العالم من غير فراخ!

[Sherief AbdelWahab]

تخيلوا حيبقى شكل العالم إيه لو الفراخ انقرضت؟

خلص الكلام

[Hammer]

كدا يبقي الديك مش ح يدن ...

و ح تختفي المخدات الريش ....

و مش ح ناكل أوناصة ( أحسن علشان ما باحبهاش ). :sad:

و ما فيش تلوين بيض في شم النسيم ...

و لا قصيدة الكتكوت الشقي :wub:

[se_ Elsyed]

وكمان الولد اللي جاي على سبع بنات مش هايتقال عليه " ديك البرابر "

والمغرورين هاينقرضوا هما راخرين عشان مش هايقدروا " ينفشوا ريشهم "

والكوسة والواسطة هاتختفي هي روخره عشان ماحدش هايبقى على " راسه ريشه "

والستات هاتبطل تولد لإنها مش هاتلاقي فراخ بلدي تشرب شربتها عشان تتقوت وتقف علي حيلها .

وهايسحبوا أفلام زينات صدقي من السوق .. لإنها لما هاتقول " كتاكيتو بُني " فماحدش هايفهم هي تقصد إيه .

كمان لازم يلغوا القوانين " العُرفية "

[م الغزالى]

و الأهم من هذا كله حنرتاح كن السؤال الأزلى

البيضة ولا الفرخة

[White heart]

العزيز Kokowawa سيشعر بالوحدة .... :P

مطاعم هاتقلب و تبقى M.A.R ( ملوخية - أرانب - رز ) :blush:

و الـــ هايبقى و يبقى " Mac Hawa" .... حواوشي :ph34r:

و هانضطر نعيد صياغة هذه الجملة من اوبريت الليلة الكبيرة للراحل صلاح جاهين:

" أول ما أقول هيلا هوب .. و أصرخلي صرخة .... السبع يتكهرب و يبقى فرخة " ..... و نخليها مثلا " السبع يتكهرب و يبقى فرفر " :unsure:

دة غير انه هايبقى باب رزق و إتقفل أو " سبوبة " و ضاعت للجماعة بتوع الإستيراد اياااااااااهم ...و اللى جت فترة اتهرينا أفلام عليهم ... :wub: