الحنين إلى القرية ... كصة زراعية

[حشيش]

يتمدد حسونة على فوتيه كبير فى مكتبه وهو منهك القوى ولديه شعور لم يألفه من قبل ..... هل هو ملل ؟ ... رتابة ؟ ... إكتئاب ؟ .... لا يدرى تحديداً ولكنه لأول مرة فى حياته يشعر بأنه غير سعيد برغم كل مايحيط به من رغد العيش وسعة الحياة ...... قفزت إلى ذهنه فكرة قد تذهب عنه هذا الشعور البغيض .... لماذا لا يقود سيارته بنفسه بدون مرافقين وينطلق بها إلى الريف حيث الطبيعة الساحرة والناس البسطاء الطيبين ..... لماذا لا يقضى اليوم فى هذا الجو الذى إشتاق إليه بعد كل هذه السنين الطوال ..... على الفور قفز من فوق الفوتيه وخلع بدلته ورباط عنقه وارتدى بنطلون جينز وتى شيرت ليشعر ولأول مرة منذ سنوات بالحرية :sad: ..... خرج دون أن يشعر به أحد وقاد بنفسه سيارته المرسيدس الفارهة وإنطلق بها على الطريق الزراعى فى إتجاه الأسكندرية ....... بعد حوالى 50 كيلومتراً من القاهرة وجد فلاحاً مهلهل الثياب حافى القدمين يشاور له على الطريق .... فكر حسونة للحظات هل يتوقف له أم يمضى فى طريقه :wub: .... وفى النهاية قرر أن يتوقف ليزيد من شعوره الشخصى بالمزيد والمزيد من الخروج على رتابة الحياة والروتين اليومى

يفتح حسونة زجاج السيارة الكهربائى ويخاطب الفلاح البسيط:

حسونة: على فين يابلدينا

الفلاح: أبزازيا :blink:

حسونة: مين !!!!!

الفلاح: إلهى يسترك تاخدنى فى طريقك ..... أنا واقف بقالى ساعتين ومفيش معايا ولا مليم أحمر أركب بيه :excl:

حسونة: فين أبزازيا دى ؟؟؟!!!!

الفلاح: مفيش ياسعادة البيه ... يادوب عشرة كيلو من هنا .... أنا حدلك عالطريق

حسونة: طيب إركب

ركب الفلاح بجوار حسونة بعد أن وضع جاروفاً كبيراً وفأساً على الكنبة الخلفية للسيارة

حسونة: إنته إسمك إيه ؟

الفلاح: إسمى حسنين يابيه

حسونة: عاشت الأسامى ياسى حسنين ..... بتشتغل إيه

حسنين: فلاح زهرات يابيه .... على باب الله يعنى ..... كل كام يوم لما حد يبعت لى أروح أعزق له الأرض وآخد اللى فيه النصيب

حسونة: وليه معندكش أرض

حسنين: الله يخرب بيته بقه نشفها عالخلق :ph34r:

فى خلال الحوار القصير الذى دار بين حسونة وحسنين كانت مئات البراغيت قد غادرت ملابس حسنين وإنتقلت إلى ملابس حسونة الذى أخذ يهرش فى كل مكان من جسده :wub: ..... إزداد الهرش لدرجة أفقدت حسونة التحكم فى قيادة السيارة .... إختلت عجلة القيادة فى يد حسونة لتسقط السيارة بهما فى الترعة المحاذية للطريق الزراعى الضيق قبل أمتار قليلة فقط من قرية أبزازيا :o ....... غاصت السيارة بسرعة إلى قاع الترعة السحيق ..... تمكن الفلاح البسيط حسنين من الخروج من شباك السيارة وكتم أنفاسه حتى إستطاع الوصول إلى سطح الماء وبعد أن أخذ نفس عميق أكمل السباحة حتى وصل إلى شاطئ الترعة حيث كان المئات من رجال ونساء قرية أبزازيا قد تجمعوا على صوت فرملة السيارة وشاهدوا سقوطها فى الترعة :o .... لم يستطع حسونة أن يفعل نفس الشئ لكبر سنه وضعف صحته ولأنه أيضاً كان يربط حزام الأمان خوفاً على حياته والذى أعاق حركته فى النجاة

تجمع الفلاحون حول حسنين ليهنئوه بالنجاة ولكنه بشهامة الفلاح الأصيل هب قائلاً :

سيبكم منى دلوقتى ..... حد فيكم يلحق الراجل الشهم اللى أخدنى من الطريق عشان يوصلنى ..... العار عليكم ياولاد أبزازيا لو ما هميتوا ولحقتوه قبل فوات الأوان

