ديكور منزلى

[الاسكندرنى]

عاوز رايئكم بصراحه اصلى عاوز اغير ديكور البيت بتعى شويه فاقولت لنفسى خد رائى اخواتك

بوصوا بقه على غرفه المعيشه

غرفه المعيشه

تابع غرفه المعيشه

وهنا غرفه النوم

وهنا المطبخ

زاويه تانيه للمطبخ

المطبخ متعرفوش اد ايه ده مهم

الحمام

زاوية تانيه للحمام

ايه رايئكم بقه ينفع التصميم ده ولا بلدى شويه ولا مافهوش راحه اسمع خبرتكم

[se_ Elsyed]

الله

بس مش شايف إن أوضة المسافرين العفش بتاعها قديم شويه

أنا انطرشت ومش شايف ولا صورة

إلحقني يا صلاح ... أنا أتعميت يا صلاح

[الاسكندرنى]

اوضه المسافرين والعفش

هى فيها عفش اساسا ده فن يعنى مش لاوم عفش انا اللى مجاننى مش لاقى مكان للجرايد اليوميه ححطها فين على الارض يعنى ولا ايه

[se_ Elsyed]

يابا الحاج مافيش صور باينه من أساسه ... إرجع للموقع اللي إنت محمل منه الصور .. أحسن شكلنا بقى بايخ ومهندسين الديكور هاياكلوا وشنا .

[الاسكندرنى]

انا الصور وضحه عندى وبينه مش عارف ايه المشكله

[MZohairy]

والله يا سكندراني ياخويا

انا شايف انك معتمد في ديكوراتك على نظرية الشفافيه

بمعنى انك تخلي عفشك كله شفاف

و ده بيدي مساحه واسعه للناظر

و لوكيل المدرسه احيانا

ايه يابني الهم اللي انت باعتهولنا ده؟

فين الصووووووور؟

<_< :sad: :sad:

[yacho]

masa2 el 7'eir 3aleikom

ana lessa gdeeda fel montda el ra2e3 dh we sa3eeda en ana fe westeekom

7assa bgad en ana fe masr . di awel mosharka leya

[الاسكندرنى]

حمدا لله على وصولك ارض المحاورات يا اخى انت كمان مغترب شبه كتير هنا

اقولك روح على الموضوع ده نتعرف بيك اولا

حفل استقبال الاعضاء الجدد

واحكى حكايتك ياعم حتلاقى الف من يسمعك و اشكى حتلاقى مليون جنبك

ايه ده هى الصور مش باينه بجد بقه

كيب دقائق و حظبت كل حاجه

اسف على العطل الفنى

[yacho]

Enta eskandarani men eskendereya walla dh easm keda webas

asl ana men alex.we3aysha fe france 3ashan keda wewa7shani awi el sara7a ba7ebaha weheya tet7ab.

3omoman el sewar elly enta warethalna te3a2ad ana 3agabetni awy awy

we3ayza a3raf menen dol gayebhom aho el wa7ed talama mesh 2ader

yenafez el 7agat el 7elwa dy aho adeena benetfarag.

we 3ala fekra mosharkatak mo3zamha en makansh kollaha 7elwa wemofeeda

wenta we 7ad tani easmo se-elsayed men aktar el nas elly mosharakathom lazeeza gedan

we 7aneen kaman damaha 7'afeeeeef gedan

3omoman ana mabsoooota gedan ma3akom wel 3'orba 7athoon fe westeekom

salam

[Hammer]

أهو كل شيئن دلوقتي إنكشف و بان ... و الصور طلعت

دا إيه يا عم بيت جيمس بوند دا ؟ ؟

بس فكرة 3 أحواض في الحمام دي هايلة <_<

بس ناقصها الولد الصغير اللي بيناول المناديل للزباين

[مصرية الهوى]

مش فاهمه يا اسكندرني ..

ده بيتك ؟؟ وعاوز تغير ديكوره ؟؟

والا ده تصميم بيت عاوز تعمل زيه ...

عموما هأقولك رأيي في الصور ..

التصميم بشكل عام حلو وجميل وانا بحب البيوت الصغنونة الملمومة ..

وأهم حاجه الإضاءة ..

الإضاءة بصراحة فظييييييعة :wub: ..

وعلى فكرة الاضاءة اهم حاجه في البيت ..

وليها دور كبير في تظبيط مزاج البني آدم ..

<_<

اول حاجه في اوضة المعيشة موديل الكنبة ولون القماش بتاعها ..بصراحة ستايل قديم ..

لو تيجيب كنبة بكرسيين ومعاها كرسيين تانيين اشيك ومساند للرجلين ..

