية؟

عاوزة اقولك تعليق ع الهامش

فترة الأسبوع بعد ما قلتليه انك عاوزة تنفصلي ماكانتش هدوء يسبق العاصفة ولا حاجا

بالتحليل النفسي عارفا دي ايه

دي فترة عجز وصدمة

هوا حس انه فيه حاجا غالية ها تمشي من حياته وانصدم وادربك وما عرفش يعمل ايه ولا ازاي يخليكي جنبه ويحافظ عليكي

لكن واضح انه انسان غشيييييييييم موووووووت و تيبيكال راجل صعيدي شرقي جدا

فقعد مرتبك اسبوع وانتهى عقله انه يقوله انه ينتقم لكرامته لأنك رفضتيه انه يعمل اي مشكلة عشان يحس انه له اليد العليا لسا

مش عشان عاوز يزلك

لا

رد فعلي عكسي لطلبك...

خليكي معايا للاخر ومستنية ردك...

عاوزة اقولك على حاجا

قبل جوازي حصلت مشكلة كبييييييييييييييرة بيني وبين جوزي وقررت انفصل وكان غلطان من ساسه لراسة

كل المنتدى كان معايا اني انفصل من خوفهم عليا طبعا

ماعدا شخص واحد بعتلي رسالة وقالي خليكي مع خطيبك وكلمني بالعقل و قالي كلمة حكمة.. لو انفصلتي ها تبقى موضوع اونتهى في المنتدى لكن في حياتك ها تبقى خسارة تفتكريها طووووووووول العمر.. ما حك جلدك مثل ظفرك...

خلينا ناخد الموضوع بتأني واعتبريني دكتورة نفسية

مشعوذة

اي كارثا

بس المهم تعتبريني فكرة جديدة ماجربتيهاش ابدا

ولو فشلت

اعملي اللي تشوفيه يريحك.. :happy:

[زعلان]

ياشو أنا قرأت مداخلتك الأولى وأرى أن قرار الأنفصال قرار صائب ويفضل انك تناقشيه مع زوجك بهدوء لما تنزلي مصر وتكوني بين أهلك وتفهميه ان ده في مصلحة الاولاد وممكن تأجلوا الطلاق سنة مع الانفصال وده راجع لظروفك ومشورة اهلك وبهدوء لعلها تكون مراجعه لنفسه

ولا أنصحك بالسفر معه ولو لفسحة خارج مصر مرة أخرى

تمنياتي لك ولأطفالك بحياة أكثر سلاما وهدوءا واستقرار وبعلاقة طيبة مع والدهم بعد الانفصال

[مصرية يعني مصرية]

ياشو العزيزة

دي حياتك و ليك القرار الأول و الأخير...مهما قيل لك أكيد هتسمعي كثير كلمة 'أصبري ..الست مالهلش إلا جوزها وولادها...ضحي عشان خاطر ولادك..

و سمعتك هتبقا وحشة...المطلقة في بلادنا العربية كل الاصابع بتشير إليها ...و بصي فلانه صابرة مع إن عشتها أقرف من عشتك و إنتي تحمدي ربنا إنك ففرنسا و عندك ...و عندك'......و حاجات كثير من دي.. لكن لا............و ألف لا...كل إلي بيتكلم مش عايش معاك و لا حاسس القهر و الألم و الضياع اللنتي حساه..تفتكري لو ضحيتي عشان الولاد بعد 15 سنة حتلاقي حد منهم جنبك؟

و ده أمر طبيعي كل واحد لازم يعيش حياته محنا كمان سيبنا واليدينا ...عادي ...بس إنتي هيكون شكلك إزاي سعتها و صحتك أصلي حاسة إنك من النوع

إلي شايل فقلبه و ساكت زيي ...و لا تربيتهم حتكون شكلها ازاي و هم شايفين حالك...

والله مش خراب بيوت بل هو أخف الضررين

د كتور خالد

كل إلي قلته صح و أشكر إحساسك العالي بينا و بمعاناتنا

[yasovinas]

اختي الغاليه "ياشو" اللي اسمها زي اسمي بس زيادة شوية نقط ؛؛؛؛؛؛؛؛ ماعلينا

شوفي يا ست الكل انا ليه وجهة نظر في موضوع الزواج والطلاق وهو ان الرجل بيطفش والست بتجمع بمعنى ان كل راجل بيكون فيه عيب او عيوب والست في الغالب هي اللي بتقدر تحاجي على بيتها وعلى اولادها وبرضه مع الوقت والصبر بتقدر تروض هذا الزوج وتعدل من عيوبة ؛؛؛ ىاما اذا فشلت الزوجه بعد محاولات صادقه ورغبة صادقة {وانا اظن فيكي هذا } فيبقى الفراق او البعد لبعض الوقت وسيلة او محاولة اخيرة لانقاذ ما يمكن انقاذه