ما أن سمع أهل قرية أبزازيا ما قاله إبنهم البار حسنين حتى خلع ستون رجلاً ملابسهم فى لحظات ليصبحوا كيوم ولدتهم أمهاتهم وقفزوا إلى الترعة .... ما هى إلا لحظات حتى قالت إمرأة فاضلة من نساء القرية (وإحنا حنقف نتفرج عليهم ؟! .... لازم الحريم كمان تساعد ويا الرجالة) :) .... وعلى الفور قفزت ستون إمرأة بجلابيبهن إلى الترعة فى محاولة لإنقاذ حسونة ...... إختلط الحابل بالنابل فى الترعة والرجال بالنساء ... وكان الشيطان ثالثهما :blink:

إلى اللقاء

حشيش

أديب ومفكر

[nashwa]

حشيش

حمد الله على السلامة

ربنا مايقطعلك عادة ...

:ph34r:

[tarek_almeghallawy]

الكصة مؤثرةجداً

تفوح منها رائحة الريف .. برفان روث البهائم

وتستطعم طعم المشلتت على أنغام الساقية

وتستمتع بالتصيف في الِتِرعِة

ويظهر معدن الرجال البلابيص

وتبرز أخلاق الكرية

لكن الأخ حسونة اللي فطس كان يستاهل هذه النهاية

عشان يحرم يربط الحزام حتى لو هاياخد مخالفة مرور

[حشيش]

عزيزتى نشوى ..... أسعدنى أن أرى إسمك من جديد فى المحاورات ... أرجو الله تعالى أن تكونى أنتى وجنة بخير ..... شكراً على الترحيب :wub:

طارق باشا :wub: ... أشكر لك تحليلك البولى قصدى النقدى للكصة ... الكصة دى رمزية جداً بصراحة ..... يعنى البراغيت وحزام الأمان وكل كلمة فيها لازم تتعامل معها بحذر شديد لحسن تهب فى وشك -_- .... حزام الأمان هنا يرمز إلى التشبث بالحياة فى حين أن الفلاح البسيط حسنين الذى أنهكه الفقر والمرض لم يربط حزام الأمان لزهده فى الحياة ..... ولسه ولسه ولسه ...... والآن إلى التكملة

إستاء رجل من أهالى القرية عرفت عنه الفضيلة مما يحدث فى الترعة فنادى فيهم بغضب :closedeyes:

عيب عليكم ياولاد أبزازيا قلة الحيا والمسخرة دى ..... طب الأول إنجدوا الراجل الغرقان ده .... لم يلتفت أحد لنداء الرجل الطيب :sad:

إنتهز بائع الفياجرا الجشع ما يحدث فى الترعة ونادى من على الشاطىء:

معايا الفياجرا الطازة .... القرص بخمسة جنيه بس .... Special Offer ... وأخذ يلقى بالأقراص من الشوال الذى يحملها فيه ويسجل أسماء الرجال الذين إبتلعوا أقراصه من الترعة ليضيف ثمنها على حساباتهم الشهرية لديه mfb:

لم يعد حسنين يطيق الإنتظار وترك الرجل الشهم حسونة فى قاع الترعة أكثر من ذلك .... أخذ نفساً عميقاً (تلاته فاز) وقفز إلى الترعة وغاص حتى وصل إلى القاع وفك حزام الأمان الذى أعاق حسونة عن الخروج من السيارة وحمله على كتف من أكتافه وعلى الكتف الآخر حمل فأسه وجاروفه اللذان كان قد تركهما على الكنبة الخلفية لسيارته

وصل حسنين إلى سطح الماء وقد بلغ به التعب والإعياء مبلغه ..... ترك الرجال والنساء المتواجدون فى الترعة ما كانوا يفعلونه من منكر والتفوا حول حسنين وحملوا معه حسونة والجاروف والفأس إلى الشاطئ فى مشهد مؤثر يعكس تلاحم أهل القرية فى مثل هذا الظرف العصيب :lol:

على شاطئ الترعة مدد الفلاحون حسونة والتف الجميع من حوله .... قال فلاح من أهل القرية هموا بينا يارجالة ناخده بسرعة عالوحدة الصحية

إقترب فلاح عجوز من أهل القرية من حسونة ووضع مراية على مقربة من أنفه وفمه ليرى ما إذا كان لا يزال يتنفس أم لا .... بعد قليل أغمض الرجل عينا حسونة وأخذ يردد قائلاً (البقية فى حياتكم) :sad:

ما أن قال الرجل مقولته حتى إنفجر الجميع فى البكاء ..... شقت النساء جلابيبهن ولطمن خدودهن وأخذ الرجال يحسون التراب فوق رؤوسهم حزناً عليه

