الاسكندرانيه ؛؛؛؛ اجمع هنا بالخطوة السريعه

[Salwa]

بصراحة يعنى ...

حنقولك على حاجة .....الله ينور .

اتأخرت قوى قوى التحية دى ..

تحياتنا ياحاج ياسو على الموضوع الهايل ...وتحياتنا لكل من شارك فى هذا العمل العظيم ..

وبصراحة يعنى ( بالنسبة لى ) ...ده من اجمل واعظم المواضيع ...مش علشان انا اسكندرانية ( ومش متعصبة ولا حاجة !!!).....والتعصب ده شئ مؤلم وانا ارفضه ...................( فى كل الحالات الا حالتى ) ..

لكنه ايضا يعتبر موضوع تاريخى ...( شوف جمال اسكندرية القديمة !! )...

ربنا يخليكم ويخللى اسكندرية ......منورة مصر دايما .

واقروا الفاتحة لابو العباس يااسكندرية يااجدع ناس ...

على فكرة المبنى اللى فى الابراهيمية فعلا......هو مدرسةالفرنسيسكان ..وبجانبها الكنيسة اقصد داخلها ...وهى تقع فى شارع بور سعيد....كان اسمه شارع تيجران ..( قبل ما يسموه بور سعيد ).....وقبل اسم تيجران ....كان اسمه شارع

( امبروز راللى )...........صح ؟؟

على فكرة فيه فى شارع بورسعيد محلات كثيرة ينتهى اسمها ب....راللى ...

واكثر الناس ( حديثا لاتعرف اصل الاسم ) تلاقوا فرن راللى ...مصبغة راللى ....وهكذا...

وعمار يااسكندرية ...منورة بأهلك وناسك ....

[yasovinas]

الغالية جدا مدام سلوى تحية تقديرواحترام طايرة على نسمه طرية مغسولة من موجه بحر اسكندرية واسمحي لي ان ادعوك وادعو كل الاخوة ابناء وبنات اسكندرية الى عزومة جميله في ايليت

[واحد تاني]

القلعة

بعدسة:واحد تاني

[واحد تاني]

الدهليز

بنفس العدسة

[واحد تاني]

الأقواس

بنفس العدسة

[واحد تاني]

والبحر

بنفس العدسة

[واحد تاني]

وخلف القضبان تجد

البحر

مهما كانت صدئة

بنفس العدسة

[Salwa]

انا بس حبيت اقول ..

صباح الفل .

صباح جميل ورائع ...ياسلالالالالام..

وحشانى يااسكندرية ...

شكرا جزيلا واحد تانى ...

شكرا لكل من شرف هذه الصفحة بحرف او بصورة ....

وعمار يااسكندرية ...يااجمل عروس على المتوسط ..

[مهيب]

لست اسكندرانيا .. لكننى أعشق اسكندرية بشكل كبير .. وبالرغم أن لى أصدقاء اسكندرانية كثيرين الا أننى لم أزر الاسكندرية الا مرة واحدة فى حياتى .. و أذكر كلمة صديقى حين اقتربنا .. كان يقود السيارة و كنا نقرأ سويا اللوحة المشهورة اياها (اسكندرية .. موجة حب على أرض مصر) .. قال لى ساعتها : "اسكندرية اللى تحبه تعيشه أمير .. و اللى تكرهه .. تخسف بيه الأرض .."

و قد تحدثت من قبل أن هناك مدنا لها كيان طاغ حقا .. مسيطر .. من الطبيعى أنك حين تذهب الى مدينة تشعر أنك أحببتها .. أو لم تحبها .. لكن هناك مدنا من الأصالة و الحياة و الرهبة لأنك تدعو الله فى سرك أن تحبك هذه المدينة .. أنت تعلم أنك ستحبها .. لكن أن تحبك هى ؟؟ تلك هى الاسكندرية ..

و الاسكندرية ثقافة .. و رقيا .. و روحا طاغية .. تجتاح المسافر منذ أن يدخل فى نطاق طيفها .. ربما الاسكندرانية لا يشعرون بهذا البهاء لأنهم يعيشون بالداخل (و ان كانت مشاعرهم تأخذ شكلا آخر) .. لكننى أحببتها .. و أعتقد أنها أحبتنى أيضا .. دللتنى ..

هل أستطيع أن أطلب من أصدقائى الاسكندرانية طلبا قد يكون ثقيلا .؟؟

ماذا لو نفتح موضوعا آخر .. و ليفتحه أحد الاسكندارنية ... يخبرنا فيه كيف نستمتع هناك ان أردنا ..

بالتأكيد الأمر ليس باجا و بحرا .. و مطعما فاخرا و مسرح ..

من يريد أن يتذوق الاسكندرية من الداخل .. أن يعيشها حقا .. يرى الرقى الحقيقى (وليس المصطنع) .. و يستمتع بثقافتها .. و أصالتها .. و خفة دمها .. ماذا يفعل و أين يذهب .. تفهموننى أليس كذلك ؟؟

مهيب

[واحد تاني]

شكرا جزيلا واحد تانى ...