وليس لدي سوى الدعاء لكي ولزوجك الغالي من كل قلبي بان يهديكم للخير والحب باذن الله

تم تعديل 1 يونيو 2006 بواسطة yasovinas

[yacho]

الصراحا يا جماعا انا مصدومة!!!!!! -_-

يعني مفروض نهدي الجو وناخد الموضوع تاتا تاتا... مش نساعدها على هدم بيت؟

وكمان انا مش بقول اصبري

لالالالالالالالالالالالالا

لا تصبري ولا تستحملي ولا تهدمي!!!

شانا .. انا اذا كنت كتبت الموضوع ده بعد تردد وتفكير مجهد .. ما كانش غير لأنى كنت محتاجه أعرف فعلا أراء ناس كتير

وده مهم ليا جدا فسيبى كل واحد يقول رايه .. وبعدين انا كتبت فى اول مداخله ليا ان اللى حيشارك فى الموضوع ده

يتعامل معايا على انى انسانه قبل ماكون زوجة .

عارفا تعملي ايه؟

تستذكيييييييييييييييييييييي

شاننننننننننننننننننننننننننننننننننننننننننا

ابوس ايدك بلاش الكلمه دى .. وبلاش تقولى كلام انا ضيعت احلى سنين عمرى مستنيه اشوف نتيجته ...الاستذكاء....

الكلام ده ينفع مع ناس ولاد اصول بتفهم وتقدر .

[yacho]

المهم

انا عاوزة اعرف شكل الست اللي تسعد جوزك وهوا بيحلم بيها ... صفاتها ايه؟ شخصيتها؟ صوتها شكلها.. اي حاجا ممكن تخليه سعيد من خلالك انتيييييييييي مش من خلال كائن حي تاني " يعني مش تقوليلي جيهان نصر والا مادلين طبر" لا انا عاوزة ياشو لو عملت ايه تبقى ست الحسن و الجمال في نظر وجوزها وممكن يطب ساكت لو شافها كدا او تعاملت معاه كدا " من فرحته طبعا"

شوفى يا شانا انا مابحبش اتكلم عن نفسى .. بس شوفى انتى فهمتى الكلام غلط ايه اللى خلاكى تتخيلى ان الصوره اللى ممكن يكون عايزها زى

جيهان واللا مادلين .. ليه ما تكونش صوره ناديه لطفى ف الثلاثيه مثلا .. عموما المفروض كنتى تكونى استنتجتى او تخيلتى من بين السطور

شكل الشخصيه دى .

[yacho]

نكمل اسئلة..

انتي بتقولي جربتي كل حاجا معاه.. زي ايه؟ كان كله نقاش او خصام والا حاولتي من ناحية ايجابية انك تعملي حاجات او تتنازلي؟

هل هوا حاول يتنازل مرات او يصلح من نفسه عشانك؟

هل في الغربة اللي انتوا فيها فيه حد بيوزه او بيقوله كلام يعمله وياثر على حياتكم؟

هل انتي بتستفزيه حتى لو غصب عنك سواء من ناحية انه اقل منك او غبي او مش طموح او اي مصيبة سودا تانية؟

نقاش .. لازم يقلب بخناقه

خصام .. انتى بتهزرى .. هو انا اقدر يبقى بيتكلم ما اردش عليه مثلا .. او ارد وانا مكشره .. او ارد وانا بصه الناحيه التانيه

مش هم الازواج بيخاصموا بعض كده برضه؟ .. لا .. الحاجات دى انا ممنوع اعملها .. لانها بتجيب حاجات وحشه .

اه حاولت من ناحيه ايجابيه .. بطلت كل الحاجات اللى بتضايقه .. اتكلمت مره مع اخوه الكبير من زمان فى مصر يمكن يعمل حاجه

ماكانش فى نتيجه

انا بشر يا شانا .. بس انا عمرى فى لحظات غضبى القليله ما عايرته بالحاجات دى لانى اصلا مش بحب اجرح اى حد بكلمه .. ولانى

اعتبرت ده طبيعه ربنا خلقه بيها وان الملكات دى مش موجوده عنده يبقى حرام اضغط عليه بيها.