وصل عمدة أبزازيا على عجل بعد أن بلغه الخبر

العمدة مخاطباً حسنين: ما تعرفش ياحسنين إسم الراجل الشهم ده أو عنوان بيته عشان نبعت لأهله ؟

حسنين: أبداً ياعمدة

العمدة: وبعدين .... لو بلغنا المركز حيخدوه عالمشرحة ويتبهدل هناك ده غير البوليس والنيابة وسين وجيم

قال فلاح من أهل القرية : جايز نلاقى فى جيوبه بطاقة شخصية نستدل منها على إسمه وعنوانه يابا العمدة

قام العمدة بتفتيش جيوب البنطلون الجينز الذى كان يرتديه حسونة ولكنه لم يجد به شيئاً mfb:

بائع الفياجرا الجشع: بقول يابا العمدة .... أكيد كل أوراقه موجودة فى العربية الغرقانة بتاعته .... يعنى اللى يعرف يغطس ويجيبها يبقى رد الجميل للراجل الشهم ده بصحيح

ما أن سمع أهالى قرية أبزازيا ما قاله بائع الفياجرا حتى قفز ستون رجلاً وستون إمرأة إلى الترعة ليحضروا الأوراق من السيارة الغارقة ..... وكان الشيطان ثالثهما :blink:

إلى اللقاء

[إبن مصر]

عقلى الباطن :

حشيش مش ناوى يجيبها لبر......انا مالى !! سى السيد لابد له فى الدره.......

والبنى يا اديب ومفكر .... خد بالك من الاسقاطات.... وارحم الشيطان الى انت مجرجره معاك فى كل حته ده..

[حشيش]

عقلى الباطن :

حشيش مش ناوى يجيبها لبر......انا مالى !! سى السيد لابد له فى الدره.......

خد بالك من الاسقاطات.... وارحم الشيطان الى انت مجرجره معاك فى كل حته ده..

ما تخافش ياعمى الشيطان وبائع الفياجرا الجشع دورهم إنتهى خلاص وما عدتش حتشوفهم هنا تانى بدءاً من الحلقة القادمة -_- .... بالنسبة لسى السيد أكيد حيتفهم سبب إقحام الشيطان فى الكصة لخدمة النص الدرامى للأحداث باعتباره أديب سابق :closedeyes:

[se_ Elsyed]

أنا مش فاقعني في الكصة دي غير جُملة الإسقاط التالية :

الله يخرب بيته بقه نشفها عالخلق

كلنا عارفينه طبعاً ..

وفيها 6 شهور نفخ دي يا حشحش ...

[tarek_almeghallawy]

في الحكيكة وفي الواكع يا أستاذ حشيش

مش عارف اعبر لك عن مدى تأثيري بالكصة الزراعية بتاعة سيادتك

وأخدت بنصيحة سيادتك وخدت منها عينة وحطينها تحت المجهر اللي بيقولوا عليه ميكروسكوب

ويا لهول ما رأيت

وكله بسبب مخالفة كلام خالد الذكر آبا الحاج محمد رضا

طول ما ندي ضهرنا للترعة عمر البلهارسيا في جتتنا ما ترعى

بس مش عارف الناس في أبزازيا كده يعني مالهم فايرين

كل لما يتزنقوا يضربوا بلانص في الترعة

كمان نصيحتك الغالية عن الرموز في الكصة

أنا أخدت بالي كده من كام رمز

يعني الجاروف والفأس ممكن يدل على تحالف قوى الشعب العامل

والبنطلون الجينز ممكن يدل على الغرب والغربيين واللي جاي من ناحيتهم

وغرقه في الترعة يمكن يدل على سقوط وانحلال الحضارة المقرفة

وعايز الفت نظر سيادتك لحاجة الناس مش آخدة بالها منها

ممكن ذكر الفياجرا ده يكسبك دهب لو بس نوهت لشركة فايزر عن الكصة

دي أفيدلهم من إعلانات التليفزيون وتوفر عليهم مرتبات مناديب الدعاية

ده غير السبق اللي احرزته في ادخال الفياجرا في مجتمع الكرية الزراعي

فيه بس رمز كده في الكصة مش عارف له صرفة لا يمين ولا شمال

الرمز هو الستين راجل والستين ست

ياترى بيدل على إيه

اشمعنى يعني الستين

معلش استحمل غبائنا شوية

[حشيش]

أنا مش فاقعني في الكصة دي غير جُملة الإسقاط التالية :

الله يخرب بيته بقه نشفها عالخلق

كلنا عارفينه طبعاً ..

وفيها 6 شهور نفخ دي يا حشحش ...

