اتفرج يا سلام على النسر المصري

[yasovinas]

اخوني الاعزاء مساهمة منا في اسعاد العزيز النسر المصري وعملا بالمثل القائل يا بخت من وفق راسين في الحلال (ولو اني شخصياً اؤمن باللي قال امشي في جنازة ولا تمشي في جوازة ) الا اني ارفقق لكم وبعد جهد جهيد صورة المأسوف على شبابه النسر المصري

تحياتي

تم تعديل 18 أبريل 2006 بواسطة yasovinas

[Guest النسر المصري]

لولولوولولولويييييي

بتزغرطي ليه يام فاروووق

اسكتي اسكتي مش سي نسر صورتو ظاهريت في الحوارات المصريه

ألف مبروك ياختي...والنبي انا فرحالنك اوي....يعني جوليليي انت فرحانه كده لييييه

بيقولوا هيجوزوا يختي

نعم نعم يادلعدي....وبنتي أنيسة هتعملولها اييه

وانيي مالي ياختي..بنتك هي اللي كانت عاوزاه ..مش هو...وبعدين ماتكلمي أمه انا مالي انا

طب والنعمه الشريفه الجوازه دي هنخربوها يعني هنخربوها...اني قلت اهو...وهاتصل بسي السيد يقطع خبره

ياحفيظ ياحفيظ منك وليه قويه...طب استني اما اشوف سي سو ونانسي والست اصول وجيجي وحشيش والافوكاتو والمعلم حلاوة العنتبلي هيعملو فيكي ايه...هي سايبه ولا سايبه...دي حلاوة الميزان يامه

سيبي ايدك ياو...اله ...يابت ...اوع...طب خدي بقى...آآآآآ..ياعضاضة يابنت العضاضة طب ايهبق...اي ..او..(تم حذف المشهد المتبقي لمراعاة مشاعر الاعضاء)

فيله الست سفيجه والغجرية ام فاروق

تاليف : ام فاروق

باعتراض من الحاجة سفيجة

اخراج ...مدير امن الجيزه

شلولخ

[Guest النسر المصري]

توضيح هام ...يجب الضغط عالصوره لكي تراها....وربنا يستر

[se_ Elsyed]

اخوني الاعزاء مساهمة منا في اسعاد العزيز النسر المصري وعملا بالمثل القائل يا بخت من وفق راسين في الحلال (ولو اني شخصياً اؤمن باللي قال امشي في جنازة ولا تمشي في جوازة ) الا اني ارفقق لكم وبعد جهد جهيد صورة المأسوف على شبابه النسر المصري

تحياتي

طب مانت شغال أهو

أومال راميينك ليه و لا البنات إنطسوا في نظرهم وبقيت نفسهم ما بتروحش للحاجات الحلوة ؟

عامة أنا هاقولك حكمة إتعلمتها بعد 63 سنة خبرة ومرمطة في الحياة المعملية والزوجية ...

يا نسر يابني

" المخدة ما بتشيلش إتنين حلوين "

وحيث إنك طلعت حليوه .. يبقى إستلقا وعدك يا حلو ... وحضر نفسك لتعلب دور " قاهر الظلام "

عامة إحنا هانعمل اللي علينا وندلل قصدي نعملك شوية دعاية في أوساط البنات الغير متزوجات .. يمكن ربنا ياخد بيدك وحد يرضى بيك .. قصدي واحده تتجوزك .. قصدي إنت تتجوزها .. المهم إنتوا الإتنين تتجوزوا بعض .

ولا أنسى أن اذكر خالتي أم ابراهيم الخاطبة اللي عملت لك أحلى شغل في باب " أريد زوجة والنبي الله يخليكو "

دفعلك كام عشان تبيع القضية يا ياسو ؟

وهل ما عندكش خبر إن قوانين العمل والعمال الإماراتية بتحظر إن الواحد يشتغل شغلانتين في نفس الوقت .. يعني ما ينفعش تبقى خاطبة وبلانه في نفس الوقت ؟

عامة .. إحنا على الديل - الإتفاق بالإنجليزي - بتاعنا تيفتي تيفتي يا مان ...

[مصرية الهوى]

ايه ده ياعمرو ..

خلاص بص انا هابقى افرز الايميلات اللي هتجيلك من البنات ..

دي هتنزل عليك زي المطرة :P

بس على فكرة ملامحك شامية مش مصرية تقليدية ..