شكرا لكل من شرف هذه الصفحة بحرف او بصورة ....

وعمار يااسكندرية ...يااجمل عروس على المتوسط ..

العفو يا سلوى هانم

الشكر كل الشكر لفيض ذوقك

[واحد تاني]

هل أستطيع أن أطلب من أصدقائى الاسكندرانية طلبا قد يكون ثقيلا .؟؟

ماذا لو نفتح موضوعا آخر .. و ليفتحه أحد الاسكندارنية ... يخبرنا فيه كيف نستمتع هناك ان أردنا ..

بالتأكيد الأمر ليس باجا و بحرا .. و مطعما فاخرا و مسرح ..

من يريد أن يتذوق الاسكندرية من الداخل .. أن يعيشها حقا .. يرى الرقى الحقيقى (وليس المصطنع) .. و يستمتع بثقافتها .. و أصالتها .. و خفة دمها .. ماذا يفعل و أين يذهب .. تفهموننى أليس كذلك ؟؟

مهيب

غالي والطلب رخيص ...

اتفضل يا مهيب بك ادخل هنا وشوف الخريطة الخفية لمدينة الإسكندرية

[ahmed_tito91]

بسم الله الرحمن الرحيم

حيبت اساعد اخويا ياسو الاسكندرانى والاخ العزيز واحد تانى

وانزل بكام صوره من عدستى الشخصيه او عدسه موبايلى الشخصى

او صور من موقع الاسكندريه

ودى مجموعه صور للاسكندريه

احمد تيتو 91

[kokomen]

شكرا الأخ ياسو

وفرقته وجميع من ساهم في جمع هذه الصور القديمة التاريخية .. والصور الحديثة الرائعة

لكم جزيل الشكر لأنها صور جميلة فوق الوصف فكرتنا بحقبة جميلة للأسكندرية من القديم الي الحديث

ياريت لو أحد عنده الأحياء القديمة نشوف صورها الجميلة ... زي كوم الشقافة وكوم الدكة ومنزل سيد درويش

ومنطقة عمود السواري وباب عمر باشا وكرموز وغيط العنب وميدان محطة مصر القديم أيام ما كان فيه تليفزيون هيئة الاستعلامات

أول ما طلع التليفزيون ... وترماي اسكندرية القديم في محطة الرمل والمنشية .... شكرا لكم جميعا

وان شاء الله نتقابل على أكلة سمك وجمبري وكابوريا وجندوفلي وأم الخلول عند حسني بالمندرة وكمان فتح جنبه قدوره

بس الكل يتقل جيبه علشان ياسو مش حيدفع الحساب .... هههههههههههههههه

أبو أحمد الأسكندراني

:ninja: B) :blink:

[yasovinas]

ونقول كمان وكمان اصلي بحبها يا ناس بجنان

وانت بتلف في وسط البلد وماشي في شارع شريف مش ممكن تفوت فنجان قهوة اكسيبرسوا او واحد كوفي اوليه من هنا

ولو كنت بتشتري ملابس العيد للاولاد يبقى برضه لازم تعدل دماغك من هنا بواحد بن محوج ما حصلش

عايز ادوية او اي مستحضرات طبية وخصوصا لو كانت تحضر يدويا يبقى عليك وعلى عمك الخواجه بابا انتونيس اليوناني

ايوه هو اللي واقف في النص دا اطلب منه اي حاجه هيقولك كمان نص ساعه تكون جاهزة ولو كانت شربة ام حنتوس

بحبك يا اسكندررررررررسة

[badroora]

يا بخت اسكندرية بيكم وصوركم الجميلة دى

فكرتى باول مرة غرقت فى بحر اسكندرية وخلت عندى اصرار كبير انى لازم اتعلم العوم واروح نفس المكان اللى غرقت فيه واعوم تانى

وفكرتونى باول رحلة لى بالكلية لما قاعدوا يتحايلوا على ولما روحت الاتوبيس ولع بينا فى ميامى وسطحنا على الشط ابو بلاش ولعبنا تحت الكبري الخشب ومشينا فى شارع خالد ين الوليد حافيين

واحنا راجعين بالباص الشباك الورانى الزجاج بتاعة انكسر وسطحنا عالطريق الصحراوى ومكناش لاقين موصلة تانية وروحنا بيوتنا متاخرين والهباب مالى وشنا وهدومنا

وفكرتونى قبل ماجى على طول

روحت اسكندرية اسبوع وبصراحة باموت فيها ووحشنى اللعب والقلعة والمنتزة يااااااااااااااااااه عاوزة ارجع مصر دلوئتى واروح اسكندرية :)

تم تعديل 22 مايو 2007 بواسطة نجفة المغرورة