حسب علمى يابو السييد إن النفخ فى الظروف دى بيكون من نصيب المشرف العام اللى سمح بالنشر لأنى عندى (شهادة معاملة طفل) من مصحة بهمان للأمراض النفسية وغير مسئول عما أكتب :P

فيه بس رمز كده في الكصة مش عارف له صرفة لا يمين ولا شمال

الرمز هو الستين راجل والستين ست

ياترى بيدل على إيه

اشمعنى يعني الستين

معلش استحمل غبائنا شوية

طبعاً مضطر أشرح لك الرمز برمز تانى لأن المكان متلغم :angry2: ..... حتى سى السيد وأحمد محمود وعصام شوقى وداروين اللى إنته فاكرهم مشرفين عموم كلهم مباحث :P ..... الغرض يا طارق من رقم ستين هو مكأفاة شهرين للموظفين لو إبن حسونة أخد مكان حسونة ..... مش حقدر أفسر أكتر من كده ... ربنا يستر طريقنا :)

[إبن مصر]

طول عمرى وانا بقول انك مش هاتجيبها لبر ابدا.....

اخرتك وحشه ولا اخره محمود مليجى فى فلم الارض

هاتسحل على الاسفلت مش غيط القطن؟........

ملقيتش غير انك تموته مغروق... مغروق يا حشيش..... يعنى كمان يموت وتلوث الميه..

قابل بقى يا بن عمى ....

[se_ Elsyed]

]حسب علمى يابو السييد إن النفخ فى الظروف دى بيكون من نصيب المشرف العام اللى سمح بالنشر لأنى عندى (شهادة معاملة طفل) من مصحة بهمان للأمراض النفسية وغير مسئول عما أكتب :

ده كان زمان يا حبيبي

في أول الأمر صدر القرار رقم 300 تقسيم نون ( نفخ يعني ) والذي نص على أن ( يُعاقب بالنفخ على درجة 45 كل مشرف سمح لأي عضو بنشر قدح أو ذم في الزيت الملكية )

وبعدين لما الحكومة لقت العملية زروطت وبقت هيصه وكل واحد متغاظ من مُشرف يروح فاقعه موضوع يتنفخ فيه ... صدر تعديل للقانون برقم 301 تقسيم ألف نون ( إعادة نفخ ) ينص على ( يُعاقب بالنفخ على درجة 65 كل عضو قام بنشر تلميحات أو إيماءات أو حتى حدث نفسه بشيء يُسيء للزيت الملكية ... وأي حد بيستهبل ويعمل فيها عيل وبيرضع ومش مسئول عن تصرفاته .. فيُكتفى بنفخه على درجة 25 - مقاس الكورة الشراب - عقاباً له )

إستعذ يا شيشو للمنفاخ ..

ياما نفسي أشوفك وإنت مكور يا حشحش ...

----

أيها السادة إليكم مراحل النفخ لدى محلات " منفاخكو كومبانية ليميتد "

محلات منفاخكو .. حبث النفخ له طعم أخـــــــــــــــــر

----

يالله يا حشيش .. سمي بسم الله وأختار لك ألة من آلات النفخ التالية

بتحب حاجة كلاسيك ويدوي زي

دي

ولا حاجة ليتست تكنولوجي و5 ثواني وإقلب زي دي

المرحلة الأولى من النفخ .. وضع المنفاخ في ....... بؤ العميل

كده وصلنا لدرجة 10 من مراحل النفخ

حشيش بقى بعد ما بقى مفرهد وزي حتة القماشة المبلولة

[tarek_almeghallawy]

واضح للعيان ولغير العيان

إن فيه محاولة لتحويل مسار الكصة

من الطريق الزراعي للطريق الصحراوي اللي هنااااااااااااااااك

ورا الشمس

قبل الكسوف طبعاً

[مصرية الهوى]

أووووووووبس :P

فوق 25 :angry2:

[وليد صفوت]

يا جيجى دى قصة للكبار فقط .... انتى ايه اللى دخلك هنا بس ؟

[حشيش]

قرر حسنين بعدما رأى ما يحدث أمام عينيه من منكر فى الترعة أن يعتمد على نفسه وغطس للمرة الثانية إلى القاع حتى وصل إلى السيارة الغارقة وقام بفتح تابلوه السيارة لكنه لم يعثر به على أى أوراق تكشف عن شخصية حسونة فعاد بعد جهد جهيد إلى الشاطئ :wub:

العمدة: خير ياحسنين لقيت أى أوراق فى العربية

حسنين: أبداً ياعمدة :wub:

نادى العمدة فى الرجال والنساء المتواجدون فى الترعة أن يخرجوا منها ليشاورهم فى الأمر فلم يستمعوا له

ناداهم حسنين قائلاً: طب حتى إعملوا خاطر لحرمة الراجل الميت المتلقح قدامكم ده :unsure:

