دولة الخلافة اللاإسلامية

[MZohairy]

مش هرد غير على اللي يستحق الرد.....وانت اللي بدأت مش انا لما قولتلي توتر و كلام مش بتاع اتنين كبار بيتناقشوا مناقشة راقية

انا شخصيا معنديش اي مشتبهات في القرآن

انتم عندكم المشكلة

مؤمنين بصدق احاديث و للخروج من مأزقها قولتلي (لعل)  

 

لذلك علشان اريحك واخليك مبسوط......هقولك انك انت اللي غلبت يا سيدي.....الف مبروك  

 

سعدت بنقاشك

 

تحياتي

[مجرد مواطن]

36 دقائق مضت, MZohairy said:

انا شخصيا معنديش اي مشتبهات في القرآن

انتم عندكم المشكلة

فماذا تقول في هذه الآية

 

اقتباس

هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ ۖ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ ۗ وَمَا يَعْلَمُ تَأْوِيلَهُ إِلَّا اللَّهُ ۗ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا ۗ وَمَا يَذَّكَّرُ إِلَّا أُولُو الْأَلْبَابِ

7 آل عمران *

 

[MZohairy]

 هو يا استاذي مش انا اعترفت انك غلبت و فزت في الحوار؟؟؟؟   

عايز ايه اكتر من كده؟   

بتناقشني تاني ليه؟؟؟؟؟  

وقولتلك الف مبروك!!!!

يبقى خلاص بقى........

انما تسيب سؤالي بتاع (لعل)   و تقوم تسألني انت سؤال تاني!!!!

 

يبقى باردون يعني.....لا سني ولا وقتي يسمحولي للأسف بلاحوار زي ده

لما تحترم المحاور اللي بيحاورك و ترد على اسئلته و تترفع عن الطريقة دي.....ممكن افكر اتحاور معاك

 

غير كده......

الف مبروك تاني  

[مجرد مواطن]

1 ساعه مضت, MZohairy said:

نما تسيب سؤالي بتاع (لعل)   و تقوم تسألني انت سؤال تاني!!!!

 

يبقى باردون يعني.....لا سني ولا وقتي يسمحولي للأسف بلاحوار زي ده

لما تحترم المحاور اللي بيحاورك و ترد على اسئلته و تترفع عن الطريقة دي.....ممكن افكر اتحاور معاك

 

ده كان ردي بكل احترام

اقتباس

قول لعل لأني ليس لدي مصدر بالفعل وكذلك أنت

لأني أرى في النص المباشر والمفهوم الظاهري إشكال 

في الفهم والتطبيق

شكرا يا فندم على الحوار 

في أمان الله

[MZohairy]

حلوه قوي انا ماعنديش مصدر و كذلك انت دي !!!!!!!!!      

انا جايبلك حديث صحيح من صحييييح مسلم (انت مصدقه) بيقول لما تشوفوا النصارى هزأوهم (وبدون اي تحديد او تخصيص)

 

مطلوب مني اجيب مصدر لإيه؟؟؟؟   

 

انا جبت المصدر من تاني اصح كتاب بعد كتاب الله على حسب معتقدك

 

حضرتك افتيت بإنه لعله مقصود به حادثة خاصة

 

يبقى مفروض تورينا الحادثة الخاصة دي علشان نفهم وجهة نظرك!!!!!!!

 

شوفت بقى الحوار مالوش لازمه ازاي؟؟؟ 

 

بالتوفيق يا استاذي...ربنا معاك

[مجرد مواطن]

مصدر للكلام ده

اقتباس

لو عندك مصدر انه ذكر على لسان أي واحد من المسلمين في الفتح أو ضيق عي أحد من المصريين في الطريق وقاله  بسبب الحديث

أرجوك طلع لنا المصدر ..فين منين..وامتى

 

[MZohairy]

50 دقائق مضت, مجرد مواطن said:

مصدر للكلام ده

 

محاولة عقيمة جدا للهروب من السؤال المطروح!!!!!!!

اسأل اي مسيحي او اي مسيحية عن معاناتهم من سوء معاملة المسلمين لهم حتى اليوم!!!!

لو حابب ترد على سؤالي يبقى اهلا وسهلا بك

سؤالي للمرة الالف....ناس مؤمنة بأن رسولهم أمرهم بأن يضيقوا على المسيحيين الطرقات.....كيف تتوقع ان يحدث عكس ما أمروا به من رسولهم بشكل صريح؟

قولتلي لأ ده لعله حالة خاصة امرهم الرسول بذلك فيها

قولتلك قولنا ايه هي الحالة الخاصة دي

ماهي هذه الحالة الخاصة؟

 

ده سؤالي

حابب ترد عليه لاكمال النقاش اهلا وسهلا بك

مش حابب او مش عايز او مش عارف ....يبقى ياريت مانضيعش وقت بعض

 

اشكرك

[مجرد مواطن]

14 ساعات مضت, MZohairy said:

قولتلي لأ ده لعله حالة خاصة امرهم الرسول بذلك فيها

قولتلك قولنا ايه هي الحالة الخاصة دي

ماهي هذه الحالة الخاصة؟

الحالة الخاصة 

 

 

 

[مجرد مواطن]

الخلاصة التي خلص إليها زعيم هذا الفكر الذي تدعو إليه

وهذا من كلامه نصا

اقتباس

 وبالفتوحات التى تناقض الاسلام وتحمل إسمه زورا وبُهتانا فإن صحابة الفتوحات قد كفروا بالله جل وعلا ورسوله ، وأرادوا الدنيا وباعوا الآخرة

 

فهل توافق على ذلك أيضا

[مجرد مواطن]

اقتباس

وجاء ابو بكر وعمر وعثمان يسيرون على منهج كفار قريش

اقتباس

أبو بكر وعمر وعثمان أحبوا الكفر والفسوق والعصيان فليسوا  براشدين 

اقتباس

الدين الشيطانى للخلفاء الفاسقين

اقتباس

نهاية المطاف أنه لا حق ولا إستحقاق لعلى وبنيه دينيا أو سياسيا . فقد كفروا بالله جل وعلا دينيا وفشلوا فى الدنيا سياسيا. 

هذا فكر زعيم الطائفة  ( أحمد صبحي منصور )الذي  صك الكثير من المصطلحات عن الفتوح

هل بعد كل هذا التطرف من تطرف

والمصدر في المشهد هو الدفاع عن التعقل والحرية ومحاربة التطرف والتكفير

لم تعرف طائفة على مدار التاريخ بهذا الغلو المقيت لقد فاقوا الخوارج والشيعة

والغريب هو زعمهم الهجوم على من يكفر المسلمين وغير المسلمين

 

 

تم تعديل 21 أكتوبر 2019 بواسطة مجرد مواطن

[MZohairy]

21 ساعات مضت, مجرد مواطن said:

الحالة الخاصة 

 

 

 

 جيبت ايه جديد انت كده؟ دي مش حالة خاصة!!!!! ده اضطراب في متن الحديث!!!!!

الراجل بيقولك الحديث فيه اضطراب في المتن!!!!!

يعني بالبلدي كده بيقولك الحديث اللي انت معتقد انه صح.....هو حديث غلط!!!!

يعني نفس اللي انا قولته من الأول في هجومي على منظومة الاحاديث لما قولت لا ديني قال كده ولا النبي بتاعي قال كده!

و ده الفرق بين عقلنا وبين عقولقكم........انتم غاويين ترقعوا وترفوا في قماشه شايطه بتطلع في الآخر مضحكة وممسوخة

احنا بنقول الغلط غلط ايا كان قائله

 

انما تقولي اصل المسلمين كانوا بيحاربوا اليهود و (ربما) قال الرسول هذا الحديث وقت حرب اليهود.......بدون اي دليل بناء على احد الاقوال......فده يعتبر مسخ حواري للأسف 

نكمل اللي بعده

 

[MZohairy]

14 ساعات مضت, مجرد مواطن said:

الخلاصة التي خلص إليها زعيم هذا الفكر الذي تدعو إليه

وهذا من كلامه نصا

 وبالفتوحات التى تناقض الاسلام وتحمل إسمه زورا وبُهتانا فإن صحابة الفتوحات قد كفروا بالله جل وعلا ورسوله ، وأرادوا الدنيا وباعوا الآخرة

فهل توافق على ذلك أيضا

اوافق ان الفتوحات تناقض الاسلام وتحمل اسمه زورا وبهتانا بكل تأكيد

اما حتة صحابة الفتوحات قد كفروا بالله....فدي محدش يقدر يعرفها غير اللي خلقهم.......ممكن جدا يكونوا كفروا وممكن جدا يكونوا ما كفروش

لكن فناعاتي انا مثلا ان كل اسرة ابو سفيان مثلا (و انا مش شيعي على فكرة) لم تدخل الاسلام اصلا بل تظاهروا بذلك.....و ده رأي سيد قطب بالمناسبة

[MZohairy]

13 ساعات مضت, مجرد مواطن said:

هذا فكر زعيم الطائفة  ( أحمد صبحي منصور )الذي  صك الكثير من المصطلحات عن الفتوح

هل بعد كل هذا التطرف من تطرف

والمصدر في المشهد هو الدفاع عن التعقل والحرية ومحاربة التطرف والتكفير

لم تعرف طائفة على مدار التاريخ بهذا الغلو المقيت لقد فاقوا الخوارج والشيعة

والغريب هو زعمهم الهجوم على من يكفر المسلمين وغير المسلمين

 

 

مفيش زعيم لطوائف الموضوع ابسط من كده......احمد منصور مفكر وبيشغل عقل بس.....اتفق معاه واختلف كثيرا

الفرق بينه وبين المسلمين بالوراثة انه لا ينقل بغير عقل ولا يحفظ بغير فهم

ثانيا مفيش اي تطرف اصلا

اصحاب العقول ماعندهمش تقديس زيكم للأشخاص

فلا ابو بكر ولا عمر ولا عثمان ولا علي....يفرقوا عن اي حاكم زي مرسي والسيسي مثلا!!!!!

حاكم يجب ان يتم انتقاد افعاله والاشادة بحسناته 

ابو بكر خالف الشريعه فعلا بتطنيشه لجرائم خالد ابن الوليد

عمر انا بحبه ومش هقول سلبياته

عثمان كان اسوأ حاكم مر على امة الاسلام بدون ادنى شك...بسبب المحسوبية ومحاباة الاقارب

اما علي فكان حكيم لكنه فاشل سياسيا 

معاوية ومن تلاه مفيش داعي الواحد يقل ادبه...

 

لذلك احنا مش اصحاب فكر منقول زيكم....واحمد بتاع ده اللي صنفتني تحت فكره.....مش زعيم فكري ولا اي حاجه خالص

لذلك حذاري من الشخصنة

لأنها اولا ضد قوانين المنتدى

وثانيا لاني اقدر ادخل اقول انك اخواني مثلا و اصنفك

و ده غلط

 

تحياتي

[MZohairy]

الخلاصة

لما النبي بتاعك يقول كلام صريح وواضح من غير ما يخصص او يوضح الحالة المقصود بيها كلامه

و انت تقولي ان الحديث ده صحيح و هو قاله فعلا

 

يبقى الحديث ده عقيدة عامة زمانا ومكانا.....وبالتالي من دخل مصر من الاعراب كان كارها غازيا بناء على قول رسوله

 

او تتبرأ من الحديث وتقول صحيح مسلم كذب وتقول على الرسول......ويبقى نكمل نقاش

 

 

[مجرد مواطن]

ممكن مش واصل لمفهومك كيف ان الحديث صحيح سندا مضطرب متنا

لأن طريقة التفكير العلمية غير طريقة  صح ولا غلط

حبذا لو تراجع الفرق بين اليقين وغلبة الظن

أعلم أنك ستغلوش بالطريقة التي تتبعها في التجريح

انت قاعد تشخصن من البداية

ومع ذللك تتحدث عن القواعد

 

السؤال كان واضح جدا

انت موافق  صبحي منصور  وغيره ممن يهاجمون منظومة الأحاديث  مثلك (على حد قولك )إن أبو بكر وعمر وعثمان وعلى كقروا وإن صحابة الفتوحات كفروا

هذه هي العقلية المتنورة المتفتحة 

و ردك مش مقنع وفيه مراوغة

تم تعديل 22 أكتوبر 2019 بواسطة مجرد مواطن

[MZohairy]

33 دقائق مضت, مجرد مواطن said:

السؤال كان واضح جدا

انت موافق  صبحي منصور  وغيره ممن يهاجمون منظومة الأحاديث  مثلك (على حد قولك )إن أبو بكر وعمر وعثمان وعلى كقروا وإن صحابة الفتوحات كفروا

هذه هي العقلية المتنورة المتفتحة 

و ردك مش مقنع وفيه مراوغة

رديت عليك

و ارد تاني لو الرد الاول ماوصلكش

الكفر ده لا يعلمه الا الله....ماينفعش انا اللي احكم اذا كانوا كفروا ولا لأ

لكن انا ضد تصرفات كتير لهم و ماعندهمش بالنسبالي اي تقديس

و قولتلك ابو بكر خالف القرآن ......وعثمان حاكم فاشل...و تحايل على الدين و طرمخ على ابن عمر ابن الخطاب اللي قتل ناس غضبا على ابوه

وقولتلك علي حاكم فاشل

وقولتلك ان اي حملة حربية طلعت من الجزيرة ضد غير معتدي هي مخالفة للقرآن.....وعمر ابن الخطاب خالف القرآن بغزوه لمصر....ان الله لا يحب المعتدين

وقولتلك اني مؤمن ان ابو سفيان ومعاوية وكل فصيله مادخلش الاسلام اصلا حسب قناعاتي

عايزني اقولك ايه تاني؟؟؟ 

تم تعديل 22 أكتوبر 2019 بواسطة MZohairy

[MZohairy]

28 دقائق مضت, مجرد مواطن said:

ممكن مش واصل لمفهومك كيف ان الحديث صحيح سندا مضطرب متنا

 

الرابط اللي انت جيبته هو اللي قال كده.....اسمع الراجل قال ايه وهتلاقيه قال انه مضطرب متنا!!!!  انا مالي؟؟؟ 

حديث صحيح مسلم اللي قال فيه ان عائشة كانت بتأمر بنات اخواتها بإرضاع الرجال اللي عايزاهم يدخلوا عليها بدون حرج........حديث صحيح سندا 100% مثلا

 

لكن المتن زي الزفت

متن بيصف عائشة أم المؤمنين بوصف قبيح جدا لو بتفكر بحيادية بعيدا عن الموروث النقلي بدون عقل هتعرف حجم القذارة اللي فيه!!!