الكنبة اللي بكرسيين يكون لونها بيج او لبني ومعاها وسايد بنفسجي فاتح او يبقى وش لون سادة ووش كاروه او أي تشجيره تانية .. هيببقى فظيييع ..

والكرسين التانيين يكونوا قماش كاروه او مشجر نفس الوسايد بدرجات البنفسجي الفاتح والغامق مع البيج ..

وتجيب طربيزة حلوة كده في الوسط .. وتتفنن في المفارش بتاعتها والحاجات اللي عليها ..

والارضية يبقى فيها سجادة حلوة ..

عارف السجاجيد اللي بتبقى قطع صغيرة وملونة .. هتبقى حاجه جميلة جدا ..

برضه الحيطة اللي جنب التليفزيون ناقصها لوحات او مرايا ..

لو جبت لوحات يبقى تجيب تلات مقاس 40 * 40 تقريباً .. ولون الاطار يبقى لبني ..

وتحطهم تحت بعض بشكل مايل أو مدرج ..

أو تجيب مرايا ثلاث مثلاُ .. اللي بتبقى طويلة ورفيعة ..وتحطهم جنب بعض ..

البتاع ده اللي في النص .. ده بيانو ده ولا بار والا ايه حكايته بالضبط :o ..

نوعيه الكراسي دي .. بتبقى اشيك لو البار كان حاجه جنب الحيط كده مش في النص ..

انا شايفه انه لو تحط طربيزة عادية وكراسي عادية .. هتبقى احلى ..

او لو سبتهم كده ..

يبقى تشيل نص الشموع دي .. كثرتها مش حلوة ..

لو غيرت الفازة .. حلو لو تجيب فازتين قزاز .. من البتوع دي اللي بتبقى رفيعه ..

وتحط في كل وحده وردة وحده بس ..

نيجي لاوضة النوم بقى ..

فين الدولاب ؟؟ .. في التسريحة ( اهم حاجه) .. فين الكوميدينو ؟؟

اماكنهم هتبقى فين ؟؟

كمان زاوية التصوير مش موضحة اماكن كتير عشان الواحد يستوعب يحط الحاجات فين ...

كمان حاجه مهمة في اوضة النوم .. مكان للقعدة ..

مثلاُ .. كرسيين خيزران لون لبني وطربيزتهم .. هتبقى حاجه حلوة ..

سؤال وجيه : ايه الحاجه الدائرية الزرقاء دي ؟؟ :o

نيجي بقى للمطبخ ..

معاك حق في اهمية المطبخ ..

عشان المدام تتفتح نفسها لما تخش ..

وده ينعكس ايجابا على الاكل اللي هتعمله للعيلة :P

تصميم المطبخ جميل.. بس انا نفسي اشوف الجانب الاخر ..

ايه رايك تقف جنب البوتجاز وتصور :sad:

الحمام بقى ..

بصراحة زوايا التصوير توهتني مش شايفه غير احواض :sad:

انت حاول تركز على لونين بس في الاثاث ..

خلي كل ألوان الديكور بيج أو لبني ( سكري ) ودرجات البنفسجي ..

وزي ما زهيري قال ركز على الحاجات القزاز الشفافة ..

عموما عموما .. تصميم البيت حلو .. ربنا يهنيك فيه ..

فكرني بتصاميم البيوت السويدية في معارض ايكيا ..

خش على السايت ده .. واتفرج ..

هتلاقي حاجات هايلة .. وتديك افكار جميلة جدا ..

IKEA

والا اقولك انت سلمني البيت لمدة شهر ومعه 10 الاف يورو ..

وشوف هاعمل ايه :D

تحياتي ..

جيجي

( مهندسة ديكور وبياعة لبن B) )

[الاسكندرنى]

يا عم تعبتنى معك لحد معرفت اقرا اللى انت كانبه

انت من اسكندريه برده و عايش فى فرنسا ده انت على كده قرينى اصل انا من اسكندريه مش اسم وبس انا اسكندرانى ابا عن جد و من سيدى بشر كمان

و عايش فى فرنسا حاليا فى نانت و يشرفنى معرفتك يا برنس

يا حماعه اه الراجل ده شاهد و شاف الصور وقال انها حلوه و جامدين يعنى العيب من عندكم انت سامع يا سين سين و زهيرى

و هو هامر كمان شاف الصور و حكم عليها

[الاسكندرنى]

هلا جي جى كيفك و كيف حالك

والله يا اختى انا ربنا كرمنى و اشتريت قطعة ارض على قد الحال لبناء منزل ولسه مابدادش البناء او الاتفاق مع اى مكتب فا ذهبت لمهندسين ديكور كتير و كله يفرجنى على حاجه و على نظام و رحت شخصيا على فرع اكيا هنا فى فرنسا و شفت حاجات كتير برده الصراحه حاجه فوق الوصف بس طلبت منهم مهندسين للمعاينه و التصميم طالبوا الفين و خمسميه يورو للتصميم بس