وهنا تظهر من جديد أصالة القرية المصرية .... فما أن قال حسنين مقولته تلك إلا وبدأ المتواجدون فى الترعة من الرجال والنساء الخروج منها تباعاً ليلبوا نداء الواجب والشهامة والمرؤة :ph34r:

العمدة مخاطباً أهل القرية: بقى الراجل ده طلع شهم مع إبننا حسنين وشاله على راسه من فوق لحد ما وصله بلده .... يبقى إحنا كمان واجب علينا نكرمه ولا إنتم رأيكم إيه ؟ :o

وفى صوت واحد أجمع أهل القرية على وجوب إكرام هذا الرجل الشهم

حسنين: ياجماعة إكرام الميت دفنه

العمدة: معلوم ياحسنين يابنى .... بس دى مسؤلية .... لازم نبلغ المركز الأول

فلاح: يابا العمدة ما انته قولت قبل كده إنهم حياخدوه المشرحة وحيجرجروك إنته وحسنين فى النيابة و 100 سين وجيم :o

العمدة: عندك حق يابنى .... بس نحط الأول إيدينا فى إيدين بعض ونتعاهد إن السر ده مش حيخرج من أبزازيا

وأقسم الفلاحون الأحرار على أن يظل سر هذا الرجل فيما بينهم B)

العمدة: أنا مستعد أدفنه فى المقابر بتاعتنا

حسنين: كلك شهامة يابا العمدة لكن إسمح لى أنا أولى منك بالثواب ده

العمدة: ماشى ياحسنين ندفنه فى الترب بتاعتكم

فلاح: بس إحنا ياعمدة ما نعرفش الراجل ده ملة أمه إيه :P .... قصدى يعنى ما نعرفش إن كان مسلم ولا نصرانى .... يعنى نصلى عليه ولا ما نصليش

العمدة: فاتتنى دى .... والله يابنى عندك حق

حسنين: ياخوانا ربنا أعلم بعباده .... إحنا نصلى عليه زى ما بنصلى عالمسلمين .... حندعى له بالرحمة والجنة .... مسلم بقى ولا نصرانى دى نسيبها للى خلقه

وافق العمدة وأهل القرية على رأى حسنين

العمدة: طب هموا معايا يارجالة نشيله عالجرار بتاع الوله محروس لحد دار حسنين علشان شيخ الجامع يغسله ويكفنه هناك وبعد كده ناخده عالجامع نصلى عليه .... ومصاريف الكفن من جيبى :P

دعا حسنين ومن خلفه أهالى أبزازيا للعمدة بسعة الرزق وطول العمر وأن يوفقه الله دوماً إلى فعل الخير :wub:

إلى اللقاء

[حشيش]

]حسب علمى يابو السييد إن النفخ فى الظروف دى بيكون من نصيب المشرف العام اللى سمح بالنشر لأنى عندى (شهادة معاملة طفل) من مصحة بهمان للأمراض النفسية وغير مسئول عما أكتب :

ده كان زمان يا حبيبي

في أول الأمر صدر القرار رقم 300 تقسيم نون ( نفخ يعني ) والذي نص على أن ( يُعاقب بالنفخ على درجة 45 كل مشرف سمح لأي عضو بنشر قدح أو ذم في الزيت الملكية )

وبعدين لما الحكومة لقت العملية زروطت وبقت هيصه وكل واحد متغاظ من مُشرف يروح فاقعه موضوع يتنفخ فيه ... صدر تعديل للقانون برقم 301 تقسيم ألف نون ( إعادة نفخ ) ينص على ( يُعاقب بالنفخ على درجة 65 كل عضو قام بنشر تلميحات أو إيماءات أو حتى حدث نفسه بشيء يُسيء للزيت الملكية ... وأي حد بيستهبل ويعمل فيها عيل وبيرضع ومش مسئول عن تصرفاته .. فيُكتفى بنفخه على درجة 25 - مقاس الكورة الشراب - عقاباً له )

إستعذ يا شيشو للمنفاخ ..

ياما نفسي أشوفك وإنت مكور يا حشحش ...

----

أيها السادة إليكم مراحل النفخ لدى محلات " منفاخكو كومبانية ليميتد "

محلات منفاخكو .. حبث النفخ له طعم أخـــــــــــــــــر

----

يالله يا حشيش .. سمي بسم الله وأختار لك ألة من آلات النفخ التالية

بتحب حاجة كلاسيك ويدوي زي

دي

ولا حاجة ليتست تكنولوجي و5 ثواني وإقلب زي دي

المرحلة الأولى من النفخ .. وضع المنفاخ في ....... بؤ العميل

كده وصلنا لدرجة 10 من مراحل النفخ

حشيش بقى بعد ما بقى مفرهد وزي حتة القماشة المبلولة

وبعد أن قام حشيش بتقديم مستنداته إلى المحكمة الشرعية حكمت المحكمة حضورياً بما يلى:

بعد صدور الأمر السامى الكريم تقسيم (ن 60/ 1427 هجرية) قررت بإجماع أراء المحلفين:

1- تبرئة المتهم حشيش من التهم المنسوبة إليه لأنه فاقد للأهلية حسب التقرير الطبى الذى عثر عليه بحوذته وإعادته إلى المصحة فى حراسة الشرطة.