شبه ممثل سوري خالص بس مش فاكره اسمه ..

ربنا يوفقك ببنت الحلال ان شاء الله اللي هتعمل فينا ثواب ...

وتبقى تفكنا وتريحنا :P :sad:

[yasovinas]

يا جدعان مالكم اتخميتم في الشاب كده ليه دا غلبان وضاربه السلك وضارب فازلين علشان ينيم الشعرتين اللي حيلته وبعدين لا مؤاخذه الحلو حلو لو صحي من النوم والوحش وحش لو ضرب جيل كل يوم

اسمع يا عمورة انا هجيب لك تفاصيل البونية النهارده او بكرة وابعتها لك باذن الله

ابعت لك التفاصيل مش البونيه

من نمر الى اسد حول

من نمر الى اسد حول

التفتي تفتي شغال يا اسد حول

بس السبوبة تخلص صح ونشوف لنا واحده من اللي بيطلعوا في المابيت شو نلبسها للزبون وناخد حقاتنا وانا هلاغيك على طول يا ملك الغابة يا ابو سبعتلاف مداخلة حول

تم تعديل 18 أبريل 2006 بواسطة yasovinas

[ocha]

انا مع سى السيد فى ان المخده ما بتخدش اثنين حلوين وانت فعلا ماشاء الله جميل لكن جمال روحك اكثر بكتير

[مصرية يعني مصرية]

مبروك يا نسر

أهم المعجبات إبتدو يظهرو .........إبسط.يا عم :blink:

أما أقوم أنام ........

و حنشوف بكرة حيحصل إيه

تصبحو أحلى أعضاء في أحلى منتدى

[حدوته مصريه]

اه ياللي ياللي ياللي يا بو العيون السود يا خلي

اه ياللي ياللي ياللي يا بو العيون السود يا خلي

دول عايروني وقالولي يا أسمر اللون يا لاللي

صحيح انا اسمر وكل البيض يحبوني يالاللي

امضاء..عريس اسمراني بيقطع علي النسر

:blink:

تم تعديل 19 أبريل 2006 بواسطة حدوته مصريه

[yacho]

اخونا الصغير نسر \ لا يفتكروا ان عينى منك واللا حاجه \ :D

احب اطمنك .. واقولك انك يا ابنى عمرك ما حتتجوز .. تسالنى وتقوللى ليه يا ابله ياشو

اقولك

لان مفيش واحده حترضى تتجوز واحد احلى منها :blink:

ويخللى عينها فى وسط راسها :P .. كل ما يروحوا فحته سوا

[eastsoul]

طب مانت شغال أهو

:blink: اه خلي بالك يا نسر في ناس هنا بتؤر...الله اكبر ... الله اكبر ..... اللهم لا حسد :P

ربنا يوفقك في بنت الحلال ‏بإذن الله عن قريب

[yacho]

طب مانت شغال أهو

:blink: اه خلي بالك يا نسر في ناس هنا بتؤر...الله اكبر ... الله اكبر ..... اللهم لا حسد :P

ربنا يوفقك في بنت الحلال ‏بإذن الله عن قريب

كده يا روح الشرق .. قصدك ان انا حساده ..

طب ايه رايك ان انا وانا بكتب الكلمتين دول كنت قاعده اتعوذ عليه .. قصدى.. اكبرعليه وارقيه :D

[Guest النسر المصري]

يانهار أبيييااااااض

بقى كل ده حصل امبارح

اقسم بالله ان دي اول مره اسمع فيها الاشاده بالشكل دي

لا ...ده انا اروح لخالتو ام ابراهيم عشان تعملي زار مرقع بفرختين ميتين بانفلونزا الفراخ

ولا ايه رايك يااونكل سي السيد (حلوة اونكل دي....عجباني اوي الصراحة..انا هقولها تاني...اونكل اونكل اونكل.... mfb: )

وبعدين الله يكرمك ياجيجي ابعديني عن السوريين وشبههم ...اصلي لسه امبارح متخانق مع المكانيكي السوري بتاعي......خليها مصري ...انا شكلي مصري...بس بجذور تركية....او جذور طعمية ...اي حاجة

وسمعيني احلى خدمة جيجاوية في انتشال النسراوية...للحياة الزوجية...ورقصني ياجدع

*******

إلى المعلم سي سو حوووول

السبوبة هتوصلك قبل ماتضحك عالزبون ...وتفرج عليه جماهير المابيت شو....(ياريت بس ماتجوزنيش بيفي) ....وبعدين الكبير كبير والنص نص نص والصغير مابنفهموش