 

أمة السند وليس المتن هي بكل أدب...... اعبط الأمم

 

تحياتي

[مجرد مواطن]

1 ساعه مضت, MZohairy said:

الرابط اللي انت جيبته هو اللي قال كده.....اسمع الراجل قال ايه وهتلاقيه قال انه مضطرب متنا!!!!  انا مالي؟؟؟ 

ما هو  أنا قلت وبأقول نفس الكلام

نركز شوية

لما يضطرب المتن يكون معلول ولو كان السند صحيح ولا يعمل به

ايه حكاية السند صحيح دي مع ان المتن معلول

مثلا لو مسألة رياضية خطوات الحل فيها صح ولكن فيه خطأ في رقم أو رمز تكون النتيجة

 غير مضبوطة ..ذو الخبرة في الرياضيات يمكنه اكتشاف الخطأ بسهولة و سرعة

وكذلك ذو الخبرة في الحديث

 

[مجرد مواطن]

2 ساعات مضت, MZohairy said:

رديت عليك

و ارد تاني لو الرد الاول ماوصلكش

الكفر ده لا يعلمه الا الله....ماينفعش انا اللي احكم اذا كانوا كفروا ولا لأ

لكن انا ضد تصرفات كتير لهم و ماعندهمش بالنسبالي اي تقديس

و قولتلك ابو بكر خالف القرآن ......وعثمان حاكم فاشل...و تحايل على الدين و طرمخ على ابن عمر ابن الخطاب اللي قتل ناس غضبا على ابوه

وقولتلك علي حاكم فاشل

وقولتلك ان اي حملة حربية طلعت من الجزيرة ضد غير معتدي هي مخالفة للقرآن.....وعمر ابن الخطاب خالف القرآن بغزوه لمصر....ان الله لا يحب المعتدين

وقولتلك اني مؤمن ان ابو سفيان ومعاوية وكل فصيله مادخلش الاسلام اصلا حسب قناعاتي

عايزني اقولك ايه تاني؟؟؟ 

طيب هو الكلام ده مش بيخالف القاعدة الأولى من قواعد الكتابة دي

 

اقتباس

1. الإلتزام بتعاليم الأديان السماوية وذلك بعدم الكتابة أو التلميح بما يمس أو يسيء بصورة مباشرة أو غير مباشرة للديانات السماوية الثلاثة أو وصف الطوائف أو المذاهب أو الأفراد المختلفة بالكفر أو النفاق أو ما يسيء الي الكتب المقدسة و الأنبياء و الرسل .. والالتزام - عند مناقشة التاريخ أو التفاسير أو الفقه الدينى - باحترام وتوقير الأئمة من أهل البيت و الصحابة و أمهات المؤمنين والشخصيات الدينية الأخرى ، وعدم استخدام الألفاظ البذيئة أو الرديئة أو أساليب الاستهانة أو السخرية التي لا تقبلها الأخلاق الدينية والتى تتنافى مع التقاليد العامة .

سؤال آخر لو أنا با أعتقد إن الصحابة كلهم غير معصومين لكنهم عدول وحملوا الدين وبلغوه وأنهم دلوا الناس على الهدى وأن لهم حسنات كل من دخل في الإسلام وانهم خير البشر بعد الأنبياء

هل بذلك الاعتقاد أكون كفرت عندك ولا متوقف في أمري وتقول الله أعلم يمكن كفرت

وبقية المسلمين عندك بتعاملهم  على انهم احتمال يكونوا كفار

امال ايه هو فكر الخوارج إذا لم يكن هذا هو

هذا هو التطرف الذي ليس بعده تطرف متلبس بلباس العقلانية

تم تعديل 22 أكتوبر 2019 بواسطة مجرد مواطن

[عبير يونس]

الفاضل مجرد مواطن
الشكوى هنا لها قنوات ولا تتم على صفحات المواضيع
اذا وجدت مخالفة للقواعد حضرتك بتبدأ بالتقرير على المداخلة المخالفة
والخطوة التانية لو لم تتلقى رسالة من أحد المشرفين ، حضرتك تراسل الادارة برسالة لأحد المشرفين
والخطوة الثالثة هي مراسلة ال Advisor
شكرا لحسن تفهمك
فريق الاشراف