2- يعاقب كلاً من سى السيد وأحمد محمود بأسمائهم وصفاتهم بالنفخ حتى الموت أو إلى درجة 60 باروميتر أيهما أقرب (إنتهى)

تم تعديل 4 أبريل 2006 بواسطة حشيش

[محمد حافظ]

رائعة كالعادة يا عميد آدباء العرب أصحاب المزاج العالي .. ولكن عندي لسعادتكم سؤال ..أنت قلت في التحقيق أن المجني عليه كان يركب سيارة مرسيدس .. 1- لماذا حشرت العربة المرسيدس الألمانية الصنع في القصة وتسببت في أغراقها بكل هذه السهولة .. هل هذه دعاية مضادة تهدف من ورائها إستحسان السيارة الــ جيمس الأمريكية .. هل هذا ذات علاقة بموقف ألمانيا من حرب العراق ووقفها ضد أمريكا .. لماذا لم تختار سيارة جاكور إنجليزي مثلا.

2- قلت أيضا أنه قاد سيارته لمسافة 50 كيلومتر من القاهرة قبل مقابلة لهذا الفلاح المبرغت .. لماذا كانت المسافة 50 كيلومتر وليس فقط 25 كيلومتر .. هل تعتقد أن 25 كيلومتر ليست كافية لبداء أحدث غرق حسونة ..

3- قلت أيضا في التحقيق أن بائع الفياجرا كان يحمل شوال فياجرا .. هل بحثت عما إذا هذا البائع قد دفع للحكومة ضريبة مبيعات على تلك الفياجرا أما أنها فياجرا محمد أبو العينين المهربة من مطار القاهرة .

4- لماذا أخترت غرق المجني عليه ( سونسن ) في ترعة من مياه النيل الملوث ولم تختار غرقه على شاطئ الأحلام بشرم الشيخ . هل في إختيارك للنيل الملوث غرض جنائي .. تريد من النيل أن ينتقم بشكل مباشر من سونسن الذي لوثه بمياه صرف ملوثة بكماويات مسرطنة ..

قصتك هذه يا عزيزي بها عشرات الأدلة التي تؤكد أنك تخاطب بها وبشكل كودي أعضاء الشبكة السرية الخامدة في مصر للبداء في عملية زحلقة سونسن.

يبدوا أن نبؤة سي السيد ستتحقق قريبا ..

[حشيش]

رائعة كالعادة يا عميد آدباء العرب أصحاب المزاج العالي .. ولكن عندي لسعادتكم سؤال ..أنت قلت في التحقيق أن المجني عليه كان يركب سيارة مرسيدس .. 1- لماذا حشرت العربة المرسيدس الألمانية الصنع في القصة وتسببت في أغراقها بكل هذه السهولة .. هل هذه دعاية مضادة تهدف من ورائها إستحسان السيارة الــ جيمس الأمريكية .. هل هذا ذات علاقة بموقف ألمانيا من حرب العراق ووقفها ضد أمريكا .. لماذا لم تختار سيارة جاكور إنجليزي مثلا.

لأن حسونة قد إعتاد ركوب هذا النوع من السيارات (المرسيدس) فى حياته لذلك كان من الواجب أن أنقل للكارئ العزيز صورة حقيقية بصرف النظر عن موقف ألمانيا من حرب العراق :wub:

2- قلت أيضا أنه قاد سيارته لمسافة 50 كيلومتر من القاهرة قبل مقابلة لهذا الفلاح المبرغت .. لماذا كانت المسافة 50 كيلومتر وليس فقط 25 كيلومتر .. هل تعتقد أن 25 كيلومتر ليست كافية لبداء أحدث غرق حسونة ..

تعمدت أن أطيل المسافة إلى 60 كيلومتر (50 + 10) حتى وصول السيارة إلى أبزازيا لعله يتوب إلى الله بعدما رأى بعينيه حال الناس والفلاحين الغلابة ولكنه إستمر فى طريقه غير عابئ بما يعانون .... حتى حين أخذ حسنين معه فى طريقه كان بدافع التغيير وليس شفقة ً عليه <_< ..... وكما مص هو وزبانيته دم الغلابة فقد إقتصت البراغيت منه ومصت دمه قبل أن يموت :wub:

3- قلت أيضا في التحقيق أن بائع الفياجرا كان يحمل شوال فياجرا .. هل بحثت عما إذا هذا البائع قد دفع للحكومة ضريبة مبيعات على تلك الفياجرا أما أنها فياجرا محمد أبو العينين المهربة من مطار القاهرة .