*****

والله ياأوشا انت اللي كلامك زي السكر وبينقط شربات

*****

****

ايه ست مصرية بالعافية...قصدي مصرية يعني مصرية....هو ماععندكيش عرايس كدة ولا كدة...نوم وبس

*****

****

الى احلى حدوته مصرية على وجه الأرض ...المعلوم وصل والخطة واجبة التنفيذ فور الانتهاء من المعاملة...حول

****

****

كده ياياشو.. :blink: :P ...خليتي وشي احمر زي الدم.. :D :D ..اما اقوم اتحجب بقى....اصلي اتنقب....

****

لا يا ست أصول ...ماتظلميش حبايبي اعضاء المنتدى ...يقروا ايه وبتاع اية....لا انا لا أوافق على كلامك....هم بس هيدفنوني بالحياه...بس مش اكتر من كده.... :D

خلينا بقى في المواصفات

هانقلها لكم هنا من موضوع الحقوني ياناس عديت التلاتيني

تشكروا ياحب عائلة انترنتية لقلبي

[eastsoul]

لا يا ست أصول ...ماتظلميش حبايبي اعضاء المنتدى ...يقروا ايه وبتاع اية....لا انا لا أوافق على كلامك....هم بس هيدفنوني بالحياه...بس مش اكتر من كده.... :blink:

يا عم نسر انا بضحك معاكوا بس .... ‏

والله لو كنت اعرف حد ما كنت اتأخرت يا نسر..

يلا يا جماعة شدوا حيلكم ...النسر عمل اللي عليه ...ان شاء الله خير...

[Guest النسر المصري]

ايوة يياجماعة اسمعوا كلام الست اصول...ها....في اخبار ولا لأ

[yasovinas]

النسر عمل اللي عليه :D :D :D :P اذاي يعني

طيب يا ابني لو عملت اللي عليك يبقى مبروك وخلاص شطبوا الفرح بقى ولموا الكراسي وهدوا النصبه

قال عمل اللي عليه قال :blink:

[Guest النسر المصري]

عاجبك كدة ياست مصرية يعني مصرية

اهو سي سو زعل مني

لا هنا لازم اوضح توضيح هام

لولا تعب سي سو معايا ووقفته وفتحه للموضوع ووضع صورتي وحثه الدائم ..ماكنش في حاجة حصلت من دي

والنبي راسك ابوسها ياسي سو

ياعم اسمع بس اقو...طب ابوسس را.....بس اسمع بوسة واحدة بس...طب...يعم ماتزقش...طب اصلحك بقايه...الله ياعم سو...يووه سيب ايدي ياسي السيد بس اقوله...ياعم والله اصلحه بس ا ا.. اي ..طيب...خلاص...منغير ضرب...ا ا

(بين قوسين: شكر خاص لست الستات وحدوتة المصريين كلهم الست حدوته)

[eastsoul]

النسر عمل اللي عليه :lol: :P :P :lol: اذاي يعني

طيب يا ابني لو عملت اللي عليك يبقى مبروك وخلاص شطبوا الفرح بقى ولموا الكراسي وهدوا النصبه

قال عمل اللي عليه قال :lol:

ياسو خلي قلبك كبير امال ...!!!!!!!

هوا حد يقدر ينسى المجهود العظيم اللي عملته لنسر...!!!!

خلاص ما تزعلش ..... صافية لبن .... و دي وردة كمان عشانك

[مصرية يعني مصرية]

خلاص يا ياسو

عشان خاطرنا كلنا.... :lol:

دا انته قلبك كبير ....هو احنا لينا بركة إلا انته.... :lol:

خلاص يا نسرأهو حيسامحك أهو.. :lol:

على فكرة

إنتة عابيزها مغربية ولا مصرية :P

قول خالتك أم صهيب تحت أمرك :P

[nancy]

ماشى يا عمرو بقى ياسو هو صاحب كل الفضل ماشى

مين الى اقترح عليك من الاول انك تكتب المواصفات وتحط الصورة ومين الى صلح المواصفات مش انا ومين الى من فنون جميلة زيك ياسو برضة

وانا الى كنت عوزة افرزلك الطلبات واساعدك خلاص كفايا عليك ياسو يا عم

وانا الى كنت حسباك اخويا الصغير لا لا انا حاحرمك من الميراث