فا دخلت على النت وقولت انا حعرف اجيب تصميم ولاقيت الصور ديه مراتى شافتها اتهبلت و عاوز البيت كده بالى شكل

عموما انت باين على ذوقك عشرة على عشرة و يبخته اللى حيتجوزك <_< و شكرا على النصايح الغليه ده وربنا يسهل الحال و انفدها

بس العملوله ياباشا كتير شويه اعمل دسكوندن

[مصرية الهوى]

الله يكرمك يا اسكندرني .. ادي الناس اللي بتفهم وتقدر

بس للأسف محدش متبني المواهب الخارقة دي :sad:

فأنا خايفة تموت داخلي :wub:

وساعتها هتخسروا مهندسة ديكور كانت هتكسر الدنيا <_<

يلا .. ارزاق :sad:

المهم ..

طالما الموضوع لسا على البر .. يعني لسا ما ابتديتش البناء ..

انت امهلني فترة اسبوع بس .. عشان مزنوقة شويا في الكلية ..

وهأفرجك على تصميم بيوت وديكورات فظيييعة ..

ان شاء الله هتفيدك وتلاقي فيها حاجات حلوة تعجب المدام ..

والعمولة متقلقش هنعمل لك ديسكاونت عشان خاطر البرنسيسة الامووورة بنتك ..

[الاسكندرنى]

انا فى الانتظار يا زعيم قسم الهناجرة فى مباحث قسم الديكور

با عمى انت بس اللى معلق احلامك ب جيمى <_< انزل تحت شويه وهى تروق و تحلى

عشان مزنوقة شويا في الكلية ..

سوررى بس فى حاجه هو باب الكليه زنق على ايدك و انت خارجه ولا ايه

يا بشمهندسه جى جى انا فى انتظار روائعك و ربنا معكى فى الكليه و انشاء الله حاسس انى حقول مبروك قريب و حقولها مرتين للكليه و ل,,,,,,, بالى بالك

:sad:

[se_ Elsyed]

يا عم تعبتنى معك لحد معرفت اقرا اللى انت كانبه

انت من اسكندريه برده و عايش فى فرنسا ده انت على كده قرينى اصل انا من اسكندريه مش اسم وبس انا اسكندرانى ابا عن جد و من سيدى بشر كمان

و عايش فى فرنسا حاليا فى نانت و يشرفنى معرفتك يا برنس

يا عم عيب كده

البُنيه عمال تقولك أنا أسكندرانية ومن كوم الشقافة وعايشة في فرنسا وبأحب المنتدى بتاعكم

وإنتوا مُصمم وعمال تقول أهلاً يا برنس وإزيك يا راجل .. كسفتنا <_<

[الاسكندرنى]

اففففففففففففففففففففف ياراجل انت فين من زمان يا سين سين و سيبنى اعوك كده :angry2:

شكرا على التنويه ده يا سين سين لموخذ يا سيتى انا اسف اصلى مبعرفش اقرا الطريقه اللى بتكتبى بيها ديه :D

عموما حصل خير :D

[MZohairy]

دايما كاسفنا كده يا الكسندر ؟ :angry2:

اهلا بالزميل الجديد في المحاورات

وعايزك تعتبر البيت بيتك يابو الرجاله يا مجدع

[الاسكندرنى]

خير يا جدعان فى ايه

يا زهيرى يا اخويه انت متاكد انه هو مش هى

ولا يا سين سين انت متاكد ان هى مش هو

اصل انا ضعيف كيك فى النحو وشكلى حاخد المشورار ده رايح جاى كتير اقولكم انا رايح اجيب طابع بوسته و جاى :angry2:

[مصرية الهوى]

انا فى الانتظار يا زعيم قسم الهناجرة فى مباحث قسم الديكور

با عمى انت بس اللى معلق احلامك ب جيمى :D انزل تحت شويه وهى تروق و تحلى

عشان مزنوقة شويا في الكلية ..

سوررى بس فى حاجه هو باب الكليه زنق على ايدك و انت خارجه ولا ايه

يا بشمهندسه جى جى انا فى انتظار روائعك و ربنا معكى فى الكليه و انشاء الله حاسس انى حقول مبروك قريب و حقولها مرتين للكليه و ل,,,,,,, بالى بالك

:D

ربنا يخليك يارب ...

انا وشي بقى عامل زي التمتماية :angry2:

قول يارب ان كل حاجه تتسهل ..