نعم بحثت واكتشفت أن الفياجرا مهربة ومضروبة ولم يسدد البائع عنها ضريبة المبيعات :wub:

4- لماذا أخترت غرق المجني عليه ( سونسن ) في ترعة من مياه النيل الملوث ولم تختار غرقه على شاطئ الأحلام بشرم الشيخ . هل في إختيارك للنيل الملوث غرض جنائي .. تريد من النيل أن ينتقم بشكل مباشر من سونسن الذي لوثه بمياه صرف ملوثة بكماويات مسرطنة ..

سوء الخاتمة هو ما قصدت .... فحسونة مقيد بحزام (الأمان :) ) داخل سيارته الوثيرة فى قاع ترعة ملوثة يقضى بها الناس والبهائم حوائجهم وفوق راسه على سطح الترعة منكر وقلة حيا :)

قصتك هذه يا عزيزي بها عشرات الأدلة التي تؤكد أنك تخاطب بها وبشكل كودي أعضاء الشبكة السرية الخامدة في مصر للبداء في عملية زحلقة سونسن.

كودى إيه وشبكة سرية إيه ..... خليك محضر خير ياعمى ومتوديناش فى داهية :sad:

يبدوا أن نبؤة سي السيد ستتحقق قريبا ..

أنهى واحدة فيهم .... أبو السييد تنبأ لى بمصايب كتير :)

[NoorJehan]

خدينى جنبك يا جيجى مع إنى فوق الخامسه والعشرين <_<

ومع ذلك فرصه لنرحب بالأديب الكبير حشيش، فأنا من كرائك والمتابعين لكصصك :wub:

ما أن سمع أهل قرية أبزازيا ما قاله إبنهم البار حسنين حتى خلع ستون رجلاً ملابسهم فى لحظات ليصبحوا كيوم ولدتهم أمهاتهم وقفزوا إلى الترعة .... ما هى إلا لحظات حتى قالت إمرأة فاضلة من نساء القرية (وإحنا حنقف نتفرج عليهم ؟! .... لازم الحريم كمان تساعد ويا الرجالة) :wub: .... وعلى الفور قفزت ستون إمرأة بجلابيبهن إلى الترعة فى محاولة لإنقاذ حسونة ...... إختلط الحابل بالنابل فى الترعة والرجال بالنساء ... وكان الشيطان ثالثهما :sad:

هذه الفقره فكرتنى بالصوره التاليه حيث خرج الهنود يتعبدون فى الماء وقت كسوف الشمس...

فهل الكصه من وحى أسطوره هنديه ومحاوله فريده ومميزه للمزج بين التراث القروى وثقافات أخرى؟ ؟؟

الكراء يتسائلون :wub:

[حشيش]

خدينى جنبك يا جيجى مع إنى فوق الخامسه والعشرين <_<

ومع ذلك فرصه لنرحب بالأديب الكبير حشيش، فأنا من كرائك والمتابعين لكصصك :wub:

ما أن سمع أهل قرية أبزازيا ما قاله إبنهم البار حسنين حتى خلع ستون رجلاً ملابسهم فى لحظات ليصبحوا كيوم ولدتهم أمهاتهم وقفزوا إلى الترعة .... ما هى إلا لحظات حتى قالت إمرأة فاضلة من نساء القرية (وإحنا حنقف نتفرج عليهم ؟! .... لازم الحريم كمان تساعد ويا الرجالة) :P .... وعلى الفور قفزت ستون إمرأة بجلابيبهن إلى الترعة فى محاولة لإنقاذ حسونة ...... إختلط الحابل بالنابل فى الترعة والرجال بالنساء ... وكان الشيطان ثالثهما :wub:

هذه الفقره فكرتنى بالصوره التاليه حيث خرج الهنود يتعبدون فى الماء وقت كسوف الشمس...

فهل الكصه من وحى أسطوره هنديه ومحاوله فريده ومميزه للمزج بين التراث القروى وثقافات أخرى؟ ؟؟

الكراء يتسائلون B)

عزيزتى نور جيهان :P

شرف كبير لى أن تكونى من كرائى :P .... الصورة المرفقة بالفعل تشبه إلى حد كبير ما حدث فى ترعة أبزازيا ولذلك أرجو من الإدارة تثبيتها مع الحلقة الثانية للكصة :wub: .... بالنسبة لسؤالك عن مدى تأثرى بالثكافة الهندية فقد قرأت بالفعل للكثير من الأدباء والمفكرين الهنود مثل سنجام وراج كومار والفيل صديقى وكركم كارى وغيرهم وغيرهم :wub:

قام رجال ونساء أبزازيا بنقل حثمان حسونة من شاطئ الترعة إلى جرار محروس ومشى الأهالى خلف الجرار الذى سار ببطء شديد فى مشهد مؤثر حزين :) .... وصل الموكب الكبير إلى بيت حسنين وسط جموع حاشدة من أهالى القرية الحزينة ..... بعد دقائق جاء الشيخ / عتمان إمام مسجد القرية ليقوم بتغسيل وتكفين حسونة .... تكاتف أهل القرية فى إحضار ما لزم الشيخ عتمان من ماء وصابون وزجاجة كولونيا 555 وقام العمدة بشراء الكفن كما وعد الأهالى وتم كل شئ فى أقل من ساعة mfb:

العمدة: هموا يارجالة خلينا نلحق نصلى عليه فى الجامع وندفنه قبل السمس ما تغيب

حمل رجال أبزازيا يتقدمهم حسنين جثمان حسونة فوق أكتافهم وسط صرخات النساء وبكاء الرجال والأطفال والشيوخ وساروا فى إتجاه المسجد

قال فلاح من الذين يحملون الجثمان لحسنين : النعش تقيل قوى ياحسنين ;)

حسنين: إخرس ياوله ... عيب تقول دى

فلاح آخر يحمل الجثمان: يابوى ... كتفى حينخلع

حسنين: إخرس ياوله ... عيب تقول دى

يتبادل الفلاحون حمل الجثمان ولا يقوى أحداً منهم أن يحمله لأكثر من دقيقة واحدة mfb:

حسنين لم يعد يحتمل بدوره حمل الجثمان لثقله الشديد فينادى على فلاح آخر ليأخذ مكانه

لاحظ العمدة الذى كان يسير مع جموع المشيعين بطء الجنازة وما يهمس به الفلاحون لبعضهم البعض من ثقل الجثمان رغم أن حجم صاحبه لا يوحى بذلك !!!

العمدة مخاطباً الفلاحين: محدش معاه مسجل يشغل لنا شريط قرآن :)

صاح فلاح إسمه (عاصى) يمشى فى مؤخرة الجنازة : أنا معايا مسجل يابا العمدة .... ما بمشيش من غيره بصراحة :)

العمدة: طب حط لنا شريط قرآن الله يكرمك

عاصى: حالاً ياعمدة

يخطئ عاصى فيضع فى المسجل شريطاً لشادية بدلاً من شريط القرآن .... لحظات وتدوى سماعات المسجل بأغنية ( ياللى من البحيرة وياللى من آخر الصعيد .... ياللى من العريش الحرة أو من بورسعيد .... هنوا بعضيكم وشاركوا جمعنا السعيد .... مصر اليوم فى عيد .... مصر اليوم فى عيد .... مصر اليوم فى عيدددددددد) .... رقصت النساء والأطفال على نغمات المسجل بينما تبادل الرجال الرقص بالعصا والتحطيب :P

صاح العمدة فى الأهالى بأن يتوقفوا عن هذا العبث ويحترموا حرمة الميت

الشيخ عتمان: خلاص ياعمدة أدينا وصلنا الجامع .... إطفى ياوله ياعاصى الهباب اللى انته مشغله ده ... خلينا ندخل بالميت الجامع عشان نصلى عليه

عاصى: أمرك يابا الحاج

حاول عبثاً عشرة رجال أن يدخلوا جثمان حسونة إلى المسجد إلا أنهم لم يفلحوا

فلاح: ياعمدة الخشبة مكلبشة .... الراجل ده باين كان عمله اسود mfb:

العمدة: إختشى ياوله عيب .... بقى راجل شهم زى ده تقول كان عمله اسود

جاء خمسة فلاحين ليساعدوا مع زملائهم الآخرين فى إدخال الجثمان إلى المسجد ولكن ذهبت جهودهم أدراج الريح

العمدة مخاطباً الشيخ عتمان: معنته إيه اللى بيحصل ده يابا الحاج ؟!!! mfb:

الشيخ عتمان: أنا بقول نبعت للشيخ / عبد الحسيب يحضرنا ... ده راجل قارى ومبروك

العمدة ينادى على أحد الفلاحين: هم ياوله روح بيت أبوك الشيخ/ عبد الحسيب خليه يحضرنا بسرعة :sad:

إلى اللقاء

تم تعديل 4 أبريل 2006 بواسطة حشيش